વ્યાપાર

આર્સેલરમિત્તલ નિપ્પોન સ્ટીલ ઇન્ડિયાએ આંધ્ર પ્રદેશમાં ગ્રીનફિલ્ડ સ્ટીલ પ્લાન્ટનું શિલાન્યાસ કર્યું

March 23, 2026

• આ શિલાન્યાસ વિધિ આંધ્ર પ્રદેશના માનનીય મુખ્યમંત્રી શ્રી એન. ચંદ્રબાબુ નાયડુ અને માનનીય કેન્દ્રિય સ્ટીલ તથા હેવી ઇન્ડસ્ટ્રીઝ મંત્રી શ્રી એચ. ડી. કુમારસ્વામીની ઉપસ્થિતિમાં યોજાઈ હતી. • આર્સેલરમિત્તલના એક્ઝિક્યુટિવ ચેરમેન લક્ષ્મી મિત્તલ અને સીઈઓ આદિત્ય મિત્તલ પણ આ મહત્વપૂર્ણ ક્ષણે હાજર રહ્યા હતા. • આ અદ્યતન મેન્યુફેક્ચરિંગ સુવિધા આંધ્ર પ્રદેશમાં આર્સેલરમિત્તલ નિપ્પોન સ્ટીલ ઇન્ડિયાની લાંબા સમયથી રહેલી હાજરીને વધુ મજબૂત બનાવશે. • આ ગ્રીનફિલ્ડ પ્રોજેક્ટ કંપનીના લાંબા ગાળાના ઉદ્દેશ મુજબ તેની ક્રૂડ સ્ટીલ બનાવવાની ક્ષમતા 40 MTPA સુધી વધારવામાં મદદરૂપ બનશે અને ભારતને વૈશ્વિક સ્ટીલ મેન્યુફેક્ચરિંગ ક્ષેત્રમાં વધુ મજબૂત બનાવશે. હજીરા – સુરત, માર્ચ 23, 2026: આજનો દિવસ આર્સેલરમિત્તલ નિપ્પોન સ્ટીલ ઇન્ડિયા માટે એક મહત્વપૂર્ણ ક્ષણ બન્યો છે, કારણ કે આંધ્ર પ્રદેશના અનકાપલ્લી જિલ્લાના રાજ્યપેટા ખાતે તેના નવા 8.2 મિલિયન ટન પ્રતિ વર્ષ (પર્યાવરણ મંજૂરી અનુસાર નિર્ધારિત ક્ષમતા) ઇન્ટિગ્રેટેડ સ્ટીલ પ્લાન્ટ માટે શિલાન્યાસ વિધિ યોજાઈ હતી. આ પ્રોજેક્ટમાં અંદાજે રૂપિયા 70,000 કરોડથી વધુનું તબક્કાવાર રોકાણ કરવામાં આવશે. ઉપરાંત, પ્લાન્ટના સતત થતાં બાંધકામ અને વિકાસની સાથે લગભગ 1 લાખ સીધી અને પરોક્ષ રોજગારીની તકોનું સર્જન થવાની અપેક્ષા છે. આ શિલાન્યાસ વિધિ આંધ્ર પ્રદેશના માનનીય મુખ્યમંત્રી શ્રી એન.ચંદ્રબાબુ નાયડુ, માનનીય કેન્દ્રિય સ્ટીલ અને હેવી ઇન્ડસ્ટ્રીઝ મંત્રી શ્રી એચ.ડી.કુમારસ્વામી, આંધ્ર પ્રદેશના માનનીય ઉપમુખ્યમંત્રી શ્રી કે.પવન કલ્યાણ, અને આઈટી, ઇલેક્ટ્રોનિક્સ અને કોમ્યુનિકેશન, માનવ સંસાધન વિકાસ (HRD), અને રિયલ-ટાઈમ ગવર્નન્સ મંત્રી શ્રી નારા લોકેશની ઉપસ્થિતિમાં યોજાઈ. આ ઉપરાંત, શ્રી લક્ષ્મી મિત્તલ, એક્ઝિક્યુટીવ ચેરમેન, આર્સેલરમિત્તલ, શ્રી આદિત્ય મિત્તલ, ચેરમેન, આર્સેલરમિત્તલ નિપ્પોન સ્ટીલ ઈન્ડિયા અને સીઈઓ આર્સેલરમિત્તલ તથા શ્રી દિલીપ ઊમ્મેન, ચીફ એક્ઝિક્યુટિવ ઓફિસર, આરસેલરમિત્તલ નિપ્પોન સ્ટીલ ઇન્ડિયા પણ હાજર રહ્યા હતા. આ કાર્યક્રમે રાજ્યભરમાંથી નોંધપાત્ર ઉત્સાહ અને ધ્યાન આકર્ષિત કર્યુ છે. હજારો લોકો આ ક્ષણના સાક્ષી થવા હાજર રહ્યા હતા, જે આર્સેલરમિત્તલ નિપ્પોન સ્ટીલ ઇન્ડિયાનું દેશના સૌથી અદ્યતન સ્ટીલ ઉત્પાદન કરવાની સુવિધાઓમાંથી એક સ્થાપિત કરવાના સ્વપ્નને હકીકત કરવાની શરૂઆત છે. આર્સેલરમિત્તલ નિપ્પોન સ્ટીલ ઇન્ડિયાનું શરૂઆતથી જ લક્ષ્ય રહ્યુ છે કે તેઓ પોતાની ઉદ્યોગની અગ્રણી ક્ષમતાનો ઉપયોગ કરીને ભારતમાં વર્ષ 2030 – 31 સુધી ઘરેલું ક્રૂડ સ્ટીલ ઉત્પાદન કરવાની ક્ષમતા 300 MTPA સુધી વધારવા સમર્થન આપે, જે નેશનલ સ્ટીલ પોલિસીને અનુરૂપ હોઈ. નવી સ્ટીલ ઉત્પાદન ક્ષમતા ઊભી કરવાની સાથે, આર્સેલરમિત્તલ નિપ્પોન સ્ટીલ ઇન્ડિયાએ “country-first” એવું ઉચ્ચ ગુણવત્તાવાળા સ્ટીલ્સ પણ રજૂ કર્યા છે. આર્સેલરમિત્તન નિપ્પોન સ્ટીલ ઇન્ડિયા દેશની પ્રથમ ઇન્ટિગ્રેટેડ સ્ટીલ ઉત્પાદક કંપની છે, જેને સ્ટીલ મંત્રાલય દ્વારા સ્થાપિત નવી ગ્રીન સ્ટીલ ટેક્સોનોમી હેઠળ ગ્રીન સ્ટીલ સર્ટિફિકેશન પ્રાપ્ત થયું છે. રાજ્યપેટા ખાતે આકાર લેવા જઈ રહેલા નવા પ્લાન્ટમાં સ્ટીલ ઉત્પાદન કામગીરી કેલેન્ડર વર્ષ 2029ના પ્રથમ ત્રિમાસિક સુધી શરૂ થવાની યોજના છે, જ્યારે અન્ય યુનિટ્સ આગળના ત્રિમાસિકોમાં તબક્કાવાર રીતે તૈયાર થવાની સંભાવના છે. “વિકસિત ભારત 2047” ના વિઝન સાથે સુસંગત રહીને પ્લાન્ટમાં વિવિધ પ્રકારના સ્ટીલ ગ્રેડ્સનું ઉત્પાદન કરાશે. જેમાં ઉચ્ચ ગુણવત્તાવાળા, મૂલ્યવર્ધિત ઉત્પાદનોનો સમાવેશ થશે. જે ભારતની આત્મનિર્ભરતામાં વધારો કરશે, આયાતમાં ઘટાડો અને ઉત્પાદન આધારને વધુ મજબૂત બનાવશે. આ પ્રસંગે, આર્સેલરમિત્તન નિપ્પોન સ્ટીલ ઇન્ડિયાએ આંધ્ર પ્રદેશ સરકાર સાથે બે મહત્વપૂર્ણ સમજૂતી કરાર (MoUs) પર હસ્તાક્ષર કર્યા છે. આ MoUs નો હેતુ એ છે કે આર્સેલરમિત્તલ નિપ્પોન સ્ટીલ ઇન્ડિયા NAMTECH (New Age Makers’ Institute of Technology) સાથે મળીને આંધ્ર પ્રદેશમાં ભવિષ્ય માટે તૈયાર ઉદ્યોગલક્ષી ટેલેન્ટ ઇકોસિસ્ટમ ઊભી કરે, જેમાં અદ્યતન ટેકનોલોજી, મટિરિયલ્સ ઇનોવેશન, શિક્ષણ, અને વર્કફોર્સ ડેવલોપમેન્ટને આધુનિક ઉદ્યોગોની જરૂરિયાતો સાથે જોડી શકાય. NAMTECH આર્સેલરમિત્તલ નિપ્પોન સ્ટીલ ઇન્ડિયાની નોન-પ્રોફિટ શિક્ષણ અને સ્કિલિંગ પહેલ છે. વડાપ્રધાન શ્રી નરેન્દ્રભાઈ મોદીએ જણાવ્યું હતું: “હું આ મહત્વપૂર્ણ સિદ્ધિ માટે આંધ્ર પ્રદેશને અભિનંદન પાઠવું છું. આ પ્રોજેક્ટનું શિલાન્યાસ વિશ્વસ્તરીય ઈન્ટીગ્રેટેડ સ્ટીલ પ્લાન્ટની શરૂઆત દર્શાવે છે, જે ભારતની સ્ટીલ ઉત્પાદન ક્ષમતાને વધુ મજબૂત બનાવશે. આ આંધ્ર પ્રદેશના વિકાસ તરફના પ્રવાસમાં એક મહત્ત્વપૂર્ણ સિદ્ધિ છે, જે રાજ્યના યુવાનો માટે નવી તકો ઉભી કરશે અને રાજ્યને ઔદ્યોગિક નવીનતાના મોખરે લાવશે. આ સાથે જ ભારતને વૈશ્વિક સ્ટીલ ઉત્પાદન ક્ષેત્રમાં આગેવાન તરીકે વધુ મજબૂત બનાવશે.”

