સુરતના આંગણે ફિલ્મ ‘બ્લેક બર્થડે’ની ટીમ: 13 ફેબ્રુઆરીએ સિનેમાઘરોમાં રિલીઝ થશે આ હાઈ-વોલ્ટેજ થ્રિલર
સુરત : ગુજરાતી સિનેમાની સૌથી મોટી સસ્પેન્સ મર્ડર મિસ્ટ્રી ગણાતી ફિલ્મ ‘બ્લેક બર્થડે’ ના પ્રમોશન માટે ફિલ્મના મુખ્ય કલાકારોએ આજે સુરતની મુલાકાત લીધી હતી. આ પ્રસંગે લોકપ્રિય અભિનેતા આર્જવ ત્રિવેદી અને સ્મિત જોશી સહિત ફિલ્મના દિગ્દર્શકો બ્રિજેશ બૌદ્ધ અને શાહિદ અલી ખાસ ઉપસ્થિત રહ્યા હતા. સુરતના આંગણે કલાકારોનું ઉમળકાભેર સ્વાગત કરવામાં આવ્યું હતું.
કાર્યક્રમ દરમિયાન મીડિયા સાથે વાતચીત કરતા આર્જવ ત્રિવેદી અને અન્ય કલાકારોએ ફિલ્મના શૂટિંગ દરમિયાનના પોતાના રોમાંચક અનુભવો શેર કર્યા હતા. દિગ્દર્શકોએ જણાવ્યું હતું કે સુરતના ચાહકો તરફથી હંમેશા ગુજરાતી ફિલ્મોને ઘણો પ્રેમ મળ્યો છે. આઆ ફિલ્મની વાર્તા એક જટિલ ત્રિકોણીય પ્રેમ પ્રકરણની આસપાસ વણાયેલી છે, જે એક ભયાનક વળાંક લેતા રહસ્યમય મર્ડર મિસ્ટ્રીમાં ફેરવાઈ જાય છે.
ફિલ્મમાં આર્જવ ત્રિવેદી, યોગીતા પટેલ, ચેતન દૈયા, જિતેન્દ્ર ઠક્કર, ધ્રુવી સોની, સ્મિત જોશી, મગન લુહાર, કલ્પેશ પટેલ, ગૌરાંગ જેડી વગેરે પ્રતિભાશાળી કલાકારો જોવા મળશે. આ ફિલ્મની સસ્પેન્સ અને ડાર્ક થીમ દર્શકોને સતત વિચારવા માટે મજબૂર કરે છે. પ્રેમ, ઈર્ષ્યા અને ગુનાના તાણાવાણા સાથે બનેલી ‘બ્લેક બર્થડે’ ગુજરાતી સિનેમામાં એક નવી જ ઉંચાઈ પ્રસ્થાપિત કરશે
સ્ટુડિયો અર્વા પ્રોડક્શન પ્રસ્તુત અને સાહિલ પટેલ તથા વિશાલ પ્રજાપતિ દ્વારા નિર્મિત આ હાઈ-વોલ્ટેજ થ્રિલર ડ્રામા આગામી 13 ફેબ્રુઆરી, 2026 ના રોજ સમગ્ર ગુજરાતના સિનેમાઘરોમાં રિલીઝ થવા જઈ રહી છે. ફિલ્મનું ટ્રેલર પહેલેથી જ સોશિયલ મીડિયા પર ધૂમ મચાવી રહ્યું છે. સુરતની મુલાકાત દરમિયાન કલાકારોએ વિશ્વાસ વ્યક્ત કર્યો હતો કે આ ફિલ્મ ગુજરાતી સિનેમામાં સસ્પેન્સના એક નવા સ્તરની પ્રતીતિ કરાવશે અને પ્રેક્ષકોને એક અનોખો સિનેમેટિક અનુભવ પૂરો પાડશે.
ગુજરાતના પ્રખ્યાત, ૧૫ વર્ષનો અનુભવ ધરાવતા અને ૭૦૦૦થી વધુ સફળ સર્જરી કરનાર રોબોટિક ની (Knee) અને હિપ (Hip) રિપ્લેસમેન્ટ સર્જન ડૉ. કૌશિક પટેલ હવેથી શેલ્બી હોસ્પિટલ સુરત અને વાપી ખાતે મળશે.
સુરત: સુરત સહિત સમગ્ર દક્ષિણ ગુજરાતમાં રોબોટિક જોઈન્ટ રિપ્લેસમેન્ટ ક્ષેત્રે મોટું નામ ધરાવતા ડૉ. કૌશિક પટેલ, હવે ૧લી ફેબ્રુઆરી ૨૦૨૬થી સુરતની પ્રતિષ્ઠિત શેલ્બી હોસ્પિટલ સાથે જોડાઈ રહ્યા છે. ડૉ. કૌશિકના જોડાવાથી શેલ્બી હોસ્પિટલમાં હવે રોબોટિક ની (Knee) અને હિપ (Hip) રિપ્લેસમેન્ટ જેવી અત્યાધુનિક સુવિધાઓ વધુ સુદ્રઢ બનશે.
