Posts by: abhay_news_editor
“શ્યામ કી મહિમા” – ગુરુકૃપા વિદ્યાસંકુલ (CBSE) નો ભક્તિ, સંસ્કાર અને કલાત્મક ઉત્તમતાનો ભવ્ય ઉત્સવ
ગુરુકૃપા વિદ્યાસંકુલ (CBSE) એ પોતાના વાર્ષિક કાર્યક્રમ “Shyaam ki Mahima” નું ભવ્ય અને ભાવસભર આયોજન ભક્તિપૂર્ણ અને આનંદમય વાતાવરણમાં સફળતાપૂર્વક કર્યું. ભગવાન શ્રીકૃષ્ણની મહિમા, લીલાઓ અને જીવનમૂલ્યોને આધારિત આ કાર્યક્રમ શિક્ષણ સાથે સંસ્કૃતિના સુંદર સંકલનનું ઉત્તમ ઉદાહરણ બન્યો.
આ પ્રતિષ્ઠિત કાર્યક્રમના મુખ્ય મહેમાન (Chief Guest) તરીકે શ્રી ગણપત વસાવા
(પૂર્વ કેબિનેટ મંત્રી અને વર્તમાન ધારાસભ્ય – માંગરોળ)
ની ગૌરવપૂર્ણ ઉપસ્થિતિએ કાર્યક્રમની શોભામાં વિશેષ વધારો કર્યો. તેમણે વિદ્યાર્થીઓના આત્મવિશ્વાસ, શિસ્ત અને કલાત્મક પ્રતિભાની પ્રશંસા કરી તથા શિક્ષણ સાથે સંસ્કારના મહત્વ પર ભાર મૂક્યો.
આ પ્રસંગે શાળાના માનનીય ચેરમેન શ્રી મુકેશભાઈ પટેલની પ્રેરણાદાયક હાજરી સમગ્ર કાર્યક્રમ માટે શક્તિસ્તંભ બની. એક દ્રષ્ટાવાન નેતા અને શિક્ષણક્ષેત્રે સમર્પિત માર્ગદર્શક તરીકે તેમણે હંમેશા સંસ્થાને શૈક્ષણિક ઉત્તમતા સાથે મૂલ્યઆધારિત શિક્ષણ તરફ દોરી છે.
કાર્યક્રમના Guest of Honour તરીકે પ્રખ્યાત ટીવી અભિનેત્રી શ્રીમતી મલ્લિકા સિંહ (રાધા) ને આમંત્રણ પાઠવવામાં આવ્યું હતું, જેને તેમણે અત્યંત સૌજન્ય અને ગૌરવ સાથે સ્વીકાર્યું. તેમણે શાળાના વાર્ષિક કાર્યક્રમમાં ઉપસ્થિત રહી CBSEના માતા-પિતા અને વિદ્યાર્થીઓને સંબોધ્યા અને “શ્યામ કી મહિમા” જેવા જીવંત કૃષ્ણ નાટકને સાકાર કરવા માટે વિદ્યાર્થીઓ અને શિક્ષકોના અવિરત પરિશ્રમ, સમર્પણ અને ટીમવર્કની હૃદયપૂર્વક પ્રશંસા કરી.
કાર્યક્રમ દરમિયાન વિદ્યાર્થીઓ દ્વારા લેવાયેલા ઇન્ટરવ્યુઝમાં તેમણે પોતાના અનુભવો શેર કર્યા. વિદ્યાર્થીઓએ જણાવ્યું કે કૃષ્ણ લીલાઓના અભિનય દ્વારા તેમણે શિસ્ત, આત્મવિશ્વાસ, ભક્તિભાવ અને સહકારની ભાવના શીખી.
માતા-પિતાએ પણ પોતાના અભિપ્રાયો વ્યક્ત કરતાં જણાવ્યું કે “શ્યામ કી મહિમા” માત્ર એક વાર્ષિક કાર્યક્રમ નહીં પરંતુ બાળકોના સર્વાંગી વિકાસનું સશક્ત મંચ છે, જ્યાં સંસ્કાર, સર્જનાત્મકતા અને આત્મવિશ્વાસનો સમન્વય થાય છે.
શાળાની માનનીય પ્રિન્સિપાલ શ્રીમતી એચ. ડુમાસિયા મેડમએ પોતાના સંબોધનમાં જણાવ્યું કે “શ્યામ કી મહિમા” દ્વારા વિદ્યાર્થીઓએ ભારતીય સંસ્કૃતિ અને ભક્તિને કલાત્મક અભિવ્યક્તિ સાથે સુંદર રીતે રજૂ કરી છે. તેમણે શિક્ષકો, વિદ્યાર્થીઓ અને માતા-પિતાના સહયોગ માટે હૃદયપૂર્વક આભાર વ્યક્ત કર્યો.
સમગ્ર કાર્યક્રમનું આયોજન શિક્ષણ તથા ગેર-શિક્ષણ સ્ટાફના અવિરત પરિશ્રમ, સુચારુ આયોજન અને ઉત્તમ સંકલનનું પ્રતિબિંબ હતું. કૃષ્ણ લીલાઓ, નૃત્ય, સંગીત અને નાટ્ય રજૂઆતો દ્વારા કાર્યક્રમ દર્શકોના હૃદયને સ્પર્શી ગયો અને સમગ્ર સભા તાળીઓના ગજગજાટથી ગુંજી ઉઠી.