પ્રાસંગિક સંબોધન કરતાં, શ્રી ચંદ્રબાબુ નાયડુ, મુખ્યમંત્રી, આંધ્ર પ્રદેશે જણાવ્યું હતું કે: “આ પ્રોજેક્ટ આંધ્ર પ્રદેશને એક મજબૂત રોકાણ સ્થળ તરીકે દર્શાવીને અને અમારા રાજ્યમાં વૈશ્વિક વ્યાપારનો વધતો વિશ્વાસ દર્શાવશે. આંધ્ર પ્રદેશ સરકાર આર્સેલરમિત્તલ નિપ્પોન સ્ટીલ ઇન્ડિયાને આ રોકાણ સાકાર કરવામાં સંપૂર્ણ સહયોગ આપશે, જે વિકાસ લાવશે, રોજગારી ઊભી કરશે અને રાજ્યને ભારતના ઔદ્યોગિક ભવિષ્ય માટે વધુ મજબૂત બનાવશે.” શ્રી એચ.ડી.કુમારસ્વામી, કેન્દ્રિય સ્ટીલ અને હેવી ઇન્ડસ્ટ્રીઝ મંત્રીએ જણાવ્યું હતું કે,: “ભારત — જે વિશ્વમાં બીજા ક્રમે સૌથી મોટું ક્રૂડ સ્ટીલ ઉત્પાદક દેશ છે — તેના લાંબા ગાળાની સ્ટીલ ઉત્પાદન ક્ષમતાના લક્ષ્યો તરફ વિકસિત ભારત 2047ના વિઝન હેઠળ આગળ વધી રહ્યું છે, ત્યારે આવા મોટા પ્રોજેક્ટ માટે સતત રોકાણ, અદ્યતન ટેકનોલોજી અને મજબૂત અમલીકરણ ક્ષમતાની જરૂર રહેશે. આ સહકાર વૈશ્વિક અનુભવ અને દેશની મહત્ત્વાકાંક્ષાને એક સાથે લાવી ભારતના સ્ટીલ ક્ષેત્રને વધુ મજબૂત બનાવશે. હું આર્સેલરમિત્તલ નિપ્પોન સ્ટીલ ઇન્ડિયાને શુભેચ્છાઓ પાઠવું છું અને આશા રાખું છું કે આ સુવિધા ભારતીય સ્ટીલ ઉદ્યોગના વિકાસ અને આધુનિકીકરણમાં મહત્વપૂર્ણ યોગદાન આપશે.” શ્રી લક્ષ્મી મિત્તલ, એક્ઝિક્યુટીવ ચેરમેન, આર્સેલરમિત્તલે જણાવ્યું કે: “આજે ભારત સાથેની અમારી ભાગીદારીનો નવો અધ્યાય શરૂ થાય છે, જે સંયુક્ત મહત્ત્વાકાંક્ષા અને લાંબા સમયથી ચાલતા વિશ્વાસ પર આધારિત છે. હું હવે પચાસ વર્ષથી સ્ટીલ ઉદ્યોગમાં છું, અને હું ઈમાનદારીથી કહી શકું છું કે ભારતમાં અમે જે બનાવી રહ્યા છીએ તે મારા આ 50 વર્ષના અનુભવમાં એક ખાસ મહત્વ ધરાવે છે. મને ખૂબ આનંદ છે કે અમે વિકસિત ભારત તરફના પ્રવાસમાં એટલું મહત્વપૂર્ણ યોગદાન આપી રહ્યા છીએ, અને વિશ્વ સ્તરીય સ્ટીલ ઉત્પાદન થકી ટકાઉ વિકાસ અને દેશની આત્મનિર્ભરતા કેવી રીતે મજબૂત બનાવી શકાય તે દર્શાવી રહ્યા છીએ. આ પ્રોજેક્ટ માટે સહયોગ આપનારા દરેક વ્યક્તિનો હું આભાર માનું છું અને આશા રાખું છું કે આ પ્રોજેક્ટ સ્થાનિક સમુદાયો અને સમગ્ર આંધ્ર પ્રદેશ માટે પરિવર્તન લાવનાર સાબિત થશે.” શ્રી આદિત્ય મિત્તલ, ચેરમેન, આર્સેલરમિત્તલ નિપ્પોન સ્ટીલ ઈન્ડિયા અને સીઈઓ, આર્સેલરમિત્તલે જણાવ્યું હતું કે: “હું આંધ્ર પ્રદેશ સરકાર અને ભારત સરકારનો આભાર માનું છું, જેમણે આ પ્રોજેક્ટને સાકાર બનાવવા સતત સહયોગ આપ્યો છે. સ્ટીલ જીવનનો આધાર છે, અને આ નવા પ્લાન્ટ દ્વારા ભારતની સ્ટીલ ક્ષમતામાં વધારો કરવાની તક મળી છે તેના માટે અમને ગર્વ છે. આ પ્લાન્ટ દેશના સૌથી સ્પર્ધાત્મક અને આધુનિક પ્લાન્ટમાંનો એક બનશે. તેની સમુદ્ર કિનારે આવેલી લોકેશન અને દેશના સૌથી સમૃદ્ધ લોખંડની ખાણ વિસ્તાર સાથે સ્લરી પાઇપલાઇન દ્વારા સરળ જોડાણ તેને સ્ટીલ ઉત્પાદન માટે ઉત્તમ સ્થાન બનાવે છે. દક્ષિણ ભારત ઝડપથી વિકસતું બજાર છે અને આ પ્લાન્ટ પ્રદેશ તેમજ સમગ્ર ભારતના ગ્રાહકોની જરૂરિયાતોને પૂરી કરી શકશે. હવે બાંધકામ શરૂ થશે ત્યારે અમારી પ્રાથમિકતા હંમેશા સલામતીની રહેશે. હું આગળના દરેક મહત્વપૂર્ણ તબક્કાને જોવા અને તેની ઉજવણીઓ કરવા માટે આતુર છું. આ સુવિધા પૂર્ણ થયા પછી આર્સેલરમિત્તલ નિપ્પોન સ્ટીલ ઇન્ડિયાની સ્થિતિ દેશની અગ્રણી સ્ટીલ કંપનીઓ સૌથી મજબૂત બનશે.” શ્રી ટડાશી ઇમાઈ, રિપ્રેઝેન્ટેટિવ ડિરેક્ટર, પ્રેસિડેન્ટ અને સીઓઓ, નિપ્પોન સ્ટીલ કોર્પોરેશને જણાવ્યું: “રાજ્યપેટાનો આ પ્લાન્ટ અમારી વૃદ્ધિના આગામી મહત્વપૂર્ણ તબક્કાનું પ્રતિનિધિત્વ કરે છે. અમારું આ રોકાણ ભારત-જાપાન વચ્ચેના સંબંધોની ભાવનાને દર્શાવે છે — જે વિશ્વાસ, પરસ્પર સન્માન અને લાંબા ગાળાના વિકાસ માટેની સંયુક્ત પ્રતિબદ્ધતા પર આધારિત છે. ભારત પ્રત્યેની અમારી પ્રતિબદ્ધતા માત્ર એક પ્રોજેક્ટથી નક્કી થતી નથી, પરંતુ આવતા દાયકાઓમાં પણ અમે આ મહાન દેશ સાથે મળીને રોકાણ, નવીનતા અને વિકાસ કરતા રહીશું.” શ્રી તાકાહિરો મોરી, વાઇસ ચેરમેન, નિપ્પોન સ્ટીલ કોર્પોરેશન અને મેમ્બર, બોર્ડ ઓફ ડિરેક્ટર્સ, આર્સેલરમિત્તલ નિપ્પોન સ્ટીલ ઇન્ડિયાએ જણાવ્યું હતું કે: “ભારત લાંબા ગાળાના વિકાસ માટે મજબૂત પાયો નાખી રહ્યું છે, અને આ યાત્રામાં સ્ટીલ મહત્વપૂર્ણ ભૂમિકા ભજવશે. અમે ગર્વ અનુભવીએ છીએ કે નિપ્પોન સ્ટીલ, આર્સેલરમિત્તલ નિપ્પોન સ્ટીલ ઇન્ડિયા દ્વારા, ભારતની સ્ટીલ ક્ષમતા વધારવાની રાષ્ટ્રીય મહત્ત્વાકાંક્ષામાં યોગદાન આપી રહ્યું છે. અમે ભારત સરકાર અને આંધ્ર પ્રદેશ સરકારનો સહયોગ બદલ આભાર માનીએ છીએ અને ભવિષ્યનું સાથે મળીને નિર્માણ કરવાની આશા રાખીએ છીએ.” શ્રી દિલીપ ઊમ્મેન, ચીફ એક્ઝિક્યુટિવ ઓફિસર, આરસેલરમિત્તલ નિપ્પોન સ્ટીલ ઇન્ડિયાએ જણાવ્યું હતુ કે: “આ આર્સેલરમિત્તલ નિપ્પોન સ્ટીલ ઇન્ડિયા માટે ગૌરવની ક્ષણ છે. આ પ્રોજેક્ટ વિશ્વ સ્તરની સ્ટીલ ઉત્પાદન માટે અસરકારક આયોજન અને સહકારનું પ્રતિનિધિત્વ કરે છે. આ પ્લાન્ટ રોજગારી ઊભી કરશે, ટકાઉ વિકાસને પ્રોત્સાહન આપશે અને ઉદ્યોગ અને સમુદાય બંનેના વિકાસને સાથે લઈને આગળ વધશે. ‘સ્માર્ટર સ્ટીલ બ્રાઈટર ફ્યુચર્સ’ અને ‘બનાઉંગા મેં, બનેગા ભારત’ના અમારા સંકલ્પ સાથે, અમે આ પ્રોજેક્ટને ભારતના લાંબાગાળાના ઔદ્યોગિક વિકાસમાં મહત્વપૂર્ણ યોગદાન તરીકે જોઈએ છીએ.” આ પ્લાન્ટને મજબૂત પર્યાવરણ વ્યવસ્થાપન યોજના હેઠળ બનાવવામાં આવશે, જે પર્યાવરણીય અસર ઓછી કરવા, સંસાધનોનું સંરક્ષણ કરવા અને પ્રોજેક્ટ વિસ્તારમાં બાયોડાયવર્સિટી વધારવા માટે આયોજન થયો છે, અને તે દર્શાવશે કે આધુનિક સ્ટીલ ઉત્પાદન કેવી રીતે ભારતના ડિકાર્બોનાઇઝેશન અને એનર્જી ટ્રાન્ઝિશનના માર્ગને ગતિ આપી શકે છે, તેમજ લાંબાગાળાના ઔદ્યોગિક વિકાસને સમર્થન આપી શકે છે. ઉપરાંત, કંપની પોતાના સમુદાય વિકાસ કાર્યક્રમોને પણ વિસ્તૃત કરશે જેથી સર્વસમાવેશક વિકાસ અને સહભાગી સમૃદ્ધિ સુનિશ્ચિત કરી શકાય.

