Posts by: abhay_news_editor
ડૉક્ટર્સ ડેના અવસરે ઇન્ડિયન મેડિકલ એસોસિયેશન અને સખિયા સ્કિન ક્લિનિક દ્વારા રક્તદાન શિબિરનું આયોજન
સુરત: ભારતની નંબર ૧ સ્કિન ક્લિનિક ચેઇન – સખિયા સ્કિન ક્લિનિક દ્વારા ડૉક્ટર્સ ડેના અવસરે રવિવારના રોજ વિશાળ રક્તદાન શિબિરનું આયોજન કરવામાં આવ્યું.
ઇન્ડિયન મેડિકલ એસોસિયેશન (IMA) દ્વારા સુરત શહેરના વિવિધ વિસ્તારોમાં 101 સ્થળોએ રક્તદાન શિબિરોનું આયોજન કરવામાં આવ્યું, જેમાં મોટી સંખ્યામાં નાગરિકોએ ઉમંગપૂર્વક ભાગ લીધો અને રક્તદાન કર્યું.
સખિયા સ્કિન ક્લિનિકના ચીફ ડર્મેટોલોજિસ્ટ ડૉ. જગદીશ સખિયાએ જણાવ્યું કે, 1 જુલાઈની તારીખે સમગ્ર વિશ્વમાં ડૉક્ટર્સ ડે ઉજવવામાં આવે છે. એ દિવસે તબીબી ક્ષેત્રે યોગદાન આપનારા ડોક્ટર્સ આભાર માનવો સાથે સાથે સમાજમાં જાગૃતિ ફેલાવવા માટે IMA સુરત દ્વારા રક્તદાન શિબિરોનું આયોજન કરવામાં આવ્યું હતું.
તેના અનુસંધાનમાં સખિયા સ્કિન ક્લિનિક દ્વારા સુરત શહેરમાં વરાછા વિસ્તાર માં રક્તદાન શિબિર યોજાઈ હતી , કિરણ હોસ્પિટલના સહયોગથી, રવિવારે વલ્લભાચાર્ય કમ્યુનિટી હોલ, હીરાબાગ, નવસારી રોડ, વરાછા ખાતે પણ વિશાળ રક્તદાન શિબિર સફળતા પૂર્વક પૂર્ણ કરવામાં આવ્યું .
શિબિરમાં સખિયા સ્કિન ક્લિનિકના દર્દીઓ અને શહેરના યુવાનોને રક્તદાન માટે આમંત્રણ અપાયું હતું. સવારના ૧૧ વાગ્યાથી બપોરના ૩ વાગ્યા સુધી યોજાયેલ શિબિરમાં મોટી સંખ્યામાં લોકો હાજર રહ્યા અને ઉત્સાહપૂર્વક રક્તદાન કર્યું.
સખિયા સ્કિન ક્લિનિક તરફથી રક્તદાતાઓ માટે જમવાનુ, પાણી,જુઈસ અને હેલ્થ ચેકઅપની વ્યવસ્થા પણ કરવામાં આવી હતી.
ડૉ. જગદીશ સખિયાનું કહેવું છે કે,
“સમાજમાં રક્તદાનની મહત્વતા લોકો સુધી પહોંચવી જોઈએ, જેથી આવશ્યક સમયે કોઈ વ્યક્તિને રક્તની અછત ન પડે.”
સુર અને પ્રતિભાનું ઉજવણી: વ્હાઇટ લોટસ ઇન્ટરનેશનલ સ્કૂલમાં સોલો સિંગિંગ સ્પર્ધા
વ્હાઇટ લોટસ ઇન્ટરનેશનલ સ્કૂલ ખાતે સંગીતની મધુર તાલે વાતાવરણ આનંદ અને ઉર્જાથી છલકાયું, જ્યારે શાળાએ ઘણા સમયમાં રાહ જોવાતી સોલો સિંગિંગ સ્પર્ધાનું આયોજન કરવામાં આવ્યું. વિદ્યાર્થીઓની અવાજની પ્રતિભા, આત્મવિશ્વાસ અને અભિવ્યક્તિ ઉજાગર કરવા માટેનું આ એક સુંદર મંચ બની રહ્યું.
આ સ્પર્ધાને ત્રણ વર્ગોમાં વિભાજિત કરવામાં આવી — પ્રી-પ્રાયમરી, પ્રાયમરી અને માધ્યમિક — જેથી દરેક ઉંમરના વિદ્યાર્થીઓને પોતાનો અવાજ દુનિયા સુધી પહોંચાડવાનો અવસર મળી શકે. નાનકડી બાળગીતોથી લઈને ભક્તિ ગીતો, શાસ્ત્રીય સંગીત અને લોકપ્રિય ગીતોની સુમધુર રજૂઆતો એ દર્શકોને મંત્રમુગ્ધ કરી દીધા.
પ્રી-પ્રાયમરી વિદ્યાર્થીઓએ તેમની નિર્વિઘ્ન નિર્દોષતાથી સૌનું દિલ જીતી લીધું. પ્રાયમરી વિભાગના બાળકોમાં આત્મવિશ્વાસ અને સંગીતની સમજણ જોવા મળી, જ્યારે માધ્યમિક વિભાગના વિદ્યાર્થીઓએ સૂરમાં ન્યાય આપી અભિનય, લય અને ભાવભરી રજૂઆતથી સૌને આશ્ચર્યચકિત કર્યા.
આ ખાસ પ્રસંગે અમારામાનનીય મુક્ય મહેમાન અને જજ તરીકે હાજર રહ્યા શ્રી રાકેશ ગોપાલભાઈ દાનેજ, જે એક વિશ્રત આંતરરાષ્ટ્રીય કલાકાર, ગુજરાતના શ્રેષ્ઠ ગાયક, અને 27 વર્ષથી વધુનો સંગીતક્ષેત્રનો અનુભવ ધરાવતા સંગીતકાર છે. તેમણે માત્ર સ્પર્ધાનો ન્યાય નહીં કર્યો પણ વિદ્યાર્થીઓને પ્રેરણાદાયક ટિપ્પણીઓ આપી અને સંગીતમાં આગળ વધવા માટે પ્રોત્સાહન આપ્યું.
