ગુજરાત ખબર
સુરતમાં હવે વાળ અને સ્કિનની સંભાળ બની વધુ સરળ, વેસુ અને પાલ ખાતે એડવાન્સ ગ્રો હેર એન્ડ ગ્લો સ્કિન ક્લિનિકનું ગૃહ રાજ્ય મંત્રીના હસ્તે ઉદ્ઘાટન
સુરત. આજકાલ વાળ ત્વચા સંબંધિત સમસ્યાઓથી સામાન્ય બની છે તો યુવાઓથી માંડીને સૌ કોઈ આ માટે જાગૃત પણ બન્યા છે. ત્યારે સુરતમાં હવે વાળ અને સ્કિનની સાંભળ લેવું વધુ સરળ બન્યું છે. કારણ કે દેશની નામાંકિત હેર એન્ડ સ્કિન ક્લિનિકની સેવાઓ હવે સુરતમાં ઉપલબ્ધ થઈ છે. ચેન્નઈની એડવાન્સ ગ્રો હેર એન્ડ ગ્લો સ્કિન ક્લિનિકની બે શાખાઓની સુરતના વેસુ અને પાલ અડાજણ વિસ્તારમાં શરૂઆત થઈ છે. ગૃહ રાજ્યમંત્રી હર્ષ સંઘવીના હસ્તે આજરોજ આ બંને ક્લિનિકની શુભ શરુઆત કરવામાં આવી હતી.
શહેરના નામાંકિત ચેસ્ટ ફિઝિશિયન અને એલર્જી સ્પેશિયલિસ્ટ ડૉ.સમીર ગામીએ જણાવ્યું હતું કે આજે સ્કિન કેર અને હેર કેર માટે લોકો જાગૃત થયા છે. વાળ અને સ્કિનની સંભાળ લેવા માટે તે સંબંધિત સમસ્યાઓના નિરાકરણ માટે લોકો હેર એન્ડ સ્કિન કેર ક્લિનિક તરફ વળી રહ્યા છે ત્યારે દક્ષિણ ભારતની અને વર્ષ 2004માં સ્થપાયેલી એડવાન્સ ગ્રો હેર એન્ડ ગ્લો સ્કિન ક્લિનિકની સેવા હવે સુરતમાં પણ ઉપલબ્ધ થઈ રહી છે.
દેશભરમાં 100 થી વધુ સેન્ટર ધરાવતી એડવાન્સ ગ્રો હેર એન્ડ ગ્લો સ્કિન ક્લિનિકની ગુજરાતમાં સૌ પ્રથમ વાર સુરતના વેસુ અને અડાજણ પાલ ખાતે શરૂઆત કરવામાં આવી છે. ગૃહ રાજ્ય મંત્રી હર્ષ સંઘવી સાથે જ એડવાન્સ ગ્રો હેર એન્ડ ગ્લો સ્કિન ના ફાઉન્ડર સરન વેલજી અને ફાઉન્ડર મેમ્બર રાજેશ ચંદનજી એ બંને ક્લિનિકોનું ઉદ્ઘાટન કર્યું હતું. આ પ્રસંગે ત્રણ હજારથી વધુ લોકો ઉપસ્થિત રહ્યા હતા.
વધુમાં ડૉ. સમીર ગામીએ જણાવ્યું હતું કે સુરત ખાતેથી આ શરૂઆત થઈ છે અને કંપનીની યોજના આગામી સમયમાં ગુજરાતના તમામ મોટા શહેરો થી માંડીને તાલુકા કક્ષાએ પણ ક્લિનિક સેન્ટર શરૂ કરવાની છે. એડવાન્સ ગ્રો હેર એન્ડ ગ્લો સ્કિન ક્લિનિક ખાતે ઉપલબ્ધ સેવાઓ અંગે જણાવ્યું હતું કે અહીં સ્કિનની ટોન, પિગમેન્ટેશન, સહિત સ્કિન સંબંધિત વિવિધ સમસ્યાઓની સારવાર થશે, સાથે હેર લોસનું પ્રમાણ આજે વધી રહ્યું છે ત્યારે અહીં હેર લોસ અટકાવવા માટેની સારવાર, હેર ટ્રાન્સપ્લાન્ટ જેવી સારવાર પણ ઉપલબ્ધ હશે.
સૌથી મજબુત, ટકાઉ અને વોટરપ્રૂફ સ્માર્ટફોન OPPO F29 Series નું ગુજરાતમાં વેચાણ શરુ, ગ્રાહકો દ્વારા જબરો પ્રતિસાદ
- સૌથી મજબુત, ટકાઉ અને વોટરપ્રૂફ સ્માર્ટફોન OPPO F29 Series નું ગુજરાતમાં વેચાણ શરુ, ગ્રાહકો દ્વારા જબરો પ્રતિસાદ
- OPPO F29 Series – મીડ-પ્રીમીયમ રેંજમાં ફ્લેગશીપ લેવલના ફીચર્સ, સૌથી મજબુત, ટકાઉ અને વોટરપ્રૂફ સ્માર્ટફોનનું ગુજરાતમાં વેચાણ શરુ, પહેલા દિવસ થી જ બન્યો ગ્રાહકોનો મનપસંદ ફોન
- આ ફોન ડૂબતો નથી, તૂટતો નથી, ફૂટતો નથી, સૌથી મજબુત, ટકાઉ અને વોટરપ્રૂફ સ્માર્ટફોન OPPO F29 Series નું ગુજરાતમાં વેચાણ શરુ, શરૂઆતી કિંમત ફક્ત Rs. 23999/-, પહેલા 6 દિવસ 10% નો ફાયદો
અમદાવાદ, 28 માર્ચ: OPPO Gujarat દ્વારા અત્યંત અપેક્ષિત OPPO F29 સિરીઝનું ગ્રાન્ડ લોન્ચિંગ કરાયું છે, જેમાં OPPO F29 અને OPPO F29 Pro 2 સ્માર્ટફોન શામેલ છે. આ એક ક્રાંતિકારી લાઈનઅપ તાજેતરની સૌથી મજબુત, અદ્યતન ફીચર્સ અને સ્ટાઇલિશ ડિઝાઇન સાથે સ્માર્ટફોનમાં નવીનતાની નવી વ્યાખ્યા ઘડી રહી છે.
OPPO F29 સિરીઝ ગુજરાતના મોબાઇલ રિટેલ બજારમાં ધૂમ મચાવી રહી છે અને સૌથી વધુ ડિમાન્ડમાં રહેલી અને ટ્રેન્ડિંગ સ્માર્ટફોન સિરીઝ બની ગઈ છે. આ ફોન એવા યુઝર્સ માટે ડિઝાઇન કરવામાં આવ્યા છે, જેઓને ફોનમાં મજબૂતી, વોટરપ્રૂફ, સ્ટાઈલ સાથે પરફોર્મન્સ જોઈએ છે.