ડૉ. કૌશિક પટેલ છેલ્લા ૧૫ વર્ષથી સુરતમાં કાર્યરત છે અને અગાઉ સહજાનંદ ઓર્થોપેડિક હોસ્પિટલ ખાતે પોતાની સેવાઓ આપી રહ્યા હતા. તેઓ અત્યાર સુધીમાં ૭,૦૦૦ જેટલી રોબોટિક સર્જરીઓ સફળતાપૂર્વક કરી ચૂક્યા છે. તેમની શૈક્ષણિક લાયકાત અને તાલીમ પણ અત્યંત ઉચ્ચ સ્તરની છે. તેમણે એમ.એસ. (ઓર્થોપેડિક)નો અભ્યાસ ઈન્દોરથી પૂર્ણ કર્યો છે. તેમજ રોબોટિક જોઈન્ટ રિપ્લેસમેન્ટમાં વિશેષ ફેલોશિપ તેમણે મુંબઈ, અમદાવાદ અને કેનેડા ખાતેથી મેળવી છે.
આ અંગે વાત કરતા ડૉ. કૌશિક પટેલ જણાવે છે કે, “સમગ્ર ગુજરાતમાં રોબોટિક હિપ રિપ્લેસમેન્ટ ગણ્યા-ગાંઠ્યા સેન્ટરો પર જ થાય છે અને સુરતમાં અમે આ અત્યાધુનિક પદ્ધતિથી મોટી સંખ્યામાં સર્જરી કરી રહ્યા છીએ. શેલ્બીમાં બે-બે રોબોટિક મશીનોની ઉપલબ્ધતાથી દર્દીઓને વધુ ચોકસાઈપૂર્વક સારવાર આપી શકાશે.”
શા માટે શેલ્બી હોસ્પિટલની પસંદગી કરી?
શેલ્બી હોસ્પિટલ સાથે જોડાવવા અંગે ડૉ. કૌશિક પટેલે કહ્યું કે, “શેલ્બી જેવી મલ્ટી-સ્પેશિયાલિટી હોસ્પિટલમાં જોડાવાથી દર્દીઓને મજબૂત ‘બેક સપોર્ટ’ મળે છે. જો કોઈ દર્દીને અન્ય બીમારીઓ જેવી કે બ્લડ પ્રેશર કે શ્વાસની તકલીફ હોય, તો એક જ સ્થળે તમામ નિષ્ણાતોની ટીમ મળી રહે છે. અત્યાધુનિક મલ્ટી-સ્પેશિયાલિટી સુવિધાઓ અને રોબોટિક ટેકનોલોજીના સમન્વયથી દર્દીઓને શ્રેષ્ઠ પરિણામ આપી શકાય, તે જ મારો મુખ્ય હેતુ છે.”
ડૉ. કૌશિક પટેલના આ નવા પ્રારંભથી ગુજરાત, મહારાષ્ટ્ર, મધ્યપ્રદેશ, રાજસ્થાન તથા અન્ય રાજ્યો અને દેશ-વિદેશથી આવતા દર્દીઓને રોબોટિક જોઈન્ટ રિપ્લેસમેન્ટ માટે આંતરરાષ્ટ્રીય સ્તરની સારવાર સ્થાનિક સ્તરે જ ઉપલબ્ધ થશે.
सूरत के निकेतन स्कूल में विद्यार्थियों के लिए विपासना मेडिटेशन शिविर का आयोजन
सूरत की जानी-मानी शैक्षणिक संस्था निकेतन स्कूल और धम्मा अंबिका के संयुक्त तत्वावधान में कक्षा 5 से 8 के विद्यार्थियों के लिए विशेष ‘विपासना मेडिटेशन’ सत्र का सफलतापूर्वक आयोजन किया गया। वराछा क्षेत्र में स्थित स्कूल परिसर में आयोजित इस शिविर में डिंपल लोटावाला, नवीनभाई और प्रतीकभाई द्वारा विद्यार्थियों को बहुत ही सरल शैली में ध्यान और एकाग्रता के पाठ सिखाए गए। एस.एन. गोयन्काजी की परंपरा के अनुसार, इन विशेषज्ञों ने विद्यार्थियों को आनापान पद्धति के माध्यम से मन पर नियंत्रण पाने और पढ़ाई में एकाग्रता बढ़ाने के लिए मार्गदर्शन प्रदान किया। आज के डिजिटल युग में मानसिक शांति और अनुशासन बना रहे, इस नेक उद्देश्य से आयोजित इस कार्यक्रम के लिए स्कूल के ट्रस्टीगण और अभिभावकों ने इन तीनों मार्गदर्शकों का आभार व्यक्त किया।
સમન્થા રૂથ પ્રભુ ગુડ ગેમના ગ્લોબલ એમ્બેસેડર તરીકે ઋષભ પંત સાથે જોડાયા
ભારતના પ્રથમ ગ્લોબલ ગેમિંગ સુપરસ્ટારની શોધ રૂ.1 કરોડના ઇનામ પૂલથી શરૂ થાય છે
અમદાવાદ (ગુજરાત), 29 જાન્યુઆરી: ગુડ ગેમ, દુનિયાનો પહેલો લાઈવ ગ્લોબલ ગેમિંગ રિયાલિટી શો, જે ભારતના પહેલા ગ્લોબલ ગેમિંગ સુપરસ્ટારની શોધમાં છે, તેણે આજે ભારતમાં તેની શરૂઆતની જાહેરાત કરી છે. પ્રખ્યાત અભિનેત્રી, ઉદ્યોગસાહસિક અને યુવા આઇકોન સામંથા રૂથ પ્રભુને ભારતના સૌથી ગતિશીલ ક્રિકેટ આઇકોન ઋષભ પંત અને ભારતના સૌથી પ્રભાવશાળી ગેમિંગ નિર્માતાઓમાંના એક ઉજ્જવલ ચૌરસિયા (ટેક્નો ગેમર્ઝ) સાથે ગ્લોબલ બ્રાન્ડ એમ્બેસેડર તરીકે નિયુક્ત કરવામાં આવ્યા છે.