આ અવસરને વધુ ગૌરવમય બનાવ્યું અમારી માનનીય પ્રિન્સિપાલ શ્રીમતી પૂર્વિકા સોલંકીના માર્ગદર્શન અને ઉપસ્થિતિએ, જેમણે હંમેશાં શાળામાં સર્વાંગી વિકાસ પર ભાર મૂક્યો છે. પોતાના સંબોધનમાં તેમણે કહ્યું કે સંગીત જેવી લલિત કળાઓ વિદ્યાર્થીના આત્મવિશ્વાસ અને સર્જનાત્મકતાને ઘનિષ્ઠ બનાવે છે. તેમણે તમામ વિદ્યાર્થીઓ, શિક્ષકો અને વાલીઓની કદર કરી.
તાળીઓની ગૂંજ, ખુશીભરી સ્મિતો અને સુમધુર અવાજ સાથે સોલો સિંગિંગ સ્પર્ધાનો સમાપન પણ એટલો જ મધુર રહ્યો. આ માત્ર સ્પર્ધા નહીં, પણ સંગીતની માધુર્ય અને વિદ્યાર્થીની છુપાયેલી પ્રતિભા ઉજાગર કરવાનો એક પવિત્ર પ્રયત્ન હતો — જેનાથી સમગ્ર વ્હાઇટ લોટસ પરિવાર સંગીતના એકતાના બંધનમાં બંધાઈ ગયો.
સુરતમાં સૌપ્રથમ ડિઝાઇનર ડાયમંડ જ્વેલરી બ્રાન્ડ, IKISHA જવેલર્સ નો ભવ્ય શુભારંભ
સુરત : ભારતમાં ડાયમંડ કેપિટલ તરીકે વિખ્યાત સુરત શહેરમાં સૌપ્રથમ ડિઝાઇનર ડાયમંડ જ્વેલરી બ્રાન્ડ – IKISHA જ્વેલર્સનો ભવ્ય શુભારંભ થયો છે. આ શાનદાર લોન્ચીંગ, લક્ઝુરીયસ ડાયમંડ જ્વેલરી બ્રાન્ડના પસંદગીકારો માટે રોમાંચક ઈવેન્ટ હતી.
IKISHA જ્વેલર્સ ભવ્યતા, વ્યક્તિત્વ અને નૈતિક વૈભવમાં વિશ્વાસ ધરાવે છે. તેના ડિઝાઈનર જ્વેલરી કલેકશન લક્ઝરીનો પર્યાય છે. IKISHA જ્વેલર્સ એક બ્રાન્ડ જ નથી, પરંતુ વાસ્તવમાં તે એક આધુનિક મહિલાની વાર્તા છે, જેનું વર્ણન હીરા દ્વારા વ્યક્ત કરવામાં આવે છે, જે અન્ય બીજા કરતાં કઈક જુદી તરી આવવાની હિંમત કરે છે.
સુરતમાં આજે શરૂ કરવામાં આવેલું ફ્લેગશિપ બુટિક, એક નવીન ડિઝાઇનયુક્ત ભાષાની શરૂઆતનું પ્રતીક છે. જ્યાં કલાકૌશલ્ય એ ખરેખર, સાહસિક અને અર્થપૂર્ણ ડિઝાઇન સાથે સુંદર રીતે ભળે છે, જે મનમોહક ડિઝાઈનર પ્રોડક્ટ રજૂ કરે છે.
આ લોન્ચીંગમાં IKISHA ની ભવિષ્યવાદી બ્રાન્ડ ફિલ્મનો પ્રીમિયર પણ સામેલ હતો. જેની કલ્પના અને તેના પર અમલ પ્રખ્યાત અલૌકિક ગ્રુપ દ્વારા કરવામાં આવ્યો હતો. તેમાં સ્ટોર ડિઝાઇનિંગ અને પેકેજિંગથી લઈને વાર્તા કહેવા અને દ્રશ્યની ઓળખ સુધી, દરેક તત્વ એક વિચારશીલ, ઈનોવેટીવ અભિગમ દર્શાવે છે.
ઉલ્લેખનીય છે કે, શહેરભરમાં પ્રભાવશાળી હોર્ડિંગ્સ અને ઉચ્ચસ્તરીય વિઝિબિલિટીના દ્રશ્યો સાથે, IKISHA જ્વેલર્સ બ્રાન્ડ પહેલેથી જ સુરતમાં ચર્ચાનું કેન્દ્ર બની ગયું છે. જેને વાસ્તવમાં વર્ષ 2025 ના સૌથી વધુ ચર્ચિત બ્રાન્ડ લોન્ચમાંનું એક માનવામાં આવે છે.
શાંતિ અને સૂરનું સંગમ વ્હાઇટ લોટસ ઇન્ટરનેશનલ સ્કૂલમાં વિશ્વ યોગ દિવસ અને વિશ્વ સંગીત દિવસની ઉત્સાહભેર ઉજવણી
સુરત, 21 જૂન 2025 પ્રાચીન પરંપરા અને આધુનિક સર્જનાત્મકતાના સુંદર મેલથી સંકલિત, વ્હાઇટ લોટસ ઇન્ટરનેશનલ સ્કૂલે વિશ્વ યોગ દિવસ અને વિશ્વ સંગીત દિવસની ઉજવણી એક દિવસના વિશેષ કાર્યક્રમ સાથે ઉત્સાહપૂર્ણ માહોલમાં કરી.
🌞 પ્રભાતે યોગ અને ધ્યાન સાથે શરુઆત
દિવસની શરૂઆત શાળાના શાંત અને સુંદર વાતાવરણમાં યોગ અને ધ્યાન સત્રથી થઈ. વિદ્યાર્થીઓ, અભિવાહકો અને શિક્ષકો સૌએ સહભાગી થઈ યોગાસનો દ્વારા મનની શાંતિ અને દૃઢતાનો અનુભવ કર્યો. સહજ શ્વાસોચ્છવાસ અને લયબદ્ધ હલનચલનથી સમગ્ર માહોલ ધ્યાનમય અને શાંતિભર્યો બની ગયો.
