આરોગ્ય
વડાપ્રધાન નરેન્દ્ર મોદીના ભત્રીજી દમયંતી મોદીના ૩૬૯ હીલવેલ ન્યુટ્રિશન સેન્ટરનો પ્રારંભ
– પીએમ મોદીના નાના ભાઈ પ્રહલાદભાઈ મોદીના હસ્તે ઉદ્ઘાટન, ન્યુટ્રિશન અને વેલનેસ અંગે લોકોમાં જાગૃતિ ફેલાવવાનો સંસ્થાપકનો સંકલ્પ
સુરત: ન્યુટ્રિશન અને વેલનેસ અંગે લોકોમાં જાગૃતિ લાવવાના ઉદ્દેશ સાથે ઉમરા ગામ સ્થિત ગોવિંદ પાર્ક જી સોસાયટીમાં ૩૬૯ હીલવેલ ન્યુટ્રિશન સેન્ટરનો પ્રારંભ કરવામાં આવ્યો છે. સેન્ટરની સંસ્થાપક દમયંતી વિકાસ મોદી છે. તેઓ વડાપ્રધાન નરેન્દ્ર મોદીના નાના ભાઈ પ્રહલાદભાઈ મોદીની પુત્રી છે. સેન્ટરનું ઉદ્ઘાટન ૨૧ સપ્ટેમ્બરના રોજ સવારે ૯.૫૦ કલાકે પ્રહલાદભાઈ મોદીના હસ્તે કરવામાં આવ્યું હતું.
સેન્ટરની શરૂઆત વડાપ્રધાન નરેન્દ્ર મોદીના જન્મમાસ દરમિયાન તેમને સન્માન અર્પણ કરવા સાથે ન્યુટ્રિશન અને વેલનેસ અંગે સમાજમાં જાગૃતિ ફેલાવવાના ઉદ્દેશથી કરવામાં આવી હોવાનું દમયંતી મોદીએ જણાવ્યું હતું. તેમના જણાવ્યા અનુસાર, આજના સમયમાં જીવનશૈલી સાથે સંકળાયેલી વિવિધ આરોગ્ય સમસ્યાઓ અંગે લોકોમાં યોગ્ય પોષણ અને સ્વસ્થ જીવનશૈલી અંગેની સમજ વિકસાવવાની જરૂરિયાત છે.
દમયંતી મોદીએ જણાવ્યું હતું કે ડાયાબિટીસ, થાઇરોઇડ સહિતની જીવનશૈલી સાથે સંકળાયેલી સમસ્યાઓ અનેક પરિવારોમાં જોવા મળે છે. આવા સંજોગોમાં લોકોમાં સારા ન્યુટ્રિશન, યોગ્ય આહાર અને જીવનશૈલીમાં જરૂરી ફેરફારો અંગે જાગૃતિ લાવવી જરૂરી છે. આ વિચાર સાથે લોકોને સારા આરોગ્ય માટે માર્ગદર્શન મળે અને તેઓ સ્વસ્થ જીવનશૈલી અપનાવી શકે તે દિશામાં ૩૬૯ હીલવેલ દ્વારા પ્રયાસ કરવામાં આવશે.
– હેલ્થ, વેલ્થ સાથે હીલિંગનો અભિગમ
૩૬૯ હીલવેલ નામ પાછળના વિચાર અંગે દમયંતી મોદીએ જણાવ્યું હતું કે માનવીના જીવનમાં હેલ્થ અને વેલ્થ બંને મહત્વપૂર્ણ છે અને ‘હીલવેલ’ નામમાં આ વિચારને જોડવામાં આવ્યો છે. સારા ન્યુટ્રિશન સાથે હીલિંગ મોડાલિટીને જોડીને લોકો સુધી આરોગ્ય અને વેલનેસનો અભિગમ પહોંચાડવાનો પ્રયાસ છે. તેમણે વધુમાં જણાવ્યું હતું કે ‘૩૬૯’ શરીર, મન અને આત્માના સ્તરે હીલિંગના વિચારનું પ્રતિનિધિત્વ કરે છે. પોતાના હીલિંગ મોડાલિટી સાથેના અનુભવને આધુનિક વિજ્ઞાન અને ન્યુટ્રિશન સાથે જોડીને ૩૬૯ હીલવેલની શરૂઆત કરવામાં આવી છે. સેન્ટરનો મુખ્ય ઉદ્દેશ લોકોને ન્યુટ્રિશન અને વેલનેસ અંગે જાગૃત કરવાનો તથા સ્વસ્થ જીવનશૈલી અંગે માર્ગદર્શન આપવાનો છે.
નમો સંવેદના દિવસ: પ્રધાનમંત્રી શ્રી નરેન્દ્ર મોદીના ૭૬મા જન્મદિવસ નિમિત્તે SVNM ટ્રસ્ટનો ૨૦૦ નિઃશુલ્ક નેત્ર સર્જરીનો સંકલ્પ
સુપા, નવસારી ,૧૭ સપ્ટેમ્બર, ૨૦૨૬: પ્રધાનમંત્રી શ્રી નરેન્દ્ર મોદીના ૭૬મા જન્મદિવસ નિમિત્તે, સ્વામી વિવેકાનંદ નેત્ર મંદિર ટ્રસ્ટ (SVNM TRUST, સુપા,નવસારી ) દ્વારા સેવા અને સંવેદનાનો અનોખો સેવાયજ્ઞ આરંભવામાં આવ્યો છે. આ વિશેષ અવસરે SVNM ટ્રસ્ટે ૨૦૦ જરૂરિયાતમંદ દર્દીઓની સંપૂર્ણ નિઃશુલ્ક નેત્ર સર્જરી કરવાનો સંકલ્પ લીધો છે.
આ પહેલ ૨૦૦ જીવનમાં નવી રોશની પાથરી ૨૦૦ પરિવારોમાં ખુશી અને આશાનો સંચાર કરવાનો પવિત્ર પ્રયાસ છે. દૃષ્ટિ પુનઃસ્થાપિત થવી એટલે દર્દી માટે આત્મવિશ્વાસ, સ્વાવલંબન અને આત્મનિર્ભરતાથી ભરેલા એક નવા જીવનનો પ્રારંભ.
