શિક્ષણ અને ટેકનોલજી
જૂના કોરિડોરમાં ફરી તાજી થઈ શાળાના દિવસોની યાદો, પ્રથમ એલ્યુમનાઈ મીટમાં પૂર્વ વિદ્યાર્થીઓ એકઠા થયા
સુરત: તાપ્તી વેલી ઇન્ટરનેશનલ સ્કૂલમાં પ્રથમ એલ્યુમનાઈ મીટનું આયોજન કરવામાં આવ્યું હતું. જેમાં શાળાના 120થી વધુ પૂર્વ વિદ્યાર્થીઓ પોતાના જૂના સહપાઠીઓ, શિક્ષકો અને શાળા સાથે ફરી જોડાયા હતા. કાર્યક્રમ દરમિયાન શાળાના દિવસોની યાદો તાજી થઈ હતી અને મિત્રતા, આભાર તથા આત્મીયતાની લાગણી જોવા મળી હતી.
કાર્યક્રમની શરૂઆત સ્ટુડન્ટ કાઉન્સિલ દ્વારા પૂર્વ વિદ્યાર્થીઓના ઉષ્માભર્યા સ્વાગત સાથે થઈ હતી. ત્યારબાદ ફોટો વોલ, સંગીત અને નૃત્યની રજૂઆતો કરવામાં આવી હતી. શાળાના પ્રિન્સિપાલ શ્રદ્ધા જૈને વિશેષ સ્વાગત કર્યું હતું. પૂર્વ વિદ્યાર્થીઓએ શાળાના જૂના કોરિડોર અને વર્ગખંડોમાં જઈને પોતાના શાળાજીવનની યાદોને ફરી અનુભવી હતી.
કાર્યક્રમ દરમિયાન પૂર્વ વિદ્યાર્થીઓએ શાળાની સહિકાઓ અને ભાઈઓનું સન્માન કર્યું હતું. તેમણે શાળામાં પોતાના સફર દરમિયાન મળેલા સહયોગ, સંભાળ અને સ્નેહ બદલ આભાર વ્યક્ત કર્યો હતો. આ દરમિયાન એ પણ સામે આવ્યું કે ટીવીઆઈએસમાં શિક્ષણ માત્ર અભ્યાસ પૂરતું મર્યાદિત નથી, પરંતુ વિદ્યાર્થીઓને સારા અને સંવેદનશીલ માનવી બનાવવામાં પણ ભાર મૂકવામાં આવે છે.
શાળાના ચેરમેન પ્રમોદ ચૌધરીએ પ્રેરણાદાયી સંબોધન કર્યું હતું. ત્યારબાદ પર્યાવરણને અનુકૂળ ફુગ્ગા છોડવામાં આવ્યા હતા. પૂર્વ વિદ્યાર્થીઓએ હાઉઝીનો આનંદ માણ્યો હતો અને ત્યારબાદ શાળાજીવનના સૌથી પસંદગીના ભાગોમાંના એક રમતગમતમાં ભાગ લીધો હતો.
– એલ્યુમનાઈ એસોસિએશનની જાહેરાત, હોદ્દેદારોએ શપથ લીધા
એલ્યુમનાઈ મીટ દરમિયાન તાપ્તી વેલી એલ્યુમનાઈ એસોસિએશનની જાહેરાત કરવામાં આવી હતી. તેના હોદ્દેદારોએ શપથ લીધા હતા. ચિંતન ગજ્જરને પ્રમુખ, માધવ ચોકસીને સચિવ અને જાહ્નવી શાહને ખજાનચી બનાવવામાં આવ્યા હતા.
કાર્યક્રમમાં કેક કાપ્યા બાદ શાળાની હેડમિસ્ટ્રેસે આભાર વ્યક્ત કર્યો હતો. આ સાથે સંગીત અને નૃત્ય વચ્ચે ડીજે સેશન યોજાયું હતું, જેમાં પૂર્વ વિદ્યાર્થીઓએ ઉત્સાહપૂર્વક ભાગ લીધો હતો.
આ આયોજન માત્ર પૂર્વ વિદ્યાર્થીઓનું મિલન બનીને રહ્યું નહોતું, પરંતુ મિત્રતા, આભાર, જૂની યાદો અને તાપ્તી વેલી સ્કૂલ સાથે તેમના લાંબા સમયથી જોડાયેલા સંબંધોની ઉજવણી બની રહ્યું હતું. કાર્યક્રમના અંતે એ જ ભાવના જોવા મળી હતી કે એક વખત વિદ્યાર્થી બન્યા બાદ હંમેશા તાપ્તી વેલી પરિવારનો હિસ્સો બની રહે છે.
સાર્વજનિક યુનિવર્સિટીના વિદ્યાર્થીઓને રાષ્ટ્રીય પર્યાવરણ બાલ સંસદમાં માર્ગદર્શક તરીકે રાષ્ટ્રીય સ્તરે ઓળખ
સુરત : ની સાર્વજનિક યુનિવર્સિટી માટે ગૌરવની વાત છે કે તેની બે સંલગ્ન સંસ્થાઓના વિદ્યાર્થીઓની રાષ્ટ્રીય પર્યાવરણ બાલ સંસદ (Rashtriya Paryavaran Bal Sansad – RPBS)ની પ્રથમ અખિલ ભારતીય આવૃત્તિમાં માર્ગદર્શક તરીકે પસંદગી થઈ છે. આ કાર્યક્રમ 7 ઑક્ટોબર, 2026ના રોજ દિલ્હી વિધાનસભા ખાતે યોજાયો હતો.
શ્રી રામકૃષ્ણ ઇન્સ્ટિટ્યૂટ ઑફ એપ્લાઇડ સાયન્સિસ એન્ડ કમ્પ્યુટર એજ્યુકેશન (SRKI)ના વિદ્યાર્થી સન્યમ ડાગલીની માર્ગદર્શક અને સંયોજક (Mentor and Coordinator) તરીકે, જ્યારે એસ. આર. લુથરા ઇન્સ્ટિટ્યૂટ ઑફ મેનેજમેન્ટ (SRLIM)ના વિદ્યાર્થી કીર્તન રણકાવટની માર્ગદર્શક (Mentor) તરીકે પસંદગી કરવામાં આવી હતી. બંને સંસ્થાઓ સાર્વજનિક એજ્યુકેશન સોસાયટી દ્વારા સંચાલિત સાર્વજનિક યુનિવર્સિટીની સંલગ્ન સંસ્થાઓ છે.
આ રાષ્ટ્રીય સ્તરની પહેલનો હેતુ યુવાનોમાં પર્યાવરણ પ્રત્યે જાગૃતિ, સંરક્ષણની ભાવના અને નેતૃત્વના ગુણો વિકસાવવાનો છે. આ કાર્યક્રમમાં ભારતનાં વિવિધ રાજ્યોમાંથી પસંદ કરાયેલા વિદ્યાર્થીઓ અને યુવા પ્રતિનિધિઓએ ભાગ લીધો હતો. તેમણે ટકાઉ વિકાસ, જળ સંરક્ષણ, વૃક્ષારોપણ, પ્રદૂષણ નિયંત્રણ અને પર્યાવરણના રક્ષણમાં નાગરિકોની જવાબદારી જેવા મહત્ત્વપૂર્ણ વિષયો પર ચર્ચા કરી હતી.
માર્ગદર્શક અને સંયોજક તરીકે સન્યમ ડાગલીએ ભાગ લેનારા વિદ્યાર્થીઓને માર્ગદર્શન આપ્યું હતું તથા કાર્યક્રમના સંકલન અને વ્યવસ્થાપનમાં યોગદાન આપ્યું હતું. કીર્તન રણકાવટે પણ વિદ્યાર્થીઓને માર્ગદર્શન આપીને પર્યાવરણીય મુદ્દાઓ પ્રત્યે તેમની સમજ અને જવાબદાર યુવા નેતૃત્વની ભાવનાને પ્રોત્સાહિત કરવામાં મહત્ત્વપૂર્ણ ભૂમિકા ભજવી હતી.
રાષ્ટ્રીય પર્યાવરણ બાલ સંસદે યુવા સહભાગીઓને સંસદીય પ્રક્રિયાઓ સમજવા, પર્યાવરણ સંબંધિત પડકારો અંગે વિચારોનું આદાનપ્રદાન કરવા અને ભારતના ભવિષ્ય માટે ટકાઉ ઉકેલો સૂચવવા માટે એક અર્થપૂર્ણ મંચ પૂરો પાડ્યો હતો. આ પહેલનો ઉદ્દેશ યુવા પેઢીમાં પર્યાવરણીય જાગૃતિ વધારવાનો અને પર્યાવરણ સંરક્ષણમાં સક્રિય ભાગીદારીને પ્રોત્સાહન આપવાનો છે.