🎶 સંગીત – આત્માને સ્પર્શતાં સૂર
જેમ જેમ દિવસ આગળ વધ્યો, તેમ તેજસ્વી સવારે સંગીતના મધુર સૂરોથી જીવંત બની. શાળાના ઓડિટોરીયમમાં વિદ્યાર્થીઓ દ્વારા રજૂ થયેલા એકલ ગાયન અને વાદ્યવૃંદ પ્રદર્શનોએ દર્શકોના હ્રદયમાં સ્થાન પામ્યું. દરેક સૂર, દરેક તાલમાં ભાવનાની ઊંડાઈ અને અભિવ્યક્તિ સ્પષ્ટ દેખાતી હતી.
💃 નૃત્ય – પરંપરા અને આધુનિકતાનો સમન્વય
વિદ્યાર્થીઓએ રંગબેરંગી વેશભૂષામાં શાસ્ત્રીય તેમજ આધુનિક નૃત્યો રજૂ કર્યા. તેમની લયબદ્ધ હલચાલ અને ભાવસભર અભિવ્યક્તિએ દર્શકોને મંત્રમુગ્ધ કરી દીધા.
👨👩👧 પેરેન્ટ-ચાઈલ્ડ પેપર ડાન્સ: સંબંધોની મધુરતા અને સહિયારી ખુશી
કાર્યક્રમનો સૌથી મનોરંજક અને હૃદયસ્પર્શી ભાગ પેરેન્ટ-ચાઈલ્ડ પેપર ડાન્સ રહ્યો, જેમાં માતા-પિતા અને બાળકોએ એકબીજા સાથે પેપર પર નૃત્ય કર્યું. દરેક રાઉન્ડમાં પેપર નાનું થતું જતાં, આ પ્રવૃત્તિએ આનંદ, સહકાર અને હાસ્યથી ભરપૂર વાતાવરણ સર્જ્યું. આ પ્રવૃત્તિએ શાળાના પરિવારના સભ્યો વચ્ચેના ઊંડા બંધનને ઉજાગર કર્યું, જેણે ઉપસ્થિત સૌના દિલ જીતી લીધા.
🎤 આચાર્યા શ્રીમતી પૂર્વિકા સોલંકીનું પ્રેરક ઉદ્બોધન
આ પ્રસંગે, આચાર્યા શ્રીમતી પૂર્વિકા સોલંકીએ દિવસના મહત્વને સુંદર રીતે વર્ણવતા જણાવ્યું હતું કે:
“આજની ઉજવણી માત્ર એક ઉત્સવ પૂરતી સીમિત નહોતી – તે અમારી શૈક્ષણિક ફિલોસોફીના મૂળભૂત સિદ્ધાંતોનું પ્રતિબિંબ હતું. વ્હાઇટ લોટસમાં, અમે બાળકના સર્વાંગી વિકાસના દરેક પાસાને પોષવા માટે સમર્પિત છીએ. જ્યાં યોગ શિસ્ત અને માઇન્ડફુલનેસ કેળવે છે, ત્યાં સંગીત અને નૃત્ય અમારા વિદ્યાર્થીઓને સર્જનાત્મક રીતે પોતાને અભિવ્યક્ત કરવા અને તેમની આંતરિક દુનિયા સાથે જોડાવા સક્ષમ બનાવે છે. વાલીઓની સક્રિય ભાગીદારી આ પરિવર્તનકારી યાત્રાને વધુ સમૃદ્ધ બનાવે છે.”
🌈 એક સ્મરણીય દિવસ: સર્વાંગી વિકાસનો સંદેશ
કાર્યક્રમનો અંત તાળીઓના ગડગડાટ અને ખુશહાલ ચહેરાઓ સાથે થયો. વિદ્યાર્થીઓ ઉત્સાહ અને નવી ઊર્જા સાથે ઘેર પરત ફર્યા, જ્યારે માતા-પિતાના હૃદયમાં પ્રેમ અને ગૌરવની લાગણીઓ છવાઈ ગઈ.
વ્હાઇટ લોટસ ઇન્ટરનેશનલ સ્કૂલએ આ કાર્યક્રમ દ્વારા સાબિત કર્યું કે સાચું શિક્ષણ ફક્ત પાઠ્યપુસ્તકો પૂરતું સીમિત નથી – પરંતુ તે મન, શરીર અને આત્માના સર્વાંગી વિકાસ વિશે છે. શાળાએ વિદ્યાર્થીઓના સંપૂર્ણ વ્યક્તિત્વના ઘડતર પ્રત્યેની પોતાની પ્રતિબદ્ધતા આ કાર્યક્રમ દ્વારા ફરી એકવાર સુસ્થાપિત કરી.
ગ્રીનમેન વિરલ દેસાઈએ સુરતના ગરિમા વયસ્ક વામા ગ્રુપ કાર્યક્રમમાં પર્યાવરણ સંરક્ષણ વિશે માર્ગદર્શન આપ્યું
સુરત, 13 જૂન 2025: જાણીતા પર્યાવરણવિદ્ અને ‘ગ્રીનમેન’ તરીકે ઓળખાતા શ્રી વિરલ દેસાઈએ સુરતના ગરિમા વયસ્ક વામા ગ્રુપની સખીવૃંદના વાર્ષિક કાર્યક્રમમાં મુખ્ય મહેમાન તરીકે હાજરી આપી હતી. આ પ્રસંગે તેમણે સિનિયર સિટિઝન મહિલાઓ સાથે પર્યાવરણ સંરક્ષણ અને સસ્ટેનેબલ જીવનશૈલી વિશે રસપ્રદ અને પ્રેરણાદાયી વાતચીત કરી હતી.