આ ભક્તિમય અને પ્રેરણાદાયક સાંજ સૌના મનમાં અવિસ્મરણીય યાદો છોડી ગઈ. “શ્યામ કી મહિમા” ગુરુકૃપા વિદ્યાસંકુલ માટે સંસ્કાર, સમર્પણ અને શિક્ષણની દ્રષ્ટિનો ઉત્સવ બની હંમેશા યાદ રહેશે.
સ્કેટ કોલેજ ખાતે એઆઇ પર આધારિત કોન્કલેવનું સફળ આયોજન
સુરત: સાર્વજનિક એજ્યુકેશન સોસાયટી, સાર્વજનિક યુનિવર્સિટી, સાર્વજનિક કોલેજ ઓફ એન્જિનિયરિંગ એન્ડ ટેક્નોલોજી (SCET), સુરત દ્વારા તથા સાઉધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રી (SGCCI), સુરતના સહયોગથી, 9 જાન્યુઆરી, 2026ના રોજ સાર્વજનિક યુનિવર્સિટી કેમ્પસ, સુરતમાં એક દિવસીય “Artificial Intelligence (AI) કોન્ક્લેવ – ઇન્ડસ્ટ્રી અકેડેમિયા કનેક્ટ” નું સફળ આયોજન કરવામાં આવ્યું હતું. આ કોન્ક્લેવનો હેતુ Artificial Intelligence ક્ષેત્રમાં તાજેતરની પ્રગતિ અંગે જાગૃતિ ફેલાવવાનો તથા નિષ્ણાતો સાથેની ચર્ચા દ્વારા અકેડેમિયા અને ઉદ્યોગ જગત વચ્ચે સહકાર મજબૂત કરવાનો હતો। આ કાર્યક્રમમાં ફેકલ્ટી સભ્યો, વિદ્યાર્થીઓ અને સંશોધકો સહિત 150થી વધુ પ્રતિભાગીઓએ ઉત્સાહપૂર્વક ભાગ લીધો હતો.
કોન્ક્લેવ દરમિયાન ડૉ. કાર્મેલ મેરી એસ્થર (બેંગલુરુ) દ્વારા AI for Start-ups & the Innovation Ecosystem વિષય પર નિષ્ણાત વ્યાખ્યાન આપવામાં આવ્યું હતું, જેમાં તેમણે આર્ટિફિશિયલ ઇન્ટેલિજન્સના વિકાસક્રમ, આ ક્ષેત્રમાં થતી નવીનતાઓ તથા તેમની નવીન શોધ Zenarchē Engine અંગે વિસ્તૃત માહિતી આપી હતી તથા શ્રીમતી શિવાણી શર્મા દ્વારા ColumsproutAI નું લાઈવ ડેમો રજૂ કરવામાં આવ્યું, જેમાં AIના વ્યવહારુ ઉપયોગો દર્શાવવામાં આવ્યા. આ ઉપરાંત, ઇન્ટરએક્ટિવ પેનલ ચર્ચાનું આયોજન કરવામાં આવ્યું હતું, જેમાં બે ઉદ્યોગ નિષ્ણાતો સાથે સાર્વજનિક યુનિવર્સિટીના ડૉ. નિરાલી નાનાવટી અને ડૉ. યેશા મેહતા જોડાયા હતા. પેનલ ચર્ચાનું સંચાલન પ્રોફેસર (ડૉ.) સરોશ દસ્તૂર દ્વારા ઉત્સાહપૂર્વક કરવામાં આવ્યું હતું. આ ચર્ચામાં જનરેટિવ AIના ઉદય, નૈતિક મુદ્દાઓ, તેમજ વિદ્યાર્થીઓ અને ભાવિ એન્જિનિયરો દ્વારા AIનો જવાબદારીપૂર્વક ઉપયોગ કેવી રીતે કરવો તે અંગે મહત્વપૂર્ણ વિચારવિમર્શ કરવામાં આવ્યો હતો. આ કાર્યક્રમને ડૉ. વંદના શાહ, ડૉ. સારોશ દસ્તૂર અને તેમની ટીમ દ્વારા સફળતાપૂર્વક સંચાલિત કરવામાં આવ્યું.
પરમ વ્હીલ્સ મહહન્દ્રાએ અમદાવાદમા XUV 7XO અને XEV 9S લોન્દ્ચ કરી
અમદાવાદ (ગુજરાત) [ભારત], ૬ જાન્યુઆરી: પરમ વ્હીલ્સ મહિન્દ્રાએ બુધવારે અમદાવાદમાં મહિન્દ્રાની નવી SUV XUV 7XO અને XEV 9S લોન્ચ કરી. ગ્રાહકો, ઓટોમોબાઈલ રસિકોએ અને મીડિયાના લોકોએ પ્રતિનિધિઓએ પરમ વ્હીલ્સ મહિન્દ્રાના નરોડા શોરૂમની મુલાકાત લીધી, જ્યાં નવી લોન્ચ કાર્સના ફીચર ડેમો અને બુકિંગ માહિતી પૂરી પાડવામાં આવી.
XUV 7X0ને અદ્યતન ટેકનોલોજી અને સેફટી પર ખાસ ધ્યાન રાખી એક પ્રીમિયમ SUV તરીકે તૈયાર કરવામાં આવી છે. તેમાં લેવલ-2 ADAS, ટ્રિપલ-સ્ક્રીન ડિજિટલ કોકપીટ, ઉન્નત સલામતી સુવિધાઓ છે જે મહિન્દ્રાની નવી ઓળખ બની રહી છે. XEV 9S સાથે, મહિન્દ્રાએ ઓલ-ઇલેક્ટ્રિક સેવન-સીટર SUV સેગમેન્ટમાં પ્રવેશ કર્યો છે. INGLO EV પ્લેટફોર્મ પર બનેલ, આ SUV મલ્ટીપલ બેટરી, લાંબી રેન્જ, ઝડપી-ચાર્જિંગ સપોર્ટ અને જગ્યા ધરાવતી થ્રી રો સિટિંગ ફેસિલિટી આપે છે.