ગુડ ગેમે એક કરોડ રૂપિયા (૧,૦૦,૦૦૦ લાખ અમેરિકી ડોલર) ની માતબર ઇનામી રકમની પણ જાહેરાત કરી છે, જે ભારતમાં કોઈપણ રિયાલિટી શોના વિજેતા માટેની સૌથી મોટી રકમોમાંની એક છે, સાથે જ વૈશ્વિક સ્તરે ભારતનું પ્રતિનિધિત્વ કરવાની તક પણ આપવામાં આવી છે.
ગુડ ગેમ આ શોમાં વાર્ષિક રૂ. ૧૦૦ કરોડ સુધીનું રોકાણ કરવાની યોજના બનાવી રહ્યા છે, અને હાલમાં બ્રાન્ડ ભાગીદારો અને પ્રાયોજકોને આ અનોખા સ્પર્ધાત્મક શોમાં જોડાવા માટે આમંત્રણ આપી રહી છે, જે ભારતના યુવા પ્રેક્ષકોમાંથી ઓછામાં ઓછા ૫૦૦ મિલિયનલોકો સુધી પહોંચવાનું વચન આપે છે.
પહેલીવાર આ પ્રકારના સ્પર્ધાત્મક રિયાલિટી ફોર્મેટ તરીકે તૈયાર કરવામાં આવેલ ‘ગુડ ગેમ’, દેશમાં સ્પર્ધાત્મક ગેમિંગની એક નવી શરૂઆત છે, જે ઈ-સ્પોર્ટ્સ, મનોરંજન અને અસલી પ્રદર્શનને એક જ પ્લેટફોર્મ પર લાવે છે.
સ્પર્ધકોની માત્ર તેમની ગેમિંગ સ્કીલ્સ પર જ નહીં, પરંતુ તેમની ક્રિયેટિવિટી, ઓન-સ્ક્રીન પ્રેઝન્સ અને પ્રેશર હેઠળના પ્રદર્શન પર પણ કસોટી કરવામાં આવશે – જે એક વ્યવસાય અને પોપ્યુલર કલ્ચર તરીકે ગેમિંગના બદલાતા પ્રવાહોને પણ દર્શાવે છે. ઓડિશન માટે રજિસ્ટ્રેશન https://www.goodgameshow.tv/india-audition-application પર શરૂ થઈ ચૂક્યા છે, જેમાં એમેચ્યોર અને પ્રોફેશનલ ગેમર્સ, કન્ટેન્ટ ક્રિએટર્સ અને પર્ફોર્મર્સને આમંત્રિત કરવામાં આવ્યા છે.
ભારતમાં શોના લોન્ચ પર બોલતા, ગુડ ગેમના ફાઉન્ડર રાય કોકફિલ્ડે કહ્યું, “ભારતમાં વિશ્વના સૌથી મોટા મનોરંજન અને ગેમિંગ કમ્યૂનિટીમાંથી એક છે, અને અમે ભારતમાં પહેલીવાર આ બે ક્ષેત્રો વચ્ચેના અંતરને દૂર કરવા માટે ઉત્સાહિત છીએ. ગુડ ગેમ ભારતભરની પ્રતિભાઓને વૈશ્વિક માન્યતા અને જીવનભરની તકો મેળવવામાં મદદ કરશે, જીવન અને કારકિર્દીમાં પરિવર્તન લાવશે.
અમે એવા બ્રાન્ડ્સ તરફથી પણ જબરદસ્ત પ્રતિસાદ જોયો છે જેઓ આ અનોખી તક સાથે ભાગીદારી કરવા માંગે છે, જે લાંબા સમય સુધી ચાલનારા કન્ટેન્ટ, મજબૂત કમ્યુનિટી અને સર્વાધિક સંભાવનાઓ ધરાવતા બિઝનેસનો સંગમ છે. હું અમારા એમ્બેસેડર્સનો ખૂબ આભારી છું, જેમણે શોને પોતાનું સંપૂર્ણ સમર્થન અને નિષ્ણાત અનુભવ આપ્યો છે, જે ભારતના પ્રથમ ગ્લોબલ ગેમિંગ સુપરસ્ટારને શોધવામાં ખૂબ જ મહત્વપૂર્ણ સાબિત થશે.
