આર્સેલરમિત્તલ નિપ્પોન સ્ટીલ ઇન્ડિયા (AM/NS India)ની નવી ઓટોમોટિવ સ્ટીલ લાઇન, સુરતને મેન્યુફેક્ચરિંગ હબ તરીકે વધુ સશક્ત કરશે
હજીરા – સુરત, એપ્રિલ 30, 2026: આર્સેલરમિત્તલ નિપ્પોન સ્ટીલ ઇન્ડિયા (AM/NS India) ના ગુજરાતના હજીરા સ્થિત ફ્લેગશિપ પ્લાન્ટ ખાતે અદ્યતન પિકલિંગ લાઇન અને ટેન્ડમ કોલ્ડ મિલ (PLTCM)નું ઉદ્ઘાટન ભારત ખાતે જાપાનના રાજદૂત મહામહિમ શ્રી કેઇચી ઓનો દ્વારા કરવામાં આવ્યું છે.
દર વર્ષે 2 મિલિયન ટન ક્ષમતા ધરાવતી આ અદ્યતન PLTCM લાઈન, AM/NS Indiaની ઓટોમોટિવ મેન્યુફેક્ચરિંગ ક્ષમતામાં મહત્વપૂર્ણ વધારો કરશે. ટૂંક સમયમાં આ યુનિટ ઉચ્ચ ગુણવત્તાવાળા કોલ્ડ-રોલ્ડ બેઝ સ્ટીલનું ઉત્પાદન શરૂ કરશે, જેના આધારે વિશ્વસ્તરીય તેમજ પ્રથમ વખતના, પેટન્ટેડ સ્ટીલ સોલ્યુશન્સનું ઉત્પાદન શક્ય બનશે. જે આર્સેલરમિત્તલ અને નિપ્પોન સ્ટીલ જેવી વૈશ્વિક પેરેન્ટ કંપનીઓની ટેક્નોલોજી પર આધારિત છે. આ નવી લાઇન ભારતને એડવાન્સ્ડ હાઈ સ્ટ્રેન્થ સ્ટીલ (AHSS)ના ઉત્પાદનમા આત્મનિર્ભર બનાવવાની દિશામાં એક અતિ મહત્વપૂર્ણ સિદ્ધિ સાબિત થશે અને ઓટોમોટિવ ઉદ્યોગની વધતી માંગને પૂરી પાડવામાં મદદરૂપ બનશે.
ભારતમાં સૌથી અદ્યતન ઉત્પાદન લાઇનોમાંની એક ગણાતી આ સુવિધા અદ્યતન પ્રોસેસ ટેક્નોલોજી, શ્રેષ્ઠ ઓટોમેશન અને વૈશ્વિક ધોરણોની ગુણવત્તા સિસ્ટમ્સથી સજ્જ છે. આ પ્લાન્ટ AHSS, ગેલ્વેનિલ્ડ (GA), ગેલ્વેનાઇઝ્ડ (GI) અને પ્રેસ હાર્ડન્ડ સ્ટીલ (PHS) જેવા વિવિધ ઓટોમોટિવ એપ્લિકેશન્સ માટે સ્ટીલ ઉત્પાદન કરવા માટે ડિઝાઇન કરવામાં આવ્યો છે. આ સુવિધા દેશની અન્ય મિલ્સની સરખામણીએ વધુ સક્ષમ છે અને તમામ ઓટોમોટિવ કંપનીઓને એન્ડ-ટુ-એન્ડ સોલ્યુશન્સ પ્રદાન કરવાની ક્ષમતા ધરાવે છે.
આ સોલ્યુશન્સ વૈશ્વિક સસ્ટેનેબિલિટી ધોરણોને અનુરૂપ છે, વાહનોને હળવા બનાવવામાં મદદ કરે છે
જેથી કાર્યક્ષમતા અને પ્રદર્શન સુધરે, તેમજ ભારત NCAP (BNCAP) મુજબ વાહન સલામતીમાં વધારો કરે છે.
આ સમર્પિત ઓટોમોટિવ લાઇન AM/NS Indiaની ડાઉનસ્ટ્રીમ ક્ષમતાને વધુ મજબૂત બનાવશે અને 1180 MPa સુધીની ઊંચી મજબૂતી ધરાવતા AHSSના ઉત્પાદનને સપોર્ટ કરશે, જે વૈશ્વિક ધોરણો સાથે સુસંગત છે.
આ ઉદ્ઘાટન AM/NS Indiaના હજીરા પ્લાન્ટ ખાતે ચાલી રહેલા રૂપિયા 60,000 કરોડના વિસ્તરણ પ્રોજેક્ટનો એક મહત્વપૂર્ણ ભાગ છે, જેમાં અપસ્ટ્રીમ, ડાઉનસ્ટ્રીમ અને અન્ય સહાયક સુવિધાઓનો સમાવેશ થાય છે.
કંપનીની આ નવી સુવિધા આર્થિક પ્રવૃત્તિઓનો એક સશક્ત અને સ્વયંસંચાલિત ચક્ર ઊભું કરશે, જે માત્ર સુરત જ નહીં પરંતુ સમગ્ર ગુજરાતના ઔદ્યોગિક વિકાસને નવી દિશા આપશે. ગુજરાત ‘આત્મનિર્ભર ભારત’ અભિયાનમાં સતત અગત્યની ભૂમિકા ભજવી રહ્યું છે.