પરમ વ્હીલ્સ મહિન્દ્રા પરમ વ્હીલ્સ ગ્રુપનો ભાગ જે અમદાવાદની પ્રતિષ્ટિત ઑટોમોબાઇલ ડીલર છે, જેના સમગ્ર શહેરમાં અનેક આઉટલેટ છે. પરમ વ્હીલ્સ મહિન્દ્રા આફ્ટર સેલ્સ સર્વિસ અને ટ્રાન્સપરન્ટ સેલ્સ પ્રોસેસથી લોકોનો વિશ્વાસ જીતી જાણીતું બન્યું છે. પરમ વ્હીલ્સ મહિન્દ્રા છેલ્લા ઘણાં વર્ષોથી ગુજરાતમાં મહિન્દ્રાનું નામ ઉજ્જવળ કરી ગ્રાહકો સાથે સુમેળ સંબંધો બનાવી રહ્યું છે. તમે આ કાર્સ વિષે વધુ માહિતી માટે અને બુકીંગ કરાવવા અમારા નરોડા, વસ્ત્રાલ, નારોલ, અને મણિનગર શૉ-રૂમની મુલાકાત લઇ શકો છો.
ક્રેડાઈ સુરત દ્વારા આયોજિત “ચમ-ચમાતા સુરતમાં ધમ-ધમતું” GLAM સુરત પ્રોપર્ટી શો 2026ને ભવ્ય પ્રતિસાદ
- બે દિવસમાં 34 હજારથી વધુ મુલાકાતીઓ, આજે અંતિમ દિવસે મોટી સંખ્યામાં મુલાકાતીઓ પહોંચવાની આશા
સુરત: કદી ન અટકતા વિકાસ અને સતત વિસ્તરતા શહેર સુરતમાં ક્રેડાઈ સુરત દ્વારા આયોજિત GLAM સુરત પ્રોપર્ટી શો 2026ને શાનદાર પ્રતિસાદ મળી રહ્યો છે. “ચમ-ચમાતા સુરતમાં ધમ-ધમતું” થીમને સાકાર કરતો આ ભવ્ય પ્રોપર્ટી શોનો છઠી આવૃત્તિ 9 થી 11 જાન્યુઆરી 2026 દરમિયાન વનિતા વિશ્રામ ગ્રાઉન્ડ, અઠવા ખાતે યોજાઈ છે.
પ્રદર્શનના પ્રથમ બે દિવસમાં જ 34 હજારથી વધુ લોકો એ શોમાં હાજરી આપી છે. આયોજકોના જણાવ્યા અનુસાર રવિવારે અંતિમ દિવસ હોવાથી રેકોર્ડ બ્રેક જનમેદની ઉમટવાની શક્યતા છે. રિયલ એસ્ટેટમાં રોકાણ અને ઘર ખરીદી માટે શહેરવાસીઓમાં ભારે ઉત્સાહ જોવા મળી રહ્યો છે, જેના કારણે સમગ્ર સ્થળ ઉત્સવમય બની ગયું છે.
– “મળી જશે!” – દરેક સપનાની પ્રોપર્ટી એક જ છત નીચે
આ વર્ષે GLAM સુરત પ્રોપર્ટી શોનું મુખ્ય અભિયાન “મળી જશે!” લોકોને ખાસ આકર્ષી રહ્યું છે. સામાન્ય બજેટના ફ્લેટથી લઈને લક્ઝરી વિલા, સ્માર્ટ ઓફિસ, કમર્શિયલ સ્પેસ તથા ઇન્ડસ્ટ્રિયલ પ્લોટ સુધી દરેક વર્ગની જરૂરિયાતોને ધ્યાનમાં રાખી પ્રોજેક્ટ્સ રજૂ કરવામાં આવ્યા છે.
850થી વધુ ડેવલપર્સની હાજરી સાથે આ શો સુરતના GLAM એટલે કે Growth (વિકાસ), Luxury (વૈભવ), Amenities (સુવિધાઓ) અને Modernity (આધુનિકતા) ને મજબૂત રીતે પ્રદર્શિત કરે છે.
– ઘર ખરીદદારો અને રોકાણકારો માટે સુવર્ણ તક
GLAM પ્રોપર્ટી શોમાં અફોર્ડેબલ હાઉસિંગથી લઈને અલ્ટ્રા-લક્ઝરી સ્માર્ટ રેસિડેન્સ સુધીનું વિશાળ પોર્ટફોલિયો જોવા મળી રહ્યું છે. ક્રેડાઈ સાથે સંકળાયેલા ટોચના ડેવલપર્સ સાથે સીધો સંવાદ થવાથી ખરીદદારોમાં વિશ્વાસ અને પારદર્શિતા વધતી જોવા મળી રહી છે.
સાથે જ સુરતના ઝડપથી વિકસતા વિસ્તારોમાં દીર્ઘકાલીન રિટર્નની સંભાવનાઓને લઈને રોકાણકારોમાં વિશેષ રસ જોવા મળી રહ્યો છે.