OPPO F29 અને OPPO F29 Pro ની વિશેષતાઓ
- ટ્રિપલ IP પ્રોટેક્શન (IP66, IP68, IP69) – અત્યંત ટકાઉપણું માટે સુપિરિયર ડસ્ટ, પાણી અને પ્રેશર પ્રોટેક્શન
- 18+ લિક્વિડ પ્રોટેક્શન ટેસ્ટેડ – કોફી સ્પિલ્સથી લઈને વરસાદ સુધી, આ ફોન દરેક પરિસ્થિતિમાં ટકી રહે
- 360° આર્મર બોડી – મિલિટરી-ગ્રેડ મટિરિયલથી બનાવાયેલ, ઝટકાથી બચાવ માટે
- 300% નેટવર્ક બૂસ્ટ – બેઝમેન્ટ કે લીફ્ટમાં પણ સક્ષમ નેટવર્ક
- ડ્યુઅલ SIM ડ્યુઅલ એક્ટિવ – બે સિમ સાથે એકસાથે સરળતાથી મલ્ટીટાસ્કિંગ
- શક્તિશાળી પ્રોસેસર મલ્ટીટાસ્કિંગ માટે – ઝડપથી અને અસરકારક રીતે પરફોર્મ કરવા માટે
- અંડરવોટર ફોટોગ્રાફી અને વિડિઓગ્રાફી – પાણીની અંદર પણ સુંદર દ્રશ્યો કૅપ્ચર કરો
- મોટી બેટરી (6500mAh સુધી) – લાંબા સમય સુધી ચાલતી પાવરફુલ બેટરી
આ તકે OPPO GUJARAT, હરિઓમ મોબાઈલ પ્રા. લી. ના મેનેજીંગ ડીરેક્ટર રાહિલ પુજારા એ જણાવ્યું હતું કે “OPPO F29 સિરીઝ ફક્ત એક સ્માર્ટફોન નહીં, પરંતુ મોબાઇલ ટેકનોલોજીમાં એક ક્રાંતિ છે. તેની અદભૂત ટકાઉપણું, શક્તિશાળી પ્રદર્શન અને નવીનતમ ફીચર્સ સાથે, F29 સિરીઝ એ બધાં માટે છે જે શ્રેષ્ઠતા અને ભરોસાપાત્રત છે. ગુજરાતના ટેક-સેવી ગ્રાહકો માટે અમે આ અદ્યતન ટેકનોલોજી લાવી રહ્યાં છીએ, જેનું અમને ગૌરવ છે.”
ખાસ લોન્ચ ઑફર્સ – મર્યાદિત સમય માટે!
આ ગ્રાન્ડ લોન્ચને ઉજવણીરૂપ આપવા માટે ગ્રાહકો માટે ઉત્સાહજનક પ્રારંભિક ઑફર્સ, જેમાં શામેલ છે:
- ટોચના બેંકોના કાર્ડ પર સીધા 10% કેશબેક
- એક્સચેન્જ બોનસ – જૂના સ્માર્ટફોન માટે વધુ મૂલ્ય મેળવો
- ફ્રી પ્રીમિયમ ગિફ્ટ્સ દરેક ખરીદ સાથે
OPPO F29 સિરીઝનું વેચાણ 27 માર્ચ, 2025થી ગુજરાતના તમામ અગ્રણી મોબાઇલ રિટેલ સ્ટોર્સમાં પ્રારંભ થયું છે. સીઝનની સૌથી વધુ માંગમાં રહેલી સ્માર્ટફોન સિરીઝ મેળવવાની તક ચૂકશો નહીં!
Solex Energy દ્વારા ટ્રાફિક એજ્યુકેશન ટ્રસ્ટને રૂ. 11 લાખની સહાય
શહેરમાં ટ્રાફિક મેનેજમેન્ટ તથા અકસ્માતોને ઘટાડવા જેવા સામાજિક જવાબદારી નિભાવવા કંપની હમેશા તૈયાર છે
સુરત, ગુજરાત, March 28, 2025: Solex Energy Limited (NSE: SOLEX) ભારતની સૌથી વિશ્વસનીય સોલાર બ્રાન્ડ્સમાંથી એક છે. કંપનીએ શહેરના ટ્રાફિક એજ્યુકેશન ટ્રસ્ટ માટે રૂ. 11 લાખ નો ફાળો આપીને પોતાના સામાજિક જવાબદારી અને માર્ગ સુરક્ષા પ્રત્યે પ્રતિબદ્ધતા દર્શાવી છે.
સૂરત ટ્રાફિક પોલીસ સાથે સહયોગમાં ચાલતી આ પહેલ અતંર્ગત કંપનીના ચેરમેન અને મેનેજિંગ ડિરેક્ટર શ્રી ચેતન શાહ દ્વારા પોલીસ કમિશનર શ્રી અનુપમસિંહ ગેહલોતને આ યોગદાન સુપરત કરવામાં આવ્યું હતું. આ પ્રસંગે ડીસીપી ટ્રાફિક શ્રી મતિ અમિતા વાનાણી તથા કંપનીના ડિરેક્ટર્સ શ્રી વિપુલ શાહ અને અનિલ રાઠી પણ ઉપસ્થિત રહ્યા હતા.
“એક જવાબદાર કોર્પોરેટ તરીકે, સોલેક્સ એનર્જી લિમિટેડ મહત્વના સામાજિક મુદ્દાઓમાં પોતાનો સક્રિય સહયોગ આપવામાં વિશ્વાસ રાખે છે કારણ કે તે લાંબા ગાળાની હકારાત્મક અસરો ઊભી કરે છે. માર્ગ સુરક્ષા આવો જ એક મહત્વપૂર્ણ મુદ્દો છે. સૂરત ટ્રાફિક પોલીસને સહયોગ કરીને અમને ગૌરવની લાગણી થાય છે. આપણે સાથે મળીને વધુ સુરક્ષિત રસ્તાઓ બનાવી શકીશુ,” એમ કંપનીના ચેરમેન અને મેનેજિગ ડિરેક્ટર ચેતન શાહે જણાવ્યું હતું.
સોલેક્સ માર્ગ સુરક્ષાના વિષય પર સતત પોતાનું યોગદાન આપતી જ રહે છે. તાજેતરમાં સોલેક્સ દ્વારા સૂરત ટ્રાફિક પોલીસ સાથે મળીને ગુજરાત પોલીસ ની -પરવા છે- પહેલ હેઠળ ટૂ વ્હીલર ચાલકો માટે રિફ્લેક્ટિવ સેફ્ટી હેલ્મેટ વિતરણ અભિયાનમાં પોતાનું યોગદાન અપાયું હતું. આ અભિયાનનો મુખ્ય ઉદ્દેશ્ય વાહનચાલકો માટેની વિઝિબિલિટી વધારીને અકસ્માતો ઘટાડવાનો હતો.