ગુડ ગેમ ઈન્ડિયા સાથેની પોતાની સહભાગિતા વિશે વાત કરતા સામંથા રૂથ પ્રભુએ જણાવ્યું કે, ‘ગુડ ગેમ બતાવે છે કે આજે સપનાઓ કેવી રીતે બદલાઈ રહ્યા છે. પ્રતિભા હવે કોઈ એક ચોક્કસ બીબામાં ફિટ નથી થતી અને મહત્વાકાંક્ષા હવે કોઈ એક જ રસ્તા પર નથી ચાલતી. આ પ્લેટફોર્મ વિશે જે બાબત મને ઉત્સાહિત કરે છે તે એ છે કે, તે સર્જનાત્મકતા, આત્મવિશ્વાસ અને દબાણ હેઠળ પ્રદર્શન કરવાના સાહસને ઓળખે છે, સાથે જ યુવા ભારતીયોને વૈશ્વિક મંચ પર ઓળખ મેળવવાની તક આપે છે. આ માત્ર એક શો નથી – આ આગામી પેઢી માટે સફળતા કેવી હોઈ શકે, તેને ફરીથી વ્યાખ્યાયિત કરવાની એક તક છે
ઓડિશન માટે રજિસ્ટ્રેશન હવે શરૂ થઈ ગયા છે
ગુડ ગેમ ઇન્ડિયા ઓડિશન માટે રજિસ્ટ્રેશન હવે ખુલ્લી છે અને 18 વર્ષથી વધુ ઉંમરના કોઈપણ ભારતીય નાગરિક તેના માટે રજિસ્ટ્રેશન કરાવી શકે છે.
પસંદ કરાયેલા સહભાગીઓને ૧૪ અને ૧૫ ફેબ્રુઆરીના રોજ મુંબઈમાં અને ૨૮ ફેબ્રુઆરી અને ૧ માર્ચ, ૨૦૨૬ના રોજ દિલ્હીમાં રૂબરૂ ઓડિશન માટે સીધા બોલાવવામાં આવશે.
K2 બ્યુટી બારના MOM’S TOUCH ઓર્ગેનિક સાબુ નું નવું લક્ષ્ય #IPO અને વૈશ્વિક બજાર
સુરત (ગુજરાત) [ભારત], જાન્યુઆરી 27: વિશ્વ બજાર તરફ દ્રષ્ટિ ફેરવતી આ કંપનીના મૂળ ખૂબ જ ઊંડા અને મજબૂત છે. પિતામહ, પરદાદા દાદા, પાસેથી વારસાગત આવેલી બીજ કે છોડ આજે પણ વટવૃક્ષ બન્યું છે જેની પાછળ 75 વર્ષથી વધુ સમય નું દાન સમાવિષ્ટ છે.
- K2 બ્યુટી બારના MOM’S TOUCH ઓર્ગેનિક સાબુ નું નવું લક્ષ્ય #IPO અને વૈશ્વિક બજાર
- K2 બ્યુટી બાર (NGO) અને ડો. Kતન હિરપરા લિમિટેડ કંપની (સુરત)
હોમમેડ કે ઓર્ગેનિક ગણાતા રસાયણહીન સુસ્વાસ્થ્યના હેતુથી બનાવાતા જડીબુટ્ટી, પાંદડા, ફળોના, અર્કના મિશ્રણથી તૈયાર ઓર્ગેનિક સાબુના વારસાને વધુ ઉચ્ચ ગુણવત્તા આપી ગામડા ગામથી સુરત સુધી પહોંચાડવાનો શ્રેય ડો. Kતન હિરપરા ના ફાળે જાય છે. જેમણે દાદા – પિતામહના આ નાનકડા ગૃહ ઉદ્યોગને વિશ્વ સ્તરે પહોંચાડવા અથાર્ગ મહેનત અને પરિશ્રમ કરી તમામ લાયસન્સ હસ્તગત કર્યા તેમજ આજના સમય અનુરૂપ બીમારી, સ્કીન રેશિસ, હેર ઈશ્યૂસ ને ધ્યાનમાં રાખી ઉપયોગી તેમજ ઓર્ગેનિક એવા 350 થી વધુ વેરાઈટીના હોમમેડ સાબુ MOM’S TOUCH બ્રાન્ડ અંતર્ગત લોકો સુધી પહોંચાડ્યા છે.
આ ઉપરાંત જેન-ઝી સરળતાથી યુઝ કરી શકે તેવા વિશ્વાસપાત્ર ઓર્ગેનિક પ્રોટીન શેમ્પુ અને કન્ડિશનર પણ આ કંપની દ્વારા ઉપલબ્ધ કરાયા છે.
આજથી પોલ્યુટેડ એર , AC ઓફિસો તેમજ કપાતા જંગલો થી વધતા પોલ્યુશન અને સ્કિન પ્રોબ્લેમ, સ્કિન ઇંચિન્સ, ફંગલ ઇન્ફેક્શન સામે પ્રોટેક્શન આપવા લીમડાની લીંબોળી તેમજ કેસુડાના ફુલ જેવા અર્કથી તૈયાર ફેસવોશ, સનસ્ક્રીમ ડે-નાઇટ પ્રોડક્ટ તેમજ સ્કિનને રેજુવનેટ કરતા બદામ ઓઇલ, ઓર્ગન ઓઇલ માંથી બનેલા સિરમ પણ આ કંપની દ્વારા વિશ્વાસનીય રૂપે મળી રહે છે.