મહામહિમ શ્રી કેઇચી ઓનોએ હજીરામાં સ્થિત સ્ટીલ પ્લાન્ટની મુલાકાત લઈને અહીં ચાલી રહેલી વિશાળ સ્તરની કામગીરી અને સુરતના ઔદ્યોગિક વિકાસની ગતિને નજીકથી નિહાળી।
જાપાનના રાજદૂત મહામહિમ શ્રી કેઇચી ઓનોએ પ્લાન્ટની મુલાકાત લઇ કામગીરીનો વ્યાપ અને વિકાસની ગતિનો અનુભવ કર્યો.
મહામહિમ શ્રી કેઇચી ઓનો, જાપાનના રાજદૂતે જણાવ્યું હતું કે, “હું AM/NS Indiaને તેમના હજીરા પ્લાન્ટ ખાતેની અદ્યતન ઓટોમોટિવ સ્ટીલ શીટ ઉત્પાદન લાઇનના પ્રારંભ માટે અભિનંદન પાઠવું છું. જાપાનની અદ્યતન ટેક્નોલોજીએ ભારતમાં ઉચ્ચ ગુણવત્તાવાળા સ્ટીલ ઉત્પાદનને નવી દિશા આપી છે. ‘Make in India, Make for the World’ પહેલમાં જાપાનનું યોગદાન હવે નવા તબક્કામાં પ્રવેશ્યું છે. જાપાન અને ભારત વચ્ચેનો સંબંધ પરસ્પર પૂરક છે, જ્યાં જાપાનની ટેક્નોલોજી અને મૂડી, ભારતની મેન્યુફેક્ચરિંગ ક્ષમતા અને વધતી માંગ સાથે જોડાય છે. હજીરા પ્લાન્ટની કાર્યક્ષમતાનો પ્રત્યક્ષ અનુભવ કર્યા બાદ હું વિશ્વાસપૂર્વક કહી શકું છું કે બંને દેશો વચ્ચેનું ઔદ્યોગિક સહકાર અને ‘વિકસિત ભારત’નું ભવિષ્ય ઉજ્જવળ છે.”
શ્રી દિલીપ ઊમ્મેન, મુખ્ય કાર્યકારી અધિકારી (CEO), આર્સેલરમિત્તલ નિપ્પોન સ્ટીલ ઈન્ડિયાએ જણાવ્યું હતું કે, “AM/NS India ‘Make in India’ અને ‘આત્મનિર્ભર ભારત’ માટે પ્રતિબદ્ધ છે. ‘Smarter Steels, Brighter Futures’ના અમારા વચન અનુસાર, અમે પેરેન્ટ કંપનીઓની અદ્યતન ટેક્નોલોજી અને વૈશ્વિક કુશળતાનો લાભ લઈને આધુનિક સ્ટીલ ઉત્પાદન સુવિધાઓ ઉભી કરી રહ્યા છીએ. PLTCM લાઈનનું ઉદ્ઘાટન, આ યાત્રામાં મહત્વપૂર્ણ સિદ્ધિ છે. જે દેશમાં ઉચ્ચ ગુણવત્તાવાળા ઓટોમોટિવ સ્ટીલના ઉત્પાદન માટે મજબૂત આધાર ઉભો કરશે, આયાત પર નિર્ભરતા ઘટાડશે, સપ્લાય ચેઇનને મજબૂત બનાવશે અને ઓટોમોટિવ ઉદ્યોગને વધુ સલામત, હળવા અને ટકાઉ ભવિષ્ય તરફ આગળ વધવામાં સહાય કરશે.”
નવી યુનિટ ભારતમાં ઉચ્ચ ગુણવત્તાવાળા ઓટોમોટિવ ફ્લેટ સ્ટીલની વધતી માંગને પૂરી પાડવામાં મહત્વપૂર્ણ યોગદાન આપશે. હાલ આ માંગ 7.8 મિલિયન ટન પ્રતિ વર્ષ છે અને દર વર્ષે 6-7% વૃદ્ધિ થવાની શક્યતા છે. ભારત આજે વિશ્વનું ત્રીજું સૌથી મોટું ઓટોમોટિવ ઉત્પાદન કરનાર દેશ છે અને બીજા સ્થાને પહોંચવાના લક્ષ્ય સાથે ઝડપથી આગળ વધી રહ્યું છે. આવી પરિસ્થિતિમાં પ્રીમિયમ અને અદ્યતન વાહનો માટે વિશ્વસ્તરીય સ્ટીલની જરૂરિયાત વધુ મહત્વપૂર્ણ બની રહી છે.
ગુજરાતી સિનેમામાં ‘વાંકી ચૂકી લવ સ્ટોરી’નો જાદુ, ટ્રેલરને મળ્યો જબરદસ્ત પ્રતિસાદ
અમદાવાદ: ગુજરાતી ફિલ્મ ઈન્ડસ્ટ્રીમાં ફરી એકવાર રોમેન્ટિક એન્ટરટેનમેન્ટનો નવો દોર શરૂ થવા જઈ રહ્યો છે. જાણીતા દિગ્દર્શક ધ્વનિ ગૌતમની બહુપ્રતિક્ષિત ફિલ્મ **‘વાંકી ચૂકી લવ સ્ટોરી’**નું ઓફિશિયલ ટ્રેલર રિલીઝ થતાની સાથે જ સોશિયલ મીડિયા પર ધૂમ મચાવી રહ્યું છે. પ્રેમ, લાગણીઓ અને સંબંધોના ગૂંચવાડાને દર્શાવતી આ ફિલ્મ 8 મે 2026ના રોજ સિનેમાઘરોમાં રિલીઝ થશે.