ચેતન શાહે વધુમાં જણાવ્યું કે અમે સૂરત સિટી પોલીસ દ્વારા નાગરિકોની સુરક્ષા માટે કરાતા અવિરત પ્રયાસો માટે આભાર વ્યક્ત કરીએ છીએ. સોલેક્સ આવા મહત્વપૂર્ણ પ્રોજેક્ટ્સ માટે હમેશા સમર્પિત છેય સુરક્ષિત અને વધુ જવાબદાર ટ્રાફિક ઈકોસિસ્ટમ વિકસાવવા માટે હમેશા તત્પર છે.”
ટ્રાફિક એજ્યુકેશન ટ્રસ્ટ સાથેનો સહયોગ સોલેક્સના વિઝન 2030ની વ્યૂહરચનાનો એક ભાગ છે જે સસ્ટેનેબિલિટી, સોશિયલ રિસ્પોન્સિબિલિટી અને પોઝિટિવ કોમ્યુનિટી ઇમ્પેક્ટ પર ફોકસ કરે છે.
સોલેક્સ એનર્જી લિમિટેડ વિશે માહિતી :
સુરત સ્થિત સોલેક્સ એનર્જી વર્ષ 1995 થી પર્યાવરણને અનુકૂળ ટકાઉ ઊર્જાના ક્ષેત્રમાં અગ્રણી રહી છે. NSE Emerge પર સૂચિબદ્ધ થનાર પ્રથમ ભારતીય સોલાર બ્રાન્ડ (સ્ટોક કોડ: SOLEX ) તરીકે, સોલેક્સ એનર્જી, ઉચ્ચ ગુણવત્તાવાળા ફોટોવોલ્ટેઇક મોડ્યુલ્સ અને વ્યાપક EPC સર્વિસ આપવા જાણીતી છે.
કંપનીની ગુજરાતના તડકેશ્વર ખાતે સ્થિત ગ્લોબલ ફેક્ટરીમાં 1.5 GW ઉત્પાદન ક્ષમતા ધરાવતું PV મોડ્યુલ મેન્યુફેક્ચરિંગ યુનિટ છે. સોલેક્સ એનર્જી પાસે ઘરેલુ અને આંતરરાષ્ટ્રીય બજારો માટે જરૂરી પ્રમાણપત્રો છે. કંપની અનેક દેશોમાં ઉત્પાદનો નિકાસ પણ કરે છે.
વિશ્વસનીય OEM પ્રોવાઇડર તરીકે આ કંપની આંતરરાષ્ટ્રીય સ્તરે માન્યતા પ્રાપ્ત બ્રાન્ડ્સને સર્વિસ ઉપલબ્ધ કરાવે છે. પર્યાવરણ સ્થિરતા, ગુણવત્તા અને પ્રતિબદ્ધતા અમારા મુખ્ય સિદ્ધાંતો છે. અ માત્ર એક સોલાર કંપની જ નથી, પરંતુ તમારા PV મોડ્યુલ અને EPC જરૂરિયાતો માટે એક વિશ્વસનીય પાર્ટનર પણ છીએ.
અસાધ્ય પર વિજય મેળવીને અદભૂત સંકલ્પ શક્તિથી વિશ્વભરને રાહ ચીંધતા “ઓમકાર સંપ્રદાય”ના સ્થાપક દિવ્યાંગ સંતશ્રી ઓમગુરુ
અમદાવાદના આશ્વર્યભર્યા બંગલામાં રહેતા અશોકભાઈ હિંમતલાલ શાહ માટે જીવન બધે સમૃદ્ધિ લઈને આવ્યું હતું. સફળ ઉદ્યોગપતિ હોવાના નાતે, તેમનું ઘર સંપત્તિ અને સુખ-શાંતિથી ભરપૂર હતું. તેમની પત્ની પ્રતિમાબેન સાથે તેઓ ખુશખુશાલ જીવન વિતાવી રહ્યા હતા. 8 ફેબ્રુઆરી, 1977ના રોજ, તેમના ઘરમાં પુત્ર પ્રીતેષનો જન્મ થયો અને કુટુંબની ખુશીઓ બેવડી થઈ ગઈ.
સૌભાગ્ય અને પ્રેમથી ભરેલી બાળપણની મજા માણતો પ્રીતેષ જ્યારે માત્ર 8 વર્ષનો હતો, ત્યારે જૉઇન્ટ રુમેટોઇડ આર્થરાઇટિસ જેવી અતિદુર્લભ બીમારીનો શિકાર થયો. ભારતમાં બાળકોમાં આ બીમારીનો પ્રથમ કેસ હતો.
નસીબને એવું નડતર લાગ્યું કે, આઝાદીથી રમતો-દોડતો પ્રીતેષ પથારીવશ થઈ ગયો. કુટુંબે કરોડો રૂપિયાની સારવાર કરી, દેશ-વિદેશના ટોચના તબીબોને મળ્યા, પરંતુ નસીબ સામે દવાઓ નિષ્ફળ નીવડી. તબીબોએ જણાવ્યું હતું કે હવે પ્રીતેષ કદી સાજો થઈ શકશે નહીં.
બાળપણ પથારીમાં પૂરાઈ ગયું. શારીરિક પીડા અને નબળાઈએ આશાની જગ્યા હતાશા અને અંધકારમાં ફેરવી દીધી. બે વર્ષ સુધી, પ્રીતેષ શારીરિક પીડાથી વધારે માનસિક યાતનાને ભોગવતો રહ્યો. આખું જીવન પથારીમાં જ પસાર થશે—આ વિચાર માત્રે મરણોન્મુખ જેવી ખરાબ સ્થિતિમાં મૂક્યો.
દરેક જીવનમાં એક વળાંક અવશ્ય આવે છે, એક દિવસ જૈન આચાર્ય ગુરુદેવ મિત્રાનંદ સુરીશ્વરજી મહારાજ પ્રીતેષના જીવનમાં દિવ્ય પ્રકાશ લઈને આવ્યા. તેમણે પ્રીતેષને એવી વસ્તુ આપી જે દવાઓ આપી શકી નહોતી—એક ધ્યેય!
“આ દુનિયામાં કોઈ સંપૂર્ણ નથી. કોઈ માનસિક રીતે નિર્બળ હોય છે, કોઈ શારીરિક રીતે. જે નહીં હોય એ વિશે વિલાપ કરવાનો કોઈ અર્થ નથી. જે છે, તેમાંથી શ્રેષ્ઠ બનાવવું એ જ જ્ઞાન છે.”
આ શબ્દોએ પ્રીતેષના અંતરમાં જાગૃતિ પેદા કરી. તેઓએ સ્વ-દયા છોડીને જીવનને નવી દૃષ્ટિથી જોવાનું શરૂ કર્યું.