30 વર્ષનો વિશ્વસનીય વારસો
ક્રેડાઈ સુરતના 30 વર્ષના પારદર્શક અને નૈતિક રિયલ એસ્ટેટ વ્યવસાયની છાપ આ ઇવેન્ટમાં સ્પષ્ટ દેખાઈ આવે છે. વર્ષ 2026ની આ આવૃત્તિ માત્ર ઇમારતો પૂરતી સીમિત નથી, પરંતુ ‘સસ્ટેનેબલ લિવિંગ’ની વિચારધારાને પણ મજબૂતીથી આગળ ધપાવે છે. ગ્રીન એનર્જી, જળ સંરક્ષણ અને ટેકનોલોજી આધારિત સુરક્ષા ધરાવતા પ્રોજેક્ટ્સ ખાસ આકર્ષણનું કેન્દ્ર બન્યા છે.
ક્રેડાઈ સુરતના પ્રવક્તાએ જણાવ્યું હતું કે, “સુરત સપનાઓ અને ઝડપી પરિવર્તનનું શહેર છે. GLAM સુરત પ્રોપર્ટી શો 2026 દ્વારા અમે એવું માહોલ સર્જી રહ્યા છીએ કે જ્યાં દરેક મુલાકાતી આ વિશ્વાસ સાથે પરત ફરે કે તેની સપનાની પ્રોપર્ટી તેને અહીં ‘મળી જશે’।”
લિટલ સ્કોલર્સ દ્વારા વાર્ષિક ઉત્સવનું આયોજન, બાળકો માટે હેતુસભર શિક્ષણનો અનોખો શોકેસ યોજાયો
સુરત. લિટલ સ્કોલર્સ દ્વારા શનિવારે પરફોર્મિંગ આર્ટ્સ સેન્ટર ખાતે સ્કૂલના એન્યુઅલ ફંક્શન અંતર્ગત વિશિષ્ટ શૈક્ષણિક કાર્યક્રમનું આયોજન કરવામાં આવ્યું હતું. કાર્યક્રમમાં સુરત શહેરમાં પ્રથમ વખત પ્રી-સ્કૂલ લેવલે જાપાનની ‘ઇકિગાઈ’ સંકલ્પનાનું પરિચય કરાવવામાં આવ્યો.
કાર્યક્રમ દરમિયાન ત્રણ વર્ષ જેટલા નાનાં બાળકો દ્વારા માર્ગ સલામતી, સાંસ્કૃતિક મૂલ્યો, ભાવનાત્મક સુખાકારી અને સામાજિક જવાબદારી જેવા વિષયો પર રજૂઆતો કરવામાં આવી. વાર્તાકથન, રોલ પ્લે અને સર્જનાત્મક અભિવ્યક્તિ દ્વારા બાળકો દ્વારા સામાજિક જાગૃતિનો સંદેશ આપવામાં આવ્યો હતો.
કાર્યક્રમના મુખ્ય આકર્ષણોમાં યુવા ઇન્ફ્લુએન્સર્સની હાજરી, લોકપ્રિય સામાજિક પરિસ્થિતિઓ પરથી પ્રેરિત મિની કેરેક્ટર પ્રસ્તુતિઓ તથા અનોખા અને અસામાન્ય વ્યવસાયોની ઝલક સામેલ હતી. સાથે જ સ્પોટલાઇટ વોક દ્વારા બાળકોના આત્મવિશ્વાસ અને વ્યક્તિત્વને ઉજાગર કરવામાં આવ્યા.
આ કાર્યક્રમ દ્વારા સ્પષ્ટ થયું કે આજના સમયમાં શિક્ષણ માત્ર અભ્યાસ પૂરતું નહીં પરંતુ બાળકોમાં ભાવનાત્મક બુદ્ધિમત્તા, સામાજિક જાગૃતિ અને આત્મવિશ્વાસ વિકસાવવામાં પણ મહત્વપૂર્ણ ભૂમિકા ભજવે છે.
ઓક્સફોર્ડ ઇગ્લિંશ હાઇસ્કુલ, સુરત – રમતગમત ક્ષેત્રે ઉત્કૃષ્ટ સિદ્ધિઓની ઉજવણી
ઓક્સફોર્ડ ઇગ્લિંશ હાઇસ્કુલ, સુરતે તાજેતરના શૈક્ષણિક સત્ર દરમિયાન વિદ્યાર્થીઓની રમતગમત ક્ષેત્રે નોંધપાત્ર સિદ્ધિઓની ગૌરવભેર ઉજવણી કરી હતી. આ સિદ્ધિઓ યુવા પ્રતિભાને પ્રોત્સાહન આપવાની, શિસ્ત વિકસાવવાની તથા રમતગમત દ્વારા સર્વાંગી વિકાસને પ્રોત્સાહિત કરવાની શાળાની મજબૂત પ્રતિબધ્ધતIનું પ્રતિબિંબ છે.
ખેલ મહાકુંભ જિલ્લા કક્ષાની ટિમ ગેમ સ્પર્ધા (અન્ડર-14 અને અન્ડર-17 બોયઝ, ગર્લ્સ) માં શાળાના વિદ્યાર્થીઓએ ઉત્કૃષ્ટ દ્રઢતા અને શક્તિ સાથે પ્રતિનિધિત્વ કર્યું. તેમની શાનદાર કામગીરીના પરિણામે ઝોન લેવલે પ્રથમ સ્થાન પ્રાપ્ત થયા, તેમજ દસ વિદ્યાર્થીઓ રાજ્ય કક્ષાની સ્પર્ધા માટે પસંદ થયા. તેમજ ચાર વિદ્યાર્થીઓ નેશનલેવલમાં સ્થાન પામેલ છે.