આ ફિલ્મની વાર્તા આજના યુવાનોના જીવન અને તેમના પ્રેમ સંબંધો પર આધારિત છે. ફિલ્મ એક એવા યુવકની સફર છે જે પોતાના ભૂતકાળને ભૂલીને નવી શરૂઆત કરવા માંગે છે, પરંતુ અચાનક ભૂતપૂર્વ પ્રેમિકાનું પુનરાગમન જીવનમાં કેવી ‘વાંકી ચૂકી’ પરિસ્થિતિઓ સર્જે છે, તે આ ફિલ્મનું મુખ્ય આકર્ષણ છે.
પૂજા જોશી, પરીક્ષિત તમાલિયા, ભાવિન ભાનુશાલી, શેખર શુક્લા,હેમાંગ દવે, ચેતન દૈયા, મિલોની ઝોન્સા અને દિગ્ગજ અભિનેતા ધર્મેશ વ્યાસ જેવા કલાકારોના પાવરફુલ પરફોર્મન્સ.સાથે કચ્છના સુંદર રણ અને મનોહર સ્થળો પર ફિલ્મનું શૂટિંગ કરવામાં આવ્યું છે. તેમજ
ભવ્ય વેડિંગ સેટઅપ અને કર્ણપ્રિય સંગીત ફિલ્મને વિઝ્યુઅલી રિચ બનાવે છે.
”આ ફિલ્મ માત્ર એક લવ સ્ટોરી નથી, પણ આજના સંબંધોમાં આવતા વળાંકોનું પ્રતિબિંબ છે. અમે આ ફિલ્મને ખૂબ જ સુંદર રીતે કંડારી છે અને ટ્રેલરને મળેલા પ્રેમથી અમે ખૂબ ઉત્સાહિત છીએ.” – ધ્વનિ ગૌતમ (દિગ્દર્શક)
પ્રોડક્શન વિગતો
નિતિન ભાનુશાલી દ્વારા નિર્મિત આ ફિલ્મ આજના યુવા દર્શકોની પસંદને ધ્યાનમાં રાખીને બનાવવામાં આવી છે. ટ્રેલરમાં જોવા મળતી રોમેન્ટિક કેમિસ્ટ્રી અને ઈમોશનલ કોન્ફ્લિક્ટે અત્યારથી જ લોકોમાં ઉત્સુકતા વધારી દીધી છે.
તૈયાર થઈ જાઓ એક એવી લવ સ્ટોરી માણવા માટે જે સીધી નથી પણ દિલને સ્પર્શી જાય તેવી ‘વાંકી ચૂકી’ છે!
રોમાન્સ, ફેમિલી ડ્રામા અને સસ્પેન્સનું અનોખું મિશ્રણ જોવા મળશે 8 મે 2026
થી તમારા નજીકના સિનેમાઘરોમાં
આર્સેલરમિત્તલ નિપ્પોન સ્ટીલ ઇન્ડિયાએ નોબુઓ ઓકોચીને મુખ્ય નાણાકીય અધિકારી તરીકે નિયુક્ત કર્યા
1 જુલાઈથી સંભાળશે જવાબદારી, દીર્ઘકાલીન વિકાસ અને મૂડી વ્યૂહરચનાને આપશે નવી દિશા મુંબઈ, 28 એપ્રિલ 2026: આર્સેલરમિત્તલ નિપ્પોન સ્ટીલ ઇન્ડિયાએ નોબુઓ ઓકોચીને કંપનીના નવા મુખ્ય નાણાકીય અધિકારી તરીકે નિયુક્ત કરવાની જાહેરાત કરી છે. તેમની નિમણૂક 1 જુલાઈ 2026થી અમલમાં આવશે. આ નિમણૂક એવા સમયે કરવામાં આવી છે જ્યારે હાલના મુખ્ય નાણાકીય અધિકારી અમિત હરલાલકાને તાજેતરમાં કંપનીના મુખ્ય કાર્યકારી અધિકારી તરીકે નિયુક્ત કરવામાં આવ્યા છે. તેઓ પણ 1 જુલાઈ 2026થી નવી જવાબદારી સંભાળશે. આ બંને મહત્વપૂર્ણ નિયુક્તિઓ કંપનીના ટોચના નેતૃત્વમાં સતતતા અને સ્થિરતા જાળવી રાખશે, જે કંપનીની વિકાસયાત્રાને વધુ વેગ આપશે. મુખ્ય નાણાકીય અધિકારી તરીકે નોબુઓ ઓકોચી કંપનીના નાણાંકીય વ્યવસ્થાપન, વ્યૂહરચના, નાણાકીય આયોજન, મૂડી ફાળવણી અને કોર્પોરેટ ગવર્નન્સ જેવા મહત્વપૂર્ણ વિભાગોનું નેતૃત્વ કરશે. તેમનો મુખ્ય ફોકસ કંપનીની દીર્ઘકાલીન વિકાસ યોજનાઓ અને મૂલ્ય સર્જનને વધુ મજબૂત બનાવવાનો રહેશે. નોબુઓ ઓકોચીને નિપ્પોન સ્ટીલ કોર્પોરેશનમાં ચાર દાયકાથી વધુનો સમૃદ્ધ અનુભવ છે. તેમણે નાણાંકીય વ્યવસ્થાપન, નાણાકીય આયોજન, મૂડી બજેટિંગ અને વૈશ્વિક વ્યવસાય વિકાસ જેવા ક્ષેત્રોમાં અનેક વરિષ્ઠ પદો પર કાર્ય કર્યું છે. વિશાળ ઔદ્યોગિક રોકાણો અને બહુરાષ્ટ્રીય કામગીરીના સંચાલનમાં તેમને ઊંડી નિષ્ણાતી પ્રાપ્ત છે. હાલમાં તેઓ નિપ્પોન સ્ટીલ કોર્પોરેશનમાં ભારત, આસિયાન, મધ્ય પૂર્વ અને આફ્રિકા ક્ષેત્રના મેનેજિંગ એક્ઝિક્યુટિવ ઓફિસર તરીકે ફરજ બજાવી રહ્યા છે. તેમણે કંપનીની વૈશ્વિક વ્યાપાર વ્યૂહરચના ઘડવામાં અને અનેક આંતરરાષ્ટ્રીય સ્ટીલ પ્રોજેક્ટ્સનું નેતૃત્વ કરવામાં મહત્વપૂર્ણ ભૂમિકા ભજવી છે. નોબુઓ ઓકોચીએ જાપાનની ઇન્ટરનેશનલ યુનિવર્સિટીમાંથી એમબીએ અને ટોક્યો સ્થિત સોફિયા યુનિવર્સિટીમાંથી કાયદાની સ્નાતક ડિગ્રી પ્રાપ્ત કરી છે. કંપનીના મુખ્ય કાર્યકારી અધિકારી દિલીપ ઓમને જણાવ્યું હતું કે નોબુઓ ઓકોચીની નિમણૂકથી કંપનીના નેતૃત્વને વૈશ્વિક દૃષ્ટિકોણ અને આંતરરાષ્ટ્રીય બજારોનો ઊંડો અનુભવ મળશે. તેમનો વ્યાપક અનુભવ કંપનીને ભવિષ્ય માટે વધુ મજબૂત અને સક્ષમ બનાવવામાં સહાયક બનશે. નોબુઓ ઓકોચીએ જણાવ્યું હતું કે તેઓ આર્સેલરમિત્તલ નિપ્પોન સ્ટીલ ઇન્ડિયામાં મુખ્ય નાણાકીય અધિકારીની જવાબદારી સંભાળવા માટે ઉત્સાહિત છે. કંપની મજબૂત પાયા અને સ્પષ્ટ વ્યૂહાત્મક દૃષ્ટિ સાથે આગળ વધી રહી છે. તેઓ ટીમ સાથે મળીને દીર્ઘકાલીન વિકાસ, મજબૂત નાણાકીય શિસ્ત અને સતત મૂલ્ય સર્જનની દિશામાં કાર્ય કરશે. નોબુઓ ઓકોચીની નિમણૂક અને અમિત હરલાલકાની મુખ્ય કાર્યકારી અધિકારી તરીકેની બઢતીથી કંપનીના નાણાકીય અને વહીવટી નેતૃત્વમાં સતતતા જળવાઈ રહેશે. આ એવા સમયે થઈ રહ્યું છે જ્યારે કંપની ક્ષમતા વિસ્તરણ, મૂલ્યવર્ધિત ઉત્પાદનો અને ટકાઉ વિકાસ તરફ ઝડપી ગતિએ આગળ વધી રહી છે. આર્સેલરમિત્તલ નિપ્પોન સ્ટીલ ઇન્ડિયા ભારતના ‘વિકસિત ભારત’ના લક્ષ્યમાં પોતાની મહત્વપૂર્ણ ભૂમિકા નિભાવવા માટે વૈશ્વિક નિષ્ણાતી અને ઊંડા ઉદ્યોગ અનુભવ ધરાવતા નેતૃત્વને સતત સશક્ત બનાવી રહી છે.
વ્હાઇટ લોટસ ઇન્ટરનેશનલ સ્કૂલ શેપિંગ માઈન્ડ્સ , ટચિંગ હાર્ટ્સ
નાનકડા એસ્ટેરિયન્સે દયા અને કરુણાના અમૂલ્ય પાઠ શીખ્યા
સુરત: “મન્થ ઓફ કાઇન્ડનેસ”ની ભાવનાને આત્મસાત કરતાં વ્હાઇટ લોટસ ઇન્ટરનેશનલ સ્કૂલના નાનકડા વિદ્યાર્થીઓએ ગૌશાળાની એક વિશેષ શૈક્ષણિક મુલાકાત લીધી. આ પહેલનો મુખ્ય હેતુ વર્ગખંડમાં શીખવાતા મૂલ્યોને વાસ્તવિક જીવનના અનુભવો સાથે જોડવાનો હતો.