સામાન્ય સ્થિતિમાં તો, પથારીવશ બાળક ભવિષ્ય વિશે વિચારવાનું પણ શક્ય નહોતું. પરંતુ પ્રીતેષભાઈએ અસાધારણ ધૈર્ય અને સંકલ્પ દર્શાવ્યો અને એક વિદ્વાન તરીકે પોતાનો ઉદભવ કર્યો અને સમગ્ર વિશ્વભરમાં ઓમગુરૂ તરીકે જાણીતા બન્યા.
તેમણે અમદાવાદની LJ કોલેજમાંથી વાણિજ્યમાં સ્નાતક ડિગ્રી મેળવી. પછી 80% વિકલાંગતા છતાં, UPSCની મુખ્ય પરીક્ષા પાસ કરી, અને IAS કક્ષાનું લાયકાતપત્ર મેળવ્યું—જે અઘરું તો નહોતું, પણ લગભગ અશક્ય હતું.
તેમની જ્ઞાન પિપાસા તેમને જૈન ધર્મશાસ્ત્ર, મંત્રશાસ્ત્ર અને મુહૂર્તશાસ્ત્રના ઊંડા અભ્યાસ તરફ લઈ ગઈ. હરિદ્વારમાં, પંડિત દેવદત્ત શાસ્ત્રી પાસેથી જ્યોતિષ અને વાસ્તુ વિજ્ઞાન શીખ્યા. પરંતુ પ્રીતેષભાઈએ ત્યાગમાર્ગ પસંદ કર્યો—વ્યક્તિગત સિદ્ધિઓથી પર સમાજસેવામાં પોતાને સમર્પિત કર્યા.
માનવતાની સેવા માટે જીવન સમર્પિત કરી તેમણે “ઓમકાર સંપ્રદાય” ની સ્થાપના કરી, જ્યાં તેઓ મંત્રશાસ્ત્ર અને આધ્યાત્મિક ઉર્જા દ્વારા દર્દીઓની સારવાર કરે છે. કોઈ એક રૂપિયાનો પણ ચાર્જ નથી—કોઈપણ માટે આ સેવા સંપૂર્ણ નિશુલ્ક છે.
તેમની આશ્ચર્યજનક શક્તિઓનું દાયરો અહીં પૂરુ થતો નથી. ક્યારેય સંગીત નહીં શીખ્યું હોવા છતાં, તેઓએ ધાર્મિક ભજનો, ગીતો, ગઝલો અને કાવ્યો રચ્યા, જે અનેક પ્રકાશનોમાં પ્રસ્તુત થયાં.
તેમનો પરિવાર—પિતા, માતા અને બે ભાઈ, કિન્જલ અને મિહિર—તેમના જીવનના આધાર છે. પરંતુ તેમનો સાચો પરિવાર એ સમગ્ર વિશ્વ છે. વિશ્વભરમાં ચાર લાખથી વધુ લોકો તેમના શિષ્ય બની માત્ર આશા જ નહીં, પણ જીવનની નવી દિશા મેળવી રહ્યા છે.
મહાત્મા ગાંધી કહ્યા કરતાઃ “મારું જીવન જ મારું સંદેશ છે.” એ જ પ્રીતેષભાઈના જીવન માટે પણ સાચું છે. મનશક્તિ અને માનવતાનો જીવતો જાગતો દાખલો—તેમનું જીવન જ્યાં હાર અશક્ય અને સંભવ જ એકમાત્ર રસ્તો છે. જ્યાં અસાધ્ય કંઈ જ નથી!
આજરોજ મંત્રા ખાતે એક ઇલેક્ટ્રિકલ સેફટી અવેરનેસ પ્રેસ મીટગ નું આયોજન કરવામાં આવ્યું હતું
જેમાં મંત્રા અને ફોસ્ટાના પ્રતિસ્થિત મહાનુભાવો તથા અનુભવી પ્રોફેશનલ – તજજ્ઞો ઉપસ્થિત રહ્યા હતા.
તાજેતરમાં સુરતની પ્રસિધ્ધ ટેક્સટાઇલ માર્કેટમાં ઇલેક્ટ્રિક શોર્ટ-સર્કિટના લીધે થયેલ ભયાનક આગ અને તેનાથી કાપડ ઉદ્યોગને ખૂબ જ વ્યાપક નુકશાન થયેલ છે. આ પ્રકારે ઇલેક્ટ્રિક શોર્ટ-સર્કિટના કારણે કોમર્શિયલ ઇમારતો જેવી કે અનેકો ટેક્સટાઇલ માર્કેટો. હોસ્પિટલ, સ્કૂલ, શોપિંગ કોમ્પ્લેક્ષોમાં અવારનવાર આગજ નીના બનાવો બનતા રહે છે.
તેનાથી જાનમાલનું પારાવાર નુકશાન ભોગવવું પડે છે. આપણે જાણીએ છીયે કે સેફટી (સલામતી) એ સૌની સહિયારી જવાબદારી છે અને આ પ્રેસ મીટના માધ્યમથી ઇલેક્ટ્રિકલ સેફટી જ્ઞાન-પ્રસાર અને વ્યાવહારિક માર્ગદર્શન દ્વારા સૌના માટે બહેતર કાર્ય વાતવરણના સર્જનમાં યોગદાનનો અભિગત રાખવામાં આવેલ છે અને તેના થકી અકસ્માતોનું નિવારણ થાય અને ધંધા-ઉદ્યોગ એકમોના કર્મચારીઓના હિતની સુરક્ષા થશે તેવો વિશ્વાસ અપાવ્યો હતો.
આ બધા પરિબળોને ધ્યાનમાં લઈ મંત્રા અને ફોસ્ટાએ આ પ્રકારના અનિનિય બનાવો ન બને તે માટે સાથે મળીને ઇલેક્ટ્રિકલ સેફટી અવેરનેસ અને ઓડિટ ટેક્સટાઇલ માર્કેટોમાં કરવા માટેના સઘન પ્રયાસો આદરેલા છે. આ પ્રસંગે મંત્રાના પ્રમુખ શ્રી રજનીકાંત બચકાનીવાલા અને ફોસ્ટાના પ્રમુખ શ્રી કૈલાશ હકિમએ પોતાની પ્રસંગોપાત વાત રજૂ કરેલ હતી. આ સાથે ઉપસ્થિત રહેલા તજજ્ઞોએ પણ એમનું મંતવ્ય આચર્યું હતું.