સાર્વજનિક યુનિવર્સિટીના પ્રમુખ અને સાર્વજનિક એજ્યુકેશન સોસાયટીના ચેરમેન શ્રી આશિષ વકીલ તથા યુનિવર્સિટીના પ્રોવોસ્ટ ડૉ. કિરણ પંડ્યાએ વિદ્યાર્થીઓની પહેલ અને સહભાગિતાની પ્રશંસા કરી હતી અને તેમની આ સિદ્ધિ બદલ અભિનંદન પાઠવ્યાં હતાં. તેમણે પર્યાવરણીય જાગૃતિ અને યુવા નેતૃત્વ પ્રત્યેની તેમની પ્રતિબદ્ધતાને બિરદાવી હતી. તેમણે જણાવ્યું હતું કે આવી પહેલો વિદ્યાર્થીઓને વર્ગખંડની બહાર શીખવાની તક આપે છે અને તેમને સમાજમાં અર્થપૂર્ણ યોગદાન આપવા માટે પ્રેરિત કરે છે.
સન્યમ ડાગલી અને કીર્તન રણકાવટની આ પસંદગી રાષ્ટ્રીય સ્તરની પહેલોમાં સાર્વજનિક યુનિવર્સિટીના વિદ્યાર્થીઓની વધતી ભાગીદારી દર્શાવે છે. તેમની આ સિદ્ધિ યુનિવર્સિટી, સાર્વજનિક એજ્યુકેશન સોસાયટી અને ગુજરાત માટે ગૌરવની બાબત છે. આ સિદ્ધિ સામાજિક રીતે જવાબદાર, પર્યાવરણ પ્રત્યે જાગૃત અને સક્રિય યુવા નેતૃત્વ વિકસાવવાના મહત્ત્વને ઉજાગર કરે છે.
પારુલ યુનિવર્સિટીએ ટાઇમ્સ હાયર એજ્યુકેશન વર્લ્ડ યુનિવર્સિટી રેન્કિંગ્સ 2027માં આંતરરાષ્ટ્રીય સ્તરે પ્રવેશ કર્યો, આંતરરાષ્ટ્રીય રેન્કિંગ્સમાં સ્થાન મેળવનારી ગુજરાતની એકમાત્ર યુનિવર્સિટી બની
પારુલ યુનિવર્સિટીએ ટાઇમ્સ હાયર એજ્યુકેશન (THE) વર્લ્ડ યુનિવર્સિટી રેન્કિંગ્સ 2027માં 1601-1800ના ગ્લોબલ બેન્ડમાં સ્થાન મેળવીને પોતાની આંતરરાષ્ટ્રીય એકેડેમિક સફર શરૂ કરીને એક નવું પ્રકરણ શરૂ કર્યું છે. આ સફળતાની સાથે પારુલ યુનિવર્સિટી THE વર્લ્ડ યુનિવર્સિટી રેન્કિંગ્સ 2027માં આંતરરાષ્ટ્રીય સ્તરે રેન્ક મેળવનારી ગુજરાતની એકમાત્ર યુનિવર્સિટી બની ગઈ છે, જેથી રાજ્યને દુનિયાની ઉચ્ચ શૈક્ષણિક સંસ્થાઓ માટે સૌથી પ્રતિષ્ઠિત પ્લેટફોર્મ પૈકીના એક પર ઓળખ મળી છે.
પારુલ યુનિવર્સિટીએ અગાઉ THE ઇમ્પેક્ટ રેન્કિંગ્સ 2025માં આંતરરાષ્ટ્રીય સ્તરે પોતાની શરૂઆત કરી હતી અને તેને 1001-1500ના ગ્લોબલ બેન્ડ તથા ભારતની ટોચની 50 સંસ્થાઓમાં સ્થાન મળ્યું હતું. ઇમ્પેક્ટ રેન્કિંગ્સ સંયુક્ત રાષ્ટ્રના સતત વિકાસ લક્ષ્યાંકોમાં યુનિવર્સિટીઓના યોગદાનનું મૂલ્યાંકન કરે છે, જેમાં શિક્ષણ, સ્વાસ્થ્ય, લિંગ સમાનતા અને પાર્ટરનશિપ શામેલ છે.
ત્યાર બાદ યુનિવર્સિટીએ THE સસ્ટેનેબિલિટી ઇમ્પેક્ટ રેટિંગ્સ 2026ની સાથે પોતાની આંતરરાષ્ટ્રીય સસ્ટેનેબિલિટી ઓળખને વધારે મજબૂત કરી હતી, જેમાં તે 401-600 ગ્લોબલ બેન્ડ અને ભારતની ટોચની 40 સંસ્થાઓમાં શામેલ થઈ હતી. વિવિધ સતત વિકાસ લક્ષ્યાંકો પર એના પ્રદર્શને એના સંસ્થાગત પ્રભાવને વધારે સ્પષ્ટ કર્યો હતો. પારુલ યુનિવર્સિટીએ SDG 4 – ગુણવત્તાયુક્ત શિક્ષણ અંતર્ગત દુનિયામાં 46મો અને ભારતમાં સાતમો રેન્ક મેળવ્યો હતો તથા દુનિયામાં ટોચની 50 સંસ્થાઓમાં સ્થાન મેળવ્યું હતું. SDG 5 – લિંગ સમાનતા અંતર્ગત સંસ્થાએ દુનિયાની ટોચની 100 સંસ્થાઓમાં 60મું સ્થાન અને ભારતમાં છઠ્ઠું સ્થાન મેળવ્યું હતું. SDG 3 – સારું સ્વાસ્થ્ય અને સુખાકારી અંતર્ગત યુનિવર્સિટીને 101-200ના ગ્લોબલ બેન્ડમાં સ્થાન મળ્યું હતું. સંસ્થાએ SDG 9 – ઉદ્યોગ, ઇનોવેશન અને માળખાગત સુવિધા અંતર્ગત શરૂઆત કરી હતી અને 401-600 ગ્લોબલ બેન્ડમાં સ્થાન મેળવ્યું હતું તથા ભારતમાં ટોચની 50 સંસ્થાઓમાં શામેલ થઈ હતી. યુનિવર્સિટીએ SDG 17 – લક્ષ્યાંકો માટે ભાગીદારીઓ અંતર્ગત ગ્લોબલ બેન્ડ 201-300માં સ્થાન મેળવ્યું છે અને ભારતમાં ટોચની 20 સંસ્થાઓમાં શામેલ થઈ છે, જે એકેડેમિક, ઉદ્યોગ, સંશોધન અને સામુદાયિક ભાગીદારીના વધતા નેટવર્કનો પુરાવો છે.
THE ઇમ્પેક્ટ રેન્કિંગ્સ 2025માં પહેલી વાર શામેલ થવાથી લઈને THE સસ્ટેનેબિલિટી ઇમ્પેક્ટ રેટિંગ્સ 2026 અને હવે THE વર્લ્ડ યુનિવર્સિટી રેન્કિંગ્સ 2027નો ભાગ બનવા સુધીની સફર ઉચ્ચ શિક્ષણનાં વિવિધ પાસાંમાં દુનિયાભરમાં વધતી ઓળખને દર્શાવે છે. ઇમ્પેક્ટ અને સસ્ટેનેબિલિટી રેન્કિંગ્સ સંસ્થાના સતત વિકાસમાં પ્રદાનનું મૂલ્યાંકન કરે છે, તો વર્લ્ડ યુનિવર્સિટી રેન્કિંગ્સ યુનિવર્સિટીઓના મૂલ્યાંકનો માટે એક બહોળો વૈશ્વિક સંદર્ભ આપે છે. એટલે આ હાલની ઓળખ પારુલ યુનિવર્સિટી માટે શ્રેષ્ઠ વૈશ્વિક ઓળખ, એકેડેમિક જોડાણ અને આંતરરાષ્ટ્રીય બેન્ચમાર્કિંગની દિશામાં મહત્વપૂર્ણ સીમાચિહ્ન છે.