સેવાની અવિરત સરવાણી: ૪૯,૫૦૦થી વધુ સફળ સર્જરીઓ
નિવારી શકાય તેવા અંધત્વ (Preventable Blindness) સામે અવિરત સેવારત SVNM ટ્રસ્ટે અત્યાર સુધી ૪૯,૫૦૦થી વધુ નિઃશુલ્ક નેત્ર સર્જરીઓ સફળતાપૂર્વક સંપન્ન કરી છે. આ સેવાયજ્ઞ હોસ્પિટલના પરિસરથી આગળ વધીને છેવાડાના માનવી સુધી પહોંચ્યો છે, જેમાં નિયમિત નિઃશુલ્ક નેત્ર તપાસ, ગુણવત્તાસભર સારવાર, ચશ્મા વિતરણ અને વ્યાપક જનજાગૃતિ કાર્યક્રમોનો સમાવેશ થાય છે.
‘ઘર-ઘર દૃષ્ટિ’ અભિયાન: પ્રત્યેક આંખને મળે રોશનીનો અધિકાર
ટ્રસ્ટનું મુખ્ય અભિયાન ‘ઘર-ઘર દૃષ્ટિ’ એવા ઉમદા ધ્યેય સાથે કાર્યરત છે કે સમાજના દરેક જરૂરિયાતમંદ વ્યક્તિ સુધી ઉત્તમ સારવાર અને સ્નેહપૂર્ણ સહાય સહજતાથી પહોંચે, જેથી દરેક વ્યક્તિ પોતાના સપનાઓને ખુલ્લી આંખે સાકાર કરી શકે. ૨૦૦ નિઃશુલ્ક નેત્ર સર્જરીનો આ સંકલ્પ ‘ઘર-ઘર દૃષ્ટિ’ના આ મહા-અભિયાનને વધુ બળ આપતું એક સંવેદનશીલ કદમ છે.
૨૦૦ આંખો • ૨૦૦ જીવન • ૨૦૦ પરિવારો
એક પિતા પોતાના વ્હાલસોયા સંતાનને ફરી જોઈ શકે,
એક માતા પોતાના સમગ્ર પરિવારના સ્નેહાળ ચહેરાઓ ફરી નિહાળી શકે,
અને વડીલો પોતાના પૌત્ર-પૌત્રીના સ્મિતનો આનંદ માણી શકે—
આવી અસંખ્ય ભાવુક ક્ષણોમાં જ આ સેવાયજ્ઞની ખરી સાર્થકતા સમાયેલી છે.
દૃષ્ટિ એટલે જીવનને ફરી ઉત્સાહ અને આત્મગૌરવ સાથે જીવવાની નવી દિશા.
સ્વામી વિવેકાનંદ નેત્ર મંદિર ટ્રસ્ટ (SVNM TRUST)
સુપા, નવસારી, ગુજરાત
Save Vision. Save Life.
શેલબી હોસ્પિટલ, સુરત એડવાન્સ્ડ કિડની ટ્રાન્સપ્લાન્ટ ક્ષેત્રે નવા માપદંડો સ્થાપિત કરે છે
સુરત, ગુજરાત – શેવબી હોસ્પિટલે છેલ્લા ૧૨ મહિનામાં ૨૫ કિડની ટ્રાન્સપ્લાન્ટ સફળતાપૂર્વક પૂર્ણ કર્યા છે જે સ્વાપ (SwaD) અને ABO-ઇનકમ્પેટીબલ (ABO-Incompatible) પ્રોસિજર્સમાં અદ્યતન ક્લિનિકલ સિદ્ધિઓ પર આધારિત છે.
અદ્યતન ટ્રાન્સપ્લાન્ટ હાઇલાઇટ્સ અને નિષ્ણાત ટીમનો સહયોગ
૨૫ સફળ ટ્રાન્સપ્લાન્ટ: અત્યંત કુશળ મલ્ટિડિસિપ્લિનરી ટીમ દ્વારા છેલ્લા એક વર્ષમાં પૂર્ણ
પાયોનિયરિંગ સ્વાપ અને ABO-ઇનકમ્પેટીબલ પ્રોસિજર્સ: દક્ષિણ ગુજરાતમાં સીપ્રથમ પ્રાઇવેટ કોર્પોટેટ હોસ્પિટલ સેટિંગમાં સ્વાપ કિડની ટ્રાન્સપ્લાન્ટ, બહુવિધ ABO-ઇનકપેટીબલ ટ્રાન્સપ્લાન્ટન્ટ્સ અને જટિલ રી-ટ્રાન્સપ્લાન્ટ સફળતાપૂર્વક પાર પાડ્યા.
દક્ષિણ ગુજરાતમાં સૌપ્રથમ વખત એક અત્યંત જટિલ કિડની ટ્રાન્સપ્લાન્ટ સફળતાપૂર્વક પાર પાડવામાં આવ્યું છે. આ કેસમાં દર્દીનું આ બીજી વખતનું કિડની ટ્રાન્સપ્લાન્ટ હતું અને સૌથી મોટો પડકાર એ હતો કે તે ‘ABO ઇનકમ્પેટીબલ’ એટલે કે દાતા અને દર્દીનું બ્લડ ગ્રૂપ અલગ હતું
સ્પેશિયાલાઇઝડ ક્રિટિકલ કેર અને એનેસ્થેસિયા ટીમ: કિટિકલ સ્પેશિયાલિટી (ડૉ. અરુલ અને ટીમ) તથા એનેસ્થેસિયા ટીમ (ડૉ. કેવિન દેસાઈ અને ટીમ) ના નિષ્ણાત સહયોગથી સજ્જ, પ્રી-ઓપરેટિવ અને ક્રિટિકલ કેર મેનેજમેન્ટમાં ચોકસાઈ સુનિશ્ચિત કરે છે.
શેલ્બી હોસ્પિટલનો વધતો કિડની ટ્રાન્સપ્લાન્ટ કાર્યક્રમ સુરતને ગુજરાતના અદ્યતન હેલ્થકેર હબ તરીકે વિકસાવવામાં મહત્વપૂર્ણ યોગદાન આપી રહ્યો છે, ખાસ કરીને જટિલ કિડની ટ્રાન્સપ્લાન્ટેશનના ક્ષેત્રમાં.
