6 નવા મોડેલ, જેની કિંમત રૂ. 44,999 થી શરૂ થાય છે, તે 3 વર્ષની વ્યાપક વોરંટની સાથે દરેક ચાર્જ પર 120 કિમી સુધીની રેન્જ ઓફર કરે છે
ગુરુગ્રામ : વારિવો મોટર્સ ઇન્ડિયા, ભારતના સૌથી ઝડપથી વિકસતા ઇલેક્ટ્રિક ટુ-વ્હીલર ઉત્પાદકોમાં સામેલ છે. કંપનીએ બે અલગ-અલગ નોવા(Nova) અને એજ(Edge) શ્રેણીમાં 6 નવા ઇલેક્ટ્રિક સ્કૂટર લોન્ચ કર્યા છે. તેનો મુખ્ય ઉદ્દેશ્ય વિવિઘ આવક વર્ગના લોકો અને ભૌગોલિક વિસ્તારોમાં ઇલેક્ટ્રિક મોબિલિટીની પહોંચનો વિસ્તાર કરવાનો છે.
રૂપિયા 44,999 થી શરૂ થતી આ નવી લાઇનઅપ, શહેરી વ્યાવસાયિકો અને વિદ્યાર્થીઓથી લઈને ગ્રામીણ મુસાફરો અને ડિલિવરી રાઇડર્સ સુધીના વિવિધ યુઝર્સની જરૂરિયાતોને પૂર્ણ કરવા માટે ડિઝાઇન કરવામાં આવી છે. એક જ ચાર્જ પર 120 કિમી સુધીની મહત્તમ રેન્જ, સ્માર્ટ એપ-સક્ષમ કનેક્ટિવિટી અને 3 વર્ષની વ્યાપક વોરંટી સાથે, આ નવા સ્કૂટર્સ ઉત્તમ પ્રદર્શન, પોષણક્ષમતા અને મનની શાંતિનું વચન આપે છે.
એવા ગ્રાહકો કે જેઓ આકર્ષક દેખાવ, અદ્યતન સુવિધાઓ અને પ્રીમિયમ સવારીનો અનુભવ ઇચ્છતા હોય, તેમની માટે નોવા સિરીઝ વિકસિત કરવામાં આવી છે. તો વળી, એજ સિરીઝ વિશ્વસનીયતા અને પોષણક્ષમતા પર ધ્યાન કેન્દ્રિત કરે છે, જે રોજિંદા મુસાફરી અને વ્યવહારુ ઉપયોગ માટે આદર્શ મજબૂત અને નો-ફ્રીલ્સ મોડેલ્સ ઓફર કરે છે.
નવા લોન્ચ કરવામાં આવેલાં તમામ 6 મોડેલો દરેક ચાર્જ પર 120 કિમી સુધીની રેન્જ, મોબાઇલ એપ્લિકેશન-આધારિત સ્માર્ટ કનેક્ટિવિટી, ત્રણ વર્ષની વ્યાપક વોરંટી તેમજ તમામ વય જૂથો, જાતિઓ અને ભૂપ્રદેશ માટે યોગ્ય હળવા અને અર્ગનોમિક ડિઝાઇન ઓફર કરે છે.
આ નવી શ્રેણીના લોન્ચીંગ અંગે વારિવો ઇલેક્ટ્રિક વાહનોના સહ-સ્થાપક યુવરાજ ગર્ગે જણાવ્યું હતું કે, “ઇલેક્ટ્રિક મોબિલિટી એ લક્ઝરી નહીં, પરંતુ દરેક માટે ઉપલબ્ધ પસંદગી હોવી જોઈએ. અમારો ઉદ્દેશ્ય વાસ્તવમાં દરેક ભારતીય માટે EVs ને વાસ્તવિક અને આકર્ષક વિકલ્પ બનાવવાનો છે. આ નવી લાઇનઅપ સાથે અમે વિવિધ પ્રાઈઝ પોઈન્ટ અને ઉપયોગની જરૂરિયાતને ધ્યાનમાં લીધી છે. અમે મેટ્રો અને નાના શહેરોમાં રહેતા તમામ લોકો માટે અનુકૂળ રહે તે રીતે આ સ્કૂટર બનાવ્યું છે.”
વારિવો ઇલેક્ટ્રિક વ્હીકલ્સ પાસે આક્રમક રિટેલ વિસ્તરણ યોજનાઓ પણ છે. તે ચાલુ નાણાકીય વર્ષના અંત સુધીમાં દેશભરમાં 200 નવા સ્ટોર્સ ખોલવાનું લક્ષ્ય ધરાવે છે. આ વિસ્તરણથી શહેરી બજારો અને ગ્રામીણ પ્રદેશોમાં કંપનીની પહોંચમાં નોંધપાત્ર વધારો થવાની આશા છે. સીમલેસ માલિકી અનુભવ સુનિશ્ચિત થાય તે માટે, આ વિસ્તરણને વેચાણ પછીની ઈન્ફ્રાસ્ટ્રક્ચર સુવિધાઓ, સ્પેરપાર્ટ્સની ઉપલબ્ધતામાં સુધારો અને સમર્પિત ગ્રાહક સપોર્ટ ઈન્ફ્રાસ્ટ્રક્ચર દ્વારા ટેકો આપવામાં આવશે.
આ નવા ઇલેક્ટ્રિક સ્કૂટર્સના લોન્ચ અને રિટેલ પ્રોત્સાહન સાથે, વારિવો ઇલેક્ટ્રિક વ્હીકલ્સ ભારતના વધુને વધુ સ્પર્ધાત્મક ઇલેક્ટ્રિક ટુ-વ્હીલર ક્ષેત્રમાં મુખ્ય ખેલાડી તરીકે તેની સ્થિતિને મજબૂત બનાવવા માંગે છે. નવા લોન્ચ થયેલા સ્કૂટર્સ હવે દેશભરમાં અધિકૃત વારિવો ડીલરશીપ પર ઉપલબ્ધ છે.