સુરતના શિવમ જ્વેલ્સ ની વૈશ્વિક મંચ પર મોટી સિદ્ધિ, ડીટીસી સાઈટ હોલ્ડર તરીકે પસંદગી

March 21, 2026

૯ વર્ષ બાદ નવી નિમણૂકમાં સ્થાન મેળવનાર કંપની, હીરા ઉદ્યોગને મળશે નવી દિશા

સુરત: સુરતના કતારગામ વિસ્તારમાં સ્થિત શિવમ જ્વેલ્સ કંપનીએ હીરા ઉદ્યોગમાં એક મહત્વપૂર્ણ સિદ્ધિ મેળવી છે. કંપનીના સંચાલક ઘનશ્યામ ભાઈ માવજીભાઈ શંકરની આગેવાની હેઠળ શિવમ જવેલ્સને ડાયમંડ ટ્રેડિંગ કંપની (ડીટીસી) દ્વારા ‘સાઈટ હોલ્ડર’ તરીકે પસંદ કરવામાં આવી છે. નોંધનીય છે કે લગભગ ૯ વર્ષના લાંબા સમય બાદ ડીટીસી દ્વારા નવી સાઈટ હોલ્ડરની નિમણૂક કરવામાં આવી છે, જેમાં સુરતની આ કંપનીએ સ્થાન મેળવ્યું છે.

શિવમ જેમ્સ, ગોતાલાવાડી સર્કલ પાસે વસ્તાદેવડી રોડ પર કાર્યરત છે અને નેચરલ ડાયમંડ મેન્યુફેક્ચરિંગમાં અગ્રણીઓમાંની એક કંપની ગણાય છે. કંપની કાચા હીરાનો આયાત કરી અહીં પ્રોસેસિંગ કરીને તૈયાર માલ બનાવે છે, જેમાંથી લગભગ ૯૦ ટકા નિકાસ કરવામાં આવે છે જ્યારે ૧૦ ટકા સ્થાનિક બજારમાં વેચાય છે.

કંપનીની ક્ષમતાની વાત કરીએ તો હાલ શિવમ જ્વેલ્સ માં આશરે ૧,૯૫૦ કર્મચારીઓ કાર્યરત છે અને તેનું વાર્ષિક ટર્નઓવર લગભગ ૨,૭૦૦ કરોડ રૂપિયા છે. ડીટીસી સાઈટ હોલ્ડર બનવાથી હવે કંપનીને સીધો કાચો માલ મળશે, જેના કારણે ઉત્પાદન અને નિકાસ બંનેમાં નોંધપાત્ર વધારો થવાની શક્યતા છે. આ સાથે સુરતના હીરા ઉદ્યોગને પણ નવી ગતિ મળશે.

ડાયમંડ ટ્રેડિંગ કંપની (ડીટીસી) ડી બીયર્સ ગ્રુપનો એક ભાગ છે, જે લગભગ ૧૩૦ વર્ષ જૂની વૈશ્વિક સંસ્થા છે. ડીટીસી વિશ્વભરના પસંદગીના સાઈટ હોલ્ડર્સને દર મહિને કાચા હીરા સપ્લાય કરે છે. અગાઉ તેનું મુખ્ય મથક લંડનમાં હતું, પરંતુ હવે તે બોત્સ્વાનામાં ખસેડવામાં આવ્યું છે. કંપની ઇઝરાયેલ, અમેરિકા, ભારત, શ્રીલંકા અને ચીન જેવા દેશોમાં પોતાના સાઈટ હોલ્ડર્સ ધરાવે છે.

સાઈટ હોલ્ડર બનવા માટે કંપનીનો ઇતિહાસ, કાર્યપદ્ધતિ, સતત વિકાસ અને કર્મચારીઓને મળતું સ્થિર રોજગાર જેવા માપદંડો ધ્યાનમાં લેવામાં આવે છે. શિવમ જ્વેલ્સે આ તમામ માપદંડો પર ખરા ઉતરીને આ માન્યતા પ્રાપ્ત કરી છે.

શિવમ જ્વેલ્સની સ્થાપના ૧૯૯૫માં થઈ હતી અને ૨૦૧૪થી કંપનીએ આ ક્ષેત્રમાં વિશેષ પ્રગતિ શરૂ કરી હતી. લગભગ ૧૨ વર્ષની સતત મહેનત બાદ ૨૦૨૬માં કંપનીને આ પ્રતિષ્ઠિત સ્થાન મળ્યું છે. ઘનશ્યામભાઈ શંકર પોતે છેલ્લા ૪૦ વર્ષથી હીરા ઉદ્યોગ સાથે જોડાયેલા છે, જેના અનુભવ અને દૃઢ નિશ્ચયે આ સિદ્ધિને શક્ય બનાવી છે.