આ સીમાચિહ્ન પર પારુલ યુનિવર્સિટીના વાઇસ પ્રેસિડન્ટ ડૉ. ગીતિકા મદન પટેલે કહ્યું હતું, “ટાઇમ્સ હાયર એજ્યુકેશન વર્લ્ડ યુનિવર્સિટી રેન્કિંગ્સ 2027માં આ પહેલી વાર શામેલ થવું પારુલ યુનિવર્સિટી અને ગુજરાત માટે બહુ મહત્વપૂર્ણ સીમાચિહ્ન છે. THE ઇમ્પેક્ટ રેન્કિંગ્સ અને સસ્ટેનેબિલિટી ઇમ્પેક્ટ રેટિંગ્સની સાથે પોતાના અનુભવ પરથી અમે એ સારી રીતે સમજ્યાં છીએ કે મૂલ્યાંકન યોગ્ય એકેડેમિક અને સામાજિક પ્રભાવ પેદા કરવાનો અર્થ શું છે. વર્લ્ડ યુનિવર્સિટી રેન્કિંગ્સમાં સ્થાન મેળવવું આ સફરનું વધુ એક પગલું છે. હજુ ઘણું થવાનું બાકી છે અને અમે એક એવી સંસ્થા બનાવવા કટિબદ્ધ છીએ, જે અર્થસભર કામ કરે અને લાંબા ગાળાના પ્રભાવના માધ્યમથી આંતરરાષ્ટ્રીય ઓળખ મેળવે.”
THE વર્લ્ડ યુનિવર્સિટી રેન્કિંગ્સ 2027માં પહેલી વાર પ્રવેશ કરીને પારુલ યુનિવર્સિટી હવે વધારે આંતરરાષ્ટ્રીય જોડાણ, વધારે સંશોધન અને એકેડેમિક જોડાણ, આંતરરાષ્ટ્રીય સ્તરે વિઝિબિલિટીમાં વધારા અને સતત સંસ્થાગત વૃદ્ધિની ખાતરી આપતા ભવિષ્ય તરફ નજર દોડાવી રહી છે. 1601-1800 બેન્ડ અંતિમ સીમાચિહ્ન નથી, પરંતુ આંતરરાષ્ટ્રીય ઉચ્ચ શિક્ષણના ક્ષેત્રમાં યુનિવર્સિટીની સતત સફર માટે એક નવો સંદર્ભ પોઇન્ટ છે.
આ સીમાચિહ્ન પારુલ યુનિવર્સિટીની વધતી આંતરરાષ્ટ્રીય ઓળખનું એક નવું પ્રકરણ છે તથા યુનિવર્સિટી સાથે આંતરરાષ્ટ્રીય ઉચ્ચ શિક્ષણના ક્ષેત્રમાં ગુજરાતની હાજરી માટે મહત્વપૂર્ણ ક્ષણ છે.
એસ્ટર સ્કૂલ, સુરતે શુભ ભૂમિપૂજન સાથે શિક્ષણ ક્ષેત્રે નવા યુગનો પ્રારંભ કર્યો
– 32 વર્ષના શૈક્ષણિક વારસાને આગળ વધારવાની દિશામાં નવા સંસ્થાની શરૂઆત
સુરત. એસ્ટર સ્કૂલ, સુરતના શુભ ભૂમિપૂજન સમારોહ સાથે એસ્ટર ઇન્સ્ટિટ્યૂશન્સ માટે શિક્ષણ ક્ષેત્રે એક નવા અને ગૌરવપૂર્ણ અધ્યાયનો પ્રારંભ થયો છે. છેલ્લા 32 વર્ષથી શિક્ષણ ક્ષેત્રે સેવાઓ આપી રહેલા એસ્ટર ઇન્સ્ટિટ્યૂશન્સ માટે આ પ્રસંગ એક મહત્વપૂર્ણ સીમાચિહ્નરૂપ રહ્યો હતો.
આ પાવન પ્રસંગે સંસ્થાના ચેરમેન ડૉ. વી. કે. શર્મા, શ્રીમતી આશા શર્મા અને શ્રીમતી પૂર્વિકા સોલંકીએ વિધિવત પૂજા-અર્ચના કરી હતી. સંસ્થાની સતત સફળતા અને ઉજ્જવળ ભવિષ્ય માટે ઈશ્વરના આશીર્વાદ મેળવવામાં આવ્યા હતા.
સમગ્ર સમારોહ ભક્તિ, સકારાત્મકતા, આનંદ અને આશાભર્યા વાતાવરણમાં યોજાયો હતો. એસ્ટર પરિવારના સભ્યોની ઉપસ્થિતિમાં સુરતમાં નવા શૈક્ષણિક સંસ્થાનની પાયાની શિલા મૂકવામાં આવી હતી.
શિક્ષણ ક્ષેત્રે 32 વર્ષના સમૃદ્ધ અનુભવ સાથે એસ્ટર ઇન્સ્ટિટ્યૂશન્સે જ્ઞાન, સંસ્કાર અને વિદ્યાર્થીઓના સર્વાંગી વિકાસ પ્રત્યે પોતાની પ્રતિબદ્ધતાની મજબૂત પરંપરા ઊભી કરી છે. એસ્ટર સ્કૂલ, સુરતની શરૂઆત આ જ શૈક્ષણિક વારસાને આગળ વધારવાની દિશામાં મહત્વપૂર્ણ પગલું છે.
નવા સંસ્થાનની પરિકલ્પના માત્ર એક શાળા તરીકે નહીં, પરંતુ યુવા પ્રતિભાઓને વિકસાવવાના, વિદ્યાર્થીઓમાં સંસ્કારોને મજબૂત બનાવવાના અને તેમને આત્મવિશ્વાસુ, સંવેદનશીલ તથા ભવિષ્યના પડકારો માટે સક્ષમ બનાવવાના ઉદ્દેશ સાથે કરવામાં આવી છે.
એસ્ટર સ્કૂલ, સુરતમાં શૈક્ષણિક શ્રેષ્ઠતા, સર્વાંગી વિકાસ, આધુનિક શિક્ષણ પદ્ધતિઓ અને મૂલ્ય આધારિત શિક્ષણના સમન્વય પર ભાર મૂકવામાં આવશે. વિદ્યાર્થીઓને વર્ગખંડની સાથે અભ્યાસેતર પ્રવૃત્તિઓમાં પણ પોતાની પ્રતિભા અને ક્ષમતાઓ ઓળખી તેને વિકસાવવાની પૂરતી તકો મળે તે દિશામાં સંસ્થાનું આયોજન કરવામાં આવ્યું છે.
ભૂમિપૂજન સમારોહ માત્ર નવા પરિસરની પાયારચનાનો પ્રસંગ નહોતો, પરંતુ એક વ્યાપક દૃષ્ટિકોણ અને સંકલ્પની શરૂઆત પણ હતી. વિદ્યાર્થીઓને ભવિષ્યની તકો અને પડકારોનો આત્મવિશ્વાસ સાથે સામનો કરવા સક્ષમ બનાવે તેવું શિક્ષણ પૂરું પાડવાનો સંકલ્પ આ પ્રસંગે વ્યક્ત કરવામાં આવ્યો હતો.
મળેલા આશીર્વાદ પ્રત્યે કૃતજ્ઞતા અને ઉજ્જવળ ભવિષ્ય પ્રત્યે આશાવાદ સાથે એસ્ટર ઇન્સ્ટિટ્યૂશન્સ સુરતમાં આ નવા અધ્યાયની શરૂઆત નવી ઊર્જા, સમર્પણ અને હેતુ સાથે કરવા પ્રતિબદ્ધ છે.
પારુલ યુનિવર્સિટીના લૉ ફેસ્ટ સંવિધાન પે ચર્ચા 4.0માં પ્રસિદ્ધ જજો અને કાયદાકીય નિષ્ણાતોએ બંધારણ પર ચર્ચાનું નેતૃત્વ કર્યું
પારુલ યુનિવર્સટીએ એની ફ્લેગશિપ લીગલ કોન્ક્લેવ સંવિધાન પે ચર્ચા 4.0ની ચોથી એડિશનનું આયોજન કર્યું હતું. આ કાર્યક્રમમાં ન્યાયપાલિકાના પ્રસિદ્ધ સભ્યો, વરિષ્ઠ વકીલો, કાયદાકીય વ્યાવસાયિકો અને લૉના વિદ્યાર્થીઓ સામેલ થયા હતા. તેમાં બંધારણીય મૂલ્યો, વર્તમાન કાયદાકીય સવાલો અને કાયદાના બદલાતા સ્વરૂપ પર ચર્ચાવિચારણા થઈ હતી. કાર્યક્રમમાં નિષ્ણાતોના ભાષણો, સંવાદસત્રો, PU ટૉક, વર્કશોપ અને સ્પર્ધાત્મક પ્લેટફોર્મ સામેલ હતા, જેથી વિદ્યાર્થીઓને ક્લાસરૂમની બહાર કાયદાકીય જગતના લોકો સાથે વાત કરવાની તક મળી હતી.
