નવી સિવિલ હોસ્પિટલ ખાતે હડતાળ પર ઉતરેલા તબીબોએ રક્તદાન કરી નોંધાવ્યો વિરોધ…
કોલકાતા ખાતે ટ્રેની ડોકટર સાથે રેપ વિથ મર્ડરની ઘટના બાદ દેશભરના તબીબોમાં આક્રોશ જોવા મળી રહ્યો છે. આ જઘન્ય કૃત્ય આચરનાર આરોપીઓને કડક શિક્ષા કરવા સાથે તબીબોની સુરક્ષા સુનિશ્ચિત કરવાની માંગણી સાથે રેસીડેંટ ડોકટરો હડતાળ પર છે. સુરત ખાતે પણ નવી સિવિલ હોસ્પિટલ અને સ્મીમેર હોસ્પિટલના રેસીડેન્ટ અને જુનિયર તબીબો છેલ્લા છ દિવસથી હડતાળ પર છે. ત્યારે આજરોજ હડતાળ પર ઉતરેલા તબીબોએ રક્તદાન કરીને અનોખી રીતે વિરોધ પ્રદર્શન કર્યું હતું. નવી સિવિલ હોસ્પિટલ કેમ્પસ ખાતે આંદોલન કરી રહેલા તબીબોએ રક્તદાન કરીને ન્યાયની માંગણી વધુ બુલંદ કરી હતી.