મુખ્ય નેતૃત્વના વિચારો
ડૉ. મુકેશ ગોયલ, કન્સલ્ટન્ટ નેફ્રોલોજિસ્ટ અને ટ્રાન્સપ્લાન્ટ ફિજિશિયન:
“સુરતની ટ્રાન્સપ્લાન્ટ ડેસ્ટિનેશન તરીકે બદલાતી છબી એક ખૂબ જ મહત્વપૂર્ણ સિદ્ધિ છે. શેલબીમાં અમારી વ્યાપક ટીમ અમને સ્વાપ અને ABO-ઇનકમ્પેટીબલ જેવા જટિલ ટ્રાન્સપ્લાન્ટ કરવાની ક્ષમતા પૂરી પાડે છે, જેથી દર્દીઓને ઘરની નજીક ઉચ્ચ ગુણવત્તાની સારવાર મળી રહે. ”
ડૉ. ભાર્ગવ પંડ્યા, કન્સલ્ટન્ટ યુરોસર્જન:
“કિડની ટ્રાન્સપ્લાન્ટ આપણા માટે માત્ર એક સર્જરી નથી–આ કોઈ દર્દીને એક નવું જીવન અને નવી આશા આપવાનો પ્રયાસ છે. આપણું લક્ષ્ય માત્ર કિડની ટ્રાન્સપ્લાન્ટ કરવાનું નથી, પરંતુ દર્દીને ડાયાલિસીસની નિર્ભરતાથી આગળ વધારીને એક સ્વસ્થ, સ્વતંત્ર અને વધુ સારા જીવન તરફ લઈ જવાનું છે.”
પારુલ સેવાશ્રમ હોસ્પિટલ NABH નર્સિંગ એક્સલન્સ ર્ટિફિકેશન મેળવનારી વડોદરાની પ્રથમ અને ગુજરાતમાં બીજી હોસ્પિટલ બની
પારુલ ઇન્સ્ટિટ્યૂટ ઓફ મેડિકલ સાયન્સિસ એન્ડ રિસર્ચ સાથે જોડાણમાં પારુલ સેવાશ્રમ હોસ્પિટલ ગુણવત્તાયુક્ત હેલ્થકેર આપવા સતત ખંતપૂર્વક કામ કરે છે, જેણે એક નવું સીમાચિહ્ન સર કર્યું છે. પારુલ સેવાશ્રમ હોસ્પિટલે પ્રતિષ્ઠિત NABH નર્સિંગ એક્સલન્સ સર્ટિફિકેશન મેળવ્યું છે. આ સર્ટિફિકેશન મેળવનારી પારુલ સેવાશ્રમ હોસ્પિટલ વડોદરામાં પ્રથમ અને ગુજરાતમાં ફક્ત બીજી હોસ્પિટલ છે. આ સફળતાએ હોસ્પિટલની અત્યાધુનિક નર્સિંગ સિસ્ટમ, દર્દીની સલામતી, નૈદાનિક ગુણવત્તા અને દર્દી-કેન્દ્રીત હેલ્થકેર સેવાઓ આપવાની કટિબદ્ધતાની વધુ પુષ્ટિ કરી છે.
પારુલ સેવાશ્રમ હોસ્પિટલ એક ટીચિંગ હોસ્પિટલ છે, જે 1100 બેડની મલ્ટિસ્પેશિયાલિટી અને સુપર-સ્પેશિયાલિટી સેવાઓ આપે છે. હોસ્પિટલ પોતાની હેલ્થકેર સેવાઓ આપવાના ભાગરૂપે નર્સિંગ કુશળતા સાથે પોતાની નૈદાનિક અને ગુણવત્તાયુક્ત માળખાને મજબૂત કરી રહી છે. નર્સિંગ એક્સલન્સ સર્ટિફિકેશન એવી હોસ્પિટલોને જ મળે છે, જે દર્દીની સારવાર, નૈદાનિક અને સારવારમાં સલામતી, ઇન્ફેક્શન નિવારણ અને નિયંત્રણ, નર્સિંગ લીડરશિપ અને પરિણામોનાં મૂલ્યાંકન જેવા મુખ્ય ક્ષેત્રોમાં સતત અને શ્રેષ્ઠ નર્સિંગ રીતો ધરાવે છે.
આ સર્ટિફિકેશન નર્સિંગ કેરમાં સાતત્યતા અને જવાબદારી તરફ મહત્વપૂર્ણ પગલું છે. પ્રમાણભૂત નર્સિંગ આચારસંહિતા અને વ્યવસ્થિત નૈદાનિક રીતો એ સલામત સારવાર, ઇન્ફેક્શન નિવારણ અને હાનિકારક ઘટનાઓ ઘટાડવાનો આધાર છે. દર્દીઓને માળખાબદ્ધ જાણકારી, અસરકારક સંચાર અને સારવારની સાતત્યતા એ વધારે શ્રેષ્ઠ, સુમાહિતગાર રીતે દર્દીને સારો અનુભવ આપે છે. આ સર્ટિફિકેશન સ્વતંત્ર, રાષ્ટ્રીય માન્યતા પણ પ્રદાન કરે છે કે હોસ્પિટલની નર્સિંગ સિસ્ટમ અને રીતો ગુણવત્તાના સુપરિભાષિત ધારાધોરણો પૂર્ણ કરે છે.
નર્સિંગ કોઈ પણ હેલ્થકેર સંસ્થાનું હાર્દ છે, જેમાં નર્સો પ્રવેશથી લઈને નૈદાનિક નિરીક્ષણથી સારવારમાં ટેકો આપવા, તેની જાણકારી આપવા અને રિકવરી સુધી ચાવીરૂપ ભૂમિકા ભજવે છે. એટલે NABH નર્સિંગ એક્સલન્સ સર્ટિફિકેશન સંસ્થાગત વ્યવસ્થાઓની સાથે રોજિંદી કામગીરીમાં શિસ્ત, નૈદાનિક ક્ષમતા અને દર્દી-કેન્દ્રીત અભિગમને પણ દર્શાવે છે.