કાર્યક્રમ દરમિયાન વિરલ દેસાઈએ સિનિયર સિટિઝન મહિલાઓને પર્યાવરણ સંરક્ષણના મહત્વ અંગે જાગૃત કર્યા. તેમણે ખાસ કરીને નવી પેઢીના બાળકોને પર્યાવરણ અને પ્રકૃતિ સંરક્ષણની વાર્તાઓ દ્વારા પ્રેરણા આપવા અને તેમને ટકાઉ જીવનશૈલી અપનાવવા માટે તૈયાર કરવાની જવાબદારી વિશે માર્ગદર્શન આપ્યું. તેમણે જણાવ્યું કે દાદી અને નાની તરીકે આ મહિલાઓ બાળકોને પર્યાવરણ પ્રત્યે સંવેદનશીલ બનાવવામાં મહત્વની ભૂમિકા ભજવી શકે છે. આ સાથે જ વિરલ દેસાઈ વડીલો સમક્ષ તેમની મુવમેન્ટ ‘સત્યાગ્રહ અગેઈન્સ્ટ પોલ્યુશન એન્ડ ક્લાયમેટચોન્જ’ની સમજણ આપી હતી. અને જનજનને કોઈ રીતે આ મુહિમ સાથે જોડીને પર્યાવરણ સંરક્ષણના કાર્યો કરી શકાય એ વિશે કહ્યું હતું.
આ કાર્યક્રમમાં હાજર તમામ સિનિયર સિટિઝન મહિલાઓએ વિરલ દેસાઈના પ્રેરણાદાયી વિચારોની પ્રશંસા કરી અને તેમને અંતરના આશીર્વાદ આપ્યા. તેમણે દેસાઈને શુભેચ્છા પાઠવી કે તેઓ પર્યાવરણ સંરક્ષણના ક્ષેત્રમાં વધુ ને વધુ ઉત્તમ કાર્ય કરે.
આ પ્રસંગે વિરલ દેસાઈએ પોતાના વિચારો વ્યક્ત કરતાં જણાવ્યું, ‘અનુભવી વડીલોને પર્યાવરણ સંરક્ષણ વિશે શીખવવું એ મારા ગજાની બહારની વાત છે. પરંતુ તેમના આશીર્વાદ લેવા એ મારા માટે અત્યંત અહોભાગ્યની ક્ષણ છે. તેમનો પ્રેમ અને સમર્થન મને પર્યાવરણ સંરક્ષણના માર્ગે આગળ વધવા માટે પ્રેરણા આપે છે.
ગુજરાતની દિકરી રીટા પટેલે યુ.કે.ના બર્નટ એશ (બેક્સલી) હોકી ક્લબમાં પ્લેયર ઓફ ધ યર જીતી ઇતિહાસ રચ્યો
લંડન : 9 જૂન 2025: ગુજરાતની તેજસ્વી પુત્રી રીટા પટેલે યુ.કે. લંડનના પ્રતિષ્ઠિત બર્નટ એશ (બેક્સલી) હોકી ક્લબમાં પલેયર ઓફ ધ યર બનીને ઇતિહાસ રચ્યો છે. સૌરાષ્ટ્ર યુનિવર્સિટીમાંથી માસ્ટર ઓફ આર્ટ્સ (એમ.એ. બી.એડ.)ની ડિગ્રી મેળવનાર રીટા લંડનના બર્નટ એશ (બેક્સલી) હોકી ક્લબમાં ફોરવર્ડ તરીકે રમે છે અને ડ્રેગ-ફ્લિક્સમાં ઉત્કૃષ્ટ પ્રદર્શન કરે છે.
2024-2025 સીઝન માટે પ્લેયર ઓફ ધ યરનો એવોર્ડ જીતીને તેણીએ ગુજરાત અને ભારતનું ગૌરવ વધાર્યું છે. રીટાએ બાળપણથી જ હોકીને ઉત્સાહપૂર્વક અપનાવી હતી. બેક્સલી હોકી ક્લબમાં બે વર્ષની સખત મહેનત બાદ, તેણીએ યુરોપિયન ખેલાડીઓને પાછળ છોડીને આ પ્રતિષ્ઠિત સન્માન મેળવ્યું.
રીટાએ જણાવ્યું હતુ કે, “હોકીએ મને સ્થિતિસ્થાપકતા, ટીમવર્ક અને ક્યારેય હાર ન માનવાની ભાવના શીખવી. મેદાન પરના દરેક પડકાર અને આંચકાએ મને વધુ મહેનત કરવા અને મારી જાતને સાબિત કરવાની પ્રેરણા આપી.” ઇંગ્લેન્ડના મહિલા હોકી ક્ષેત્રે એકમાત્ર ભારતીય ખેલાડી તરીકે, તે ગુજરાતી અને ભારતીય તરીકે અંગ્રેજી ટીમો સામે સ્પર્ધા કરવામાં ગર્વ અનુભવે છે.
રીટાએ ઉમેર્યું, “મારી આ સિદ્ધિ પાછળ મારા પરિવાર અને પતિનું સતત પ્રોત્સાહન મહત્વનું છે, જે વિના આ શક્ય ન હોત.” રીટા હંમેશા ક્રિકેટ પણ સારુ રમે છે. વર્ષ 2023-2024 સીઝનમાં, તેણીએ પ્રથમ વખત ઓર્પિંગ્ટન ઓસેલોટ્સ ક્રિકેટ ક્લબ માટે રમી. મજબૂત ઓલરાઉન્ડર ખેલાડી તરીકે ઉભરી આવી છે. આ વર્ષે, તેણીએ ક્રિકેટ ફેસ્ટિવલ દરમિયાન પ્રથમ વખત સિડકપ ક્રિકેટ ક્લબમાં જોડાઈ.