ગોંડલ ખાતે રાજસ્થાની યુવક રાજકુમાર જાટ અપમૃત્યુ કેસમાં ન્યાય મેળવવા સમિતિની રચના
રાજકુમાર જાટ ન્યાય સમિતિ હેઠળ ગુરુવારે ગાંધીનગર ખાતે આવેદન પત્ર આપી સીબીઆઈ તપાસની માંગ કરાશે
સુરત. ગોંડલ ખાતે રહેતા મૂળ રાજસ્થાનના રાજકુમાર જાટ નામના યુવકના અપમૃત્યુ ને અકસ્માતમાં ખપાવવામાં આવી રહ્યો હોવાના આક્ષેપ સાથે હવે સુરત ખાતે જાટ સમાજ સહિત રાજસ્થાનના વિવિધ સમાજ એક મંચ પર આવી રહ્યા છે અને રાજકુમાર જાટના પરિવારને ન્યાય મળે તે માટે મેદાને ઉતરી રહ્યા છે. આ માટે રાજકુમાર જાટ ન્યાય સમિતિની રચના કરવામાં આવી છે.
આ અંગે નરેન્દ્ર ચૌધરીએ જણાવ્યું હતું કે રાજકોટના ગોંડલ શહેરમાં રહેતા રાજસ્થાની યુવાન રાજકુમાર જાટ નું મોત થયું છે જેમાં પરિવારજનો દ્વારા રાજકુમારનું મોત અકસ્માત નહીં પણ પૂર્વ આયોજિત હત્યા હોવાનો આરોપ લગાવી રહ્યા છે. બીજી તરફ પોલીસ આ ઘટનાને અકસ્માતની ઘટના ગણાવી રહી છે.
જોકે રાજકુમારના મોતના એક દિવસ પહેલા ગોંડલના બાહુબલી એવા ગણેશ ગોંડલ જાડેજા રાજકુમાર જાટ અને તેના પિતા ને માર મારતો હોવાનો વીડિયો સામે આવ્યો છે. માર માર્યાની ઘટના બાદથી જ રાજકુમાર જાટ ગાયબ થઈ ગયો હતો અને ત્યારબાદ તેનું મોત થયું છે.
ત્યારે આ સમગ્ર મામલો શંકાસ્પદ કહી શકાય ત્યારે આ ઘટનાનું સત્ય સામે આવે તે જરૂરી છે અને તે માટે જ અમે રાજકુમાર જાટ ન્યાય સમિતિની રચના કરી છે અને રાજકુમાર જાટ અને તેના પરિવારને ન્યાય મળે તે માટે વિભિન્ન સમાજને સાથે આવવા આહ્વાન કર્યું છે. ત્યારબાદ ગુરુવારે સૌ સમાજના પ્રતિનિધિઓ મોટી સંખ્યામાં ગાંધીનગર ખાતે જઈ આવેદન પત્ર આપી રાજકુમાર જાટ અપમૃત્યુ કેસની તપાસ સીબીઆઈ ને સોંપવાની માંગ કરશે. વધુમાં નરેન્દ્ર ચૌધરીએ જણાવ્યું હતું કે આ સમગ્ર પ્રકરણમાં સરકાર પાસે ન્યાય અને મદદ મળે એવી અપેક્ષા છે.
ઓક્સફોર્ડમાં ગુંજી રામની ગાથા, સુરતની 16 વર્ષીય બાળા ભાવિકાએ રજૂ કર્યો સંવાદ
વૈશ્વિક મંચ પર પ્રભુ રામના જીવન પર આધારિત ઉદાહરણો થકી પ્રભુ રામે આપેલ સંદેશાઓ આજે પણ કેટલાક પ્રાસંગિક છે એ ભાવિકા એ સમગ્ર દુનિયાને બતાવી ભારતનું નામ રોશન કર્યું
સુરત. સુરતની ૧૬ વર્ષીય બાળા અને સ્કોલર ઇંગલિશ એકેડમીની વિધાર્થિની ભાવિકા મહેશ્વરીએ વિશ્વ મંચ પર ભારતનું નામ રોશન કર્યું છે. હિંદુ સોસાયટી ઓક્સફોર્ડ યુનિવર્સિટી અને હિંદુ સોસાયટી એડિનબર્ગ યુનિવર્સિટીમાં વૈશ્વિક પ્રતિષ્ઠિત મંચ પર ભાવિકાએ માત્ર ભગવાન રામની ગાથા જ વર્ણવી નહીં પણ 21મી સદીમાં પણ પ્રભુ શ્રીરામના સંદેશાઓ કેટલા જરૂરી છે આ દુનિયા સમક્ષ મૂક્યું હતું.
ઉચ્ચ શિક્ષણ માટે વિશ્વની શ્રેષ્ઠ સંસ્થાઓમાં ગણાતી આ શૈક્ષિણક સંસ્થાઓમાં ભાવિકાના સત્રો પ્રાસંગિક સંદર્ભો અને ઉદાહરણો દ્વારા રામાયણના શાશ્વત પાઠોને આધુનિક જીવનમાં કેવી રીતે મૂકી શકાય તેના પર કેન્દ્રિત રહ્યા હતા.
યુવાઓમાં સનાતન સંસ્કૃતિની જાગૃતિ અને ‘વસુધૈવ કુટુંબકમ’ ના સંદેશ સાથે રામજીના સંદેશથી સમગ્ર વિશ્વમાં શાંતિ અને સમૃદ્ધિ કેવી રીતે વધે છે તે બાબતે ભાર આપવામાં આવ્યો. રામાયણના અનેક ઉદાહરણો દ્વારા ૨૧મી સદીમાં રામજીના સંદેશ કેટલા પ્રાસંગિક છે તે ભાવિકાએ જણાવ્યું હતું.
આ સાથે જ લંડનમાં ૫૦ વર્ષથી કાર્યરત હિંદુ સોસાયટી ટૂટિંગ અને વૈદિક હિંદુ કલ્ચર સેન્ટર ડબ્લિન (આયર્લેન્ડ)માં શ્રીરામ અને મોબાઇલ એડિક્શન વિષય પર ચર્ચા કરવામાં આવી હતી. જેમાં ભાવિકાએ કઈ રીતે મોબાઇલ ઓવર યુઝ બાળકોનો સમય ચોરીને તેમને બિમારીઓ આપી રહ્યો છે, કઈ રીતે આપણે આ એડિક્શન ઘટાડીને બાળકોને આધ્યાત્મિકતા સાથે જોડી શકીએ તેના પર માર્ગદર્શન પૂરું પાડ્યું હતું.