આ મુલાકાતનો મુખ્ય ઉદ્દેશ વિદ્યાર્થીઓમાં તમામ જીવજંતુઓ પ્રત્યે દયા, કરુણા અને સન્માનની ભાવના વિકસાવવાનો હતો. પરંપરાગત વર્ગખંડની બહાર આવી બાળકોને નવા વાતાવરણમાં શીખવાનો અનોખો અનુભવ મળ્યો, જ્યાં તેમણે ગાયોની સંભાળ, તેમનું મહત્વ અને તેમની પ્રત્યે સંવેદનશીલ વર્તન વિશે જાણકારી મેળવી.
ઉત્સાહ અને જિજ્ઞાસાથી ભરપૂર વિદ્યાર્થીઓએ ગાયોને ચારો ખવડાવવો, તેમના રહેઠાણનું નિરીક્ષણ કરવું જેવી વિવિધ પ્રવૃત્તિઓમાં ભાગ લીધો. આ અનુભવો દ્વારા બાળકોમાં જવાબદારીની ભાવના, લાગણીસભર સમજણ અને પ્રકૃતિ સાથેનો જોડાણ વધુ મજબૂત બન્યો.
શિક્ષકોએ સમગ્ર મુલાકાત દરમિયાન વિદ્યાર્થીઓને માર્ગદર્શન આપ્યું અને સમજાવ્યું કે દયા માત્ર શબ્દોમાં સીમિત નથી, પરંતુ તેને પોતાના વર્તનમાં ઉતારવી જરૂરી છે, પછી તે પશુઓ પ્રત્યે હોય કે રોજિંદા જીવનમાં અન્ય લોકો સાથેના વ્યવહારમાં.
આ પહેલ શાળાની સર્વાંગી શિક્ષણ પ્રત્યેની પ્રતિબદ્ધતાને પ્રતિબિંબિત કરે છે, જ્યાં શૈક્ષણિક ઉત્તમતા સાથે નૈતિક મૂલ્યોને પણ સમાન મહત્વ આપવામાં આવે છે.
આ શૈક્ષણિક મુલાકાત બાળકો માટે યાદગાર અને પ્રેરણાદાયી અનુભવ સાબિત થઈ. બાળકોના ચહેરા પર ઝળહળતી ખુશી અને તેમના વર્તનમાં દેખાતી સંવેદનશીલતાએ આ પહેલની સફળતાને સ્પષ્ટ રીતે ઉજાગર કરી.
આવા અનુભૂતિમૂલક શિક્ષણ કાર્યક્રમો દ્વારા વ્હાઇટ લોટસ ઇન્ટરનેશનલ સ્કૂલ સતત સંવેદનશીલ, જવાબદાર અને સંસ્કારી નાગરિકોના ઘડતરમાં કાર્યરત છે, જેથી એપ્રિલ મહિનો ખરેખર દયા અને કરુણાના ઉત્સવ તરીકે ઉજવાઈ રહ્યો છે.
ભરૂચમાં ઓમ ગુરુની પાવન નિશ્રામાં યોજાયો મંત્ર થેરાપી દરબાર, મોટી સંખ્યામાં ભક્તો ઉમટ્યા
ભરૂચ: શહેરમાં તારીખ 12 એપ્રિલ 2026ના રોજ ઓમ ગુરુની પાવન નિશ્રામાં દિવ્ય મંત્ર થેરાપી દરબારનું આયોજન કરવામાં આવ્યું, જેમાં મોટી સંખ્યામાં શ્રદ્ધાળુઓ અને ભક્તોએ હાજરી આપી. આ વિશેષ દરબાર માનવ જીવનના ચાર મુખ્ય ક્ષેત્રો — આર્થિક, શારીરિક, સામાજિક અને માનસિક પ્રશ્નોના માર્ગદર્શન માટે કેન્દ્રસ્થાન બન્યો.
કાર્યક્રમ દરમિયાન ઓમ ગુરુએ આર્થિક પ્રગતિ, વ્યવસાયિક વિકાસ અને જીવનમાં સમૃદ્ધિ મેળવવા માટે માર્ગદર્શન આપ્યું. તેમણે ભક્તોને સકારાત્મક વિચારસરણી, યોગ્ય દિશામાં પ્રયત્નો અને આધ્યાત્મિક શક્તિ સાથે આગળ વધવા પ્રેરિત કર્યા. આ પ્રસંગે ઉપસ્થિત ભક્તોને દિવ્ય “કુબેર પેન્ડન્ટ” અને “કુબેર લક્ષ્મી મલમ” નિઃશુલ્ક વિતરણ કરવામાં આવ્યું.
સામાજિક જીવનમાં સુખ-શાંતિ અને સુરક્ષા માટે દિવ્ય સ્ટોન, રક્ષા સૂત્ર અને બ્રેસલેટ પણ ભક્તોને આપવામાં આવ્યા. માનસિક તણાવ, નિરાશા અને ડિપ્રેશન જેવી સમસ્યાઓ માટે ઓમ ગુરુએ માનસિક સંતુલન અને સકારાત્મક જીવનશૈલી અંગે માર્ગદર્શન આપ્યું.
શારીરિક પીડા અને રોજિંદી તકલીફો માટે ઉપસ્થિત લોકોને દિવ્ય બામ આપવામાં આવ્યું. આયોજકોના જણાવ્યા મુજબ, મંત્ર થેરાપી દરબાર સંપૂર્ણપણે નિઃશુલ્ક છે અને તેનો હેતુ સમાજને આધ્યાત્મિક માર્ગદર્શન તથા માનસિક સશક્તિકરણ પૂરૂં પાડવાનો છે.