માત્ર એટલું જ નહીં વટવૃક્ષ બનેલી આ કંપની આજે બ્યુટી કોસ્મેટિક અને કલર કોસ્મેટીક ની દુનિયામાં થર્ડ પાર્ટી મેન્યુફેક્ચરિંગનું કાર્ય પણ હસ્તગત કર્યું છે. જેનો સંપૂર્ણ શ્રૅય ડો.Kતન હિરપરા ના અનુજ રાઠોડ કપિલ સર અને આરતી મેમના ફાળે જાય છે. જે સંદતર ડો.Kતન હિરપરા ના પગલે અનુસરણ કરી આ ઓર્ગેનિક બ્રાન્ડ તેમજ લિમિટેડ કંપનીને વિશ્વ બજારે મૂકવા કાર્યરત છે. તેમજ ઓર્ગેનિક પ્રોડક્ટના ક્લાસ અને સેમિનાર તેઓ અવારનવાર કરતા રહે છે.
વિશ્વ સ્થળે ઉડાન ભરતી આ લિમિટેડ કંપની પોતાના માત્રે વતનથી જોડાઈને જ ઉપર ઉઠવા માંગે છે જેથી તેઓ સ્ત્રી સશક્તિકરણ તેમજ સ્ત્રી રોજગારની મહત્તમ તકો ઉભી કરતા રહે છે.
સુરત –(N.D.L.) નવદીપ વિદ્યાલય, ડિસેન્ટ ચાઈલ્ડ હાઈ સ્કૂલ, લીટલ મિલેનિયમ, ગુ. હા. બોર્ડ, પાંડેસરા, નવા વર્ષ 2026 નું સ્વાગત ભવ્ય વાર્ષિક સમારોહ 2025–26 સાથે કરે છે.
અમને જણાવતાં આનંદ થાય છે કે 03 જાન્યુઆરી 2026 એ યોજાયેલા અમારી શાળા ના વાર્ષિક સમારોહ અત્યંત સુંદર અને સફળ રહ્યો. અમારા પ્રતિભાશાળી બાળકો દ્વારા રજૂ થયેલા આકર્ષક નૃત્યો, મધુર ગીતો અને પ્રેરણાદાયક નાટકો સાથે સમગ્ર હોલ ઉત્સાહથી ગૂંજી ઉઠ્યો. આ વર્ષની થીમ “પર્યાવરણ સંરક્ષણ અને અમારી સુંદર ધરતીને બચાવવાની ભાવના” પર આધારિત હતી.
કાર્યક્રમના મુખ્ય અતિથિ પદે શ્રીમાન નરોત્તમભાઇ ટી. પટેલ (પૂર્વ કેબિનેટ મંત્રીશ્રી, ગુજરાત સરકાર), અને અતિથિ ડો. દિવ્યાની સોલંકી (નવદીપ વિદ્યાલય ના ભૂતપૂર્વ વિદ્યાર્થીની) તથા સોનમ રાજપૂત (ડિસેન્ટ ચાઈલ્ડ હાઈ સ્કૂલ ના ભૂતપૂર્વ વિદ્યાર્થીની) હાજર રહયા, તે બદલ શાળાના મૅનેજિંગ ટ્રસ્ટી, ટ્રસ્ટી ગણ તથા સંચાલકશ્રી અને શાળાના આચાર્ય શ્રી એમનો હૃદયપૂર્વક આભાર વ્યક્ત કરે છે, જેઓએ કાર્યક્રમને ભવ્ય બનાવ્યો અને તેમના પ્રેરણાદાયક શબ્દોથી બાળકોનો આત્મવિશ્વાસ વધાર્યો.
આ કાર્યક્રમ અમારા વિદ્યાર્થીઓની મહેનત, શિક્ષકોના માર્ગદર્શન અને વાલીઓના સહયોગનું સાચું પ્રતિબિંબ હતું, જેણે સૌમાં એક સુંદર સમુદાયની ભાવના મજબૂત કરી. નાનાં બાળકો હોય કે વરિષ્ઠ વિદ્યાર્થીઓ, તમામ શિક્ષકો, સ્ટાફ અને સંકલનકારોએ આ દિવસને યાદગાર બનાવવા માટે મહત્વપૂર્ણ યોગદાન આપ્યું. આ દિવસ નવા વર્ષ માટે નવી ઊર્જા અને ઉત્સાહ સાથે શરૂ થયો.
સમારોહનો અંતિમ તબક્કો ભવ્ય, આનંદમય અને યાદગાર રહ્યો. તમામ રજૂઆતો એક સાથે મળી એક અદ્ભુત અનુભવ સર્જ્યો.
સર્વત્ર હાસ્ય, પ્રકાશ, સંગીત અને ઉત્સાહની લહેર ફેલાઈ હતી. દરેક ખૂણો બાળકોની સ્મિતથી ઝગમગી રહ્યો હતો.
શાળા વ્યવસ્થાપનના તમામ વિભાગના આચાર્યોએ જણાવ્યું કે શાળા વિદ્યાર્થીઓના સર્વાંગી વિકાસ માટે શૈક્ષણિક નીતિઓ પર સતત કાર્ય કરતી રહેશે, જેથી આગામી વર્ષોમાં વધુ ઉત્તમ પરિણામો મેળવી શકાય.
શાળાના વાર્ષિક સમારોહની સફળતા બદલ શાળા વ્યવસ્થાપને તમામ વાલીઓ, વિદ્યાર્થીઓ અને શિક્ષકો પ્રતિ આભાર વ્યક્ત કર્યો અને આ ભવ્ય કાર્યક્રમને સફળ બનાવવા માટે તેમનું યોગદાન મહત્વનું હોવાનું જણાવ્યું.
