સુરત: મેનેજમેન્ટ ગુરુ ના સ્થાપક શ્રી જય પાંડે અને શ્રી મહેશ ભાઈ દ્વારા સુરતમાં ટેક્સટાઇલ અને એમ્બ્રોઇડરી ઉદ્યોગના વિકાસને પ્રોત્સાહન આપવા માટે બે વિશાળ બિઝનેસ કાર્યક્રમોનું સફળ આયોજન કરવામાં આવ્યું. “ધ ગ્રે મેન્યુફેક્ચરર ગ્રોથ સમિટ” *”એમબીએ એમ્બ્રોઇડરી – એમ્બ્રોઇડરી ઇન્ડસ્ટ્રીઝ માટે બિઝનેસ વર્કશોપ”* ** માં જાણીતા બિઝનેસ મેન્ટર અને મોટિવેશનલ સ્પીકર હર્ષવર્ધન જૈને ઉદ્યોગસાહસિકો, ઉત્પાદકો અને યુવા વ્યવસાયકારોને વ્યવસાય વિકાસ, આધુનિક મેનેજમેન્ટ, બ્રાન્ડિંગ, માર્કેટિંગ અને લીડરશિપ અંગે માર્ગદર્શન આપ્યું.
ગ્રે મેન્યુફેક્ચરર ગ્રોથ સમિટ દરમિયાન ગ્રે મેન્યુફેક્ચરર દ્વારા આકર્ષક એક્ઝિબિશન સ્ટોલ રજૂ કરવામાં આવ્યો હતો, જ્યાં મુલાકાતીઓને કંપનીના ઉત્પાદનો, નવીન ટેક્નોલોજી અને ઉદ્યોગલક્ષી સોલ્યુશન્સ અંગે માહિતી આપવામાં આવી હતી. સ્ટોલને ઉદ્યોગજગત તરફથી ઉત્સાહભર્યો પ્રતિસાદ મળ્યો હતો.
તે ઉપરાંત *એમબીએ ઇન એમ્બ્રોઇડરી – એમ્બ્રોઇડરી ઇન્ડસ્ટ્રીઝ માટે બિઝનેસ વર્કશોપ* નું આયોજન સરદાર સ્મૃતિ ભવન, વરાછા, સુરત ખાતે કરવામાં આવ્યું હતું. હર્ષવર્ધન જૈને પોતાના સંબોધનમાં 5M – માનવશક્તિ, મશીનરી, સામગ્રી, નાણાં અને વ્યવસ્થાપનના મહત્વ પર પ્રકાશ પાડતાં જણાવ્યું હતું કે આધુનિક ટેક્નોલોજી, યોગ્ય મેનેજમેન્ટ અને મજબૂત બ્રાન્ડિંગ દ્વારા જ ઉદ્યોગને લાંબા ગાળાની સફળતા પ્રાપ્ત થઈ શકે છે.
આ કાર્યક્રમશ્રી ઓમ જરી ઇન્ડસ્ટ્રીઝ પ્રાઇવેટ લિમિટેડ દ્વારા રજૂ કરવામાં આવ્યો હતો,
ગ્રે મેન્યુફેક્ચરર ગ્રોથ સમિટનું આયોજન ફ્રોન મશીનરી અને રોયલ ગ્રુપ દ્વારા કરવામાં આવ્યું હતું. જ્યારે MBA એમ્બ્રોઇડરી પ્રોગ્રામનું આયોજન સિન્સિમ લિબર્ટી એમ્બ્રોઇડરી મશીન અને ઓમ સત્યા અને BTW થ્રેડ દ્વારા ટાઇટલ સ્પોન્સર તરીકે કરવામાં આવ્યું હતું.
બંને કાર્યક્રમોમાં મોટી સંખ્યામાં ટેક્સટાઇલ અને એમ્બ્રોઇડરી ઉદ્યોગ સાથે જોડાયેલા ઉદ્યોગકારો, ઉત્પાદકો અને વ્યવસાયિકોએ હાજરી આપી હતી. ઉપસ્થિતોએ કાર્યક્રમોને જ્ઞાનવર્ધક, પ્રેરણાદાયી અને વ્યવસાય વિકાસ માટે અત્યંત ઉપયોગી ગણાવ્યા હતા. આ બંને સમિટ ઉદ્યોગજગત માટે નેટવર્કિંગ, જ્ઞાનની આપ-લે અને નવા વ્યવસાયિક અવસરો સર્જવા માટે મહત્વપૂર્ણ મંચ સાબિત થયા.