સુરતમાં કોર્પોરેટ કનેક્શન્સ ઈન્ડિયાના બે દિવસીય ‘બિગ હેરી ઓડેશિયસ ફોરમ’નું સમાપન

March 16, 2026

પાણી બચાવવા ઘર-ઓફિસમાં રેન વોટર હાર્વેસ્ટિંગ અપનાવો: સી.આર. પાટીલ સુરત. શહેરના સુરત મેરિયટ હોટેલમાં કોર્પોરેટ કનેક્શન્સ ઈન્ડિયા દ્વારા આયોજિત બે દિવસીય રાષ્ટ્રીય મંચ બિગ હેરી ઓડેશિયસ ફોરમ (BHAF)નું શનિવારે સમાપન થયું. 13 અને 14 માર્ચે યોજાયેલા આ કાર્યક્રમમાં દેશભરના સફળ ઉદ્યોગપતિઓ, સ્થાપકો અને બિઝનેસ લીડર્સ એકત્ર થયા અને નેતૃત્વ, ઉદ્યોગસાહસિકતા તથા ભવિષ્યના બિઝનેસ મુદ્દાઓ પર વિચારોનું આદાન-પ્રદાન કર્યું. કાર્યક્રમ દરમિયાન બોલિવૂડ અભિનેતા અર્જુન કપૂર અને કેન્દ્રીય જળ શક્તિ મંત્રી સી.આર. પાટીલએ પણ પોતાના અનુભવ અને વિચારો રજૂ કર્યા હતા. બંને વક્તાઓએ જુદા-જુદા વિષયો પર પ્રેરણાદાયક સંદેશ આપ્યા હતા. અર્જુન કપૂરે લોકો સાથે ભાવનાત્મક જોડાણને સફળતાની ચાવી ગણાવી, જ્યારે સી.આર. પાટીલએ પાણી બચાવવાનું ભવિષ્ય માટે અત્યંત જરૂરી હોવાનું જણાવ્યું હતું. અર્જુન કપૂરે પોતાના અનુભવ શેર કરતા કહ્યું કે કોઈપણ કલાકાર માટે તેની સાચી શક્તિ તેના ચાહકો સાથે બનતું ભાવનાત્મક જોડાણ છે. તેમણે ઉદાહરણ આપતા જણાવ્યું કે તે જ દિવસે સુરત રેલવે સ્ટેશન પર તેમણે કેટલાક બાળકો સાથે ફોટા પાડ્યા અને લોકો સાથે મુલાકાત કરી. દરેક વ્યક્તિ તેમની દરેક ફિલ્મ નથી જોતો, પરંતુ ક્યારેક કોઈ ફિલ્મ જોતી વખતે તે પળ યાદ આવે છે જ્યારે તેણે તેમની સાથે ફોટો લીધો હતો. આ રીતે એક નાનું ક્ષણ પણ ફેન સાથે જીવનભરનો સંબંધ બનાવી દે છે. તેમણે ઉમેર્યું કે દરેક વ્યક્તિ સાથે ફોટો લેવું હંમેશા શક્ય નથી, કારણ કે સમય મર્યાદિત હોય છે. ક્યારેક દસ લોકોને ફોટો આપી શકાય છે પરંતુ અગિયારમા વ્યક્તિને સમય ન મળે, ત્યારે તે વ્યક્તિ નારાજ થઈ શકે છે. આ સ્થિતિ કલાકાર માટે પણ મુશ્કેલ બને છે. બિઝનેસ અને ઉદ્યોગસાહસિકતા અંગે પોતાના વિચારો વ્યક્ત કરતાં અર્જુન કપૂરે કહ્યું કે કલાકારોને પૈસા કમાવા આવે છે, પરંતુ તેને યોગ્ય રીતે મેનેજ કરવાનું શીખવું પડે છે. તેમણે જણાવ્યું કે હાલ તેઓ શીખવાના તબક્કામાં છે અને ભવિષ્યમાં એવું બિઝનેસ ઇકોસિસ્ટમ ઉભું કરવા માંગે છે જ્યાં યોગ્ય ભાગીદારો, સંસાધનો અને દ્રષ્ટિ સાથે નવા અવસર પર કામ થઈ શકે. તેમણે ઉમેર્યું કે દુબઈમાં કેટલાક બિલ્ડિંગ પ્રોજેક્ટ્સમાં તેમની ભાગીદારી છે, પરંતુ તેમનું મુખ્ય ધ્યાન ભારત પર જ છે. કેન્દ્રીય જળ શક્તિ મંત્રી સી.આર. પાટીલએ પોતાના સંબોધનમાં જળ સંરક્ષણ પર ભાર મૂક્યો. તેમણે જણાવ્યું કે શહેરોમાં રહેતા લોકો દરરોજ સરેરાશ 135 લિટર પાણી પ્રતિ વ્યક્તિ વાપરે છે. એક પરિવાર વર્ષમાં લગભગ દોઢથી બે લાખ લિટર પાણીનો ઉપયોગ કરે છે. તેમણે પ્રશ્ન ઉઠાવ્યો કે જો આજે જ બધું પાણી વાપરી લેવાશે તો આવનારી પેઢીને શું મળશે? તેમણે માહિતી આપી કે દેશમાં દર વર્ષે લગભગ 4000 એમસીએમ જેટલો વરસાદ પડે છે, જ્યારે જરૂરિયાત લગભગ 1120 એમસીએમ જેટલી છે. છતાં પાણી સંગ્રહ કરવાની ક્ષમતા માત્ર 750 એમસીએમ છે, જેના કારણે ભૂગર્ભ જળનો વધુ ઉપયોગ કરવો પડે છે અને પાણીનો સ્તર નીચે જતો રહે છે. પાટીલએ ઉદ્યોગપતિઓને અપીલ કરી કે તેઓ પોતાના ઘર, ઓફિસ અથવા ફેક્ટરીમાં રેન વોટર હાર્વેસ્ટિંગની વ્યવસ્થા જરૂર બનાવે. ઓછા ખર્ચમાં આ વ્યવસ્થા થઈ શકે છે અને તે જમીનમાં પાણીનું સ્તર વધારવામાં મદદરૂપ બને છે. ફોરમ દરમિયાન વિવિધ ક્ષેત્રોના પ્રતિષ્ઠિત વક્તાઓએ નેતૃત્વ, વ્યૂહરચના અને ભવિષ્યની ઉદ્યોગસાહસિકતા અંગે ચર્ચા કરી. કોર્પોરેટ કનેક્શન્સ ઈન્ડિયાના નેશનલ ડિરેક્ટર ગૌરવ વી.કે. સિંઘવી અને યશ વસંતે જણાવ્યું કે આ મંચ માત્ર નેટવર્કિંગ માટે નથી, પરંતુ ઉદ્યોગપતિઓ વચ્ચે વિશ્વાસ, સહકાર અને નવા અવસરો ઉભા કરવા માટે મહત્વપૂર્ણ છે. સુરત ક્ષેત્રમાં કોર્પોરેટ કનેક્શન્સ સાથે 120થી વધુ સફળ ઉદ્યોગપતિઓ જોડાયેલા છે અને આ મંચ નવા વિચારો, ભાગીદારી અને વ્યવસાયિક અવસરોને પ્રોત્સાહન આપતું મહત્વપૂર્ણ પ્લેટફોર્મ બની ગયું છે.

BHIM પેમેન્ટ્સ એપમાં UPI સર્કલ સત્તાધિકૃત UPI પેમેન્ટ્સને વપરાશકર્તાઓ માટે સરળ અને સુરક્ષિત બનાવે છે.

March 5, 2026 (updated)

સુરત: “આજના સમયમાં ઘર ચલાવવું ઘણીવાર માત્ર તમારી પોતાની પેમેન્ટ્સનું જ સંચાલન કરવાનો અર્થ નથી. તમે બાળકોના દૈનિક ખર્ચનું સંચાલન કરી રહ્યા હોઈ શકો છો, વૃદ્ધ માતા-પિતાને સપોર્ટ આપી રહ્યા હોઈ શકો છો, અથવા વિશ્વસનીય સ્ટાફને રુટીન ખરીદીઓ હેન્ડલ કરવા માટે સક્ષમ બનાવી રહ્યા હોઈ શકો છો. જ્યારે ડિજિટલ પેમેન્ટ્સને સરળ બનાવી દીધા છે, છતાં પણ ઘણા પરિવારોને પેમેન્ટ એક્સેસ વહેંચવાની વધુ સક્ષમ અને સંરચિત રીતની જરૂર છે, જેમાં નિયંત્રણ ગુમ ન થાય. તાજેતરમાં BHIM પેમેન્ટ્સ એપમાં UPI સર્કલ ફીચર રજૂ કર્યું છે, જે ચોક્કસ આ જ માટે ડિઝાઇન કરાયેલું છે. આ ફીચર મુખ્ય વપરાશકર્તાને વિશ્વસનીય લોકો સાથે નિયંત્રિત પેમેન્ટ એક્સેસ વહેંચવાની સુવિધા આપે છે, જેમાં સ્પષ્ટ મર્યાદાઓ, પૂર્ણ દ્રશ્યતા, અને સુરક્ષા તેમજ જવાબદારી અખંડિત રહે તેવી ખાતરી મળે છે.”

“UPI સર્કલ આ ખાધને નિયંત્રિત અને સુરક્ષિત ડેલિગેશન દ્વારા પૂરો કરે છે. આ મુખ્ય વપરાશકર્તાને માથી વપરાશકર્તાને પૂર્વ નિર્ધારિત મર્યાદાઓની અંદર અને પૂર્ણ દ્રશ્યતા સાથે મુખ્ય વપરાશકર્તાના બેંક ખાતામાંથી UPI પેમેન્ટ કરવા માટે સત્તાધિકૃત કરવાની મંજૂરી આપે છે. આ રીતે, ડિજિટલ પેમેન્ટ્સ સામાન્ય ઘરઆંગણે વહેંચીને વાપરવા વધુ પ્રાયોગિક બની જાય છે, અને UPI પિન, પાસવર્ડ અથવા ડિવાઇસ એક્સેસ વહેંચવાના અસુરક્ષિત પ્રથાને ટાળવામાં આવે છે.”