આ કાર્યક્રમમાં ભારતીય સુપ્રીમ કોર્ટના જજ માનનીય જસ્ટિસ શ્રી વિપુલ એમ. પંચોલી, ગુજરાત હાઈ કોર્ટના જજ માનનીય જસ્ટિસ શ્રી ડી. એન. રે, ગુજરાત હાઈ કોર્ટના જજ માનનીય જસ્ટિસ એન. એસ. સંજય ગૌડા, ભારતીય સુપ્રીમ કોર્ટના સીનિયર એડવોકેટ અને ભાજપના રાષ્ટ્રીય પ્રવક્તા શ્રી ગૌરવ ભાટિયા, ભારતીય સુપ્રીમ કોર્ટના સીનિયર એડવોકેટ સુશ્રી મહાલક્ષ્મી પાવની અને ભારતીય સુપ્રીમ કોર્ટના સીનિયર એડવોકેટ સુશ્રી અનિતા શેનોય સાથે કાયદાકીય ક્ષેત્રના અન્ય પ્રતિષ્ઠિત સભ્યો સામેલ હતા. તેમની હાજરીએ વકીલાત કરવા ઇચ્છુક લોકોને ન્યાયતંત્રના વિચારો સીધા સાંભળવાની અને કાયદાકીય શિક્ષણ અને વકીલાતના વ્યવહારિક પાસાં વિશે જાણવાની તક આપી હતી.
કાયદાકીય વ્યવસાયમાં બંધારણીય સિદ્ધાંતોના મહત્વ પર વાત કરીને અને ભવિષ્યના વકીલો પર ધ્યાન કેન્દ્રિત કરીને માનનીય જસ્ટિસ શ્રી વિપુલ મનુભાઈ પંચોલીએ કહ્યું હતું, “લૉ સ્કૂલની જવાબદારી ફક્ત કાયદાકીય શિક્ષણ આપવા પૂરતું મર્યાદિત નથી, પરંતુ વ્યાવસાયિક નૈતિકતા, બંધારણીય મૂલ્યો અને સામાજિક જવાબદારીઓને વધારવાની પણ છે. એટલે ભવિષ્યના વકીલો પાસે કાયદાકીય જાણકારીની સાથે સમાજ અને ટેકનિકલ સમજણ પણ હોવી જોઈએ, જેમાં કાયદો કામ કરે છે ભવિષ્યના વકીલ તરીકે યાદ રાખો કે, વકીલાતનો અર્થ ફક્ત કેસ જીતવાનો નથી, પરંતુ કોર્ટને સાચા અને કાયદાકીય રીતે ઉચિત પરિણામ સુધી પહોંચાડવામાં મદદ કરવાનો છે.”
આ પ્રસંગે ઉપસ્થિત દર્શકોને સંબોધન કરીને માનનીય જસ્ટિસ શ્રી ડી. એન. રેએ બંધારણીય અને કાયદાકીય મુદ્દા પર પોતાનો અભિપ્રાય રજૂ કર્યો હતો તથા હાલની ઝડપથી બદલાતી દુનિયા સાથે વર્તમાન યુવા પેઢી કેવી રીતે પડકારોનો સામનો કરે છે એ વિશે વિચારો રજૂ કર્યા હતા. તેમણે કહ્યું હતું, “તાત્કાલિક પ્રશંસા કે સંતોષ અને સફળતા મેળવવાની આ દોટમાં કૃપા કરીને નિષ્ફળતા મેળવવા પણ તૈયાર રહો. આ જરૂરી બોધપાઠ છે, જે તમને કોઈ નહીં જણાવે. નિષ્ફળતા મળે એમાં કશું ખોટું નથી. તેમાં કોઈ સમસ્યા પણ નથી એટલે સૌથી જરૂરી વાત એ છે કે, નિષ્ફળ થવું અને તેમાંથી પ્રાપ્ત અનુભવો સાથે આગેકૂચ કરવી તથા એ સમજવું કે હકીકતમાં તમારી સ્પર્ધા અન્ય કોઈ સામે નથી તમારા એકમાત્ર હરીફ તમે પોતે છે.”
આ કાર્યક્રમમાં સંવાદનું એક સત્ર પણ સામેલ હતું, જે પછી ભારતીય સુપ્રીમ કોર્ટના સીનિયર એડવોકેટ અને ભાજપના રાષ્ટ્રીય પ્રવક્તા શ્રી ગૌરવ ભાટિયાએ “ધ લિવિંગ કોન્સ્ટિટ્યૂશન : ડેમોક્રેસી, રુલ ઓફ લૉ એન્ડ ચેલેન્જિંગ લેન્ડસ્કેપ ઓફ ફંડામેન્ટલ રાઇટ્સ (જીવંત બંધારણ : લોકશાહી, કાયદાનું શાસન અને મૂળભૂત અધિકારોની પડકારજનક પૃષ્ઠભૂમિ)” વિષય પર PU ટૉક કરી હતી. આ સત્રમાં વર્તમાન ભારતના બંધારણીય સિદ્ધાંતોનું મહત્વ અને મૌલિક અધિકારો વિશે બદલાતી સમજણ પર ચર્ચા થઈ હતી. સંવાદને વર્તમાન બંધારણીય સ્થિતિ સાથે જોડીને અને બદલાતા સામાજિક વાતાવરણમાં બંધારણીય સિદ્ધાંતોને સમજવાની જરૂરિયાત પર ભાર દઈને તેમણે કહ્યું હતું, “બંધારણ એક એવો દસ્તાવેજ છે, જે સમાનતા, સ્વતંત્રતા, બંધુત્વ અને ન્યાયની વાત કરે છે જો તમારી સાથે સન્માન સાથે વ્યવહાર ન થાય, તો જીવનનો અર્થ શું છે? એ જીવનથી પણ વધારે મહત્વપૂર્ણ છે. જીવનનો અર્થ ફ્કત શ્વાસ લેવાનો નથી. જીવનનો અર્થ છે – પોતાની જીવનમાં આત્મા ઉમેરવો અને સન્માન જ એ હાર્દ છે.”
ભારતીય બંધારણ : ભૂતકાળ, વર્તમાન અને ભવિષ્ય વિષય પર વિદ્યાર્થીઓ સાથે વાત કરીને ગુજરાત હાઈ કોર્ટના આદરણીય જસ્ટિસ શ્રી એન. એસ. સંજય ગૌડાએ કહ્યું હતું, “બંધારણ એક એવો દસ્તાવેજ છે, જે હકીકતમાં આપણને ઓળખ આપે છે. બંધારણની મુખ્ય જરૂર આપણે શું કરી શકીએ એ જણાવવાની નથી,પરંતુ આપણે શું કરી શકતા નથી અને આપણે શું કરવું જોઈએ એ જણાવવાની છે.”
આ પ્રસંગે પારુલ યુનિવર્સિટીના પ્રેસિડન્ટ ડૉ. દેવાંશુ પટેલે કહ્યું હતું, “સંવિધાન પે ચર્ચાનો ઉદ્દેશ કાયદાકીય વ્યાવસાયિકોની આગામી પેઢી સાથે બંધારણીય વિચારો પર અર્થસભર સંવાદ કરવાનો છે. પ્રસિદ્ધ જજ, વકીલો અને નિષ્ણાતોને મળીને વિદ્યાર્થીઓને વિવિધ દ્રષ્ટિકોણ જાણવા મળે છે, જે તેમના શૈક્ષણિક જીવનમાં પૂરક બને છે તેમજ તેમને કાયદાકીય વ્યવસાયના સિદ્ધાંતો, જવાબદારીઓ અને વાસ્તવિકતામાં વધારે રસ લેવા માટે પ્રેરણા મળે છે.”