વ્હાઇટ લોટસ ઇન્ટરનેશનલ સ્કૂલમાં એસ્ટેરિયન્સ દ્વારા ઉત્સાહપૂર્વક ઉજવાયો ગણતંત્ર દિવસ
સુરત. વ્હાઇટ લોટસ ઇન્ટરનેશનલ સ્કૂલમાં ગણતંત્ર દિવસ અત્યંત ઉત્સાહ અને દેશભક્તિની ભાવનાથી ઉજવાયો. સમગ્ર શાળા ગૌરવ, આનંદ અને સાંસ્કૃતિક ઉત્સાહથી ઝળહળી ઉઠી હતી. આ વિશેષ અવસરને વધુ યાદગાર બનાવ્યો શાળાના નાનકડા વિદ્યાર્થીઓએ કે જેમને સ્નેહપૂર્વક ‘એસ્ટેરિયન્સ’ તરીકે ઓળખવામાં આવે છે. જેમણે પોતાની મનમોહક રજૂઆતો દ્વારા કાર્યક્રમમાં ચાર ચાંદ લગાવી દીધા.
વિદ્યાર્થીઓએ સુવ્યવસ્થિત રીતે આયોજન કરાયેલી પ્રવૃત્તિઓમાં ઉત્સાહપૂર્વક ભાગ લીધો હતો, જેના માધ્યમથી તેમને તેમની ઉંમરને અનુકૂળ અને સરળ રીતે ગણતંત્ર દિવસનું મહત્વ સમજાવવામાં આવ્યું હતું. બાળકોના મધુર દેશભક્તિ ગીતો અને ઉર્જાસભર નૃત્ય પ્રસ્તુતિઓએ સૌનું દિલ જીતી લીધું હતું, જેમાં તેમની નિર્દોષતા, આત્મવિશ્વાસ અને દેશપ્રેમ સ્પષ્ટપણે દેખાતો હતો.
આ કાર્યક્રમ માત્ર ઉજવણી પૂરતો સીમિત નહોતો, પરંતુ તેનો મુખ્ય હેતુ બાળકોમાં એકતા, અનુશાસન અને રાષ્ટ્રીય ગૌરવ જેવા મૂલ્યોને શરૂઆતથી જ વિકસાવવાનો હતો. સંગીત, નૃત્ય અને સર્જનાત્મક અભિવ્યક્તિના માધ્યમથી વિદ્યાર્થીઓએ દેશભક્તિની ભાવનાને અત્યંત સુંદર રીતે રજૂ કરી, જેનાથી ઉપસ્થિત સૌ કોઈ ગહન રીતે પ્રભાવિત થયા હતા.
વ્હાઇટ લોટસ ઇન્ટરનેશનલ સ્કૂલમાં યોજાયેલ ગણતંત્ર દિવસનો આ કાર્યક્રમ એ વાતની સુખદ યાદ અપાવે છે કે જવાબદાર અને ગર્વિત નાગરિકોની રચના બાળપણની શિક્ષણથી જ શરૂ થાય છે. આ આયોજન સૌ માટે પ્રેરણાદાયી અને અવિસ્મરણીય રહ્યું હતું.
શારદા વિદ્યામંદિરમાં ફન ફેરનું આયોજન, વિધાર્થીઓ માટે બન્યો અભ્યાસ સાથે આનંદ અને શીખવાનો ઉત્સવ
- શિક્ષણ સાથે સંસ્કાર અને સર્જનાત્મકતાનો સુંદર સંગમ, રંગબેરંગી સ્ટોલ બન્યા આકર્ષણ
- વિદ્યાર્થીઓએ સંભાળી જવાબદારી, શિક્ષકો અને વાલીઓની સક્રિય ભાગીદારી
સુરત. શારદા વિદ્યામંદિર ગુજરાતી તથા અંગ્રેજી માધ્યમ અને એસ.વી.એમ. અંગ્રેજી માધ્યમ પ્રાથમિક શાળામાં તારીખ 19 અને 20 ડિસેમ્બર 2025ના રોજ બે દિવસીય વાર્ષિક ફન ફેરનું આયોજન કરવામાં આવ્યું હતું. આ ફન ફેર આનંદ, ઉત્સાહ અને સર્જનાત્મકતાથી ભરપૂર રહ્યો. સવારથી જ શાળા પરિસરમાં ઉત્સવ જેવો માહોલ જોવા મળ્યો હતો અને વિદ્યાર્થીઓ, વાલીઓ તથા શિક્ષકોની સક્રિય હાજરીથી સમગ્ર કાર્યક્રમ ઉજવણીરૂપ બની ગયો હતો।
વિદ્યાર્થી પરિષદ દ્વારા શિક્ષકોના માર્ગદર્શન હેઠળ આયોજિત આ ફન ફેરનો મુખ્ય હેતુ વિદ્યાર્થીઓને પાઠ્યપુસ્તકના અભ્યાસથી આગળ વધારીને વ્યવહારુ અનુભવ આપવાનો હતો. કાર્યક્રમ દ્વારા બાળકોમાં ટીમવર્ક, નેતૃત્વ ક્ષમતા અને જવાબદારીની ભાવના વિકસે તેવા પ્રયત્નો કરવામાં આવ્યા હતા।