આ ઉપરાંત, ખેલ મહાકુંભ જિલ્લા કક્ષાની ખો-ખો સ્પર્ધા (અન્ડર-14, અન્ડર-17 ગર્લ્સ) માં શાળાના વિદ્યાર્થિનીઓએ ઝોન લેવલ પર પ્રથમ સ્થાન મેળવી તેમજ જિલ્લા કક્ષાએ દ્વિતીય સ્થાન મેળવી પોતાની ઉત્કૃષ્ટતા અને અડગ પરિશ્રમનું પ્રદર્શન કર્યું અને શાળાનું ગૌરવ વધાર્યું.
અમારી શાળાની ચાર વિદ્યાર્થીનીઓ લંગળી સ્પર્ધામાં રાષ્ટ્રીય લેવલ માટે પસંદ થયા અને સુવર્ણ પદક (પ્રથમ સ્થાન) પામેલ છે. જે તેમની રમતગમત યાત્રામાં એક મહત્વપૂર્ણ સિદ્ધિ છે.
આ બધી સિદ્ધિઓ માત્ર વિદ્યાર્થીનીઓની મહેનત અને સમર્પણનું જ નહીં, પરંતુ અમારા કોચિંગ સ્ટાફ અને નેતૃત્વની અવિરત મહેનત તથા નિષ્ણાત માર્ગદર્શનનું પણ ઉત્તમ પ્રમાણ છે. શાળાનાં કોચ આયુષ યાદવ, હંશાયું સર્યવંશી, રાકેશ પાટીલ તથા ઇનચાર્જ પ્રિન્સિપાલ શ્રીમતી રાજકુમારી ઇબેનેઝર સક્ષમ નેતૃત્વ હેઠળ અમારા ખેલાડીઓ જિલ્લા સ્તરે તેમજ રાષ્ટ્રીય સ્તરે સતત શ્રેષ્ઠ પ્રદર્શન કરી શાળાનું ગૌરવ વધારી રહ્યા છે.
આ સિદ્ધિઓ ઓક્સફોર્ડ ઇગ્લિંશ હાઇસ્કુલ,ઉધના, સુરતને રમતગમત ક્ષેત્રે ઉત્કૃષ્ટતા અને સર્વાંગી વિકાસના કેન્દ્ર તરીકે વધુ મજબૂત અને ઉજ્જ્વળ ઓળખ આપે છે.
ન્યૂ મોડેલ પબ્લિક ઇંગ્લિશ સ્કૂલમાં વાર્ષિક સ્પોર્ટ્સ ડે ઉત્સાહપૂર્વક સંપન્ન
સુરત. ડિંડોલી એસએમસી. તળાવ પાસે માનસરોવર સોસાયટી સ્થિત ન્યૂ મોડેલ પબ્લિક ઇંગ્લિશ સ્કૂલમાં ૭ થી ૮ જાન્યુઆરી સુધી વાર્ષિક સ્પોર્ટ્સ ડેનું સફળ આયોજન વિદ્યાલયના ગ્રાઉન્ડમાં કરવામાં આવ્યું હતું. આ આયોજનનો હેતુ વિદ્યાર્થીઓમાં શારીરિક ફિટનેસ, અનુશાસન તથા ટીમ ભાવનાનો વિકાસ કરવાનો હતો.
આ પ્રસંગે શાળાના એક નિષ્ઠાવાન વાલી શ્રી ભરત સુથાર મુખ્ય અતિથિ તરીકે ઉપસ્થિત રહ્યા હતા. વાલીઓની સહભાગિતાએ કાર્યક્રમને વધુ ગરિમામય બનાવ્યો હતો.
કાર્યક્રમની શરૂઆત ધ્વજારોહણ, માર્ચ પાસ્ટ, મશાલ પ્રજ્વલન તથા શપથ ગ્રહણ સાથે થઈ હતી. આ પ્રસંગે શાળાના ટ્રસ્ટી શ્રી ચંદ્રદેવ ગુપ્તા સર તથા આચાર્ય શ્રી જનાર્દન રાણા સરે પ્રેરણાદાયક ભાષણ આપ્યું, જેમાં તેમણે રમતોના મહત્વ પર વિસ્તારથી પ્રકાશ પાડતાં વિદ્યાર્થીઓના ઉજ્જ્વળ ભવિષ્યના નિર્માણમાં રમતોની ભૂમિકાને રેખાંકિત કરી હતી.
તમામ વર્ગોના વિદ્યાર્થીઓએ કબડ્ડી, ક્રિકેટ, ખો-ખો, દોડ, રિલે રેસ, ઓબ્સ્ટેકલ રેસ, શૉટ પુટ, ડિસ્કસ થ્રો તથા મ્યુઝિકલ ચેર જેવી વિવિધ રમતોમાં ઉત્સાહપૂર્વક ભાગ લીધો હતો. વિધાર્થિનીઓની સક્રિય ભાગીદારી ખાસ કરીને પ્રશંસનીય રહી હતી.
ખેલ સ્પર્ધામાં ટીમ આયુષ્માને બાળક કબડ્ડી તથા ટીમ નંદિનીએ બાળકી કબડ્ડીમાં વિજય પ્રાપ્ત કર્યો હતો. લોંગ જમ્પ અને ક્રિકેટમાં વિદ્યાર્થીઓએ ઉત્કૃષ્ટ પ્રદર્શન કરી શાળાનું નામ રોશન કર્યું હતું.