આ કાર્યક્રમમાં પારુલ યુનિવર્સિટીના લૉ વિદ્યાર્થીઓની અનેક પ્રતિષ્ઠિત રાષ્ટ્રીય સ્પર્ધાઓમાં શાનદાર પર્ફોર્મન્સની પણ પ્રશંસા કરવામાં આવી હતી. તેમાં હૈદરાબાદની ICFAI લૉ સ્કૂલ દ્વારા આયોજિત 11મી શ્રી એન. જે. યશસ્વી મેમોરિયલ મૂટ કોર્ટ કોમ્પિટિશન 2026ના વિજેતાઓ સચિદાનંદ પાટિલ, જય ગવલાની અને ઇશાંત સુથારને અભિનંદન આપવામાં આવ્યા હતા. સાથે સાથે, નવી દિલ્હીની ઇનોવેશન ઇન્સ્ટિટ્યૂટ ઓફ લૉ દ્વારા આયોજિત નેશનલ મૂટ કોર્ટ કોમ્પિટિશન 2026માં બેસ્ટ સ્પીકર પ્રિયોદર્શિની રૉયને પણ અભિનંદન આપવામાં આવ્યા હતા. કુંજ પ્રજાપતિને જે જી યુનિવર્સિટી, ગુજરાતની સૌથી મોટી ડિબેટ કોન્ફરન્સમાં સ્પેશ્યલ મેન્શન (વિશેષ ઉલ્લેખ) મળ્યું હતું અને AIPPMમાં સ્વયંમ શુક્લાએ બ્રોન્ઝ વર્બલ મેન્શન જીત્યો હતો.
મૂટ કોર્ટ કોમ્પિટિશન સંવિધાન પે ચર્ચા 4.0ની સ્પર્ધાત્મક પ્રવૃત્તિઓનો એક ભાગ હતો, જેમાં ક્વાર્ટર-ફાઇનલ અને સેમિ-ફાઇનલ રાઉન્ડ અંગ્રેજી અને ગુજરાતી ભાષાઓમાં આયોજન થયું હતું, જેથી વિદ્યાર્થીઓને અનુભવી કાયદાકીય વ્યાવસાયિકો સામે પોતાના કાયદાકીય સંશોધન, ચર્ચા અને વકીલાતની કુશળતા અજમાવવા વ્યવહારિક મંચ મળ્યો હતો.
આ અકાદમિક પ્રોગ્રામમાં શ્રી નિહિત નાગપાલે “ઇનોવેશન Vs. રેગ્યુલેશન : ફાઇન્ડિંગ ધ કોન્સ્ટિટ્યૂશનલ બેલેન્સ ઇન ધ ડિજિટલ ઇકોનોમી (ઇનોવેશન વર્સિસ નિયમન : ડિજિટલ અર્થતંત્રમાં બંધારણ સંતુલન મેળવવું” પર અને શ્રી ઝફર ખુર્શિદે “સંવિધાન અથવા અધિકાર : સમકાલીન ભારતમાં સમાનતા, સ્વતંત્રતા અને ગરિમા” પર વર્કશોપનું આયોજન પણ કર્યું હતું. અંગ્રેજી અને ગુજરાતીમાં યોજાયેલી સ્પર્ધાઓએ વિદ્યાર્થીઓને સ્પર્ધાત્મક વાતાવરણમાં પોતાની કાયદાકીય તર્કશક્તિ અને વકીલાતની કુશળતાની કસોટી કરવાની તક આપી હતી.
આ ત્રણ દિવસની કોન્ક્લેવનું સમાપન ન્યાયપાલિકાના વરિષ્ઠ સભ્યોના ભાષણો, વિદ્યાર્થીઓને સવાલ-જવાબના સંવાદસત્ર અને સહભાગીઓના સન્માન અને પુરસ્કાર વિતરણ સાથે થયું હતું. પટણા હાઈ કોર્ટના જજ માનનીય જસ્ટિસ શ્રી સુરેન્દ્ર પાંડેયે બંધારણીય મૂલ્યો, માનવીય ગરિમા અને ન્યાયતંત્રની જવાબદારી પર વાત કરી હતી તથા વિદ્યાર્થીઓને કેસ વિશે વિચારવા અને ન્યાય અપાવવાની વ્યવસ્થામાં પ્રદાન કરવા કહ્યું હતું. તેમણે તેમને એક વાત યાદ કરીને ઉમેર્યું હતું, “અન્ય વ્યક્તિનો દ્રષ્ટિકોણ અલગ હોવાથી એ તમારી દુશ્મન બની જતી નથી. બંધારણ પર જજોનો માલિકી નથી. તેમને તો તેની પરિભાષા કરવાની જવાબદારી આપવામાં આવી છે. આ જવાબદારી આપણા સહુની છે.”
કેરળ હાઈ કોર્ટના ચીફ જસ્ટિસ, જસ્ટિસ શ્રી સોમન સેને મૂળભૂત અધિકારો, કલમ 21, બંધારણીય નૈતિકતા, કટોકટી, મૂળભૂત માળખું અને નવી ટેકનોલોજીઓના પડકારો પર વિચારો વ્યક્ત કર્યા હતા. તેમણે કહ્યું હતું, “આપણે આજે આ ઓડિટોરિયમ છોડીને જઈ શકીએ, પરંતુ બંધારણ એની અંદર જ ન રહી શકે.” તેમણે કાયદાકીય વકીલાતમાં વિચાર અને તર્કના મહત્વ પર ભાર મૂકીને કહ્યું હતું : “કોઈ તર્ક કે દલીલને જોરથી રજૂ કરવાથી તેને તાકાત મળતી નથી, પરંતુ એની પાછળના વિચારની ગુણવત્તામાંથી મળે છે.”
યુવાન વકીલોની કારકિર્દીના માર્ગો વિશે વાત કરીને ભારતીય સુપ્રીમ કોર્ટના જજ જસ્ટિસ શ્રી એન. કોટેશ્વર સિંહે વિદ્યાર્થીઓને AI, સાયબર અપરાધ, ફોરેન્સિક સાયન્સ અને પેટન્ટ જેવા વિકસતા ક્ષેત્રો પર ધ્યાન કેન્દ્રિત કરવાની સલાહ આપી હતી. સાથે સાથે, તેમણે રૂપિયાને પ્રાથમિકતા ન બનાવવા પણ જણાવ્યું હતું. તેમણે કહ્યું હતું, “જ્યારે તમે શરૂઆત કરો, ત્યારે રૂપિયાનો વિચાર ન કરતા. સૌથી વધુ મહત્વપૂર્ણ વાત છે – વ્યક્તિની ગરિમા. એ જ હાર્દ છે.” તેમણે વિદ્યાર્થીઓને એક સરળ અને સાદી સલાહ આપી હતી : “સ્માર્ટ વકીલ બનો.”
અંતિમ સંવાદ દરમિયાન વિદ્યાર્થીઓએ ન્યાયતંત્રમાં પ્રાદેશિક વિવિધતા, સોશિયલ મીડિયા અલ્ગોરિધમ, ગુનાહિત કેસોમાં વિલંબ, ધાર્મિક અને નાગરિક વિવાદો, લાંબા સમયસુધી જેલમાં રહેવું, NDPS કેસો અને ત્વરિત સુનાવણીના અધિકાર જેવા વિષયો પર સવાલો પૂછ્યા હતા. આ કાર્યક્રમનું સમાપન ત્રીજી સ્ટેટ મૂટ કોર્ટ કોમ્પિટિશન (ગુજરાતી) અને 4થી ઇન્ટર-યુનિવર્સિટી મૂટ કોર્ટ કોમ્પિટિશન 2026ના પુરસ્કાર વિતરણ સાથે થયું હતું. પ્રથમ સ્પર્ધામાં રૂ. 15,000થી રૂ 60,000 અને બીજી સ્પર્ધામાં રૂ. 40,000થી રૂ. 1.75 લાખ સુધીની પુરસ્કાર રકમ આપવામાં આવી હતી.
સંવિધાન પે ચર્ચા 4.0માં કાયદાકીય સમજણ, વ્યાવસાયિક દ્રષ્ટિકોણો અને વિદ્યાર્થીઓની વકીલાતની ક્ષમતા એકમંચ પર આવી હતી. આ કાર્યક્રમો લૉના વિદ્યાર્થીઓ સાથે સંવાદ, સ્પર્ધા અને પ્રસિદ્ધ કાયદાકીય નિષ્ણાતો સાથે સીધા સંવાદ મારફતે બંધારણ, વર્તમાન કાયદાકીય મુદ્દા અને ન્યાયતંત્રની વાસ્તવિકતાઓને સમજવા એક મંચ પ્રદાન કર્યો હતો.
પત્રકારત્વ પુસ્તકમાંથી નહીં, ન્યૂઝરૂમમાંથી શીખાય છે, પારુલ યુનિવર્સિટીના વિદ્યાર્થીઓનો છ દિવસનો દિલ્હી અનુભવ
નવી દિલ્હી, ઓગસ્ટ 2026: પારુલ યુનિવર્સિટીના પત્રકારત્વ અને જનસંચારના વિદ્યાર્થીઓએ છ દિવસના દિલ્હી મીડિયા લીડરશિપ ટૂરમાં ઇન્ડિયા ગેટ પરની લાઇવ રિપોર્ટિંગથી લઈને પ્રેસ ટ્રસ્ટ ઓફ ઇન્ડિયા, હિન્દુસ્તાન ટાઇમ્સ, ન્યૂઝ18, ટીવી9, રિપબ્લિક અને એનડીટીવી સુધીના ન્યૂઝરૂમમાં સમાચાર બનવાની આખી પ્રક્રિયા નજીકથી શીખી.