*ઉલ્લેખનીય છે ને 16 વર્ષની ઉમરે ભાવિકાએ અનેક સિદ્ધિઓ હાસલ કરી છે. ૯ વર્ષની ઉંમરે મોબાઇલ એડિક્શન પર સત્ર લઈને ૧૦,૦૦૦ થી વધુ બાળકોને જાગૃત કરવા, ૧૧ વર્ષની ઉંમરે રામકથા દ્વારા ૫૨ લાખ રૂપિયાની સમર્પણ નિધિ અયોધ્યા સમર્પિત કરવી, છેલ્લા ૬ વર્ષમાં ૪૦૦થી વધુ કાર્યક્રમો અને ૧ લાખ કિલોમીટરની મુસાફરી કરવી , સૌથી ઓછી ઉંમરે સેન્ટ્રલ જેલમાં પ્રવચન આપનાર વક્તા,
ટેડએક્સ સ્પીકર, લેખિકા, ઉદ્યોગસાહસિક, અને ‘બેટી બચાવો, બેટી પઢાવો’ ગુજરાત બ્રાન્ડ એમ્બેસેડર, વિશ્વની પહેલી ‘ડિજિટલ ડિસિપ્લિન’ પુસ્તક ‘સ્ક્રીન ટાઈમથી ડ્રીમ ટાઈમ’ ની રચના, સિંગાપોર, મલેશિયા, નેપાળ, ઈન્ડોનેશિયા, ઈંગ્લેન્ડ, વેલ્સ, સ્કોટલેન્ડ, આયર્લેન્ડ (યુરોપ) સહિત અનેક દેશોની મુસાફરી કરવી વગેરે સામેલ છે.
પીળા ગંદાના ફૂલોથી હોળીનો સુવર્ણ તેજ: આનંદમય અને ઉજ્જ્વળ પુનરાગમન માટે હર્ષભર્યા વિદાય!
White Lotus International School માં, અમે શૈક્ષણિક સત્રના છેલ્લા કાર્યદિવસને એક હૃદયસ્પર્શી હોળી ઉજવણી સાથે સમાપ્ત કર્યો, જ્યાં અમારા કિન્ડરગાર્ટનના નાનકડા વિધાર્થીઓ માટે રંગ, સુગંધ અને આનંદથી ભરેલું વાતાવરણ રચવામાં આવ્યું હતું. આ વિશેષ ઉજવણી અમારી નાનકડા શીખનારાઓને હોળીની ભાવના અનુભવવાનો મોકો આપવા માટે રચવામાં આવી હતી, જેમાં તેમની સુરક્ષા અને સંવેદનાત્મક અનુભવનો ખાસ ખ્યાલ રાખવામાં આવ્યો હતો.
બાળકોએ તાજા પીળા ગંદાના ફૂલની પાંખડીઓથી રંગોના આ તહેવારનો આનંદ માણ્યો, જે પ્રકાશ, હકારાત્મકતા અને આનંદનું પ્રતિક છે. કૃત્રિમ રંગોના બદલે, તેમણે આનંદથી ગંદાની પાંખડીઓ ઉછાળી, જેનાથી એક સુવર્ણ વર્ષા જેવી ઉત્સાહભરી છટા પ્રસરી ગઈ. તેમની હાસ્યરજ અને ઉત્સાહે આખું શાળા પરિસર ચમકતું બનાવ્યું, જેનાથી આ શૈક્ષણિક સત્રની વિદાય ખરેખર યાદગાર બની ગઈ. ઉત્સવને વધુ રંગીન બનાવવા, નાનકડાં બાળકો હોળીના સૂર પર ઉત્સાહભેર નૃત્ય કરતા રહ્યા, તેમની ઉર્જા અને ઉત્સાહે સમગ્ર ઉજવણીને જીવંત બનાવી.
પ્રિન્સિપાલ, શ્રીમતી પૂર્વિકા સોલંકીએ આ ઉપક્રમેના મહત્વ પર પ્રકાશ નાખતા કહ્યું, “અમારા શાળામાં, અમે અમારી સમૃદ્ધ સાંસ્કૃતિક વારસાને ઉજવવાની સાથે સાથે પર્યાવરણ પ્રત્યેની જાગૃતિ પણ ઉદ્દીપિત કરવામાં માનીએ છીએ. ગંદાના ફૂલોનો ઉપયોગ કરીને, અમે અમારા વિદ્યાર્થીઓને સતત વિકાસ અને જવાબદાર ઉજવણીનો મૂલ્ય ભણાવવાનો પ્રયાસ કર્યો. હોળી પ્રેમ, આનંદ અને એકતાનો તહેવાર છે, અને આજે, અમે તેને એકદમ કુદરતી અને સુંદર રીતે અનુભવી શક્યા.”
જેમ જેમ અમે આ સત્ર માટે અમારા નાનકડા વિધાર્થીઓને વિદાય આપી રહ્યા છીએ, અમે તેમને આનંદના રંગો અને નવા પ્રારંભની સુગંધ સાથે આગળ વધવા માટે પ્રોત્સાહિત કરી રહ્યા છીએ. અમે તેમને આગામી શૈક્ષણિક વર્ષમાં સમાન ઉન્માદ, આનંદ અને શ્રેષ્ઠતાની પ્રતિબદ્ધતા સાથે પાછા આવવા માટે આતુર છીએ.
White Lotus International School માં, દરેક ઉત્સવ આનંદદાયક શીખવા તરફ એક પગથિયું છે, અને આજનો દિવસ શૈક્ષણિક સત્રને એક ઉર્જાવાન અને હકારાત્મક અંત આપવા માટે એક પરિપૂર્ણ રીત હતી.
૨,૫૦૦ વર્ષ અગાઉ પ્રચલિત હતાં તેવા વિલુપ્ત થયેલા ૧૨૬ શાસ્ત્રીય રાગોના ગ્રંથ “રાગોપનિષદ્નું” લોકાર્પણ
વિવિધ રાગમાલાઓનો સંચય રાગોપનિષદ સંગીતપ્રેમીઓ માટે સંભારણું બનશે – વડાપ્રધાનશ્રી નરેન્દ્ર મોદી
અમદાવાદ તા. ૧૨ માર્ચ ૨૦૨૫ – મુંબઈમાં તાજેતરમાં પરમ પૂજ્ય ગચ્છાધિપતિ જૈનાચાર્યશ્રી વિજયકલ્પતરુસૂરીશ્વરજી મહારાજાની પાવન છત્રછાયામાં, મહારાષ્ટ્રના મુખ્ય મંત્રી દેવેન્દ્ર ફડનવીસના શુભહસ્તે, શાસ્ત્રીય સંગીત આધારીત જૈન પ્રાચીન ભક્તિગીતોના મહાગ્રંથ ‘રાગોપનિષદ્’ અને તેના મ્યુઝિક આલબમનું લોકાર્પણ કરવામાં આવ્યું હતું. આ પ્રસંગે સંદેશો આપતા વડાપ્રધાન શ્રી નરેન્દ્ર મોદીએ જણાવ્યું હતું કે ‘‘ભારતમાં સદીઓથી સંગીતની આગવી પરંપરા રહી છે. શાસ્ત્રીય રાગ, સંગીતના જ્ઞાન અને કાવ્ય સર્જન દ્વારા ભક્ત કવિઓએ અવિસ્મરણીય પદ્ય સાહિત્યની રચના કરી છે. પૂર્વ મુનિવરો વિરચિત અને આચાર્ય ભગવંત શ્રીમદ્ વિજય તીર્થભદ્રસૂરીશ્વરજી મહારાજ સાહેબ દ્વારા સંપાદિત વિવિધ રાગમાલાઓનો સંચય ‘રાગોપનિષદ્’ ગ્રંથ પ્રકાશિત કરવામાં આવ્યો. ગ્રંથમાં શાસ્ત્રીય રાગ – રાગિણી વિષે ઊંડી જાણકારી, વાદ્યોનો સચિત્ર પરિચય, પ્રાચીન હસ્તપ્રતમાંના રાગચિત્રો અને રાગના વિસ્તૃત પરિચય માટે મધ્યકાલીન ભાષાના પદોની ઉદાહરણ તરીકે સમજૂતી વડે સમૃદ્ધ અને મૂલ્યવાન બન્યો છે. ગહન અભ્યાસ અને સંશોધનના આધારે સંપાદિત આ ગ્રંથ સૌ કોઈ સંગીતપ્રેમી માટે સંભારણું બની રહેશે.’’