તેની ઉત્કૃષ્ટ બોલિંગે વિરોધી ટીમના બેટ્સમેનોને નિયંત્રિત મા રાખ્વા ઉપરાંત એક શાનદાર રન-આઉટ કરીને તેણીએ ટીમને ચેમ્પેઈન બનાવી હતી. યુકેમાં રીટાની આ સફળતાએ ગુજરાતનું ગૌરવ વધાર્યું છે. તેની હોકીમાં જીત અને ક્રિકેટમાં ઉત્કૃષ્ટ પ્રદર્શન ભારતીય યુવતીઓ માટે પ્રેરણાસ્ત્રોત છે.
IIFD સુરત દ્વારા વાર્ષિક કાર્યક્રમ ફેશોનેટ 2025નું સરસાણા ખાતે સફળ આયોજન
ઇન્સ્ટિટ્યૂટના 175 વિધાર્થીઓ દ્વારા 20 અલગ અલગ થીમ પર તૈયાર કરાયેલા ગારમેન્ટ રજૂ કરાયા
સુરત. ઇન્ટરનેશનલ ઇન્સ્ટિટ્યૂટ ઑફ ફેશન ડિઝાઇન (IIFD) દ્વારા 12 જૂન 2025ના રોજ તેના વાર્ષિક અને અત્યંત પ્રતિષ્ઠિત ફેશન શો — Fashionate 2025 — નું આયોજન કર્યું હતું. આ ઇવેન્ટ પ્લેટિનમ હોલ, સારસાણા ખાતે યોજાઈ હતી. જેમાં 175થી વધુ વિદ્યાર્થી ડિઝાઇનરોએ પોતાના અનોખા અને અર્થપૂર્ણ કલેક્શનો રજૂ કર્યા હતા.
ફેશન અને ટેક્સટાઇલ ઉદ્યોગના નિષ્ણાતો સમેલ જ્યુરીએ વિદ્યાર્થીઓ દ્વારા અપનાવેલી તકનીકો, ટ્રીટમેન્ટ્સ, મૂલ્યવર્ધન, ફેબ્રિક મેનિપ્યુલેશન અને અનોખી ડિઝાઇન રચનાઓને કદરભરી નજરથી જોયા હતા. આ વર્ષેનાં શોની ખાસિયત એ હતી કે દરેક કલેક્શનમાં ગાઢ વિચારધારાઓ જોવા મળી – જેમ કે પ્રાચીન મહાકુંભ મેળો, કેલિફોર્નિયાનાં જંગલોમાં લાગેલી આગ, અને વિનાશ પછી દુનિયાનું (ડિસ્ટોપિયન) દ્રષ્ટિકોણ. કેટલાક કલેક્શન્સે સસ્ટેનેબિલિટી તરફ દોરી જનારા હતા અને સુરતના ટેક્સટાઇલ કચરાનો નવીન ઉપયોગ કરીને પર્યાવરણ માટે જવાબદારી દર્શાવનારા હતા. જોધપુર પેલેસ જેવી ભવ્ય રચનાઓથી શાહી શૈલીઓમાં પ્રેરણા મળી, જયારે “અર્થન ટ્રેઇલ્સ” થીમ દ્વારા ધરતી, માટી અને કુદરતી ટેક્સચર્સના ભાવ રજૂ કરાયા હતા. કેટલાક કલેક્શનમાં નારી સશક્તિકરણ અને નિર્ભય અભિવ્યક્તિના ઝલક પણ જોવા મળી હતી.
ફેશન શોમાં પાર્ટી માટેનાં રેડી-ટુ-વેર આઉટફિટ્સ, તેમજ ભવિષ્યલક્ષી કોઝપ્લે અને અવાં-ગાર્ડ પ્રકારના કલેકશન્સ પણ રજૂ કરવામાં આવ્યા હતા.
IIFDના વિદ્યાર્થીઓએ મનીષ મલ્હોત્રા, નીતા લુલ્લા, માઇકલ સિંકો અને સુનીત વર્મા જેવા ડિઝાઇનરો સાથે મુંબઈ અને જયપુરના ફેશન કનેક્ટમાં કામ કર્યું છે. ઉપરાંત, ઇટાલીના ઇન્સ્ટિટ્યૂટો દી મોડા બૂર્ગો, મિલાન સાથે ભાગીદારી હેઠળ વિદ્યાર્થીઓએ મિલાન ફેશન વીકમાં પોતાનો કલેક્શન રજૂ કર્યું છે.
ગયા શોમાં નીતા લુલ્લા, અમિત અગ્રવાલ, રોકી સ્ટાર અને અંજુ મોદી જેવા પ્રતિષ્ઠિત જ્યુરી રહી ચૂક્યા છે. આ વર્ષે આ શોની ઉજવણી વધારવ બોલીવૂડના વિખ્યાત ફેશન ડિઝાઇનર વરુણ બાહલ મુખ્ય જ્યુરી તરીકે હાજરી આપી. તેમના આગમનથી શોને વિશેષ ગૌરવ મળ્યું અને વિદ્યાર્થીઓને તેમના સર્જનાત્મક કાર્યને એક દિગ્ગજ સમક્ષ રજૂ કરવાનો અમૂલ્ય મોકો મળ્યો.
સુરતના જાણીતા ઉદ્યોગપતિઓ, ટેક્સટાઇલ વેટરન અને ફેશન જગતના વ્યાવસાયિકોએ પણ કાર્યક્રમમાં હાજરી આપી હતી. સ્થાપક નિયામક શ્રી મુકેશ મહેશ્વરી અને સહ-નિયામક શ્રીમતી પલ્લવી મહેશ્વરીએ વિદ્યાર્થીઓને પ્રોત્સાહન આપ્યું હતું અને ફેકલ્ટી તેમજ વાલીઓનો આભાર વ્યક્ત કર્યો હતો.