ઇન્ડિયા ગેટ પર લાઇવ રિપોર્ટિંગથી શરૂઆત
ટૂરની શરૂઆત જ મેદાન પરના અનુભવથી થઈ. પહેલા દિવસે ઇન્ડિયા ગેટ પર દરેક જૂથને તૈયારી માટે માત્ર દસ મિનિટ મળી અને પછી કૅમેરા સામે 60 સેકન્ડનો લાઇવ પીસ ટુ કૅમેરા આપવાનો હતો. મોટા ભાગનાં જૂથો માટે કૅમેરા શરૂ થયા પછી બીજી તક નહોતી, અને આ વર્ગખંડથી તદ્દન અલગ, દબાણ હેઠળનો રિપોર્ટિંગ અનુભવ હતો.
સમાચાર કેવી રીતે ચકાસાય છે
પ્રેસ ટ્રસ્ટ ઓફ ઇન્ડિયામાં એડિટર શુજા ઉલ હકે વિદ્યાર્થીઓને એજન્સીના ત્રણ-સ્રોત નિયમ વિશે સમજાવ્યું, જ્યાં જનહિતને સ્પર્શતી કોઈ પણ ખબર ત્રણ સ્વતંત્ર સ્રોતથી પુષ્ટિ થયા વિના પ્રકાશિત થતી નથી. તેમણે ભાર મૂક્યો કે ઝડપ કરતાં સચોટતા વધુ મહત્વની છે, અને પીટીઆઈ દરરોજ 1,000થી વધુ ટેક્સ્ટ સ્ટોરી તૈયાર કરે છે.
એક ટીવી ન્યૂઝરૂમ કેવી રીતે કામ કરે છે
ન્યૂઝ18, ટીવી9 અને રિપબ્લિકમાં વિદ્યાર્થીઓએ એક ખબરને અસાઇનમેન્ટ ડેસ્કથી લઈને પ્રોડક્શન અને માસ્ટર કંટ્રોલ રૂમ થઈને પ્રસારણ સુધી પહોંચતાં જોઈ. તેમણે સમજ્યું કે એક શાંત દેખાતા ચહેરા પાછળ ગ્રાફિક્સ, સાઉન્ડ અને દિગ્દર્શનની આખી ટીમ સાથે કામ કરે છે. રિપબ્લિકના નોઇડા કૅમ્પસમાં, જેને નેટવર્ક એશિયાનું સૌથી મોટું ઇન્ટિગ્રેટેડ ન્યૂઝરૂમ ગણાવે છે, ક્રોમા સ્ટૂડિયોમાં એન્કરને 3D વાતાવરણમાં મૂકતી ટેક્નોલોજી જોવા મળી.
કાગળથી પ્રિન્ટિંગ પ્રેસ સુધીની સફર
હિન્દુસ્તાન ટાઇમ્સમાં વિદ્યાર્થીઓએ એક તૈયાર પાનું પ્રી-પ્રેસ, પ્રેસ અને મેઇલરૂમ થઈને કેવી રીતે છપાય એ પ્રક્રિયા નિહાળી. તેમણે શીખ્યું કે રંગીન PDFને સાયન, મૅજેન્ટા, પીળા અને કાળા પ્લેટમાં વિભાજિત કરીને પ્રેસ કલાકે 90,000 નકલ સુધી છાપે છે.
રજત શર્મા અને વરિષ્ઠ પત્રકારોની સલાહ
ઇન્ડિયા ટીવીના ચેરમેન રજત શર્માએ વિદ્યાર્થીઓ સાથે બે કલાક વિતાવ્યા અને કહ્યું કે પત્રકારત્વ “ફ્રી, ફેર અને ફિયરલેસ” હોવું જોઈએ, ઝડપી પ્રસિદ્ધિ પર નહીં. એનડીટીવીના પદ્મજા જોશીએ સલાહ આપી કે કારકિર્દી રિપોર્ટિંગથી શરૂ કરવી, અને ઇન્ડિયા ટુડે નેટવર્કના રાજદીપ સરદેસાઈએ સમાચારને દિલ્હી-કેન્દ્રિત નજરે નહીં જોવા કહ્યું. રજત શર્માનું આખું સત્ર યુવા પત્રકારોને તેમની સલાહ પરના લેખમાં નોંધાયેલું છે.
પારુલ યુનિવર્સિટીનો પત્રકારત્વ કાર્યક્રમ
છ દિવસના આ અનુભવમાં વિદ્યાર્થીઓએ રિપોર્ટિંગ, મીડિયા એથિક્સ, બ્રોડકાસ્ટ અને ડિજિટલ પત્રકારત્વની વ્યાવહારિક સમજ મેળવી. સમગ્ર વિગત પારુલ યુનિવર્સિટીના દિલ્હી મીડિયા લીડરશિપ ટૂરના લેખમાં છે. યુનિવર્સિટીનો પત્રકારત્વ અને જનસંચારમાં અનુસ્નાતક (MA JMC) કાર્યક્રમ વિદ્યાર્થીઓને આ જ પ્રકારના વ્યાવહારિક અનુભવ, સ્ટૂડિયો અને ઉદ્યોગ સાથેના જોડાણ સાથે તૈયાર કરે છે.
સાર્વજનિક યુનિવર્સિટીની એસસીઈટી (SCET) ના વિદ્યાર્થીને ઓફ-કેમ્પસ રિક્રુટમેન્ટ દ્વારા ₹64 લાખની વાર્ષિક ઓફર મળી
સાર્વજનિક એજ્યુકેશન સોસાયટીના નેજા હેઠળ સ્થપાયેલી, સાર્વજનિક યુનિવર્સિટીની ઘટક સંસ્થા, સાર્વજનિક કોલેજ ઓફ એન્જિનિયરિંગ એન્ડ ટેકનોલોજી (SCET), સુરતે તેની ટ્રેનિંગ એન્ડ પ્લેસમેન્ટ પ્રવૃત્તિઓમાં એક મહત્વપૂર્ણ સીમાચિહ્ન હાંસલ કર્યું છે। સંસ્થાના વિદ્યાર્થી શ્રી પીયૂષ સિંહ સુનીલને ઓફ-કેમ્પસ ભરતી પ્રક્રિયા દ્વારા ₹64 લાખના વાર્ષિક સીટીસી (CTC) સાથે પ્રી-પ્લેસમેન્ટ ઓફર (PPO) પ્રાપ્ત થઈ છે।
વિદ્યાર્થીની બિઝનેસ ડેવલપમેન્ટ ઇન્ટર્ન તરીકેની સફળ ઇન્ટર્નશિપ બાદ ટેકઇન્ફિનિટી એલએલપી (Techinfinity LLP) દ્વારા આ ઓફર આપવામાં આવી છે। ઓફર લેટર મુજબ, ઇન્ટર્નશિપ દરમિયાન દર મહિને ₹2 લાખનું સ્ટાઇપેન્ડ આપવામાં આવશે, ત્યારબાદ ઇન્ટર્નશિપની સફળ પૂર્ણાહુતિ અને સંતોષકારક કામગીરીને આધીન ₹64 લાખના વાર્ષિક સીટીસી સાથે પૂર્ણ-સમયની રોજગારીની ઓફર મળશે।
આ સિદ્ધિ અંગે વાત કરતા એસસીઈટીના પ્રિન્સિપાલ ડૉ. હિરેન પટેલે જણાવ્યું હતું કે, “અમારા વિદ્યાર્થીની આ અસાધારણ સિદ્ધિથી અમે ખૂબ જ આનંદિત છીએ. વાર્ષિક ₹64 લાખની ઓફ-કેમ્પસ ઓફર એ અમારા વિદ્યાર્થીઓની ગુણવત્તા, આત્મવિશ્વાસ અને ઉદ્યોગ માટેની સજ્જતા (industry-readiness) ની સાબિતી છે. એસસીઈટીમાં, અમે વિદ્યાર્થીઓને સ્પર્ધાત્મક વાતાવરણમાં શ્રેષ્ઠ દેખાવ કરવા માટે ટેકનિકલ શિક્ષણ, વ્યાવસાયિક કૌશલ્યો અને ઔદ્યોગિક એક્સપોઝરનું યોગ્ય મિશ્રણ પ્રદાન કરવા માટે સતત પ્રયત્નશીલ રહીએ છીએ.”