પારુલ સેવાશ્રમ હોસ્પિટલના સીઓઓ સુશ્રી એકતા મોદીએ આ સીમાચિહ્નરૂપ સર્ટિફિકેશન પર કહ્યું હતું, “આ સર્ટિફિકેશન અમારા માટે માન્યતાની સાથે અમારી નર્સોની કટિબદ્ધતા, શિસ્ત અને સંવેદનાનું પ્રતીક છે. અમને લાગે છે કે, આ સફળતા અમારી નર્સિંગ ટીમને શીખવા, સુધરવા અને સારસંભાળના માપદંડોને વધારવા પ્રેરિત કરશે. અમારું ધ્યાન દ્રઢતા સાથે એ સુનિશ્ચિત કરવા પર છે કે, અમારે ત્યાં આવતા તમામ દર્દીઓને નૈદાનિક ઉત્કૃષ્ટતાના સર્વોચ્ચ ધારાધોરણો સાથે સલામત, સંવેદનશીલ, પુરાવા પર આધારિત અને સાતત્યપૂર્ણ સારવાર મળે.”
NABH નર્સિંગ એક્સલન્સ સર્ટિફિકેશન એ પારુલ સેવાશ્રમ હોસ્પિટલની હાલ ચાલુ ગુણવત્તાની સફરમાં એક વધારો છે, જેમાં NABH ફૂલ એક્રેડિટેશન, NABH સ્ટ્રોક સર્ટિફિકેશન, NABH સર્ટિફાઇડ બ્લડ બેંક અને NABL સર્ટિફાઇડ લેબોરેટરી શામેલ છે. આ તમામ એવોર્ડ સંયુક્તપણે હોસ્પિટલની હેલ્થકેરના તમામ પાસાંમાં ગુણવત્તા અને સલામતી પ્રત્યેની કટિબદ્ધતા પર ભાર મૂકે છે.
આ સીમાચિહ્ન હોસ્પિટલના હેલ્થકેર વાતાવરણ ઊભું કરવાના બૃહદ્ વિઝન પર પણ ભાર મૂકે છે, જ્યાં ગુણવત્તા સર્ટિફિકેશનની સાથે રોજિંદી કામગીરીમાં વણાયેલી છે. પારુલ સેવાશ્રમ હોસ્પિટલ દર્દીની સલામતી, નૈદાનિક પરિણામો અને સંવેદનશીલ સારસંભાળ સાથે હેલ્થકેર સેવાની આતુરતા દર્શાવે છે, જે નર્સિંગ લીડરશિપને મજબૂત કરવાનું, નૈદાનિક પ્રક્રિયાના પ્રમાણીકરણ અને સતત સુધારાની શૈલીને પ્રોત્સાહન આપવાનું હાર્દ છે.
આ નવી માન્યતા હોસ્પિટલની નર્સિંગ ટીમની વ્યાવસાયિક રીતોના ધારાધોરણો વધારવા અને હેલ્થકેરની બદલાતી જરૂરિયાતો સાથે સતત વિકસવા પ્રોત્સાહન આપે છે. આ સર્ટિફિકેશન પારુલ સેવાશ્રમ હોસ્પિટલની ગુણવત્તાની કામગીરીની સફરમાં એક વધુ પગલું છે, જે દરેક પ્રક્રિયા, દરેક સંવાદ અને દરેક દર્દીના અનુભવમાં છે.
સુરતના ડૉ. જગદીશ સખીયા સહિત ત્રણ તબીબોને સસ્પેન્ડ કરવાના હુકમ પર હાઈકોર્ટનો સ્ટે
અનામી ફરિયાદ પાછળ કોર્પોરેટ હરીફાઈ હોવાનો તબીબોનો દાવો, ગુજરાત મેડિકલ કાઉન્સિલને નોટિસ
અમદાવાદ. ગુજરાત મેડિકલ કાઉન્સિલ (જીએમસી) દ્વારા સુરતના જાણીતા ત્વચારોગ નિષ્ણાત ડૉ. જગદીશ સખીયા સહિત ત્રણ તબીબોને ૧૩ મહિના માટે સસ્પેન્ડ કરવાના નિર્ણયને ગુજરાત હાઈકોર્ટે હાલ પૂરતો સ્થગિત રાખ્યો છે. હાઈકોર્ટે જીએમસીને નોટિસ ફટકારી આગામી ૮ સપ્ટેમ્બર સુધીમાં જવાબ રજૂ કરવાનો આદેશ આપ્યો છે.
જીએમસીએ ૩૦ જૂને સુરતના ડૉ. જગદીશ સખીયા, ડૉ. અમી શાહ અને અમદાવાદના ડૉ. ગીતા પટેલને સસ્પેન્ડ કરવાનો નિર્ણય લીધો હતો. આદેશ મુજબ ત્રણેયના નામ ૩૦ ઓગસ્ટ, ૨૦૨૬થી ૨૯ સપ્ટેમ્બર, ૨૦૨૭ સુધી સ્ટેટ મેડિકલ રજિસ્ટરમાંથી દૂર રાખવાના હતા.
ડૉ. જગદીશ સખીયા હાલમાં ડર્માકોન ઇન્ટરનેશનલ 2027 ના આયોજન સેક્રેટરી છે. તેમના સહિત દેશભરના ૩૦ ત્વચારોગ નિષ્ણાતો સામે ૨૦૨૪માં એક મલ્ટિનેશનલ કંપનીના ખર્ચે મોનાકો અને પેરિસની મુલાકાત લેવાનો આરોપ મૂકાયો હતો. નેશનલ મેડિકલ કમિશન (એનએમસી) સમક્ષ થયેલી અનામી ફરિયાદના આધારે ગુજરાતના ત્રણ ડોક્ટરો સામે તપાસ કરવાની જવાબદારી જીએમસીને સોંપવામાં આવી હતી.