સ્પોર્ટ્સ ડેનું આયોજન તમામ શિક્ષકોના સમર્પિત સહયોગથી સફળતાપૂર્વક સંપન્ન થયું હતું. આયોજનની સુચારુ વ્યવસ્થામાં સુપરવાઇઝર મહેશ સર, રજની મેડમ તથા પ્રતીમા મેડમની સાથે-સાથે ડેવિડ સર, વેંકટેશ સર, અજય સર, ધીરજ સર, શિલ્પા મેડમ, છાયા મેડમ, કપિલા મેડમ, સ્નેહા મેડમ તથા મૌસમ રાય મેડમનું વિશેષ યોગદાન રહ્યું હતું, જેમના સમન્વય અને મેહનતથી રમતોનું આયોજન શિસ્તપૂર્વક સંપન્ન થયું હતું. કાર્યક્રમનું સમાપન ઇનામ વિતરણ તથા આભાર વ્યક્ત કરવા સાથે થયું હતું.
સાર્વજનિક યુનિવર્સિટીના એસસીસીસીએના પ્રોફેસરે એનએસએસટીએ ખાતે ‘ઓફિશિયલ સ્ટેટિસ્ટિક્સ’ તાલીમ પૂર્ણ કરી
સુરત. સાર્વજનિક યુનિવર્સિટી સંલગ્ન સાર્વજનિક કોલેજ ઓફ કોમર્સ એન્ડ કમ્પ્યુટર એપ્લિકેશન્સ સુરતના આંકડાશાસ્ત્ર વિભાગના સહાયક પ્રાધ્યાપક ડો. બન્ટી કિરીટકુમાર શાહે નેશનલ સ્ટેટિસ્ટિકલ સિસ્ટમ્સ ટ્રેનિંગ એકેડમી, ગ્રેટર નોઇડા ખાતે આયોજિત એક અઠવાડિક ઓફિશિયલ સ્ટેટિસ્ટિક્સ એક્સપોઝર ટ્રેનિંગ પ્રોગ્રામ સફળતાપૂર્વક પૂર્ણ કર્યો છે.
આ તાલીમ કાર્યક્રમ ભારત સરકારના MoSPI હેઠળની NSSTA દ્વારા 15થી 20 ડિસેમ્બર, 2025 દરમિયાન આયોજિત કરવામાં આવ્યો હતો. આ કાર્યક્રમનો મુખ્ય હેતુ યુનિવર્સિટી અને કોલેજના પ્રાધ્યાપકોને ભારતીય ઓફિશિયલ સ્ટેટિસ્ટિકલ સિસ્ટમ, ડેટા સોર્સિસ અને તેમની શૈક્ષણિક તથા સંશોધનક્ષેત્રે ઉપયોગિતાની વિસ્તૃત સમજ આપવાનો હતો.
તાલીમ દરમિયાન ભારતીય આંકડાકીય વ્યવસ્થાની રચના, નેશનલ અકાઉન્ટ્સ સિસ્ટમ, ભાવ સૂચકાંક (પ્રાઇસ સ્ટેટિસ્ટિક્સ), સેન્સસ અને લોકસાંખ્યિક સૂચકો, એનએસએસ અને એનએફએચએસ સર્વે, એડમિનિસ્ટ્રેટિવ તથા અલ્ટરનેટિવ ડેટા સોર્સિસ સહિત e-Sankhyiki અને માઇક્રોડેટા કેટલોગ જેવા ડિજિટલ પ્લેટફોર્મ અંગે માર્ગદર્શન આપવામાં આવ્યું હતું. MoSPIના વિવિધ વિભાગોના નિષ્ણાત અધિકારીઓ દ્વારા લેવામાં આવેલા સત્રોએ તાલીમને અત્યંત ઉપયોગી અને વ્યવહારુ બનાવી હતી.
ડો. બન્ટી શાહે જણાવ્યું હતું કે, આ તાલીમથી મળેલું જ્ઞાન ભવિષ્યમાં શિક્ષણ કાર્ય, અભ્યાસક્રમ સમૃદ્ધિકરણ અને સંશોધન પ્રવૃત્તિઓમાં ઉપયોગી બનશે તેમજ વિદ્યાર્થીઓને ઓફિશિયલ સ્ટેટિસ્ટિક્સ સંબંધિત સંશોધન અને કારકિર્દી માટે પ્રોત્સાહન મળશે.
આ તાલીમ પૂર્ણ કર્યા બાદ ડો. શાહે તાલીમ પૂર્ણતા પ્રમાણપત્ર, હાજરી પ્રમાણપત્ર તથા તાલીમ અહેવાલ SCCCAના ઇન્ચાર્જ પ્રિન્સિપાલ સમક્ષ રજૂ કર્યા છે અને તેને સાર્વજનિક યુનિવર્સિટીમાં પણ મોકલવા વિનંતી કરવામાં આવી છે.