સુરત પ્રી સ્કૂલ એસોસિએશનનો અનોખો મતદાન જાગૃતિ અભિયાન
10,120 નાનાં બાળકો દ્વારા ડ્રોઇંગ મારફતે માતા-પિતાને મતદાન કરવાની અપીલ સુરત. ભારત વિશ્વનો સૌથી મોટો લોકશાહી દેશ છે, છતાં ઘણીવાર સ્થાનિક સ્વરાજની ચૂંટણીમાં ગરમી, વ્યસ્તતા અને જાગૃતિના અભાવે મતદાન ટકાવારી ઓછી રહેતી હોય છે. આ વિચારને બદલવા અને નાગરિકોને મતદાન પ્રત્યે પ્રેરિત કરવા માટે સુરત પ્રી સ્કૂલ એસોસિએશન દ્વારા એક પ્રેરણાદાયક અને અનોખું અભિયાન યોજાયું. આ અભિયાન હેઠળ સુરત શહેરની 100થી વધુ સ્કૂલોના 10,120 નાનાં બાળકો જોડાયા અને સુંદર ડ્રોઇંગ બનાવી પોતાના માતા-પિતા તથા પરિવારજનોને મતદાન કરવા અપીલ કરી. બાળકોના ચિત્રો દ્વારા “પહેલા મતદાન, પછી જલપાન”, “વોટ આપવો અમારો અધિકાર છે” અને “મજબૂત લોકશાહી માટે મતદાન જરૂરી છે” જેવા સંદેશ આપવામાં આવ્યા. એસોસિએશન દ્વારા અગાઉ પણ ગયા ચૂંટણી દરમિયાન આવું જ જાગૃતિ અભિયાન યોજાયું હતું, જેને વર્લ્ડ રેકોર્ડમાં સ્થાન મળ્યું હતું. તે સમયે પણ વહીવટી તંત્ર અને શહેરના આગેવાનો દ્વારા આ પ્રયાસની પ્રશંસા કરવામાં આવી હતી.

ફિલ્મ ‘ધરપકડ’ નું ટીઝર રિલીઝ: “તમારા બેંક ખાતાના પૈસા ક્યાં ગયા?” – ડિજિટલ અરેસ્ટના ભયાનક સ્કેમનો પર્દાફાશ
અમદાવાદ (ગુજરાત) [ભારત], ૨૨ એપ્રિલ: ભારતની પ્રથમ ડિજિટલ અરેસ્ટ પર આધારિત ગુજરાતી ફિલ્મ ‘ધરપકડ’ નું સત્તાવાર ટીઝર આજે રિલીઝ કરવામાં આવ્યું છે. 1 મિનિટ અને 5 સેકન્ડનું આ ટીઝર દર્શકોના રુંવાડા ઉભા કરી દે તેવું છે અને આજના સમયમાં વધતા સાયબર ક્રાઈમની વરવી વાસ્તવિકતા રજૂ કરે છે. ટીઝરની શરૂઆત એક મધ્યમવર્ગીય પરિવારની લાચારી અને આર્થિક તંગીના દ્રશ્યોથી થાય છે. મલ્હાર ઠાકર એક ભાવુક અને ગંભીર સંવાદમાં કહેતા સંભળાય છે કે, “આખી જિંદગીની નોકરીમાં તમે એટલું જ કમાયા કે એક માણસનો જીવ ના બચાઈ શક્યા.”ટીઝરનો સૌથી ચોંકાવનારો વળાંક ત્યારે આવે છે જ્યારે બેંક એકાઉન્ટમાં ‘ઇનસફિશિયન્ટ બેલેન્સ’ બતાવે છે અને સવાલ ઉઠે છે – “પૈસા નથી તો ગયા ક્યાં પપ્પા?” ટીઝરમાં સમજાવવામાં આવ્યું છે કે કેવી રીતે સ્કેમર્સ વેબની દુનિયામાં છુપાયેલા હોય છે અને સામાન્ય માણસને ભરોસો અપાવી દે છે કે જે થઈ રહ્યું છે તે સાચું છે. ટીઝરના અંતમાં આવતો એક અજાણ્યો ફોન કોલ, જેમાં કહેવામાં આવે છે કે “આપકે બેટે કો હમને અરેસ્ટ કિયા હૈ” આખી ફિલ્મની ગંભીરતા અને સસ્પેન્સને વધુ ગાઢ બનાવે છે. અનિશ શાહ દ્વારા દિગ્દર્શિત આ ફિલ્મમાં મલ્હાર ઠાકર અને શ્રુહદ ગોસ્વામી પહેલીવાર સાથે જોવા મળશે. તેમની સાથે પ્રશાંત બારોટ, પ્રતીક રાઠોડ અને જય ભટ્ટ જેવા મજબૂત કલાકારો પણ મહત્વની ભૂમિકામાં છે. ઇંદિરા મોશન પિક્ચર્સ અને નવેમ્બર ફિલ્મ્સના નેજા હેઠળ બનેલી આ ફિલ્મ સાયબર છેતરપિંડીના એવા પાસાને સ્પર્શે છે જેની કોઈએ કલ્પના પણ નથી કરી હોતી. સસ્પેન્સ, ડ્રામા અને સામાજિક સંદેશાથી ભરપૂર આ ફિલ્મ 15 મે, 2026 ના રોજ સિનેમાઘરોમાં રિલીઝ થવાની છે. ટીઝર રિલીઝ થયા બાદ હવે દર્શકોમાં મલ્હાર અને શ્રુહદની આ જોડીને આધુનિક ક્રાઈમ થ્રિલરમાં જોવા માટે ભારે આતુરતા જોવા મળી રહી છે. ટીઝર લિંક- https://www.youtube.com/watch?v=kp-8NmNU0uo