ત્રણેય તબીબોએ હાઈકોર્ટમાં રજૂઆત કરી હતી કે તેઓ કંપની દ્વારા આયોજિત એન્ટિ-એજિંગ ટ્રીટમેન્ટના વિશેષ તાલીમ કાર્યક્રમમાં ભાગ લેવા ગયા હતા. આ પ્રવાસનો હેતુ માત્ર તાલીમ મેળવવાનો હતો અને ત્યારબાદ ભારતમાં અન્ય તબીબોને તાલીમ આપવાની તેમની જવાબદારી નક્કી કરવામાં આવી હતી.
તબીબોના વકીલોએ કોર્ટમાં દલીલ કરી હતી કે તાલીમ માટે થયેલા કરારમાં સ્પષ્ટ ઉલ્લેખ હતો કે કોઈપણ ડોક્ટર કંપનીની પ્રોડક્ટ્સ સાથે વ્યાવસાયિક રીતે જોડાયેલા નથી અને તેઓ તેનો પ્રચાર પણ કરશે નહીં. વિશ્વભરમાંથી અંદાજે ૧૫ હજાર ડોક્ટરોએ આ તાલીમ કાર્યક્રમમાં ભાગ લીધો હોવાનું પણ કોર્ટ સમક્ષ જણાવાયું હતું.
વકીલોએ વધુમાં દાવો કર્યો હતો કે એનએમસી સમક્ષ થયેલી અનામી ફરિયાદ પાછળ કોર્પોરેટ હરીફાઈ જવાબદાર હોવાની શક્યતા નકારી શકાય તેમ નથી. સાથે જ જીએમસીએ દંડાત્મક કાર્યવાહી કરતા પહેલાં નિયમો મુજબની જરૂરી પ્રક્રિયાનું સંપૂર્ણ પાલન કર્યું નથી તેવી પણ રજૂઆત કરવામાં આવી હતી.
બંને પક્ષોની દલીલો સાંભળ્યા બાદ ગુજરાત હાઈકોર્ટે જીએમસીના સસ્પેન્શનના આદેશ પર સ્ટે આપતાં કાઉન્સિલને નોટિસ જારી કરી છે .
સુરતના જહાંગીરપુરામાં સખિયા સ્કિન ક્લિનિક તેના 42મા ક્લિનિકના ભવ્ય ઉદઘાટન સાથે એક નવા સીમાચિહ્ન પર પહોંચ્યું
સુરત, 15 જુલાઈ, 2026: જહાંગીરપુરામાં અદ્યતન ત્વચા, વાળ, લેસર અને સૌંદર્યલક્ષી સંભાળ માટે એક નવું સ્થળ આવી ગયું છે.
ભારતની અગ્રણી ત્વચારોગ ક્લિનિક ચેઇન્સમાંની એક, સખિયા સ્કિન ક્લિનિકે સુરતના જહાંગીરપુરામાં તેના 42મા ક્લિનિકના ભવ્ય ઉદઘાટનની ગર્વથી ઉજવણી કરી. આ લોન્ચિંગ બ્રાન્ડની વિશ્વસનીય, ટેકનોલોજી-આધારિત ત્વચારોગ સંભાળને સમગ્ર ભારતમાં વધુ સુલભ બનાવવાની સફરમાં વધુ એક મહત્વપૂર્ણ સીમાચિહ્નરૂપ છે.
સખિયા સ્કિન ક્લિનિકના પ્રતિષ્ઠિત નેતૃત્વની હાજરીમાં ભવ્ય ઉદઘાટન યોજાયું હતું:
ડૉ. જગદીશ સખિયા – સ્થાપક અને મુખ્ય ત્વચારોગ વિજ્ઞાની
ડૉ. રૂપલ સખિયા – સીઈઓ
શ્રી દામજી રોય – ડિરેક્ટર, સખિયા સ્કિન ક્લિનિક
ઉદઘાટનમાં આરોગ્યસંભાળ વ્યાવસાયિકો, આમંત્રિત મહેમાનો, શુભેચ્છકો અને સ્થાનિક સમુદાયના સભ્યો ત્વચા અને વાળ સંભાળમાં ગુજરાતના સૌથી વિશ્વસનીય નામોમાંના એકના વિસ્તરણની ઉજવણી કરવા માટે ભેગા થયા હતા.
આ પ્રસંગે બોલતા, સ્થાપક અને મુખ્ય ત્વચારોગ વિજ્ઞાની ડૉ. જગદીશ સખીયાએ જણાવ્યું હતું કે:
“દરેક નવું ક્લિનિક અમને વધુ લોકોને સલામત, નૈતિક અને અદ્યતન ત્વચારોગ વિજ્ઞાન સંભાળ ઉપલબ્ધ કરાવવાના અમારા વિઝનની નજીક લાવે છે. જહાંગીરપુરા એક ઝડપથી વિકાસશીલ વિસ્તાર છે, અને અમે વ્યક્તિગત સારવાર, અનુભવી ત્વચારોગ વિજ્ઞાનીઓ અને આધુનિક ટેકનોલોજી સાથે સમુદાયની સેવા કરવા માટે ઉત્સાહિત છીએ.”
નવા ખુલેલા જહાંગીરપુરા ક્લિનિકને ત્વચા, વાળ અને સૌંદર્યલક્ષી ચિંતાઓ માટે એક વ્યાપક સ્થળ તરીકે ડિઝાઇન કરવામાં આવ્યું છે. તે ખીલ, પિગમેન્ટેશન, ખીલના ડાઘ, વાળ ખરવા, વાળ પુનઃસ્થાપન, લેસર વાળ દૂર કરવા, વૃદ્ધત્વ વિરોધી, ત્વચા કાયાકલ્પ અને અન્ય અદ્યતન ત્વચારોગ વિજ્ઞાન ચિંતાઓ માટે પરામર્શ અને સારવાર પ્રદાન કરે છે.
આધુનિક માળખાગત સુવિધાઓ અને અદ્યતન ટેકનોલોજીથી સજ્જ, ક્લિનિક દરેક દર્દીની ત્વચાના પ્રકાર, ચિંતા અને ક્લિનિકલ જરૂરિયાતોના આધારે કસ્ટમાઇઝ્ડ સારવાર યોજનાઓ પહોંચાડવા પર ધ્યાન કેન્દ્રિત કરશે.