આ સિદ્ધિ ઉદ્યોગ જગત માટેની સજ્જતા, વ્યાવસાયિક કૌશલ્યો અને કારકિર્દીના વિકાસ પર એસસીઈટીના સતત ભારને પણ પ્રતિબિંબિત કરે છે। ટ્રેનિંગ એન્ડ પ્લેસમેન્ટ (T&P) વિભાગ એપ્ટિટ્યુડ અને લોજિકલ રીઝનિંગ, કોમ્યુનિકેશન અને સોફ્ટ સ્કિલ્સ, ઇન્ટરવ્યુની તૈયારી, સાયકોમેટ્રિક એસેસમેન્ટ, કરિયર ગાઇડન્સ, ટેકનિકલ ટ્રેનિંગ, ઇન્ડસ્ટ્રી ઇન્ટરેક્શન અને ઉચ્ચ અભ્યાસ માટે કાઉન્સેલિંગ જેવા કાર્યક્રમો ચલાવે છે।
શૈક્ષણિક વર્ષ 2024-25 દરમિયાન, ટીએન્ડપી (T&P) વિભાગે કરિયર ગાઇડન્સ, પ્રી-પ્લેસમેન્ટ ટ્રેનિંગ અને ઉચ્ચ અભ્યાસ કાઉન્સેલિંગને આવરી લેતા 27 તાલીમ સત્રો યોજ્યા હતા, જેમાં વિદ્યાર્થીઓએ 20,891 થી વધુ તાલીમ કલાકો મેળવ્યા હતા।
એસસીઈટી ઇન્ડસ્ટ્રિયલ એક્સપોઝર અને ઇન્ટર્નશિપ પર પણ ખૂબ ભાર મૂકે છે। 2024-25 દરમિયાન, વિદ્યાર્થીઓએ ઔદ્યોગિક મુલાકાતોમાં ભાગ લીધો હતો જેમાં 1,464 સ્ટુડન્ટ-ડેઝ (student-days) નો સમાવેશ થાય છે। વર્ષ 2022-2025 દરમિયાન, સંસ્થાએ વિવિધ એન્જિનિયરિંગ શાખાઓમાં 2,583 અંડરગ્રેજ્યુએટ ઇન્ટર્નશિપ જોડાણો નોંધ્યા છે।
એસસીઈટીના ટ્રેનિંગ એન્ડ પ્લેસમેન્ટ વિભાગના ઇન્ચાર્જ હેડ પ્રોફેસર શબ્બીર ગઢિયાલીએ જણાવ્યું હતું કે, “પીયૂષ દ્વારા મેળવેલ ₹64 લાખનું પીપીઓ એસસીઈટી માટે ગર્વની ક્ષણ છે. અમારી ટીએન્ડપી પહેલો માત્ર કેમ્પસ પ્લેસમેન્ટ પર જ ધ્યાન કેન્દ્રિત કરતી નથી પરંતુ વિદ્યાર્થીઓને ઓફ-કેમ્પસ તકો સહિત સમગ્ર ઉદ્યોગમાં રહેલી તકોને ઓળખવા અને સ્પર્ધા કરવા માટે સજ્જ કરે છે.
એપ્ટિટ્યુડ, કોમ્યુનિકેશન, ઇન્ટરવ્યુ સ્કિલ્સ, કરિયર પ્લાનિંગ અને ઇન્ડસ્ટ્રી ઇન્ટરેક્શનમાં નિયમિત તાલીમ વિદ્યાર્થીઓને સફળ થવા માટે જરૂરી આત્મવિશ્વાસ અને ક્ષમતા બનાવવામાં મદદ કરે છે.”
ઓફ-કેમ્પસ તક દ્વારા પ્રાપ્ત થયેલ ₹64 લાખનું વાર્ષિક પીપીઓ એ વિદ્યાર્થી અને એસસીઈટી માટે એક ગૌરવપૂર્ણ સિદ્ધિ છે, જે તમામ શાખાઓમાં ઉદ્યોગ માટે સજ્જ એન્જિનિયરો અને વ્યાવસાયિકો તૈયાર કરવા તરફના સંસ્થાના સતત પ્રયાસોને દર્શાવે છે।
હીરાબાનું ખમકાર ફાઉન્ડેશન દ્વારા 100થી વધુ વિદ્યાર્થીઓને કોમ્પ્યુટર વિતરણ, હવે ગુજરાતભરમાં 5,100 કોમ્પ્યુટર આપવાનો સંકલ્પ
સુરત: યુવાનો માટે પ્રેરણાસ્ત્રોત અને દીકરા-દીકરીઓના શિક્ષણ તથા ઉજ્જવળ ભવિષ્ય માટે સતત કાર્યરત પીયુષભાઈ દેસાઈ અને હીરાબાનું ખમકાર ફાઉન્ડેશન દ્વારા શિક્ષણ ક્ષેત્રે વધુ એક મહત્વપૂર્ણ સેવાકીય પહેલ કરવામાં આવી છે.
ફાઉન્ડેશન દ્વારા સુરત શહેર તેમજ આસપાસના વિસ્તારોના 100થી વધુ અભ્યાસરત દીકરા-દીકરીઓને કોમ્પ્યુટરનું વિતરણ કરવામાં આવ્યું છે. આજના ડિજિટલ યુગમાં વિદ્યાર્થીઓ ટેક્નોલોજી સાથે જોડાઈને અભ્યાસ, કૌશલ્ય વિકાસ અને રોજગારની નવી તકો મેળવી શકે તે મુખ્ય હેતુથી આ અભિયાન શરૂ કરવામાં આવ્યું છે.
પીયુષભાઈ દેસાઈએ જણાવ્યું હતું કે, “આજના યુગમાં કોમ્પ્યુટર શિક્ષણનું એક મહત્વપૂર્ણ સાધન બની ગયું છે. આર્થિક પરિસ્થિતિના કારણે ગુજરાતનો કોઈ પણ દીકરો કે દીકરી ડિજિટલ શિક્ષણથી વંચિત ન રહે, એ અમારો સંકલ્પ છે.”
ગુજરાતભરમાં 5,100 કોમ્પ્યુટર વિતરણનું આગામી લક્ષ્ય
હીરાબાનું ખમકાર ફાઉન્ડેશન દ્વારા સુરતમાં શરૂ થયેલી આ પહેલને હવે સમગ્ર ગુજરાત સુધી પહોંચાડવાની તૈયારી કરવામાં આવી રહી છે. આગામી સમયમાં ગુજરાતભરના જરૂરિયાતમંદ અને અભ્યાસરત દીકરા-દીકરીઓને કુલ 5,100 કોમ્પ્યુટર વિતરણ કરવાનો સંકલ્પ ફાઉન્ડેશન દ્વારા લેવામાં આવ્યો છે.
આ અભિયાન દ્વારા શહેરોની સાથે ગ્રામ્ય અને અંતરિયાળ વિસ્તારોના વિદ્યાર્થીઓ સુધી પણ ડિજિટલ શિક્ષણના સાધનો પહોંચાડવાનો પ્રયાસ કરવામાં આવશે.
પીયુષભાઈ દેસાઈ અને હીરાબાનું ખમકાર ફાઉન્ડેશનનો સંકલ્પ છે કે “દીકરો હોય કે દીકરી — શિક્ષણમાં કોઈ પાછળ ન રહે અને ટેક્નોલોજીથી કોઈ વંચિત ન રહે.”
શિક્ષણ દ્વારા સશક્ત સમાજ અને સશક્ત ગુજરાતના નિર્માણ માટે ફાઉન્ડેશન આગામી સમયમાં પણ વિવિધ શૈક્ષણિક અને સમાજસેવાના કાર્યોને વધુ વ્યાપક સ્તરે આગળ વધારશે.
લીઓ ગ્રુપ ની સનરેઝ સ્કૂલ ખાતે ૧૦ મીટર એર રાઇફલ શૂટિંગ રેન્જ નું ઉદ્ઘાટન
સુરત : આજ રોજ શિક્ષક દિન ની ઉજવણી ની સાથે સાથે લીઓ ગ્રુપ ની સનરેઝ અને લીઓ સ્કૂલ ઓફ સાયન્સ એન્ડ કોમર્સ ખાતે ૧૦ મીટર એર રાઇફલ શૂટિંગ રેન્જ નું ઉદ્ઘાટન એડિશનલ સીપી ક્રાઈમ બ્રાન્ચ સુરત શહેર પોલીસ ડીઆઇજી ડો. કરણ રાજ વાઘેલા IPS દ્વારા NCC કેડેટ્સ અને વિદ્યાર્થીઓ ની હાજરી કરવામાં આવ્યું હતું.