પરફેક્ટ 100 અને વધુ: સીબીએસઈ ધોરણ 10 બોર્ડની પરીક્ષાઓ 2026માં ફિઝિક્સવાલા (PW) ના વિદ્યાર્થીઓએ નોંધાવી ભવ્ય સફળતા
સુરત, એપ્રિલ 16, 2026 : ગુરુવારનો દિવસ એજ્યુકેશન કંપની ફિઝિક્સવાલા (PW) માટે ઉજવણીનો દિવસ રહ્યો, કારણ કે તેના અનેક વિદ્યાર્થીઓ CBSE ધોરણ 10 બોર્ડની પરીક્ષાઓ 2026માં ઉચ્ચ સ્કોરર તરીકે ઉભરી આવ્યા છે, જેમાંથી કેટલાક વિદ્યાર્થીઓએ પૂરેપૂરા 100 ટકા ગુણ મેળવ્યા છે. ટોચનું પ્રદર્શન કરનારાઓમાં ફાઝિલ્કા (પંજાબ) ના વૈભવ અરોરા, અમદાવાદ (ગુજરાત) ના અમોલિક પંડિત અને ભુવનેશ્વર (ઓડિશા) ના આયુષ્માન મોહપાત્રાનો સમાવેશ થાય છે, જેમણે 100 ટકા ગુણ મેળવીને દેશમાં ટોચનું સ્થાન પ્રાપ્ત કર્યું છે. વધુમાં, ફિઝિક્સવાલાના ટેક-એનેબલ્ડ ઓફલાઇન સેન્ટર્સ ‘PW વિદ્યાપીઠ’ દ્વારા સુરતમાં એક સન્માન સમારોહનું આયોજન કરવામાં આવ્યું હતું. CBSE ધોરણ 10 બોર્ડની પરીક્ષાઓ 2026માં સારું પ્રદર્શન કરનાર શહેરના PW વિદ્યાર્થીઓનું સન્માન કરવામાં આવ્યું હતું. ઉચ્ચ પ્રદર્શન કરનારાઓમાં રુશાંક અંકુર શાહ (99.60%), આહાન શાહ (97.40%) અને સિયા ખાતીવાલા (97.20%) સામેલ હતા.

ગૌતમ ક્લાસીસ, સુરતનો CBSE ધોરણ 10 બોર્ડ પરીક્ષામાં ઉત્તમ પરિણામ સાથે દબદબો 20 વર્ષથી વધુના અનુભવો સાથે આ વર્ષે પણ 100% રિઝલ્ટ
સુરત: ગૌતમ ક્લાસીસે છેલ્લા 20 વર્ષથી વધુ સમયથી શૈક્ષણિક ક્ષેત્રમાં પોતાની વિશ્વસનીયતા અને ગુણવત્તાસભર માર્ગદર્શન માટે ઓળખ ઉભી કરી છે. આ જ પરંપરાને આગળ વધારતા, સંસ્થાએ CBSE ધોરણ 10 બોર્ડ પરીક્ષા (2025-26)માં 100% પરિણામ મેળવી ફરી એકવાર પોતાની શ્રેષ્ઠતા સાબિત કરી છે.
આ વર્ષે પણ ગૌતમ ક્લાસીસના વિદ્યાર્થીઓએ સરેરાશ 93% સુધીના ઉત્તમ ગુણ મેળવી સંસ્થાનો ગૌરવ વધાર્યો છે.
ખાસ નોંધપાત્ર બાબત એ રહી કે ગૌતમ ક્લાસીસના માર્ગદર્શન હેઠળ વિદ્યાર્થીઓના પ્રદર્શનમાં સરેરાશ 10% થી 20% સુધીનો નોંધપાત્ર સુધારો નોંધાયો છે, જે સંસ્થાની અસરકારક શિક્ષણ પદ્ધતિને પ્રતિબિંબિત કરે છે.
ટોપ પરફોર્મર્સ:
પોઝિશન વિદ્યાર્થીનું નામ ટકા
1 મોહિત પ્રસાદ 93%
2 અનુપ પાંડે 87.8%
3 અજીત યાદવ 83.6%
ઉલ્લેખનીય છે કે ગૌતમ ક્લાસીસમાં અભ્યાસ કરનારા તમામ વિદ્યાર્થીઓએ સફળતાપૂર્વક પરીક્ષા પાસ કરી સંસ્થાને 100% પરિણામ અપાવ્યું છે.
ઉધના અને પાંડેસરા વિસ્તારમાં CBSE માટે સમર્પિત અગ્રણી કોચિંગ સેન્ટર તરીકે, ગૌતમ ક્લાસીસ વિદ્યાર્થીઓને બોર્ડ પરીક્ષા માટે સંપૂર્ણ રીતે તૈયાર કરે છે.