“UPI સર્કલ શું છે?

UPI સર્કલ એ એક ફીચર છે જે વપરાશકર્તાઓને UPI પ્લેટફોર્મ પર વિશ્વસનીય સર્કલ બનાવવાની અને પરિવારના સભ્યો અથવા અન્ય વિશ્વસનીય લોકો માટે પેમેન્ટ્સ સત્તાધિકૃત કરવાની સુવિધા આપે છે. મુખ્ય વપરાશકર્તા પાંચ સુધીના સેકન્ડરી વપરાશકર્તાઓ ઉમેરવા અને તેમને મુખ્ય વપરાશકર્તાના UPI જોડાયેલા બેંક ખાતામાંથી નિર્ધારિત મર્યાદાઓની અંદર ટ્રાન્ઝેક્શન કરવાની મંજૂરી આપી શકે છે. સેકન્ડરી વપરાશકર્તા પોતાના UPI ID પણ સર્કલ હેઠળ જનરેટ કરી શકે છે, જે તેમને મુખ્ય વપરાશકર્તા દ્વારા નક્કી કરેલી પરવાનગીઓની અંદર સ્વતંત્ર રીતે પેમેન્ટ કરવા સક્ષમ બનાવે છે.”

“UPI સર્કલ કેવી રીતે કાર્ય કરે છે?

UPI સર્કલ પેમેન્ટ્સ સોંપવાની સંરચિત રીત પ્રદાન કરે છે, જેમાં નિયંત્રણ ગુમ ન થાય. મુખ્ય વપરાશકર્તા સેકન્ડરી વપરાશકર્તાને મુખ્ય વપરાશકર્તાના બેંક ખાતાથી સીધા UPI પેમેન્ટ્સ કરવાની સત્તા આપી શકે છે. મુખ્ય વપરાશકર્તા મહિને ₹15,000 સુધી ખર્ચની મર્યાદા નક્કી કરી શકે છે અને સત્તાધિકરણની વેલિડિટી એક મહિના થી પાંચ વર્ષ સુધી નક્કી કરી શકે છે. સેકન્ડરી વપરાશકર્તા દ્વારા કરવામાં આવેલ દરેક ટ્રાન્ઝેક્શન મુખ્ય વપરાશકર્તાને દેખાય છે, જે પારદર્શિતા અને સ્પષ્ટ ઓડિટ ટ્રેલ બનાવે છે.”

“UPI સર્કલ કેટલું સુરક્ષિત છે?

UPI સર્કલને સુરક્ષા ખતરા વિના પેમેન્ટ સોંપવાની સુવિધા આપવા માટે ડિઝાઇન કરાયું છે. મુખ્ય વપરાશકર્તા સંપૂર્ણ નિયંત્રણ જાળવી શકે છે અને ટ્રાન્ઝેક્શન્સને ટ્રૅક કરી શકે છે, રેકોર્ડ્સની સમીક્ષા કરી શકે છે, પરવાનગીઓ ફેરવી શકે છે અને કોઈ પણ સમયે એક્સેસ અનલિંક કરી શકે છે. UPI પિન જેવા અનૌપચારિક કાર્યચલનોને બદલીને, UPI સર્કલ જોખમ ઘટાડવાનો અને રોજિંદી સુવિધા સુનિશ્ચિત કરવાનો ઉદ્દેશ ધરાવે છે.”

“દૈનિક પરિસ્થિતિઓમાં UPI સર્કલ કેવી રીતે ફિટ થાય છે”

વૃદ્ધ નાગરિકો માટે: UPI સર્કલ વૃદ્ધોને નાના દૈનિક પેમેન્ટ્સ આત્મવિશ્વાસ સાથે કરવા સક્ષમ બનાવે છે, જ્યારે પરિવારના સભ્યો સલામતી અને સપોર્ટ માટે મર્યાદાઓ નક્કી કરી શકે છે અને ખર્ચની નજર રાખી શકે છે.

બાળકો અને વિદ્યાર્થીઓ માટે: માતા-પિતાઓ UPI સર્કલનો ઉપયોગ ટેનેજર્સ અને બાળકોને ડિજિટલ ખિસ્સાની રકમ આપવા માટે કરી શકે છે, સાથે સાથે દૈનિક અને શૈક્ષણિક જરૂરિયાતો માટે ખર્ચ નિયંત્રિત કરી શકે છે. પૂર્વ નક્કી કરેલી મર્યાદાઓ સાથે, પેમેન્ટ્સ યોજિત રીતે રહે છે અને વારંવાર ટ્રાન્સફર્સ કરવાની જરૂર નથી.

નાનાં વ્યાપારો માટે: દુકાન માલિકો અને નાના ઓપરેટર્સ સ્ટાફને ઈંધણ, ટોલ અથવા સ્થાનિક ખરીદીઓ માટે પેમેન્ટ્સ કરવાની સત્તા આપી શકે છે, સાથે સાથે ખર્ચનો સ્પષ્ટ રેકોર્ડ જાળવી શકે છે.

ડિજિટલ સુવિધાના વિવિધ સ્તર ધરાવતાં પરિવારો માટે: કામકાજ કરતા વ્યાવસાયિક એવા નિર્ભર પરિચિત લોકોની મદદ કરી શકે છે, જેમને એપ્સનું અનુભવ ઓછું છે, પણ બેંક વિગતો, UPI પિન અથવા ડિવાઇસ એક્સેસ વહેંચ્યા વગર.

સુરતની કેસરિયા ટેકસટાઇલ કંપની દ્વારા બે નવા બ્રાન્ડ્સ લોન્ચ કરાયા

February 28, 2026

પુરુષો માટે ‘મેન્ઝારો’ અને બાળકો માટે ‘કિકીબૂ’, વેપારીઓને ફેક્ટરી રેટે ટ્રેન્ડી કલેકશન મળશે

સુરત (ગુજરાત), 24 ફેબ્રુઆરી: સુરતના ટેક્સટાઇલ ઉદ્યોગમાં વિશ્વસનીય નામ તરીકે ઓળખાતી કેસરીયા ટેક્સટાઇલ કંપનીએ પોતાની હાજરીને વધુ મજબૂત કરતાં બે નવા એપેરલ બ્રાન્ડ્સ લોન્ચ કર્યા છે. પુરુષ વસ્ત્રો માટે ‘મેન્ઝારો’ અને બાળકોના વસ્ત્રો માટે ‘કિકીબૂ’ નામે રજૂ કરાયેલા આ બ્રાન્ડ્સ સાથે કંપનીએ નવા માર્કેટ સેગમેન્ટમાં પ્રવેશ કર્યો છે.

શનિવારે યોજાયેલા ભવ્ય લોન્ચ કાર્યક્રમમાં શહેરના અગ્રણી ટેક્સટાઇલ વેપારીઓ, હોલસેલર્સ અને રિટેલર્સ મોટી સંખ્યામાં ઉપસ્થિત રહ્યા હતા. કંપનીના B2B, B2C તેમજ ફ્રેન્ચાઇઝ મોડલ મારફતે અત્યાર સુધીમાં એક લાખથી વધુ વેપારીઓ અને ઉદ્યોગસાહસિકોને વ્યવસાયિક સહારો મળ્યો હોવાનું જણાવવામાં આવ્યું છે.

નવી શરૂઆત સાથે ‘મેન્ઝારો’ અને ‘કિકીબૂ’ બ્રાન્ડ હેઠળ નવીનતમ ફેશન ટ્રેન્ડ મુજબના કપડાં સીધા ફેક્ટરી રેટે ઉપલબ્ધ કરાવવામાં આવશે. કંપનીના મતે, આ વ્યવસ્થા કારણે રિટેલર્સ અને બિઝનેસ પાર્ટનર્સને વધુ નફો કમાવાની તક મળશે. લોન્ચ પ્રસંગે ગ્રાન્ડ ઓપનિંગ ઓફર્સની પણ જાહેરાત કરવામાં આવી હતી.

કંપનીના ફાઉન્ડર રિતેશ મોદીએ જણાવ્યું હતું કે, વેપારીઓ સાથે મળીને વિકાસ કરવો એ કંપનીની મૂળ વિચારધારા રહી છે. સીધી કિંમતો અને ગોઠવાયેલા બિઝનેસ મોડલના આધારે ઉદ્યોગસાહસિકોને વિસ્તરણ માટે સરળ અને ટકાઉ તક પૂરી પાડવાનો હેતુ રાખવામાં આવ્યો છે.