ફન ફેરમાં વિવિધ ખાણીપીણીના સ્ટોલ ખાસ આકર્ષણનું કેન્દ્ર બન્યા હતા. દક્ષિણ તથા ઉત્તર ભારતીય વ્યંજન સાથે પોપકોર્ન, જ્યુસ, ચા-કોફી અને ઘરગથ્થુ સ્વાદિષ્ટ વાનગીઓએ ઉપસ્થિતોની ખૂબ પ્રશંસા મેળવી. આ સાથે સંગીત, નૃત્ય, કલા અને ક્રાફ્ટ સંબંધિત સ્ટોલોએ વિદ્યાર્થીઓની પ્રતિભાને ઉજાગર કરી હતી।
ખાસ વાત એ રહી કે સ્ટોલ સંચાલનથી લઈને સમગ્ર વ્યવસ્થા સુધીની જવાબદારી વિદ્યાર્થીઓએ પોતે જ સંભાળી હતી. જેના કારણે તેમને આયોજન, સંવાદ અને ટીમવર્કનો વ્યવહારુ અનુભવ મળ્યો. મોટી સંખ્યામાં ઉપસ્થિત રહેલા વાલીઓએ પણ બાળકોને ઉત્સાહ વધાર્યો હતો।
કાર્યક્રમની સફળતા બદલ ટ્રસ્ટી શ્રી ઉમાકાંતભાઈ આચાર્ય અને શ્રી યોગી આચાર્ય, પ્રિન્સિપાલ શ્રી નરેન્દ્રભાઈ ચાવડા, શ્રીમતી હીનાબેન અધ્વર્યુ અને શ્રીમતી શાલિનીબેન પરમારે વિદ્યાર્થી પરિષદ, શિક્ષકો તથા વાલીઓનો આભાર વ્યક્ત કર્યો હતો. તેમણે જણાવ્યું કે આવા કાર્યક્રમો બાળકોના સર્વાંગી વિકાસમાં મહત્વપૂર્ણ ભૂમિકા ભજવે છે।
શાળા વ્યવસ્થાપન દ્વારા જણાવવામાં આવ્યું કે શારદા વિદ્યામંદિર અને એસ.વી.એમ. સ્કૂલ ભવિષ્યમાં પણ આવા સર્જનાત્મક અને શૈક્ષણિક કાર્યક્રમો દ્વારા વિદ્યાર્થીઓને આત્મનિર્ભર અને જવાબદાર નાગરિક બનાવવાની દિશામાં સતત કાર્ય કરતું રહેશે।
વ્હાઇટ લોટસ ઇન્ટરનેશનલ સ્કૂલમાં યોજાયો શિખામણ, આનંદ અને સાહસથી ભરેલો નાઈટ કેમ્પ
સુરત. વ્હાઇટ લોટસ ઇન્ટરનેશનલ સ્કૂલે પોતાના વિદ્યાર્થીઓ માટે એક અનોખા અને જ્ઞાનવર્ધક નાઈટ કેમ્પનું સફળ આયોજન કર્યું હતું. આ કેમ્પ દરમિયાન સમગ્ર સ્કૂલ પરિસર શિખામણ, સર્જનાત્મકતા અને ઉત્સાહથી છલકાઈ ઉઠ્યું હતું. શૈક્ષણિક પ્રવૃત્તિઓ સાથે મનોરંજનનું સુંદર સંયોજન આ કાર્યક્રમની ખાસ વિશેષતા રહ્યું, જેના કારણે વિદ્યાર્થીઓ માટે આ અનુભવ યાદગાર બની રહ્યો.
નાઈટ કેમ્પનું મુખ્ય આકર્ષણ ‘આકાશદર્શન (સ્કાય ગેઝિંગ)’ રહ્યું, જેમાં વિદ્યાર્થીઓએ રાત્રીના આકાશની સુંદરતા નિહાળી વૈજ્ઞાનિક જિજ્ઞાસા અને રોમાંચનો અનુભવ કર્યો. ઉપરાંત, વિદ્યાર્થીઓએ ઘડિયાળ નિર્માણ તથા ચંદ્રમા નિર્માણ જેવી સર્જનાત્મક પ્રવૃત્તિઓમાં ઉત્સાહપૂર્વક ભાગ લઈ પોતાની કલ્પનાશક્તિ, સમયની સમજ અને વૈજ્ઞાનિક જ્ઞાનમાં વધારો કર્યો.
આ બાદ યોજાયેલ મેજિક શોએ બાળકોના ચહેરા પર ખુશીની લહેર દોડાવી દીધી અને સમગ્ર વાતાવરણને આનંદમય બનાવી દીધું. અન્ય સુવ્યવસ્થિત પ્રવૃત્તિઓ દ્વારા વિદ્યાર્થીઓને આખા કેમ્પ દરમિયાન સક્રિય અને ઉત્સાહિત રાખવામાં આવ્યા.
આ નાઈટ કેમ્પનો મુખ્ય ઉદ્દેશ્ય વર્ગખંડની બહાર અનુભવાત્મક શિખામણ, ટીમવર્ક, આત્મવિશ્વાસ અને શોધભાવનાને પ્રોત્સાહન આપવાનો હતો. આ સફળ આયોજન ફરી એકવાર વ્હાઇટ લોટસ ઇન્ટરનેશનલ સ્કૂલની ગુણવત્તાસભર અને નવીન શિક્ષણ પદ્ધતિ પ્રત્યેની પ્રતિબદ્ધતાનું ઉત્તમ ઉદાહરણ સાબિત થયું છે, જે વિદ્યાર્થીઓના સર્વાંગી વિકાસમાં મહત્વની ભૂમિકા ભજવે છે.