સંસ્થાની મુખ્ય વિશેષતાઓ:
CBSE માટે અલગ બેચ સિસ્ટમ
.
દરેક વિષય માટે નિષ્ણાત ફેકલ્ટી
CBSE સકર્ક્યુલર અને લેટેસ્ટ પેટર્ન મુજબ અભ્યાસ
અહીં અભ્યાસ સંપૂર્ણપણે CBSEના નવીનતમ માર્ગદર્શિકા અનુસાર કરાવવામાં આવે છે, જેથી વિદ્યાર્થીઓ બદલાતા પરીક્ષા પેટર્ન માટે સજ્જ રહે.
સંસ્થામાં માત્ર ગુણ પર જ નહીં, પરંતુ concept clarity, તાર્કિક વિચારશક્તિ અને આત્મવિશ્વાસના વિકાસ પર પણ વિશેષ ધ્યાન આપવામાં આવે છે. નિયમિત ટેસ્ટ અને વ્યક્તિગત માર્ગદર્શન દ્વારા દરેક વિદ્યાર્થી પોતાની સંપૂર્ણ ક્ષમતા સુધી પહોંચે છે.
સંસ્થાના ડિરેક્ટરે જણાવ્યું:
અમારું લક્ષ્ય માત્ર પરિણામ નહીં, પરંતુ દરેક વિદ્યાર્થીને મજબૂત આધાર આપી તેની સંપૂર્ણ ક્ષમતા વિકસાવવાનો છે.
વાલીઓએ પણ ગૌતમ ક્લાસીસની પ્રશંસા કરતાં જણાવ્યું કે અહીંનું આયોજનબદ્ધ માર્ગદર્શન અને CBSE આધારિત અભ્યાસ બાળકોની સફળતામાં મહત્વપૂર્ણ ભૂમિકા ભજવે છે.
માહેશ્વરી સમાજનો ગૌરવ: સુરતની ભાવિકા માહેશ્વરીને “MVMP માહેશ્વરી ગ્લોબલ સ્ટાર 2026” એવોર્ડ
પુણે ખાતે આયોજિત પ્રતિષ્ઠિત માહેશ્વરી ગ્લોબલ કાર્યક્રમમાં સુરતની પ્રતિભાશાળી દીકરી ભાવિકા માહેશ્વરીને “MVMP માહેશ્વરી ગ્લોબલ સ્ટાર 2026” એવોર્ડથી સન્માનિત કરવામાં આવી છે. આ સન્માન અંતર્ગત તેમને ₹1 લાખનું રોકડ ઇનામ, મેડલ તેમજ મોમેન્ટો એનાયત કરવામાં આવ્યા.
આ આંતરરાષ્ટ્રીય સ્તરના કાર્યક્રમમાં વિશ્વભરમાંથી પસંદ કરાયેલા 12 પ્રતિભાશાળી બાળકોને ₹1-1 લાખનું રોકડ ઇનામ આપવામાં આવ્યું હતું, જેમાં ભાવિકા માહેશ્વરીને ઓલ રાઉન્ડર કેટેગરીમાં વિશેષ સન્માન પ્રાપ્ત થયું.
આ એવોર્ડ ડૉ. સંજય માલપાણી (પ્રેસિડેન્ટ – ગીતા પરિવાર તથા સ્થાપક – એશિયન યોગાસન સ્પોર્ટ્સ ફેડરેશન, ધ્રુવ ગ્લોબલ સ્કૂલ)ના હસ્તે આપવામાં આવ્યો.
ઉલ્લેખનીય છે કે, અગાઉ પણ માહેશ્વરી ગ્લોબલ કન્વેન્શનમાં ભાવિકા માહેશ્વરીને “સમાજ ગૌરવ” ની ઉપાધિથી સન્માનિત કરવામાં આવી હતી, જે તેમના સતત શ્રેષ્ઠ પ્રદર્શનનો પુરાવો છે.
નાની ઉંમરે જ અસાધારણ સિદ્ધિઓ હાંસલ કરનાર ભાવિકા માહેશ્વરીએ માત્ર 10 વર્ષની ઉંમરે રામકથાના માધ્યમથી અયોધ્યા રામ મંદિર માટે ₹52 લાખની સમર્પણ નિધિ અર્પણ કરી પ્રેરણાદાયક ઉદાહરણ પૂરું પાડ્યું છે.
TEDx સ્પીકર, લેખિકા અને ઉદ્યોગસાહસિક તરીકે પોતાની આગવી ઓળખ ઉભી કરનાર ભાવિકા અત્યાર સુધી ઇન્ડોનેશિયા, આયર્લેન્ડ, સ્કોટલેન્ડ, લંડન, જાપાન, દક્ષિણ કોરિયા અને તાઇવાન સહિતના અનેક દેશોમાં 500થી વધુ કાર્યક્રમોમાં ભાગ લઈ ચૂકી છે.
તેમના પ્રેરણાદાયક વિચારો, આધ્યાત્મિક દૃષ્ટિકોણ અને પ્રભાવશાળી વ્યક્તિત્વ દ્વારા ભાવિકા માહેશ્વરીએ ભારતીય સંસ્કૃતિ અને સનાતન મૂલ્યોનું વૈશ્વિક સ્તરે ગૌરવપૂર્ણ પ્રતિનિધિત્વ કરીને દેશનું નામ રોશન કર્યું છે.