કેસરીયા ટેક્સટાઇલ કંપની 0 ટકા રોયલ્ટી સાથેના ફ્રેન્ચાઇઝ મોડલ પર કાર્ય કરે છે. ટેક્સટાઇલ ક્ષેત્રમાં નવા વ્યવસાયિક અવસર સર્જવા અને વેપારીઓને મજબૂત બનાવવા કંપની સતત પ્રયત્નશીલ હોવાનું પણ જણાવાયું છે.નવા બ્રાન્ડ્સ દોરીવાલા સ્ક્વેર ખાતે, સુરત રેલવે સ્ટેશન સામે ઉપલબ્ધ કરવામાં આવ્યા છે.

ઉલ્લેખનીય છે કે કેસરિયા ટેક્સટાઈલ કંપનીએ વર્ષોથી ભારતીય ટેક્સટાઈલ માર્કેટમાં પોતાની મજબૂત ઓળખ ઊભી કરી છે. બ્રાન્ડ સાડી, કુર્તી, લહેંગા, સૂટ, નાઈટ વેર, કોઓર્ડ સેટ, મહિલા વસ્ત્રો, પુરુષ વસ્ત્રો અને બાળકોના વસ્ત્રો સહિત વિવિધ પ્રકારના પરિધાનની વિશાળ શ્રેણી ઓફર કરે છે. મજબૂત વિતરણ નેટવર્કના કારણે કંપનીના ઉત્પાદનો સમગ્ર ભારતમાં ઉપલબ્ધ છે અને તે વિશ્વના 80થી વધુ દેશોમાં નિકાસ પણ થાય છે.

AM/NS India એ વિશ્વસ્તરીય બ્રાન્ડેડ ઉત્પાદનો Vibrance અને Optima સાથે તેની value-added સ્ટીલ શ્રેણીનો વિસ્તાર કર્યો, જે ઘરગથ્થુ ઉપકરણ અને ઔદ્યોગિક ઉત્પાદન ક્ષેત્રને બળ આપશે

February 16, 2026

• OEM કંપનીઓની જરૂરિયતાને ધ્યાને રાખીને નવા વિશ્વસ્તરીય બ્રાન્ડેડ ઉત્પાદનોને ચોકસાઈ, સુંદર દેખાવ અને ઉત્પાદનની વિશ્વસનીયતા માટે રજૂ કરાય
• OEM કંપનીઓને વિશ્વસ્તરીય વેલ્યુ એડેડ સ્ટીલ ભારતમાંથી જ ઉપલબ્ધ કરાવી ‘આત્મનિર્ભર ભારત’ના વિઝન સાથે સુસંગત પહેલ

હજીરા-સુરત, ગુજરાત, ફેબ્રુઆરી 16, 2026: આર્સેલરમિત્તલ નિપ્પોન સ્ટીલ ઈન્ડિયા (AM/NS India) એ આજે તેના વેલ્યુ એડેડ સ્ટીલ પોર્ટફોલિયોને વધુ મજબૂત બનાવતા AM/NS Vibrance અને AM/NS Optima નામના બે વિશ્વસ્તરીય, પ્રીમિયમ બ્રાન્ડેડ સ્ટીલ સોલ્યુશન્સ રજૂ કરી રહ્યું છે. આ બંને ઉત્પાદનો ખાસ કરીને ઘરગથ્થુ ઉપકરણ અને ઔદ્યોગિક ઉત્પાદન ક્ષેત્રમાં કાર્યરત Original Equipment Manufacturers (OEMs) ની વધતી ડિઝાઇન આધારિત જરૂરિયાતોને ધ્યાનમાં રાખીને તૈયાર કરવામાં આવ્યા છે.
બજારમાં હવે એવું સ્ટીલ વધુ માંગમાં છે જે સતત સમાન સપાટી ગુણવત્તા, ચોક્કસ માપદંડ અને મોટા પાયે વિશ્વસનીય કામગીરી આપે. આ પરિસ્થિતિને ધ્યાનમાં રાખીને AM/NS India તેના વેલ્યુ એડેડ પોર્ટફોલિયોમાં એવા બ્રાન્ડેડ ઉત્પાદનો ઉમેર્યા છે, જે આયાત પરની નિર્ભરતા ઘટાડે છે અને આંતરરાષ્ટ્રીય ધોરણની પ્રીમિયમ ગુણવત્તા દેશની અંદર જ ઉપલબ્ધ બનાવે છે. આ બંને નવા કોટેડ ઉત્પાદનો હવે કંપનીની વેલ્યુ એડેડ શ્રેણીનો ભાગ છે, જેમાં Optigal®, Magnelis®, Optigal® Prime, Optigal® Pinnacle સહિતના અન્ય ઉત્પાદનોનો સમાવેશ થાય છે, જે વિવિધ ઉપયોગ માટે ગુણવત્તા, કાર્યક્ષમતા અને ટકાઉ ઉત્પાદન માટે માન્ય ગણાય છે.

શ્રી રંજન ધર, ડાયરેક્ટર અને વાઈસ પ્રેસિડેન્ટ – સેલ્સ એન્ડ માર્કેટિંગ, આર્સેલરમિત્તલ નિપ્પોન સ્ટીલ ઈન્ડિયા (AM/NS India), એ જણાવ્યું: “ચોકસાઈ સાથે ઉત્પાદન કરતી અને બ્રાન્ડની સતત ગુણવત્તા પર ધ્યાન આપતી OEM કંપનીઓ માટે કાચામાલની પસંદગી ઉત્પાદનક્ષમતા, ખર્ચ અને લાંબા ગાળાની કામગીરી પર સીધી અસર કરે છે. આ જરૂરિયાત મુજબ અમારા AM/NS Vibrance અને AM/NS Optima નો ઉમેરો અમારી બ્રાન્ડેડ સ્ટીલ શ્રેણીને વધુ મજબૂત બનાવે છે અને OEM કંપનીઓને વધુ ઉત્પાદનક્ષમતા અને મૂલ્ય સર્જનમાં મદદ કરે છે. આ બંને કોટેડ સ્ટીલ ઉત્પાદનો અમને નવીન અને ઉચ્ચ ગુણવત્તાવાળા સ્ટીલ સોલ્યુશન્સ પ્રદાન કરતી પસંદગીની ભાગીદાર તરીકે વધુ મજબૂત બનાવે છે અને અમારા ઉદ્દેશ ‘Smarter Steels, Brighter Futures’ સાથે સુસંગત છે. વિશ્વસ્તરીય વેલ્યુ એડેડ સ્ટીલ હવે દેશમાં જ ઉપલબ્ધ બનતા અમે ‘Make in India’ અને આત્મનિર્ભરતા અભિયાનને વધુ

મજબૂત ટેકો આપી રહ્યા છીએ, સાથે જ અમારા ગ્રાહકોને દેશ અને વિદેશના સ્પર્ધાત્મક લાભ મેળવવામાં સહાય કરી રહ્યા છીએ. ઘરગથ્થુ ઉપકરણ અને ઔદ્યોગિક ઉત્પાદન ક્ષેત્રો અમારી વેલ્યુ એડેડ સ્ટીલ વૃદ્ધિના મુખ્ય આધારસ્તંભ છે, અને અમે હેતુપ્રેરિત નવીનતા દ્વારા અમારા ગ્રાહકોને વધુ આત્મનિર્ભર બનવામાં મદદ કરી રહ્યા છીએ.”

AM/NS Vibrance – પ્રીમિયમ કલર-કોટેડ સ્ટીલ
AM/NS Vibrance ઘરગથ્થુ ઉપકરણ ઉત્પાદકો માટેનું પ્રીમિયમ કલર-કોટેડ સ્ટીલ સોલ્યુશન છે, જેમાં મજબૂતી, ચોકસાઈ અને ઉત્તમ સપાટી દેખાવનો સંયોજન છે. આજે ઉપકરણો માત્ર ઉપયોગી સાધન નહીં પરંતુ ઘર અને વ્યાવસાયિક સ્થળોના ડિઝાઇનનો મહત્વપૂર્ણ ભાગ બની રહ્યા છે. તેથી ઉત્પાદકોને એવું મટીરિયલ જોઈએ છે જેમાં એકસરખો રંગ, નિયંત્રિત ચમક, સુંદર ફિનિશ, ટકાઉપણું અને સરળ ઉત્પાદન પ્રક્રિયા શક્ય બને. AM/NS Vibrance અદ્યતન કોટિંગ ટેક્નોલોજી સાથે ચોકસાઈથી તૈયાર કરાયેલા સ્ટીલ પર આધારિત છે, જે ઉત્પાદનથી અંતિમ ઉપયોગ સુધી વિશ્વસનીય કામગીરી સુનિશ્ચિત કરે છે. રેફ્રિજરેટર, વોશિંગ મશીન, માઇક્રોવેવ ઓવન અને વોટર ડિસ્પેન્સર સહિત વિવિધ ઉપકરણોમાં તેનો ઉપયોગ થઈ શકે છે.