ડો. રૂપલ સખીયા, સીઈઓ, એ શેર કર્યું:
“આ શરૂઆત ફક્ત બીજું સ્થાન ઉમેરવા વિશે નથી. તે દર્દીઓની નજીક આત્મવિશ્વાસ, સંભાળ અને ઉચ્ચ-ગુણવત્તાવાળી ત્વચારોગ વિજ્ઞાન સેવાઓ લાવવા વિશે છે. અમારું ધ્યાન નવીનતા, દર્દીના અનુભવ અને પરિણામ-લક્ષી સારવાર પર ચાલુ રહેશે.”
૨૭ વર્ષથી વધુના અનુભવ સાથે, સખિયા સ્કિન ક્લિનિકે તબીબી કુશળતાને અદ્યતન ટેકનોલોજી અને દર્દી-કેન્દ્રિત સંભાળ સાથે જોડવા માટે મજબૂત પ્રતિષ્ઠા બનાવી છે. ૪૨મા ક્લિનિકના ઉદઘાટનથી બ્રાન્ડની વધતી જતી હાજરી અને ભારતભરના સમુદાયો માટે વિશ્વસનીય ત્વચા અને વાળ સંભાળ ભાગીદાર બનવાની તેની પ્રતિબદ્ધતા વધુ મજબૂત બને છે.
જહાંગીરપુરા ક્લિનિક દાંડી રોડ, દહિં નગર, પાલ, રાંદેર અને આસપાસના વિસ્તારો સહિત નજીકના વિસ્તારોના રહેવાસીઓને સેવા આપશે, જે નિષ્ણાત ત્વચારોગ સલાહ અને અદ્યતન સૌંદર્યલક્ષી સારવારની સુવિધાજનક ઍક્સેસ પ્રદાન કરશે.
ભવ્ય ઉદઘાટન સખિયા સ્કિન ક્લિનિકના સતત વિઝનને પ્રતિબિંબિત કરે છે:
એડવાન્સ્ડ કેર. વિશ્વસનીય કુશળતા. સુંદર આત્મવિશ્વાસ.
સખિયા સ્કિન ક્લિનિક વિશે
ડૉ. જગદીશ સખિયા દ્વારા સ્થાપિત, સખિયા સ્કિન ક્લિનિક ભારતભરમાં ૪૨ સ્થળોએ ત્વચારોગ અને સૌંદર્યલક્ષી ક્લિનિક્સની અગ્રણી શૃંખલા છે. ૨૭ વર્ષથી વધુ સમયથી, ક્લિનિક ત્વચા, વાળ, લેસર, વૃદ્ધત્વ વિરોધી, કોસ્મેટિક ત્વચારોગ અને સૌંદર્યલક્ષી ચિંતાઓ માટે અદ્યતન સારવાર પ્રદાન કરે છે.
અનુભવી ત્વચારોગ વિજ્ઞાનીઓ, આધુનિક ટેકનોલોજી અને કસ્ટમાઇઝ્ડ સારવાર પ્રોટોકોલ સાથે, સખિયા સ્કિન ક્લિનિક સલામત, નૈતિક અને પરિણામલક્ષી દર્દી સંભાળ પૂરી પાડવા માટે પ્રતિબદ્ધ છે.
સખીયા સ્કિન ક્લિનિક દ્વારા સુરતમાં અડાજણ ખાતે “સખીયા સ્કિન ક્લિનિક સર્કલ” નો ઉદ્ધાટન સમારોહ યોજાયો
સુરત : સખીયા સ્કિન ક્લિનિક દ્વારા 24 જૂન, 2026 બુધવારે સવારે 8 વાગ્યે સુરતના અડાજણ વિસ્તારમાં ‘સખીયા સ્કિન ક્લિનિક સર્કલ’નું ભવ્ય ઉદ્ઘાટન કરવામાં આવ્યું .
આ નવું ડેવલપ કરવામાં આવેલું સર્કલ સુરતના અડાજણ પાટિયામાં ગુજરાત ગેસ સર્કલની બાજુમાં, દીપા કોમ્પ્લેક્સ ખાતે સ્થિત છે તેમજ સુરત શહેરને એક લેંડમાર્ક તરીકે સમર્પિત કરવામાં આવી રહ્યું છે. આ પહેલ, સખીયા સ્કિન ક્લિનિકની સિવિક બ્યુટિફિકેશન, કોમ્યુનિટી ડેવલપમેન્ટ અને શહેરના જાહેર સ્થળોમાં સકારાત્મક યોગદાન પ્રત્યેની પ્રતિબદ્ધતા દર્શાવે છે.
નવા ક્લિનિક સર્કલનું ઉદ્ઘાટન સખીયા સ્કિન ક્લિનિકના સંસ્થાપક અને ચીફ ડર્મેટોલોજીસ્ટ ડૉ. જગદીશ સખીયા, સખીયા સ્કિન ક્લિનિકના CEO ડૉ. રૂપલ સખીયા અને સખીયા સ્કિન ક્લિનિકના ડિરેક્ટર શ્રી દામજી રોયની હાજરીમાં કરવામાં આવ્યું .
આ પહેલ અંગે સખીયા સ્કિન ક્લિનિક ટીમે જણાવ્યું હતું કે, “સુરત વિકાસ, સુંદરતા અને પ્રગતિનું શહેર છે. સખીયા સ્કિન ક્લિનિક સર્કલ દ્વારા, અમે સુરતના લોકોને એક ખાસ લેંડમાર્ક સમર્પિત કરીને ગૌરવ અનુભવીએ છીએ. આ સર્કલ એ માત્ર એક જાહેર જગ્યા જ નથી, પરંતુ તે અનેક વર્ષોથી અમારી સફરને સહકાર અને સમર્થન આપનાર શહેર પ્રત્યેની અમારી કૃતજ્ઞતા દર્શાવે છે.”