સુરતમાં 21BY72 સ્ટાર્ટઅપ સમિટનો ચોથો સંસ્કરણ, IVY ગ્રોથ એસોસિએટ્સ દ્વારા આયોજન — CIFDAQ પ્રસ્તુત અને સંગિની સહપ્રાયોજક
ગ્લોબલ સ્ટાર્ટઅપ ઇકોસિસ્ટમને એકસાથે લાવવા અને સુરતને આ ક્ષેત્રમાં નવી ઊંચાઈઓ પર લઈ જવા માટે અવધ યુટોપિયા ખાતે આયોજિત મેગા ઇવેન્ટમાં નેટવર્કિંગ, શિક્ષણ અને સહયોગ સંબંધિત અનેક ઇવેન્ટ્સનું આયોજન કરવામાં આવશે.
દેશ-વિદેશથી રોકાણકારો, ઉદ્યોગપતિઓ અને સ્ટાર્ટઅપ ઇકોસિસ્ટમ સાથે સંકળાયેલા લોકો ભાગ લેશે.
સુરત. IVY ગ્રોથ એસોસિએટ્સ દ્વારા સુરતમાં 21BY72 સ્ટાર્ટઅપ સમિટની ચોથી આવૃત્તિનું આયોજન કરવામા આવ્યું છે, જે CIFDAQ દ્વારા પ્રસ્તુત અને સંગિની દ્વારા સહ-સંચાલિત છે. અવધ યુટોપિયા ખાતે આયોજિત આ બે દિવસીય કાર્યક્રમમાં ભારત તેમજ વિદેશના સ્ટાર્ટઅપ સાથે સંકળાયેલા લોકો, રોકાણકારો વગેરે ભાગ લેશે અને ગ્લોબલ સ્ટાર્ટઅપ ઇકોસિસ્ટમને એકસાથે લાવવામાં આવશે. નોંધનીય છે કે IVY ગ્રોથ એસોસિએટ્સ એક અગ્રણી કેપિટલ વેન્ચર ફર્મ છે અને સ્ટાર્ટઅપ ઇકોસિસ્ટમના વિકાસને સમર્થન આપે છે. આ કાર્યક્રમ ગ્લોબલ સ્ટાર્ટઅપ ઇકોસિસ્ટમના નકશા પર સુરતને નવી ઓળખ આપવાનો પ્રયાસ કરશે.
ઇવેન્ટ ઓર્ગેનાઇઝર પ્રતિક તોષનીવાલે જણાવ્યું હતું કે તેમના ભાગીદારો રચિત પોદ્દાર, મેહુલ શાહ અને શરદ ટોડી દર વર્ષે સ્ટાર્ટઅપ્સને પ્રોત્સાહન આપવા માટે આ સમિટનું આયોજન કરે છે. આ વખતે આ ઇવેન્ટ 14 અને 15 જૂને સુરતના અવધ યુટોપિયા ખાતે યોજાશે. આમાં ગ્લોબલ સ્ટાર્ટઅપ ઇકોસિસ્ટમને એકસાથે લાવવામાં આવશે જેથી નવા સ્ટાર્ટઅપ્સને પ્રોત્સાહન મળે અને રોકાણકારોનો સંપર્ક મળી શકે.
આ ઇવેન્ટમાં 80 થી વધુ સ્ટાર્ટઅપ્સ રજૂ કરવામાં આવશે. અત્યાર સુધીમાં, ભારતના તમામ મોટા શહેરો ઉપરાંત, યુએસના 10 લોકો, યુએઈના 18, જાપાનના 4, લંડનના 12 અને સિંગાપોરના 5 લોકોએ આ ઇવેન્ટ માટે નોંધણી કરાવી છે. બે દિવસીય ઇવેન્ટના પ્રારંભ પ્રસંગે ગુજરાતના ગૃહ રાજ્યમંત્રી હર્ષ સંઘવી અને ગજેન્દ્ર શેખાવત હાજર રહેશે. આ કાર્યક્રમ સવારે 10 થી સાંજે 7 વાગ્યા સુધી ચાલશે જેમાં સ્ટાર્ટઅપ પિચ, રોકાણકાર સ્પીચ, પેનલ ચર્ચા, વર્કશોપ વગેરેનું આયોજન કરવામાં આવશે. શાર્ક અઝહર ઇકબાલ પણ ખાસ હાજર રહેશે.
સુરતમાં આ કાર્યક્રમના આયોજન અંગે પ્રતિક તોષનીવાલે જણાવ્યું હતું કે સ્ટાર્ટઅપ્સની દ્રષ્ટિએ સુરત અને ગુજરાત સમગ્ર દેશમાં ત્રીજા ક્રમે છે અને અહીં જેટલા રોકાણકારો મળે છે, તે ભાગ્યે જ બીજા શહેરોમાંથી મળે છે.
CIFDAQ ના સ્થાપક અને અધ્યક્ષ શ્રી હિમાંશુ મારાડિયાએ જણાવ્યું હતું કે, “ભારતની સાચી સંભાવના સ્વપ્ન જોનારા, કર્તાઓમા રહેલી છે જે ભવિષ્ય
વ્હાઇટ લોટસના પથપ્રદર્શક: યુવા ચેમ્પિયન્સ જેમણે અમારું ગૌરવ વધાર્યું! રિંસી કલ્પેશ પટેલ અને દિયાના જિનવાલાની વિખ્યાત રમતમાં પ્રાપ્ત વિજયોની ઉજવણી
વ્હાઇટ લોટસ ઇન્ટરનેશનલ સ્કૂલ માને છે કે સાચું શિક્ષણ માત્ર પાઠ્યપુસ્તકોની હદમાં સીમિત નથી, પરંતુ દરેક બાળકની અંદરની પ્રતિભાને ઓળખીને તેને પાંખો આપવાનું કાર્ય છે. અમારી શાળાએ એક એવું સ્થાન બનાવ્યું છે જ્યાં શૈક્ષણિક સિદ્ધિની સાથે સાથે રમતગમતના ક્ષેત્રમાં પણ વિદ્યાર્થીઓ તેજસ્વી રીતે આગળ વધી રહ્યા છે. આજે અમે બે અદભૂત વિદ્યાર્થીઓ – રિંસી કલ્પેશ પટેલ અને દિયાના જિનવાલા – ના કીર્તિગાન ગાઈએ છીએ, જેમણે તૈરાકી અને ક્રિકેટમાં સફળતા હાંસલ કરી અને સમગ્ર શાળાનું ગૌરવ વધાર્યું.