આ પ્રસંગે ગુજરાત રાજ્યના ગૃહ ખાતાના યુવાન રાજ્ય મંત્રી હર્ષ સંઘવી અને મહારાષ્ટ્રના કેબિનેટ પ્રધાન મંગલપ્રભાત લોઢા અતિથિવિશેષ તરીકે ઉપસ્થિત રહ્યા હતા.
આ ગ્રંથમાં વિવિધ કવિઓની ૯૫૮ રચનાઓને સ્થાન આપવામાં આવ્યું છે. તેમાં પ્રાચીન હસ્તપ્રતોના આધારે લગભગ વિલુપ્ત થઈ ગયેલા ૧૨૬ શાસ્ત્રીય રાગો પણ ખોળી કાઢવામાં આવ્યા છે, જેમાંના કેટલાક રાગો તો આજથી ૨,૫૦૦ વર્ષ પહેલાં પ્રચલિત હતા. આ રાગમાલામાં વિવિધ રાગોના ૯૦ જેટલા રંગીન ચિત્રો પણ સામેલ કરવામાં આવ્યા છે. તદુપરાંત તેમાં પ્રાચીન કાળથી વપરાતા સંગીતનાં ૧૫૦ સાધનોનો સચિત્ર પરિચય અપાયો છે.
આ પ્રસંગે ઉપસ્થિત ‘રાગોપનિષદ્’ ના સંપાદક પરમ પૂજ્ય આચાર્યશ્રી વિજયતીર્થભદ્રસૂરીશ્વરજી મહારાજાએ મંગલાચરણ કરતાં ફરમાવ્યું હતું કે ‘‘પરમાત્મા મહાવીર સ્વામી ભગવાન જ્યારે સમવસરણમાં બિરાજમાન થઈને માલકૌંસ રાગમાં દેશના દેતા હતા ત્યારે ત્યાં ઉપસ્થિત માનવોનાં પથ્થર જેવાં હૃદય પણ પીગળી જતાં અને તેમની આંખોમાંથી આંસુંની ધાર વહેવા લાગતી હતી, તેવી તાકાત રાગની અને સંગીતની છે.’’
આચાર્ય ભગવંતે જણાવ્યું હતું કે ઈશ તત્ત્વની પ્રાપ્તિ માટે જ્ઞાન, ક્રિયા, ધ્યાન અને ભક્તિ જેવા અનેક યોગનું ધર્મશાસ્ત્રોમાં વર્ણન કરવામાં આવ્યું છે. આત્માના સત્, ચિત્ અને આનંદ સ્વરૂપને પ્રગટ કરવામાં શાસ્ત્રીય સંગીત અને ભક્તિયોગ અસરકારક ભૂમિકા ભજવે છે. આજના વિજ્ઞાને પણ પુરવાર કર્યું છે કે સંગીત દ્વારા કેન્સર જેવા ઘણા અસાધ્ય રોગોની સારવાર કરી શકાય છે. સંગીતની અસર માત્ર માનવોને જ નહીં પણ પશુપંખીઓ અને વનસ્પતિ ઉપર પણ થાય છે. સંગીતસમ્રાટ તાનસેન જ્યારે ગાતો હતો ત્યારે ઉદ્યાનમાં રહેલી કળીઓ ખીલીને ફૂલ બની જતી હતી. તાનસેન જ્યારે તોડી રાગ ગાતો ત્યારે જંગલમાં રહેતાં હરણ ખેંચાઈને ત્યાં આવી જતાં હતાં. આ સંગીત આલ્બમના નિર્માણમાં શાસ્ત્રીય સંગીતના નિષ્ણાત ડો. ભરત બલવલ્લી દ્વારા જે ભારે જહેમત ઉઠાવવામાં આવી છે તે અનુમોદનીય છે. અખિલ ભારતીય ગંધર્વ મહાવિદ્યાલય દ્વારા ‘રાગોપનિષદ્’ ગ્રંથનો સમાવેશ પાઠ્યક્રમમાં કરવાનો નિર્ણય લેવામાં આવ્યો છે.
અંતમાં આચાર્ય ભગવંતે જણાવ્યું કે ‘‘પરમ પૂજ્ય ગચ્છાધિપતિ આચાર્યશ્રી વિજયકલ્પતરુસૂરીશ્વરજી મહારાજા સાહેબના આશીર્વાદથી જ અમારું આ કાર્ય સફળ થયું છે. ’’ આ પ્રસંગે ૬ આચાર્ય ભગવંતો અને ૧૦૦ જેટલા પૂજ્ય સાધુ-સાધ્વીજી ભગવંતોની ઉપસ્થિતિ રહી હતી.
મહારાષ્ટ્રના મુખ્ય મંત્રી દેવેન્દ્ર ફડનવિસે ‘રાગોપનિષદ્’નું લોકાર્પણ કરતાં કહ્યું હતું કે ‘‘મારા માટે હર્ષની વાત છે કે મને એવા ગ્રંથનું અને મ્યુઝિક આલબમનું લોકાર્પણ કરવાનું સૌભાગ્ય પ્રાપ્ત થયું છે કે જેમાં ભારતના સંગીત શાસ્ત્રમાં જે પ્રાચીન રાગો વિલુપ્ત થઈ ગયા હતા તેને પુનર્જીવિત કરવામાં આવ્યા છે. ભારતમાં શાસ્ત્રીય સંગીતનો જન્મ સામવેદથી થયો હતો. સામવેદની ઋચાઓ શાસ્ત્રીય રાગોમાં ઢાળી શકાય તેવી રીતે રચવામાં આવી હતી.’’