સખીયા સ્કિન ક્લિનિક હંમેશા અર્થપૂર્ણ પહેલ દ્વારા સમાજમાં યોગદાન આપીને હેલ્થકેરથી આગળ વધવામાં વિશ્વાસ ધરાવે છે. સખીયા સ્કિન ક્લિનિક સર્કલનો વિકાસ, આ શહેરની ઓળખ, શહેરી સુંદરતા અને સમુદાયના ગૌરવને ટેકો આપવાની દિશામાં એક અન્ય પગલું છે. આ ગર્વની ક્ષણની ઉજવણી કરવા માટે, આ ઈવેન્ટમાં શહેરના અગ્રણીઓ, લીડર્સ, નાગરિકો, શુભેચ્છકો અને સખીયા સ્કિન ક્લિનિક ટીમના સભ્યો એકસાથે ભેગા થયા .
ડોક્ટર્સ ડે નિમિત્તે હર્ષલ સર્જીકલ હોસ્પિટલ દ્વારા સુરત પોલીસ અધિકારીઓ માટે નિઃશુલ્ક આરોગ્ય તપાસ કેમ્પ યોજાયો
સુરત: ડોક્ટર્સ ડેના અવસરે બુધવારે પરવત પાટીયા સ્થિત હર્ષલ સર્જિકલ હોસ્પિટલના તબીબો દ્વારા સુરત પોલીસ કોમ્યુનિટી હોલ, અઠવાગેટ ખાતે પોલીસ અધિકારીઓ અને કર્મચારીઓ માટે નિઃશુલ્ક આરોગ્ય તપાસ કેમ્પનું આયોજન કરવામાં આવ્યું હતું.
હર્ષલ સર્જિકલ હોસ્પિટલના સર્જન ડૉ. હર્ષલ મિસ્ત્રીએ જણાવ્યું હતું કે, પોલીસ કર્મચારીઓ સતત ફરજમાં વ્યસ્ત રહેતા હોવાથી તેઓ પોતાના સ્વાસ્થ્ય પ્રત્યે પૂરતું ધ્યાન આપી શકતા નથી. આ બાબતને ધ્યાનમાં રાખીને ડોક્ટર્સ ડેના નિમિત્તે ખાસ પોલીસ અધિકારીઓ માટે આ આરોગ્ય તપાસ કેમ્પનું આયોજન કરવામાં આવ્યું છે.
કેમ્પમાં પુરુષ તેમજ મહિલા પોલીસ કર્મચારીઓના જનરલ હેલ્થ ચેકઅપ ઉપરાંત જરૂરી આરોગ્ય પરીક્ષણો કરવામાં આવ્યા હતા. મહિલા પોલીસ કર્મચારીઓ માટે હિમોગ્લોબિન, યુરિક એસિડ સહિતના જરૂરી ટેસ્ટની પણ વ્યવસ્થા કરવામાં આવી હતી.
આ કેમ્પ સવારે ૧૦ વાગ્યાથી સાંજે ૫ વાગ્યા સુધી યોજાયો હતો. કેમ્પમાં સુરત શહેરના પોલીસ કમિશનર અનુપમસિંહ ગેહલોત સહિત વિવિધ પોલીસ અધિકારીઓ ઉપસ્થિત રહ્યા હતા. સાંજ સુધી 787 જેટલા પોલીસ અધિકારીઓ અને કર્મચારીઓનું આરોગ્ય પરીક્ષણ કરવામાં આવ્યું હોવાનું ડૉ. મિસ્ત્રીએ જણાવ્યું હતું.
ડૉ. હર્ષલ મિસ્ત્રીએ જણાવ્યું હતું કે તેમની હોસ્પિટલ દ્વારા દર વર્ષે પાંચથી સાત જેટલા નિઃશુલ્ક આરોગ્ય કેમ્પોનું આયોજન કરવામાં આવે છે, જેમાં વિવિધ વર્ગના લોકો માટે સેવાકીય પ્રવૃત્તિઓ હાથ ધરવામાં આવે છે. જોકે, સુરત પોલીસ માટે આ પ્રકારનો વિશેષ આરોગ્ય તપાસ કેમ્પ પ્રથમ વખત યોજાયો છે.
ડોક્ટર્સ ડેના અવસરે તેમણે લોકોને સંદેશ આપતાં જણાવ્યું હતું કે દરેક વ્યક્તિએ પોતાના સ્વાસ્થ્ય પ્રત્યે સજાગ રહેવું જોઈએ અને સમયાંતરે આરોગ્ય તપાસ કરાવવી જોઈએ. ખાસ કરીને સતત તણાવપૂર્ણ અને વ્યસ્ત કામગીરી કરતા પોલીસ કર્મચારીઓએ પોતાના સ્વાસ્થ્યની નિયમિત કાળજી રાખવી અત્યંત જરૂરી છે.
ડૉક્ટર્સ ડે નિમિત્તે સાખિયા સ્કિન ક્લિનિક દ્વારા રક્તદાન શિબિરનું આયોજન
- વધુમાં વધુ નિઃશુલ્ક અફેરેસિસ પ્લેટલેટ દાનના રેકોર્ડ બદલ દીપ હિરપરાનું કરાયું સન્માન
સાર્વજનિક યુનિવર્સિટીમાં 5મા સ્થાપના વર્ષ નિમિત્તે નવી પહેલોની શરૂઆત
સુરત: 5મા સ્થાપના વર્ષના ઉજવણી કાર્યક્રમોના ભાગરૂપે, સાર્વજનિક યુનિવર્સિટીએ સર્વાંગી સુખાકારી, સુલભતા અને સમાનતાપૂર્ણ શિક્ષણને પ્રોત્સાહન આપતી અનેક અર્થપૂર્ણ પહેલોનું આયોજન કર્યું.
ઉજવણીના ભાગરૂપે, એસ.યુ. હેલ્થ ક્લબ દ્વારા ટિફેક સેમિનાર હોલ ખાતે 12મા આંતરરાષ્ટ્રીય યોગ દિવસની ઉજવણી માટે વિશેષ કાર્યક્રમનું આયોજન કરવામાં આવ્યું હતું. આ યોગ અને ધ્યાન સત્રનું માર્ગદર્શન આર્ટ ઑફ લિવિંગના શ્રી લવકેશ ચૌધરી અને સુશ્રી અંકિતા ઝુંઝુનવાલાએ આપ્યું હતું. કાર્યક્રમમાં યુનિવર્સિટીના અધ્યાપકો, કર્મચારીઓ, વિદ્યાર્થીઓ અને અધિકારીઓએ ઉત્સાહપૂર્વક ભાગ લીધો હતો.