🏊♀ રિંસી કલ્પેશ પટેલ (ધોરણ ૨): નાની મરમેઇડ, મોટી સિદ્ધિઓ
૨ જૂન, ૨૦૨૫ ના રોજ સુરત જિલ્લા તૈરાક સંસ્થા દ્વારા આયોજિત તૈરાક સ્પર્ધામાં વ્હાઇટ લોટસ ઇન્ટરનેશનલ સ્કૂલની ધોરણ ૨ ની વિદ્યાર્થિની રિંસી કલ્પેશ પટેલએ ચમકદાર પ્રદર્શન કરીને શાળાનું ગૌરવ વધાર્યું.
પાણીમાં તેની સંયમ, ટેકનિક અને આત્મવિશ્વાસથી સ્પર્ધામાં હાજર દર્શકો પણ ચકિત થઈ ગયા. મોટી ઉંમરનાં સ્પર્ધકો સામે પણ રિંસીએ શાનદાર દેખાવ આપ્યો અને આ પુરસ્કારો જીતીને ઘરે પરત ફરી:
૧ રજત પદક
૨ કાંસ્ય પદકો
ફક્ત 7 વર્ષની ઉંમરે, રિંસીનું શિસ્તબદ્ધ અભ્યાસ અને આગવી પ્રતિભાએ સાબિત કરી દીધું કે જ્યાં ઇચ્છા હોય ત્યાં સફળતાનો માર્ગ ખુલે છે. તેના દરેક સ્ટ્રોક એક સંદેશ આપે છે – ઉંમર નથી બાધક, જો દ્રઢ સંકલ્પ હોય!
🏏 દિયાના જિનવાલા (ધોરણ ૮): ક્રિકેટના મેદાનની સૌથી નાની વીરાંગના
જ્યારે રિંસીએ પાણીમાં જીતનું જલતરંગ ઊભું કર્યું, ત્યારે ધોરણ ૮ ની દિયાના જિનવાલાએ ક્રિકેટના મેદાનમાં પોતાના નામનો ડંકો વગાડ્યો. ગુજરાત ક્રિકેટ એસોસિએશન દ્વારા આયોજિત વુમન ચેલેન્જર ટ્રોફી ૨૦૨૫ માં દિયાનાએ પોતાની ખાસ જગ્યા બનાવી. આ રાજ્યસ્તરીય ટૂર્નામેન્ટમાં દિયાના હતી સૌથી નાની ખેલાડી — છતાં પણ તેની રમત, કુશળતા અને આત્મવિશ્વાસથી બધાનું ધ્યાન ખેંચ્યું.
તેના શાંતિપૂર્ણ છતાં મજબૂત પ્રદર્શનને લીધે તે પોતાની ટીમની જીત માટે મહત્ત્વની રહી — અને ટીમે ચેમ્પિયનશિપ ટાઇટલ પણ જીત્યો!
દિયાનાએ દર્શાવ્યું કે કૌશલ્ય, શિસ્ત અને હિંમત હોય તો કોઈ મર્યાદા અટકાવી શકતી નથી. તે આજે માત્ર પ્લેયર નથી — પરંતુ દરેક યુવતી માટે પ્રેરણા છે, જે પોતાનું સ્વપ્ન જીવંત જોવા ઇચ્છે છે.
🌸 વ્હાઇટ લોટસ — ચેમ્પિયન્સ બનાવતી સંસ્કૃતિ
આ બે બાળ ચેમ્પિયન્સ વ્હાઇટ લોટસ ઇન્ટરનેશનલ સ્કૂલના સમર્પિત અભિગમ અને દરેક બાળકના સર્વાંગી વિકાસ માટેના દૃઢ નિશ્ચયનું પ્રતિબિંબ છે. આ જીત પાછળ છે અનેક કલાકોની મહેનત, શિક્ષકોનું માર્ગદર્શન અને પરિવારનો આધાર.
શાળાના તમામ શિક્ષકો, મુખ્યાધ્યાપિકા અને વિદ્યાર્થીઓ રિંસી અને દિયાનાને અભિનંદન પાઠવે છે — અને તેમને ઉજ્જવળ ભવિષ્ય માટે શુભકામનાઓ આપે છે.
“તેમણે આવ્યા, રમ્યા અને જીત્યા — માત્ર રમતમાં નહીં, પણ આપણા દિલોમાં પણ.”
🏆 બે દીકરીઓ. બે સફળતાઓ. એક શાળાનું ગૌરવ.
💙 વ્હાઇટ લોટસ ઇન્ટરનેશનલ સ્કૂલ — જ્યાં શ્રેષ્ઠતાની શરૂઆત બાળપણથી થાય છે
9000 માઇલ દૂર લાસ વેગાસમાં સુરતના જાણીતા હીરા ઉદ્યોગપતિ શ્રી ગોવિંદભાઈ ધોળકિયાને લાઇફ ટાઇમ અચિવમેન્ટ એવોર્ડ
પ્રતિષ્ઠિત નોન પ્રોફીટ સંસ્થા ડાયમંડ ટુ ગુડ દ્વારા અપાયું સન્માન
મુંબઈ/સુરત – શ્રી રામકૃષ્ણ એકસ્પોર્ટ્સ(SRK)ની સફળતા પાછળના દીર્ઘ દ્રષ્ટિ ધરાવતા શ્રી ગોવિંદ ધોળકિયાને પ્રતિષ્ઠિત નોન – પ્રોફિટ સંસ્થા ડાયમંડ ડૂ ગૂડ દ્વારા લાઈફ ટાઈમ અચિવમેન્ટ એવોર્ડ થી સન્માનીત કરવામાં આવેલ છે. જે ભારત ઉપરાંત ડાયમંડ સિટી સુરત માટે ગૌરવની ક્ષણ છે. વિશ્વના સૌથી મોટા જ્વેલરી શો મા નો એક અને USનો સૌથી મોટો શો JCK લાસ વેગાસ 2025 ની વાર્ષિક ગાલા ઈવેન્ટ દરમ્યાન આ એવોર્ડ અનાયત કરવામાં આવ્યો હતો.