સ્કોલર ઇંગ્લિશ એકેડમીની પહેલ : સુરતમાં જોવા મળશે ભવિષ્યનું ભારત
‘પ્રિઝ્મા 1.0’માં શાળાના બાળકો રજૂ કરશે સ્ટાર્ટઅપ, તાઈવાનના રોબોટ સાથે થશે સીધી વાતચીત
સુરત. ડિજિટલ યુગમાં વધતા ‘કૉપી-પેસ્ટ’ કલ્ચરથી બાળકોને બહાર કાઢી તેમને મૌલિક વિચાર, ઇનોવેશન અને વ્યવહારુ અનુભવ સાથે જોડવાના હેતુથી સ્કોલર ઇંગ્લિશ એકેડમી (CBSE) દ્વારા સુરતમાં એક અનોખો શૈક્ષણિક કાર્યક્રમ એટલે કે ઇનોવેશન ફેસ્ટનું આયોજન કરવામાં આવી રહ્યું છે. આગામી 4 જાન્યુઆરી, રવિવારના રોજ સિટીલાઈટ સ્થિત સાયન્સ સેન્ટરમાં ‘પ્રિઝ્મા 1.0’ નામથી યોજાનારા આ ઇનોવેશન ફેસ્ટ દ્વારા શાળાના બાળકો ભવિષ્યની ઝલક રજૂ કરશે. બપોરે 3 વાગ્યાથી રાત્રે 8 વાગ્યા સુધી ચાલનારો આ કાર્યક્રમ સુરતના તમામ સ્કૂલોના વિદ્યાર્થીઓ અને વાલીઓ માટે સંપૂર્ણપણે નિઃશુલ્ક રાખવામાં આવ્યો છે.
આયોજકોના જણાવ્યા અનુસાર આ કાર્યક્રમ માત્ર પ્રદર્શન નથી, પરંતુ બાળકોની વિચારશક્તિ, કલ્પનાશક્તિ અને આત્મવિશ્વાસને મંચ આપવાનો પ્રયાસ છે.
આ અંગે સ્કોલર ઇંગ્લિશ એકેડમીના ટ્રસ્ટી રાજેશ મહેશ્વરીએ જણાવ્યું હતું કે આર્ટિફિશિયલ ઇન્ટેલિજન્સના વધતા ઉપયોગને કારણે બાળકોમાં સ્વયં વિચારવાની અને પ્રયોગ કરવાની પ્રવૃત્તિમાં ઘટાડો જોવા મળી રહ્યો છે. આ પડકારને ધ્યાનમાં રાખીને ‘પ્રિઝ્મા 1.0’ને સંપૂર્ણપણે ઓફલાઈન પ્રવૃત્તિઓ પર આધારિત રાખવામાં આવ્યો છે, જ્યાં બાળકો પોતાના હાથોથી તૈયાર કરેલા સાયન્સ પ્રોજેક્ટ્સ, એઆઈ મોડલ્સ અને ઇનોવેટિવ આઈડિયાઝ રજૂ કરશે.
કાર્યક્રમની ખાસ બાબત એ રહેશે કે શાળાના બાળકો પ્રથમ વખત મંચ પરથી પોતાના સ્ટાર્ટઅપ અને બિઝનેસ આઈડિયાઝ સામાન્ય લોકો સામે રજૂ કરશે. સાથે જ તાઈવાનથી આવનાર એક વિશેષ રોબોટ બાળકો સાથે વાતચીત કરશે અને તેમની સાથે ફોટો પણ ખેંચાવશે, જે આકર્ષણનું કેન્દ્ર બનશે.
આ જ કાર્યક્રમમાં એકેડમીના નાનાં વિદ્યાર્થીઓ પોડકાસ્ટ અંતર્ગત શહેરના ક્લાસ-1 અધિકારીઓ અને જનપ્રતિનિધિઓના લાઈવ ઈન્ટરવ્યુ લેશે, જેને પોડકાસ્ટ સ્વરૂપે રજૂ કરવામાં આવશે. બાળકોની સર્જનાત્મકતાને મંચ આપવા માટે આર્ટ ગેલેરી પણ તૈયાર કરવામાં આવશે, જેમાં તેમની બનાવેલી પેઇન્ટિંગ્સ અને કલાકૃતિઓનું પ્રદર્શન થશે.
ટેકનોલોજી અને ઇનોવેશન સાથે સાથે કાર્યક્રમમાં સાંસ્કૃતિક રંગ પણ જોવા મળશે. એમ્ફિથિયેટરમાં આખો સમય સિંગિંગ, ડાન્સ અને નાટક જેવા કાર્યક્રમો ચાલતા રહેશે, જેથી આ આયોજન માત્ર શૈક્ષણિક જ નહીં પરંતુ પારિવારિક મનોરંજનનું કેન્દ્ર પણ બનશે.
આયોજકોના જણાવ્યા અનુસાર આ કાર્યક્રમ કોઈ એક સ્કૂલ સુધી સીમિત નથી, પરંતુ તેને સમગ્ર શહેર માટે ‘ઓપન ફોર ઑલ’ રાખવામાં આવ્યો છે. ભૂગર્ભ પાર્કિંગ અને સાયન્સ સેન્ટરનું ખુલ્લું વાતાવરણ તેને રવિવારે સપરિવાર ફરવા, શીખવા અને બાળકોની પ્રતિભા જોવા માટે ઉત્તમ તક બનાવે છે.
રીલ જોવા માટેની એક અનોખી સ્પર્ધા પણ યોજાશે, સાથે જ ડોક્ટરોની ટીમ પોતાનો રિપોર્ટ પણ રજૂ કરશે.
સાર્વજનિક યુનિવર્સિટીમાં ખાતે દિવસીય R&D અવેરનેસ અને કેપેસિટી બિલ્ડિંગ વર્કશોપનો યોજાયો
સુરત. સાર્વજનિક યુનિવર્સિટીના રિસર્ચ એન્ડ ડેવલપમેન્ટ સેલ (SU-RDC) દ્વારા તારીખ ૫ અને ૬ જાન્યુઆરી, ૨૦૨૬ના રોજ “R&D Awareness and Capacity Building” વિષય પર બે દિવસીય વર્કશોપનું આયોજન કરવામાં આવ્યું હતું. શિક્ષણક્ષેત્રના અધ્યાપકો, સંશોધન વિદ્વાનો, વિદ્યાર્થીઓ તથા ઉદ્યોગજગત સાથે જોડાયેલા વ્યાવસાયિકોમાં સંશોધન અને વિકાસ અંગે જાગૃતિ ફેલાવવી તેમજ તેમની સંશોધન ક્ષમતાઓને મજબૂત બનાવવાનો આ વર્કશોપનો મુખ્ય ઉદ્દેશ હતો.