સત્ર દરમિયાન શારીરિક તંદુરસ્તી, માનસિક સ્વાસ્થ્ય, એકાગ્રતા અને સંતુલિત જીવનશૈલીના મહત્વ પર ભાર મૂકવામાં આવ્યો હતો, જે યુનિવર્સિટીની સર્વાંગી વિકાસ પ્રત્યેની પ્રતિબદ્ધતાને પ્રતિબિંબિત કરે છે.
આ પ્રસંગે યોગ સાધક સીએ ભૂષણ દવે દ્વારા વિકસિત નવા યોગાસન ‘ભૂષણાસન’નો પરિચય પણ કરાવવામાં આવ્યો હતો. તેમણે જણાવ્યું કે આ આસન કરોડરજ્જુ પરના દબાણને ઘટાડીને થાક દૂર કરવામાં સહાયક છે અને વધુ લોકો સુધી તેના લાભો પહોંચે તે માટે તેના પ્રચાર-પ્રસારની અપીલ કરી હતી.
પ્રસંગે સંબોધન કરતાં સાર્વજનિક યુનિવર્સિટીના પ્રમુખ શ્રી આશિષ વકીલે વ્યક્તિના આરોગ્ય, કાર્યક્ષમતા અને ઉત્પાદકતામાં યોગ તથા નિયમિત વ્યાયામની ભૂમિકા પર પ્રકાશ પાડ્યો હતો. સાર્વજનિક યુનિવર્સિટીના પ્રોવોસ્ટ પ્રો. (ડૉ.) કિરણ પંડ્યાએ દૈનિક જીવનમાં યોગને અપનાવવાના મહત્વ અને તણાવમુક્ત જીવન માટે તેની ઉપયોગિતાને રેખાંકિત કરી હતી. કાર્યક્રમનું આયોજન એસ.યુ. સ્ટુડન્ટ્સ હેલ્થ ક્લબ દ્વારા કરવામાં આવ્યું હતું.
5મા સ્થાપના વર્ષના ઉજવણી કાર્યક્રમોને વધુ અર્થપૂર્ણ બનાવતા, સાર્વજનિક યુનિવર્સિટીએ ‘સાર્વજનિક સેન્ટર ફોર ઇન્ક્લૂસિવ એન્ડ એક્સેસિબલ એજ્યુકેશન’નું ઉદ્ઘાટન કર્યું, જે સર્વસમાવેશક અને સમાન શિક્ષણ પ્રત્યેની તેની પ્રતિબદ્ધતાને વધુ મજબૂત બનાવે છે.
આ કેન્દ્રનું ઉદ્ઘાટન પ્રખ્યાત ઉદ્યોગસાહસિક, સમાજસુધારક અને બોલન્ટ ઇન્ડસ્ટ્રીઝના સ્થાપક શ્રી શ્રીકાંત બોલા દ્વારા કરવામાં આવ્યું હતું. એમઆઇટીમાં અભ્યાસ કરનાર પ્રથમ આંતરરાષ્ટ્રીય દ્રષ્ટિબાધિત વિદ્યાર્થી તરીકે જાણીતા શ્રી બોલાની પ્રેરણાદાયી જીવનયાત્રાએ લાખો લોકોને પ્રેરણા આપી છે. તેમના જીવન પર આધારિત હિન્દી ફિલ્મ ‘શ્રીકાંત’ તાજેતરમાં પ્રદર્શિત થઈ હતી.
શ્રી બોલાએ સાર્વજનિક એજ્યુકેશન સોસાયટી અને સાર્વજનિક યુનિવર્સિટીના સમાન અને સુલભ શિક્ષણ માટેના પ્રયત્નોની પ્રશંસા કરી હતી. તેમણે દિવ્યાંગ વિદ્યાર્થીઓ માટે માર્ગદર્શન, કૌશલ્ય વિકાસ, ઇન્ટર્નશિપ અને પ્લેસમેન્ટના ક્ષેત્રે સહકાર આપવાની પોતાની તૈયારી વ્યક્ત કરી હતી.
નવસ્થાપિત કેન્દ્રનો હેતુ દિવ્યાંગ વિદ્યાર્થીઓ માટે સુલભતા, શૈક્ષણિક સહાય, કૌશલ્ય વિકાસ, કારકિર્દી માર્ગદર્શન અને રોજગારક્ષમતા વધારવા માટે સમર્પિત મંચ પૂરો પાડવાનો છે. સાથે જ યુનિવર્સિટી સમુદાયમાં સર્વસમાવેશકતા અંગે જાગૃતિ અને સંવેદનશીલતા વધારવા માટે પણ કેન્દ્ર કાર્ય કરશે.
પ્રસંગે શ્રી આશિષ વકીલ અને પ્રો. (ડૉ.) કિરણ પંડ્યાએ જણાવ્યું કે આ પહેલ દરેક વિદ્યાર્થીને, તેની શારીરિક મર્યાદાઓની પરવા કર્યા વિના, ગુણવત્તાસભર શિક્ષણ ઉપલબ્ધ કરાવવાના યુનિવર્સિટીના દ્રષ્ટિકોણને પ્રતિબિંબિત કરે છે.
આ પહેલો દ્વારા સાર્વજનિક યુનિવર્સિટી શૈક્ષણિક શ્રેષ્ઠતા, સામાજિક જવાબદારી, સર્વાંગી વિકાસ અને સમાન વિકાસના પોતાના ધ્યેયને આગળ ધપાવી રહી છે. 5મા સ્થાપના વર્ષ નિમિત્તે આયોજિત આ પ્રવૃત્તિઓ વધુ સ્વસ્થ, સમાનતાપૂર્ણ અને સશક્ત સમાજના નિર્માણ માટે યુનિવર્સિટીની પ્રતિબદ્ધતાને ઉજાગર કરે છે.