AM/NS Optima – ટ્રુ ઝીરો-સ્પેન્ગલ ગેલ્વેનાઈઝ્ડ સ્ટીલ
AM/NS Optima ભારતના સૌથી પ્રીમિયમ True Zero-Spangle Galvanised Steel ઉત્પાદનોમાંનું એક છે. પરંપરાગત ગેલ્વેનાઈઝ્ડ સ્ટીલની સરખામણીમાં તે વધુ સમાન અને નિયંત્રિત સપાટીની ગુણવત્તા આપે છે, જેથી ઉત્પાદકો વધુ સ્વચ્છ અને એકસરખું ફિનિશ મેળવી શકે.
ચોકસાઈથી તૈયાર કરાયેલા સમાન જાડાઈ ધરાવતા સ્ટીલ અને નિયંત્રિત સપાટી ગુણવત્તાને કારણે AM/NS Optima સરળતાથી વાળી શકાય છે, એક દૃષ્ટિએ સમાન દેખાવ આપે છે અને મોટા પાયે ઉત્પાદન દરમિયાન પણ સતત વિશ્વસનીય કામગીરી કરે છે. તે ઉત્પાદકોને ખૂબ જ નાજુક અને ચોક્કસ સપાટી આવશ્યકતાઓ પૂર્ણ કરવામાં મદદ કરે છે. એસીના આઉટડોર યુનિટ્સ, પેનલ્સ અને ક્લીનરૂમ તૈયાર કરવા સહિત વિવિધ ઉપયોગ માટે તે યોગ્ય છે.
ભારતનો કન્ઝ્યુમર માર્કેટ નાણાંકીય વર્ષ 2027 સુધી વિશ્વમાં ચોથો સૌથી મોટો બનવાની ધારણા છે અને તે ઝડપથી પ્રીમિયમ શ્રેણીની તરફ આગળ વધી રહ્યો છે. ગ્રાહકો હવે સુંદર ફિનિશ અને ડિઝાઇન આધારિત ઉપકરણોની વધતી માંગ દર્શાવી રહ્યા છે.
ભારતમાં કોટેડ ની વાર્ષિક માંગ હાલમાં અંદાજે 11.1 મિલિયન ટન છે અને આવનારા વર્ષોમાં

તેમાં 8 થી 10 ટકા વાર્ષિક વૃદ્ધિ થવાની સંભાવના છે. ખાસ કરીને ઘરગથ્થુ ઉપકરણ ક્ષેત્રમાં કોટેડ સ્ટીલનો ઉપયોગ દર વર્ષે લગભગ 10 ટકા વધી રહ્યો છે, જે વધતી આવક, ઝડપી શહેરીકરણ, પ્રીમિયમ ઉત્પાદનો તરફ ઝોક અને PLI યોજના જેવી રાષ્ટ્રીય પહેલોથી પ્રોત્સાહિત છે.
ઔદ્યોગિક ક્ષેત્રમાં કોટેડ સ્ટીલની માંગ વર્ષ 2030 સુધી 8 થી 12 ટકા વાર્ષિક વૃદ્ધિ સાથે વધવાની ધારણા છે, જેને PLI, આત્મનિર્ભરતા પહેલો અને ઓટોમોબાઈલ, ઇલેક્ટ્રોનિક્સ તથા ઇજનેરી ક્ષેત્રના વિસ્તરણનો આધાર છે.
આ રીતે ઘરગથ્થુ ઉપકરણ અને ઔદ્યોગિક બંને ક્ષેત્રો ભારતની લાંબા ગાળાની ઉત્પાદન વૃદ્ધિમાં કોટેડ સ્ટીલના વ્યૂહાત્મક મહત્વને મજબૂત બનાવે છે અને દેશની ઉત્પાદન ક્ષમતાને આગળ ધપાવવામાં ઉચ્ચ ગુણવત્તાવાળા વેલ્યુ એડેડ સ્ટીલની અગત્યની ભૂમિકા દર્શાવે છે.

સુરતમાં એમએસએમઇ ક્રેડિટ આઉટરીચ કેમ્પનું આયોજન

February 9, 2026

સુરત: સેન્ટ્રલ બેંક ઓફ ઈન્ડિયાના સુરત ક્ષેત્ર દ્વારા આજરોજ ગોપીન ઇન્ડસ્ટ્રીયલ પાર્ક, કામરેજ ખાતે એમએસએમઇ ક્રેડિટ આઉટરીચ કેમ્પનું સફળ આયોજન કરવામાં આવ્યું હતું. આ કાર્યક્રમની અધ્યક્ષતા માનનીય કાર્યકારી નિર્દેશક શ્રી મહેન્દ્ર દોહરે દ્વારા કરવામાં આવી.
આ અવસરે શ્રી એસ. કે. સરકાર, ઝોનલ હેડ, ગુજરાત રાજ્ય તેમજ શ્રી મનીષ વર્મા, ક્ષેત્રિય પ્રમુખ, સુરત પણ ઉપસ્થિત રહ્યા હતા.

વિસ્તારના વિવિધ શાખા પ્રમુખો, એમએસએમઇ ઉદ્યોગકારો, ઉદ્યોગપતિઓ, ચાર્ટર્ડ અકાઉન્ટન્ટ્સ તેમજ મંત્રાના અધિકારીઓએ આ કેમ્પમાં સક્રિય રીતે ભાગ લીધો હતો.

કાર્યક્રમને સંબોધતા શ્રી મહેન્દ્ર દોહરેએ પોતાના અનુભવો શેર કરતાં જણાવ્યું કે બેંક દેશભરમાં એમએસએમઇ આઉટરીચ કેમ્પનું આયોજન કરી રહી છે, જેનો હેતુ એમએસએમઇ ક્ષેત્રને મજબૂત બનાવવાનો છે. તેમણે જણાવ્યું કે આવી પહેલથી ઉદ્યોગકારો અને બેંક વચ્ચે સીધો સંપર્ક સ્થાપિત થાય છે, લોન મંજૂરી પ્રક્રિયા સરળ અને ઝડપી બને છે તેમજ એમએસએમઇ ક્ષેત્રને નવી ગતિ મળે છે.

કાર્યક્રમ દરમિયાન બેંકની વ્યવસાયકેન્દ્રિત તથા ગ્રાહકકેન્દ્રિત એમએસએમઇ યોજનાઓ વિશે વિગતવાર માહિતી આપવામાં આવી. આ આઉટરીચ કેમ્પ અંતર્ગત અંદાજે 247 કરોડના લોન પ્રસ્તાવો મંજૂર કરવામાં આવ્યા, જ્યારે આગામી એક મહિના દરમિયાન અંદાજે 172 કરોડના પ્રસ્તાવો મંજૂર થવાની મજબૂત સંભાવના છે. આ અવસરે 34 લાભાર્થીઓને 108 કરોડના મંજૂરી પત્રો અને ચેક વિતરણ કરવામાં આવ્યા, જેના કારણે ઉદ્યોગકારોમાં ઉત્સાહ અને વિશ્વાસ વધ્યો.

ઝોન સ્તરે, અમદાવાદ ઝોન દ્વારા ચાલી રહેલા અભિયાન દરમિયાન અંદાજે 1,100 કરોડના એમએસએમઇ લોન પ્રસ્તાવો મંજૂર કરવામાં આવ્યા છે, જે વ્યવસાયિક જરૂરિયાતોને પૂર્ણ કરવા માટે બેંકની મજબૂત પ્રતિબદ્ધતા દર્શાવે છે.

આ જ અવસરે માનનીય કાર્યકારી નિર્દેશક શ્રી મહેન્દ્ર દોહરે દ્વારા એલ. પી. સવાણી રોડ, અડાજણ, સુરત સ્થિત સેન્ટ્રલ બેંક ઓફ ઈન્ડિયાના નવા ક્ષેત્રિય કાર્યાલય પરિસરનું પણ ઉદ્ઘાટન કરવામાં આવ્યું.

વેસ્ટ કોસ્ટ કિયાએ અમદાવાદમાં નવી કિયા સેલ્ટોસને લૉન્ચ કરી

January 19, 2026 (updated)

અમદાવાદ (ગુજરાત) [ભારત], ૧૩ જાન્યુઆરી: વેસ્ટ કોસ્ટ કિયાએ તેના અમદાવાદ શોરૂમમાં નવી કિયા સેલ્ટોસ રજૂ કરી. લોન્ચિંગ ગ્રાહકોને ધ્યાનમાં રાખી કરવામાં આવ્યું હતું, લૉન્ચ ઈવેન્ટમાં મહેમાનોએ નવી સેલ્ટોસનો નજીકથી નિહાળી અને કાર વિષે વધુ માહિતી મેળવી. વેસ્ટ કોસ્ટ કિયા ટીમે કાર વિશેની માહિતી સીધી અને સરળ રીતે શેર કરી. આ નવું મોડેલ સ્પષ્ટપણે ડિઝાઇન અને સુવિધાઓમાં વધુ અગ્રેસર રીતે પ્રસ્તુત કરે છે, જે સેલ્ટોસની લોકપ્રિયતાને આગળ ધપાવે છે. ગ્રાહકો હવે આંબાવાડી, નરોડા, મોટેરા અને સોલા તેમજ ગાંધીનગર અને હિંમતનગરમાં સ્થિત વેસ્ટ કોસ્ટ કિયા શૉરૂમ્સ પર અપડેટેડ સેલ્ટોસનો અનુભવ કરી શકશે.