ગુજરાતની ‘મધર ઈન્ડિયા’: ફિલ્મ ‘મલુમાડી’ ૩૦ જાન્યુઆરીએ સિનેમાઘરોમાં રિલીઝ થશે; પ્રમોશન અર્થે સ્ટારકાસ્ટ સુરતની મુલાકાતે
સુરત: ગુજરાતી સિનેમામાં માતૃત્વ, સામાજિક એકતા અને સંઘર્ષની અનોખી ગાથા લઈને આવી રહેલી ફિલ્મ ‘ગુજરાતની મધર ઈન્ડિયા: મલુમાડી’ આગામી 30 જાન્યુઆરી, 2026ના રોજ સમગ્ર ગુજરાતમાં રિલીઝ થવા જઈ રહી છે. ફિલ્મની રિલીઝના ગણતરીના દિવસો બાકી છે ત્યારે પ્રમોશનના ભાગરૂપે ફિલ્મની મુખ્ય સ્ટારકાસ્ટ અને મેકર્સ આજે સુરતની મુલાકાતે આવ્યા હતા. પ્રમોશન દરમિયાન ગુરુભાઈ જેઠવા, દિયા ભટ્ટ, વિજય ઝાલા, પ્રિયમ તળાવિયા, કિરણ ખોખાણી વગેરે સ્ટારકાસ્ટ ઉપસ્થિત રહી હતી.
આ ફિલ્મમાં ભારતી ઠક્કર, આકાશ પંડયા, ગુરુભાઈ જેઠવા, દિયા ભટ્ટ, વિજય ઝાલા, પ્રિયમ તળાવિયા, નિહારિકા દવે, અશોક પટેલ, કિરણ ખોખાણી જેવા કલાકારો છે તથા ડિરેક્ટર મિલન જોશી છે તથા સિદ્ધાંત મોશન પિકચર્સના બેનર હેઠળ કિરણ ખોખાણી & વિક્રમ જી. પટોળીયા દ્વારા નિર્મિત છે.
આ ફિલ્મની વાર્તા મુખ્યત્વે શિક્ષણ, નાત-જાત, અંધશ્રદ્ધા, પર્યાવરણ જાળવણી અને કોમેડી જેવા વિષયો પર આધારિત છે. આ ફિલ્મ ગુજરાતની સંસ્કૃતિના અઢાર વરણને એક તાંતણે બાંધવાનું કામ કરશે. મેકર્સના જણાવ્યા મુજબ, “અઢાર મણકાની એક જ ધાગામાં પરોવાયેલી માળા એટલે મલુમાડી.” ફિલ્મની વાર્તા એક માના અજોડ સંઘર્ષ અને પરિવાર પ્રત્યેના સમર્પણની આસપાસ વણાયેલી છે. જોકે આ વાર્તા સંપૂર્ણપણે કાલ્પનિક છે, પરંતુ દર્શકોને ચોક્કસ એવું મહેસૂસ થશે કે આ વાર્તા સત્ય ઘટના આધારિત છે અને આપણી આસપાસ જ ઘટેલી છે.
ફિલ્મના શૂટિંગ વિશે વાત કરીએ તો, જામનગર જિલ્લાના જોડિયા તાલુકાના વાવડી ગામના લોકેશન પર ફિલ્મનું સુંદર ચિત્રણ કરવામાં આવ્યું છે. આ ફિલ્મમાં નિહારિકા દવે, વિજય ઝાલા, અશોક પટેલ/વસોયા અને આશુતોષ સોલંકી જેવા અનુભવી કલાકારો પણ મહત્વની ભૂમિકામાં જોવા મળશે. સંગીતની વાત કરીએ તો, ઐશ્વર્યા મજમુદાર, હરિઓમ ગઢવી, છોટુ ખાન, તૃપ્તિ ગઢવી અને સોહમ નાઈક જેવા નામાંકિત ગાયકોએ ફિલ્મમાં પોતાના સૂર રેલાવ્યા છે. 30 જાન્યુઆરીથી ગુજરાતમાં રિલીઝ થનારી આ ફિલ્મનું ટ્રેલર અત્યારે ડિજિટલ પ્લેટફોર્મ પર ખૂબ જ લોકપ્રિય થઈ રહ્યું છે. સુરતના આંગણે પ્રમોશનલ ઇવેન્ટ પૂર્ણ કર્યા બાદ સમગ્ર ટીમ હવે રિલીઝના દિવસે પ્રેક્ષકોના પ્રતિસાદની આતુરતાથી રાહ જોઈ રહી છે.
સુરતની મુલાકાત દરમિયાન ટીમ દ્વારા ખાસ પ્રીમિયર શોનું આયોજન કરવામાં આવ્યું હતું. આ ઉપરાંત, ટીમ વિવિધ સ્કૂલ અને કોલેજોની મુલાકાત લઈને યુવાઓ સાથે સંવાદ કર્યો. આ અભિયાન અંતર્ગત સમાજ ઘડતરમાં મહત્વનો ફાળો આપતા શિક્ષકોને પ્રોત્સાહન આપવાનું વિશેષ કાર્ય પણ હાથ ધરવામાં આવ્યું.