આજ શિક્ષક દિન ની ઉજવણી પ્રસંગે લીઓ ના બે ભૂતપૂર્વ વિધાર્થીઓ કુમારી હિલ્પા સિંઘા પોલીસ ઇન્સ્પેક્ટર ક્રાઈમ બ્રાન્ચ સુરત અને કિરણસિંહ બારીયા પોલીસ ઇન્સ્પેક્ટર શ્રી ઈકો સેલ સુરત શહેર નું પણ સન્માન પત્ર સાથે સન્માન કરવામાં આવ્યું હતું.
NCC કેડેટ્સ અને વિદ્યાર્થીઓ ની હાજરી માં લીઓ ગ્રુપ ના બંને ભૂતપૂર્વ વિદ્યાર્થી એવા પોલીસ ઇન્સ્પેક્ટર નું અભિવાદન કરતા સંચાલક શ્રી જયસુખ કથીરિયા એ જણાવ્યું હતું કે આ બંને ભૂતપૂર્વ વિદ્યાર્થીઓ નું સન્માન એમનાજ ઉપરી અધિકારી DIG કરણરાજ વાઘેલા સાહેબ ના હસ્તે થાય એ લીઓ ગ્રુપ માટે ગૌરવ ની બાબત છે .
સન્માન પત્ર અર્પણ થાય બાદ પી આઈ કિરણસિંહ બારીયા એ ભૂતપૂર્વ વિદ્યાર્થી ને યાદ કરી સન્માન કરવા બદલ આભાર વ્યક્ત કર્યો હતો.
ડીઆઇજી કરણ રાજ વાઘેલા એ પોતાના પ્રાસંગિક પ્રવચન થી બાળકો ને પ્રોત્સાહન પૂરું પાડતા જણાવ્યું હતું કે જીવન માં સફળ થવા અને તંદુરસ્ત રહેવા સ્પોર્ટ્સ નું ખૂબ મહત્વ છે અને રાઇફલ શૂટિંગ રેન્જ માં પ્રેક્ટિસ કરવાથી એકાગ્રતા માં વધારો થવાની સાથે સાથે માનસિક તણાવ પણ ઓછો થાય છે.
તેમણે ઝેન જી તરીકે સોશિયલ મીડિયા નો વિવેક પૂર્ણ ઉપયોગ કરવા પર ખાસ ભાર મૂક્યો હતો અને જણાવ્યું હતું કે સોશિયલ મીડિયા માં આવતું બધું જ સત્ય હોતું નથી. ક્યારેક તમારા જેવા બાળકો ને ગેરમાર્ગે દોરી જાય છે.
તેમણે વિદ્યાર્થીઓ સાથે પ્રશ્નોત્તરી પણ કરી હતી અને વર્તમાન પરિસ્થિતિ વિદ્યાર્થી તરીકે તમારું ધ્યાન માત્ર અને માત્ર કારકિર્દી લક્ષી હોવું જોઈએ તે સમજાવ્યું હતું.
વ્હાઇટ લોટસ ઇન્ટરનેશનલ સ્કૂલમાં ભક્તિ, ઉલ્લાસ અને સાંસ્કૃતિક ભવ્યતા સાથે જન્માષ્ટમી ઉત્સવની ઊજવણી
બાળકોએ કૃષ્ણની મનમોહક દુનિયાને જીવંત કરીને ભારતીય સંસ્કૃતિ અને વિરાસતનો ભવ્ય ઉત્સવ મનાવ્યો
સુરત. વ્હાઇટ લોટસ ઇન્ટરનેશનલ સ્કૂલમાં ભગવાન શ્રીકૃષ્ણના જન્મોત્સવ જન્માષ્ટમીનો પર્વ અત્યંત ઉત્સાહ, શ્રદ્ધા અને સાંસ્કૃતિક ઉલ્લાસ સાથે ઉજવવામાં આવ્યો. આ અવસરે વિદ્યાલય પરિસરને આકર્ષક સજાવટથી સુસજ્જ કરીને વૃંદાવનની મનમોહક છટાને સાકાર કરવામાં આવી, જેણે શ્રીકૃષ્ણની દિવ્યતા, બાલ સુલભ માસૂમિયત અને ચંચળતાને જીવંત કરી દીધી.
ઉત્સવ દરમિયાન સંગીત, નૃત્ય, પારંપરિક વેશભૂષા અને સાંસ્કૃતિક પ્રસ્તુતિઓની મનમોહક ઝલક જોવા મળી. નાના વિદ્યાર્થીઓ મનમોહક કાનુડો અને રાધાના રૂપમાં સજેલા હોવાથી અત્યંત આકર્ષક લાગી રહ્યા હતા. તેમની માસૂમ મુસ્કાન, ઉત્સાહ અને ઉમંગે આખા વિદ્યાલય પરિસરને આનંદ, ભક્તિ અને ઉત્સવના રંગમાં રંગી નાખ્યું.
કૃષ્ણ-આધારિત વિવિધ પ્રવૃત્તિઓ અને મનોહારી રજૂઆતોના માધ્યમથી વિદ્યાર્થીઓને ભગવાન શ્રીકૃષ્ણના જીવન, બાલ લીલાઓ અને તેમના શાશ્વત સંદેશાઓને સમજવાની તક મળી. આ આયોજન માત્ર એક ઉત્સવ સુધી સીમિત ન રહ્યું, પરંતુ બાળકોને પ્રેમ, કરુણા, મિત્રતા, સાહસ, વિવેક અને ધર્મના માર્ગ પર ચાલવા જેવા જીવન મૂલ્યોને આત્મસાત કરવાની પ્રેરણા પણ આપી.
વ્હાઇટ લોટસ ઇન્ટરનેશનલ સ્કૂલની આચાર્યા શ્રીમતી પૂર્વિકા સોલંકીએ વિદ્યાર્થીઓ અને શિક્ષકોની ઉત્સાહપૂર્ણ સહભાગિતા પર પ્રસન્નતા વ્યક્ત કરતાં કહ્યું કે “ત્યોહાર બાળકોની શીખવાની યાત્રાનો એક મહત્વપૂર્ણ ભાગ છે. જન્માષ્ટમી આપણા નાના વિદ્યાર્થીઓને ભારતની સમૃદ્ધ સાંસ્કૃતિક વિરાસત સાથે જોડાવા સાથે-સાથે પ્રેમ, કરુણા, સાહસ અને ધર્મનિષ્ઠા જેવા શાશ્વત જીવન મૂલ્યોને સમજવાની તક પૂરી પાડે છે. જ્યારે બાળકો આપણી પરંપરાઓને આનંદ અને સહભાગિતા સાથે અનુભવે છે, ત્યારે તેની સાથે જોડાયેલા મૂલ્યો તેમના જીવનમાં ઊંડાણથી પોતાનું સ્થાન બનાવી લે છે અને લાંબા સમય સુધી તેમની સાથે રહે છે.”
વિદ્યાલય વ્યવસ્થાપને આ ભવ્ય આયોજનને સફળ બનાવવામાં શિક્ષકોના સમર્પિત પ્રયત્નો તથા વિદ્યાર્થીઓની ઉત્સાહપૂર્ણ સહભાગિતાની સરાહના કરી.
ઉત્સવનું સમાપન આનંદ, ભક્તિ અને સામૂહિક ઉલ્લાસના વાતાવરણમાં થયું. આ અવસરે સૌના મનમાં સુંદર સ્મૃતિઓ સંજોઈ સાથે-સાથે ભારતની સમૃદ્ધ અને વિવિધ સાંસ્કૃતિક વિરાસત પ્રત્યેના સન્માન અને ગૌરવની ભાવનાને વધુ પ્રગાઢ બનાવી.
આવા આયોજનોના માધ્યમથી વ્હાઇટ લોટસ ઇન્ટરનેશનલ સ્કૂલ વિદ્યાર્થીઓ માટે શીખવાના એવા સાર્થક અનુભવો સતત સૃજન કરે છે, જે તેમને માત્ર શૈક્ષણિક રીતે જ નહીં, પરંતુ સાંસ્કૃતિક જાગૃતિ, રચનાત્મકતા, આત્મવિશ્વાસ અને સુદૃઢ માનવીય મૂલ્યોથી પણ સમૃદ્ધ કરે છે.