કર્ણાવતી ક્લબ ખાતે યોજાયેલી રાષ્ટ્રીય ડાર્ટ્સ સ્પર્ધામાં દેશભરમાંથી ખેલાડીઓએ લીધો ભાગ
સુરત: અમદાવાદની કર્ણાવતી ક્લબ ખાતે યોજાયેલી આઈડીસી નેશનલ્સ ગર્લ્સ ડાર્ટ્સ ચેમ્પિયનશિપમાં સુરતની હિલ્સ હાઈસ્કૂલ, વેસુની વિદ્યાર્થીની સાચી સુખડિયાએ શાનદાર પ્રદર્શન કરી ગર્લ્સ કેટેગરીમાં રાષ્ટ્રીય ચેમ્પિયનનો ખિતાબ મેળવ્યો છે. અમદાવાદ ખાતે યોજાયેલી આ સ્પર્ધામાં દેશભરમાંથી ડાર્ટ્સ ખેલાડીઓએ ભાગ લીધો હતો. સાચીના આ શાનદાર પ્રદર્શન બદલ ઇન્ડિયન ડાર્ટ્સ કાઉન્સિલ દ્વારા તેને અભિનંદન પાઠવવામાં આવ્યા છે. રાષ્ટ્રીય સ્તરે ચેમ્પિયન બન્યા બાદ હવે સાચી આંતરરાષ્ટ્રીય સ્તરે ભારતનું પ્રતિનિધિત્વ કરવા માટે તૈયાર છે.