વર્કશોપનો પ્રારંભ દીપ પ્રાગટ્ય સાથે કરવામાં આવ્યો હતો. ઉદ્ઘાટન સત્રમાં સાર્વજનિક યુનિવર્સિટીના પ્રમુખ શ્રી આશિષ વકીલ તથા પ્રોવોસ્ટ ડૉ. કિરણ પંડયા, STPL (Sahajanand Technologies Private Limited)ના ડિરેક્ટર શ્રી રાહુલ ગાયવાલા મુખ્ય અતિથિ તરીકે ઉપસ્થિત રહ્યા હતા. ઉપસ્થિત મહેમાનોએ સંશોધન આધારિત શિક્ષણ અને યુનિવર્સિટીમાં R&D સંસ્કૃતિ વિકસાવવાની જરૂરિયાત પર ભાર મૂક્યો હતો.
વર્કશોપના પ્રથમ સત્રમાં IIT મંડીના સ્કૂલ ઓફ કમ્પ્યુટિંગ એન્ડ ઇલેક્ટ્રિકલ એન્જિનિયરિંગના પ્રોફેસર અર્ણવ ભાવસારે R&D પ્રક્રિયા, પ્રોજેક્ટ પ્રસ્તાવ તૈયાર કરવાની રીત, ફંડિંગના વિવિધ સ્ત્રોતો અને સંશોધન માટે ઉપલબ્ધ સંસાધનો અંગે વિગતવાર માર્ગદર્શન આપ્યું હતું.
નિરમા યુનિવર્સિટીની ફેકલ્ટી ઓફ સાયન્સના પ્રોફેસર ડૉ. વિજય કોઠારીએ સંશોધન ગ્રાન્ટ માટે પ્રસ્તાવ કેવી રીતે તૈયાર કરવો, ફંડિંગ એજન્સીઓની અપેક્ષાઓ અને સફળ પ્રપોઝલના મહત્વના મુદ્દાઓ પર ચર્ચા કરી હતી. જ્યારે એમ.એસ. યુનિવર્સિટીના માઇક્રોબાયોલોજી વિભાગના પ્રોફેસર ડૉ. દેવર્ષિ ગજ્જરે સંશોધન પ્રપોઝલ લખાણ અને સબમિશન પ્રક્રિયા અંગે વ્યવહારુ માહિતી આપી હતી.
આ ઉપરાંત આઇપી સિક્યુર સર્વિસિસના સ્થાપક ડૉ. (Er.) અનિશ ગાંધી દ્વારા બૌદ્ધિક સંપત્તિ અધિકાર (IPR), પેટન્ટ ફાઇલિંગ, ટેક્નોલોજી ટ્રાન્સફર અને સંશોધન પરિણામોને સુરક્ષિત રાખવાના મુદ્દાઓ પર માર્ગદર્શન આપવામાં આવ્યું હતું.
SVNIT, સુરતના પ્રોફેસર ડૉ. ધીરેન પટેલે ભારત માટે ડીપ-ટેક ઇનોવેશનની તકો અને પડકારો પર પ્રકાશ પાડ્યો હતો.
સહજનંદ મેડિકલ ટેક્નોલોજીઝના આસિસ્ટન્ટ વાઇસ પ્રેસિડેન્ટ શ્રી અંકુર રાવલ તથા સિનિયર મેનેજર શ્રી પાર્થ નાયકે ઉત્પાદન જીવનચક્ર (Production Life Cycle) વિષય પર ખાસ કરીને સ્ટેન્ટ મેન્યુફેક્ચરિંગ પ્રક્રિયાને ઉદાહરણરૂપ રજૂ કરી હતી. SVNITના મિકેનિકલ એન્જિનિયરિંગ વિભાગના પ્રોફેસર ડૉ. હર્ષિત દવેએ સંશોધન ગ્રાન્ટ મેળવવાની પ્રક્રિયા, તેની વ્યાપકતા અને મંજૂરીની રીતો અંગે માહિતી આપી હતી.
વર્કશોપના અંતિમ સત્રમાં સહજનંદ ટેક્નોલોજીઝ પ્રાઇવેટ લિમિટેડના ડિરેક્ટર શ્રી રાહુલ ગાયવાલાએ ટેક્નોલોજી કોમર્શિયલાઇઝેશન, લાઇસન્સિંગ અને ટેક્નોલોજી ટ્રાન્સફર માટેની વ્યૂહરચનાઓ અંગે માર્ગદર્શન આપ્યું હતું.
વર્કશોપ અંતર્ગત R&D પ્રક્રિયા, સ્પોન્સર્ડ અને સીડ ગ્રાન્ટ પ્રપોઝલ, ડીપ-ટેક ઇનોવેશનના પડકારો, પ્રોટોટાઇપ વિકાસ અને તેની માન્યતા જેવા મહત્વપૂર્ણ વિષયો પર પણ ચર્ચા કરવામાં આવશે. આ વર્કશોપથી સંશોધકો અને વિદ્યાર્થીઓને સંશોધન ક્ષેત્રે નવી દિશા અને પ્રેરણા મળશે તેવી અપેક્ષા વ્યક્ત કરવામાં આવી છે.