દેવેન્દ્ર ફડનવિસે કહ્યું હતું કે ‘‘નેતાઓ જે રાજનીતિ કરે છે અને સંગીતકારો જે રાગનીતિ કરે છે, તે બંનેનો હેતુ પ્રજાનું કલ્યાણ કરવાનો હોય છે. સંગીતમાં શરીરના તથા મનના રોગોની સારવાર કરવાની શક્તિ છે. તમે યમન કલ્યાણ રાગ ગાઓ છો, અમે જનકલ્યાણ કરીએ છીએ. રાગોપનિષદ્ રાગના ક્ષેત્રમાં નવું જ ઉપનિષદ સાબિત થશે.’’
આ સંગીતમય પ્રયાસ પાછળ વિખ્યાત સંગીતકાર સ્વરાધીશ ડૉ. ભરત ભલવલ્લી છે, જે હિન્દુસ્તાની શાસ્ત્રીય સંગીતના એક પ્રતિષ્ઠિત વ્યક્તિ છે. રાગોપનિષદ સંગીતમય આલ્બમમાં ભારતના સૌથી પ્રતિષ્ઠિત શાસ્ત્રીય ગાયકોને રજૂ કરવામાં આવ્યા છે, જેમાં ઉસ્તાદ રાશિદ ખાન, પંડિત ઉલ્હાસ કાશલકર, સુરેશ વાડકર, સોનુ નિગમ, શંકર મહાદેવન, જસપિંદર નરુલા, જાવેદ અલી, કૌશિકી ચક્રવર્તી, ડૉ. અશ્વિની ભીડે, પંડિત વેંકટેશ કુમાર, પંડિત શૌનક અભિષેકી, પંડિત રઘુનંદન પાંશીકર, પંડિત રામ દેશપડિ, ઓસ્માન મીર, ફાલ્ગુની પાઠક, રાહુલ દેશપાંડે, દેવકી પંડિત, પંડિત જયતીર્થ મેવુન્દી, આરતી અંકલીકર, પંડિત આનંદ ભાટે અને પંડિત સંજીવ અભ્યંકરનો સમાવેશ થાય છે.
રાગોપનિષદ્નું લોકાર્પણ કરવા માટે તાજેતરમાં યોજાયેલી સંગીત સંધ્યામાં ડો. ભરત બલવલ્લી ઉપરાંત પદ્મશ્રી ગાયિકા અશ્વિની ભીડે જોષી, પંડિત આનંદ ભાટે, પંડિત જયતીર્થ મેવુન્દી, શ્રીમતી મંજુશ્રી પાટિલ અને અમિત પાધ્યે દ્વારા ઉપસ્થિત સંગીતપ્રેમીઓને ભક્તિરસમાં તરબોળ કરવામાં આવ્યા હતા. આ પ્રસંગે મહારાષ્ટ્રના મુખ્ય મંત્રી દેવેન્દ્ર ફડનવિસ દ્વારા ડો. ભરત બલવલ્લીને ‘નાદદેવ પરમહંસ’ ની ઉપાધિની નવાજેશ કરવામાં આવી હતી.
સુરત અનેસ્થેસિયા એસોસિયેશન દ્વારા સખિયા સ્કિન કેર ક્લિનિક ખાતે મહિલા દિવસની ઉજવણી
સ્કિન અને હેયરની કાળજી કેવી રીતે લેવી તે વિશે સેમિનાર યોજાયો
સુરત. સુરત અનેસ્થેસિયા એસોસિયેશન દ્વારા આંતરરાષ્ટ્રીય મહિલા દિવસની ઉજવણી સખિયા સ્કિન કેર ક્લિનિક ખાતે કરવામાં આવી હતી. આ પ્રસંગે આયોજિત સેમિનારમાં સખિયા સ્કીન કેર સેન્ટરના નિષ્ણાત ડોકટરો દ્વારા હેયર અને સ્કિન કેર વિશે વિસ્તૃત માર્ગદર્શન આપવામાં આવ્યું હતું.
આ અંગે સુરત અનેસ્થેશિયા એસોસિયેશનના ડૉ.કૃતિ અને ડૉ. નીરુ ઉપાધ્યાયે જણાવ્યું હતું કે તેઓ દ્વારા દર વર્ષે આંતરરાષ્ટ્રીય મહિલા દિવસની ઉજવણી કરવામાં આવી હતી. ત્યારે આ વખતે એસોસિયેશન ના સભ્યો અને અન્ય મહિલાઓને સ્કિન અને વાળની કાળજી કેવી રીતે લેવી તે વિશે માહિતગાર અને જાગૃત કરવા માટે સેમીનારનું આયોજન કરવામાં આવ્યું હતું.
આ માટે સખિયા સ્કિન કેર ક્લિનિક ની પસંદગી કરવામાં આવ્યું હતી. અહીં ડોકટર દેવશ્રી પંડ્યા અને ડૉ.મેઘના દ્વારા સૌને સ્કિન અને હેર કેર વિશે વિસ્તૃત જાણકારી આપવામાં આવી હતી. તેઓ દ્વારા મહિલાઓને મુંઝવતા પ્રશ્નોના જવાબ પણ આપવામાં આવ્યા હતા. આ પ્રસંગે આ બંને મહિલા ડોકટરોનું સન્માન કરવામાં આવ્યું હતું.
ડૉ. દેવશ્રી પંડ્યાએ જણાવ્યું કે, “મહિલાઓએ સ્વસ્થ અને સદાબહાર ત્વચા માટે યોગ્ય કાળજી લેવી જોઈએ. જો મહિલાઓ પોતાની ત્વચાની કાળજી પર ધ્યાન આપે તો તે તેમને શ્રેષ્ઠ આવક આપવા સાથે સાથે આત્મવિશ્વાસને વધારવા મદદ કરે છે. અને જ્યારે મહિલાઓનો આત્મવિશ્વાસ વધે છે, ત્યારે તેઓ દરેક પ્રકારની સમસ્યામાંથી બહાર નીકળી શકે છે, પોતાને તમામ ક્ષેત્રોમાં શ્રેષ્ઠ રીતે પ્રદર્શિત કરી શકે છે.”
“આ રીતે, સ્વસ્થ ત્વચા માત્ર દેખાવમાં સુધારો લાવતું નથી, પરંતુ આમાંથી જન્મતો આત્મવિશ્વાસ અને આત્મ-સંસ્કૃતિ મહિલાઓને તે બધું સિદ્ધ કરવા માટે પ્રેરણા આપે છે, જે તેઓ જીવનમાં ચાહે છે. જેમ કે ડૉ. મેઘનાએ જણાવ્યું હતું, ‘મહિલાઓએ’ સ્વસ્થ ત્વચા ની કાળજી લે તો , સ્ફૂર્તિ, સકારાત્મક દૃષ્ટિ અને આંતરિક શક્તિ વિકાસી તેમને દરેક પડકાર પર વિજય મેળવવામાં મદદ કરી શકે છે.”