– બોડીબિલ્ડિંગ, પાવરલિફ્ટિંગ અને આર્મ રેસલિંગના ખેલાડીઓ આવશે એક મંચ પર
– ચેમ્પિયનશિપમાં ભાગ લેનાર ખેલાડીઓને શેરૂ ક્લાસિક ઇન્ડિયા-2026માં ક્વોલિફાય થવાની મળશે તક
સુરત. રમતગમત ક્ષેત્રે ગુજરાતના ખેલાડીઓને વધુ મોટી તક અને યોગ્ય પ્લેટફોર્મ મળે તે હેતુથી સુરતમાં આગામી 22 નવેમ્બરે એનપીસી વેસ્ટ ઇન્ડિયા ચેમ્પિયનશિપ અને આઇપીએલ ગુજરાત ચેમ્પિયનશિપનું આયોજન કરવામાં આવશે. આ સ્પર્ધાઓમાં બોડીબિલ્ડિંગ, પાવરલિફ્ટિંગ અને આર્મ રેસલિંગ એમ ત્રણ રમતોનો સમાવેશ કરવામાં આવ્યો છે.
સ્પર્ધામાં ગુજરાત ઉપરાંત રાજસ્થાન, મહારાષ્ટ્ર તેમજ વિવિધ કેન્દ્રશાસિત પ્રદેશોના ખેલાડીઓ ભાગ લેશે.
આ અંગે આયોજકો દ્વારા જણાવાયું હતું કે, એનપીસી (નેશનલ ફિઝિક્સ કમિટી) વેસ્ટ ઇન્ડિયા ચેમ્પિયનશિપ બોડીબિલ્ડિંગ ક્ષેત્રની મહત્વપૂર્ણ સ્પર્ધા રહેશે. સાથે જ આઈપીએલ (ઇન્ડિયન પાવરલિફ્ટિંગ લીગ) દ્વારા પાવરલિફ્ટિંગ ચેમ્પિયનશિપનું આયોજન કરવામાં આવશે.
સાથે જ આર્મ રેસલિંગની સ્પર્ધા પણ યોજાશે, જેમાં ગુજરાત આર્મ રેસલિંગ ફેડરેશન સહિત સંબંધિત ફેડરેશન સાથે જોડાયેલા ખેલાડીઓ ભાગ લેશે.
આ સ્પર્ધાઓમાં વિજેતા ખેલાડીઓને આઈએચએફએફ શેરૂ ક્લાસિક ઇન્ડિયા-2026 માટે ક્વોલિફાય થવાની તક મળશે. એનપીસી સાથે જોડાયેલા ખેલાડીઓ માટે રિજનલ ચેમ્પિયનશિપમાં ભાગ લેવો આગળની સ્પર્ધાઓ માટે મહત્વપૂર્ણ રહેશે.
આ ઉપરાંત આયોજકોએ વધુમાં જણાવ્યું કે આજે કરવામાં આવેલી આગામી ચેમ્પિયનશિપની સત્તાવાર તારીખ જાહેરાત દેશ અને રાજ્યના ખેલાડીઓને પોતાની તૈયારી શરૂ કરવા માટે પ્રેરિત કરવા માટે છે.