ડિઝાઇનની દ્રષ્ટિએ, નવી સેલ્ટોસ પહેલા કરતાં વધુ અત્યાધુનિક અને વધુ આત્મવિશ્વાસપૂર્ણ દેખાય છે. કારમાં બેસતાની સાથે જ જે ચેન્જીસ કરવામાં આવ્યાં છે એ તમારું મનમોહી લે છે. કેબિન હવે સ્વચ્છ, વધુ આધુનિક અને વધુ ટેકનોલોજીની દ્રષ્ટિએ વધુ અદ્યતન લાગે છે, જેમાં મોટું ડિજિટલ ડિસ્પ્લે, સુધારેલ ઇન્ફોટેનમેન્ટ અને વધારાની સલામતી સુવિધાઓ છે. કિયાએ એન્જિન અને ટ્રાન્સમિશન વિકલ્પોની વિશાળ શ્રેણી જાળવી રાખી છે, જે કારને રોજિંદા શહેરી ડ્રાઇવ અને લાંબા હાઇવે ટ્રિપ્સ બંને માટે યોગ્ય બનાવે છે.

વેસ્ટ કોસ્ટ કિયાએ અમદાવાદમાં ગ્રાહકોને સરળ અને વિશ્વસનીય ખરીદી અનુભવ પ્રદાન કરવા પર સતત ધ્યાન કેન્દ્રિત કર્યું છે. નવી સેલ્ટોસની ઉપલબ્ધતા સાથે, ડીલરશીપને હાલના કિયા ગ્રાહકો તેમજ પહેલી વાર SUV ખરીદનારાઓ તરફથી મજબૂત પ્રતિસાદની અપેક્ષા છે. વેસ્ટ કોસ્ટ કિયા શોરૂમમાં નવી કિયા સેલ્ટોસ માટે ટેસ્ટ ડ્રાઇવ અને બુકિંગ શરૂ થઈ ગયા છે.

CC Surat KLT 4.0: વ્યવસાયિક નેતૃત્વ, જ્ઞાન અને નેટવર્કિંગનો સફળ સંગમ

January 15, 2026 (updated)

સુરત, 10 જાન્યુઆરી — કોર્પોરેટ કનેક્શન્સ સુરત દ્વારા The Amore ખાતે CC Surat KLT 4.0 (Know • Like • Trust) નું સફળ આયોજન કરવામાં આવ્યું, જેમાં 100થી વધુ અગ્રણી ઉદ્યોગપતિઓ અને બિઝનેસ લીડર્સએ હાજરી આપી.

આ કોન્ક્લેવમાં પ્રભાવશાળી કી-નોટ સત્રો અને એક વિચારપ્રેરક પેનલ ચર્ચાનું આયોજન કરવામાં આવ્યું, જેમાં વારસાગત બ્રાન્ડ નિર્માણ, સંસ્થાગત બુદ્ધિમત્તા અને સ્કેલેબલ વ્યવસાય વિકાસ જેવા મહત્વપૂર્ણ વિષયો પર ચર્ચા કરવામાં આવી.

મુખ્ય વક્તાઓમાં સામેલ હતા:

•શ્રી ચંદુભાઈ વિરાણી, ફાઉન્ડર અને મેનેજિંગ ડિરેક્ટર, બાલાજી વેફર્સ — જેમણે લાંબા સમય સુધી ટકી રહે એવા બ્રાન્ડ નિર્માણ માટે વારસા અને મૂલ્યોની ભૂમિકા પર પ્રકાશ પાડ્યો।

•શ્રી રાહુલ બોથરા, ચીફ ફાઇનાન્શિયલ ઓફિસર, સ્વિગી — જેમણે ઇન્ટેલિજન્સ અને ઇનોવેશન દ્વારા બિઝનેસને સ્કેલ કરવાની પોતાની અનુભૂતિઓ રજૂ કરી।

પેનલ ચર્ચામાં નીચેના ઉદ્યોગ નેતાઓ જોડાયા:

•શ્રી આશેષ રાજીવ

•શ્રી ચેતન શાહ

•શ્રી વિપિનચંદ્ર ચોખાવાલા

સુવ્યવસ્થિત એજન્ડા, ઉચ્ચ ગુણવત્તાવાળી ચર્ચાઓ અને સંરચિત નેટવર્કિંગ સત્ર માટે હાજર રહેલ પ્રતિભાગીઓએ વિશેષ પ્રશંસા વ્યક્ત કરી.

કાર્યક્રમની સફળતા અંગે પ્રતિભાવ આપતાં શ્રી ગૌરવ વી.કે. સિંઘવી, નેશનલ ડિરેક્ટર, CorporateConnections® India | Sri Lanka | Nepalએ જણાવ્યું:

“CC Surat KLT 4.0 એ Know, Like અને Trust ની ભાવનાને જીવંત બનાવી. વક્તાઓના પ્રાયોગિક અનુભવ, પ્રતિભાગીઓની સક્રિય ભાગીદારી અને અર્થપૂર્ણ સંવાદોએ આ કાર્યક્રમને અત્યંત અસરકારક બનાવ્યો. આવા કાર્યક્રમો વિશ્વસનીય અને મજબૂત બિઝનેસ સમુદાયોની રચનામાં મહત્વપૂર્ણ ભૂમિકા ભજવે છે.”

CC Surat KLT 4.0 એ એકવાર ફરી સાબિત કર્યું કે કોર્પોરેટ કનેક્શન્સ જ્ઞાન, નેતૃત્વ અને વિશ્વાસ આધારિત સંબંધો દ્વારા વ્યવસાયિક વૃદ્ધિ માટે પ્રતિબદ્ધ છે.

પરમ વ્હીલ્સ મહહન્દ્રાએ અમદાવાદમા XUV 7XO અને XEV 9S લોન્દ્ચ કરી

January 12, 2026 (updated)

અમદાવાદ (ગુજરાત) [ભારત], ૬ જાન્યુઆરી: પરમ વ્હીલ્સ મહિન્દ્રાએ બુધવારે અમદાવાદમાં મહિન્દ્રાની નવી SUV XUV 7XO અને XEV 9S લોન્ચ કરી. ગ્રાહકો, ઓટોમોબાઈલ રસિકોએ અને મીડિયાના લોકોએ પ્રતિનિધિઓએ પરમ વ્હીલ્સ મહિન્દ્રાના નરોડા શોરૂમની મુલાકાત લીધી, જ્યાં નવી લોન્ચ કાર્સના ફીચર ડેમો અને બુકિંગ માહિતી પૂરી પાડવામાં આવી.

XUV 7X0ને અદ્યતન ટેકનોલોજી અને સેફટી પર ખાસ ધ્યાન રાખી એક પ્રીમિયમ SUV તરીકે તૈયાર કરવામાં આવી છે. તેમાં લેવલ-2 ADAS, ટ્રિપલ-સ્ક્રીન ડિજિટલ કોકપીટ, ઉન્નત સલામતી સુવિધાઓ છે જે મહિન્દ્રાની નવી ઓળખ બની રહી છે. XEV 9S સાથે, મહિન્દ્રાએ ઓલ-ઇલેક્ટ્રિક સેવન-સીટર SUV સેગમેન્ટમાં પ્રવેશ કર્યો છે. INGLO EV પ્લેટફોર્મ પર બનેલ, આ SUV મલ્ટીપલ બેટરી, લાંબી રેન્જ, ઝડપી-ચાર્જિંગ સપોર્ટ અને જગ્યા ધરાવતી થ્રી રો સિટિંગ ફેસિલિટી આપે છે.

પરમ વ્હીલ્સ મહિન્દ્રા પરમ વ્હીલ્સ ગ્રુપનો ભાગ જે અમદાવાદની પ્રતિષ્ટિત ઑટોમોબાઇલ ડીલર છે, જેના સમગ્ર શહેરમાં અનેક આઉટલેટ છે. પરમ વ્હીલ્સ મહિન્દ્રા આફ્ટર સેલ્સ સર્વિસ અને ટ્રાન્સપરન્ટ સેલ્સ પ્રોસેસથી લોકોનો વિશ્વાસ જીતી જાણીતું બન્યું છે. પરમ વ્હીલ્સ મહિન્દ્રા છેલ્લા ઘણાં વર્ષોથી ગુજરાતમાં મહિન્દ્રાનું નામ ઉજ્જવળ કરી ગ્રાહકો સાથે સુમેળ સંબંધો બનાવી રહ્યું છે. તમે આ કાર્સ વિષે વધુ માહિતી માટે અને બુકીંગ કરાવવા અમારા નરોડા, વસ્ત્રાલ, નારોલ, અને મણિનગર શૉ-રૂમની મુલાકાત લઇ શકો છો.

Follow Us