ગોવિંદકાકા વતી તેમના પુત્ર તથા કંપનીના એન્ટ્રપ્રિનિયર – બ્રાન્ડ કસ્ટોડિયન શ્રી શ્રેયાન્સ ધોળકિયાએ આ એવોર્ડ સ્વીકારતા જણાવ્યુ કે “તેમના પિતા દ્વારા જે મૂલ્યો ઉપર આ વ્યવસાય સ્થાપવામાં આવ્યો છે તેનું પ્રતિનિધિત્વ કરવાનું તેમને દસ ઘણો ગર્વ થાય છે.”
ઉલ્લેખનીય છે કે ઉઘાડા પગે.. કઈ પણ સાધનો વગર પ્રમાણિક્તા, સખત મહેનત અને અતૂટ વિશ્વાસ જેવા મૂલ્યો સાથે ગુજરાતના એક નાના ગામથી વિશ્વની ડાયમંડ ઈન્ડસ્ટ્રીના સૌથી મોટા સ્ટેજ સુધી પહોંચવાની ગોવિંદ ધોળકિયાની આ સફર માત્ર 13 વર્ષની ઉંમરે શરૂ થઈ હતી. 6 દાયકા પછી પણ તેમની સફર ફક્ત ડાયમંડ ઉધ્યોગ ઉપર ધ્યાન કેન્દ્રિત કરી તેને વૈશ્વિક સ્તરે નામ આપવા ઉપરાંત પણ તેઑ કેટલા લોકોના જીવનને સુધારી શક્યા તે માટે પણ ઓળખાય છે.
તેઓ હંમેશા કહે છે, “સંપતિ ફક્ત સાચવીને વારસો અને ઇતિહાસને બનાવી શકાતા નથી – તેઓ બને છે સંપતિ આપવાથી અને વહેંચવાથી”
નેચરલ ડાયમંડનું પર્યાયી નામ SRK, ફક્ત વિશ્વ કક્ષાની ક્રાફ્ટમેનશીપ માટે જ નહીં પરંતુ સસ્ટેનેબિલિટી અને સમાજના ઉત્થાપન પ્રત્યેની તેમની પ્રતિબદ્ધતા માટે પણ જાણીતું છે. સુરતમાં આવેલી તેમની બંને ડાયમંડ ક્રાફ્ટિંગ ફેસિલિટી વિશ્વની પ્રથમ નેટ ઝીરો એનર્જી બિલ્ડિંગ છે જે એક દાયકાથી પણ વધારે સમયથી ગ્રીન – સર્ટીફાઇડ છે અને તાજેતરમાં જ કેરેટ દીઠ ઈન્ડસ્ટ્રીના સરેરાશ કાર્બન ઉત્સર્જનની તુલનામાં સૌથી ઓછું ઉત્સર્જન કરવા માટે માન્યતા મળેલ છે.
આ મહિને જ 10 વર્ષની ઉજવણી કરવા જઈ રહેલ SRKની ફિલાન્થ્રોપિક આર્મ, SRK નોલેજ ફાઉન્ડેશન(SRKKF) 40 વર્ષ પહેલા ગોવિંદકાકા દ્વારા શરૂ થયેલ સમાજલક્ષી કાર્યોની પરંપરાને આગળ ધપાવે છે. સમાજલક્ષી કરવામાં આવેલ તમામ કાર્યોને એક છત નીચે લાવવા માટે બનાવવામાં આવેલ SRKKF શિક્ષણ, સ્ત્રી સશક્તિકરણ, આરોગ્ય અને ગ્રામીણ વિકાસ જેવા ક્ષેત્રે કરેલ વિવિધ પહેલો દ્વારા લાખો લોકોને મદદ કરેલ છે.
આ ઈવેન્ટ દરમ્યાન શ્રેયાન્સ ધોળકિયાએ “ડાયમંડ ડુ ગૂડને ધન્યવાદ આપતા કહ્યું હતું કે આ સન્માન ફક્ત અમારા ફૅમિલીનું જ નથી – આ સન્માન છે સુરતમાં કામ કરી રહેલ દરેક આર્ટિસનનું, અમારા ફાઉન્ડેશન દ્વારા જેટલા લોકોના જીવન સુધી અમે પહોંચી શક્યા છીયે તેમનું અને આ ઉપરાંત બિઝનેસ ફક્ત સફળતા માટે જ નથી પરંતુ બિઝનેસ દ્વારા કેટલા લોકોના જીવનમાં ફેરફાર લાવી શકીયે તે મૂલ્યો ઉપર અમે જે કામ કરીયે છીએ તેનું છે.”
આ એવોર્ડ એવા સમયે એનાયત કરવામાં આવ્યો છે જ્યારે દુનિયા લક્ઝરી પાછળનો અર્થ શોધી રહી છે અને ભારતની ડાયમંડ ઈન્ડસ્ટ્રીને શ્રેષ્ઠતા અને નૈતિક મૂલ્યો એમ બંને માટે માન્યતા મળી રહી છે.
આ બીજી વખત છે કે ગોવિંદકાકાને યુનાઇટેડ સ્ટેટ્સમાં સન્માનીત કરવામાં આવેલ છે. પહેલી વખત સસ્ટેનેબલ ડેવલોપમેન્ટ માટેના તેમની દૂરંદેશી પ્રતિબદ્ધતા માટે બોસ્ટનમાં યુ.એસ.ગ્રીન બિલ્ડિંગ કાઉન્સીલ (USGBC) દ્વારા પ્રતિષ્ઠિત USGBC લીડરશિપ એવોર્ડ થી સન્માનીત કરવામાં આવ્યા હતા.