સાંસ્કૃતિક કાર્યક્રમોથી મહેમાનો થયા મંત્રમુગ્ધ
સુરત: વ્હાઇટ લોટસ ઇન્ટરનેશનલ સ્કૂલમાં નાનકડા વિદ્યાર્થીઓ માટે આનંદ, ગૌરવ અને ઉત્સાહથી ભરેલો ગ્રેજ્યુએશન ડે સમારોહ ભવ્ય રીતે ઉજવાયો હતો. આ પ્રસંગ વિદ્યાર્થીઓ માટે મહત્વપૂર્ણ સિદ્ધિ સમાન રહ્યો, કારણ કે તેમણે પ્રાથમિક શિક્ષણના શરૂઆતના વર્ષો સફળતાપૂર્વક પૂર્ણ કરી હવે પ્રાઈમરી ધોરણમાં પ્રવેશ માટે તૈયારી દર્શાવી.
કાર્યક્રમની શરૂઆત વાલીઓના સન્માનપૂર્ણ સ્વાગત સાથે થઈ હતી. ત્યારબાદ વિદ્યાર્થીઓએ આકર્ષક સાંસ્કૃતિક કાર્યક્રમો રજૂ કર્યા હતા. ગ્રેજ્યુએશન ગાઉન અને કેપ પહેરેલા નાનકડા વિદ્યાર્થીઓએ મીઠા ગીતો, મનમોહક નૃત્ય અને આત્મવિશ્વાસભર્યા સ્ટેજ પરફોર્મન્સથી સૌનું દિલ જીતી લીધું હતું. તેમની રજૂઆતમાં શાળાએ આપેલા સંસ્કાર અને શિક્ષણનો સ્પષ્ટ પ્રતિબિંબ જોવા મળ્યો.
