Posts by: abhay_news_editor
પીએમ-સેતુ યોજના હેઠળ સુરતની પાંચ સરકારી આઈટીઆઈના આધુનિકીકરણ માટે એએમ/એનએસ ઇન્ડિયાએ ભાગીદારી કરાર પર હસ્તાક્ષર કર્યા
સુરત – હજીરા, ઑક્ટોબર 12, 2026: આર્સેલરમિત્તલ અને નિપ્પોન સ્ટીલના સંયુક્ત સાહસ એએમ/એનએસ ઇન્ડિયાએ પ્રધાનમંત્રી કૌશલ્ય અને રોજગારક્ષમતા પરિવર્તન યોજના (પીએમ-સેતુ) હેઠળ સુરત ક્લસ્ટરની પાંચ સરકારી ઔદ્યોગિક તાલીમ સંસ્થાઓ (આઈટીઆઈ)ના આધુનિકીકરણ માટે ભારત સરકાર અને ગુજરાત સરકાર સાથે હિસ્સેદારી કરાર પર હસ્તાક્ષર કર્યા છે.
આ કરાર દ્વારા એએમ/એનએસ ઇન્ડિયા, કેન્દ્ર સરકાર અને ગુજરાત સરકાર વચ્ચે મંજૂર રોકાણ યોજનાના અમલીકરણ માટેની ભાગીદારીને ઔપચારિક સ્વરૂપ આપવામાં આવ્યું છે. આગામી તબક્કામાં આઈટીઆઈના આધુનિકીકરણ અને સંચાલન માટે વિશેષ હેતુ કંપની (એસપીવી)ની રચના કરવામાં આવશે. તેમાં એએમ/એનએસ ઇન્ડિયાની ૫૧ ટકા ભાગીદારી રહેશે, જ્યારે કેન્દ્ર સરકાર અને ગુજરાત સરકારની ભાગીદારી ૨૪.૫ ટકા લેખે રહેશે.
આ કરાર સુરત ક્લસ્ટર માટે મંજૂર કરાયેલી વ્યૂહાત્મક રોકાણ યોજનાને તાલીમ સુવિધાઓ, અભ્યાસક્રમો અને શિક્ષણ પદ્ધતિમાં સુધારા દ્વારા અમલમાં મૂકવાની દિશામાં મહત્ત્વપૂર્ણ પગલું છે. આ યોજનામાં સંસ્થાઓના આધુનિકીકરણ અને તેના માટે કરવામાં આવનારા રોકાણની વિગતો નક્કી કરવામાં આવી છે.
રૂ. ૨૪૦ કરોડના મંજૂર રોકાણ સાથેનો આ પ્રોજેક્ટ પાંચેય આઈટીઆઈમાં અભ્યાસ કરતા યુવાનોની રોજગારક્ષમતા વધારવાનો ઉદ્દેશ ધરાવે છે. આધુનિક તાલીમ સુવિધાઓ, અદ્યતન અભ્યાસક્રમો અને વ્યવહારુ તાલીમ દ્વારા વિદ્યાર્થીઓને ઉત્પાદન ક્ષેત્ર તથા આ વિસ્તારના સંબંધિત ઉદ્યોગોમાં રોજગાર મેળવવા માટે જરૂરી કૌશલ્યો વિકસાવવામાં મદદ મળશે.
કેબિનેટ મંત્રી શ્રી કુંવરજીભાઈ બાવળિયા, શ્રમ, કૌશલ્ય વિકાસ અને રોજગાર વિભાગ, ગુજરાતના જણાવ્યાનુસાર, “ગુજરાતનો ઔદ્યોગિક વિકાસ આપણા યુવાનો માટે રોજગારીની નવી તકો ઊભી કરતો રહે તે જરૂરી છે. એએમ/એનએસ ઇન્ડિયા સાથેની આ ભાગીદારી સુરત ક્લસ્ટરની પાંચ સરકારી આઈટીઆઈમાં તાલીમને વધુ મજબૂત બનાવશે અને વિદ્યાર્થીઓને ઉદ્યોગોની જરૂરિયાત મુજબનાં કૌશલ્યો પ્રાપ્ત કરવામાં મદદ કરશે. ટેકનિકલ શિક્ષણને ઉદ્યોગો સાથે વધુ નજીકથી જોડીને અમારો ઉદ્દેશ યુવાનોની રોજગારક્ષમતા વધારવાનો અને રાજ્યના ઔદ્યોગિક વિકાસનો લાભ સ્થાનિક યુવાનો સુધી પહોંચાડવાનો છે.”
શ્રી આશુતોષ તેલાંગ, ડિરેક્ટર અને વાઈસ પ્રેસિડન્ટ – હ્યુમન રિસોર્સિઝ અને એડમિનિસ્ટ્રેશન, એએમ/એનએસ ઈન્ડિયાએ જણાવ્યું હતું કે, “પ્રદેશના યુવાનોની રોજગારક્ષમતા વધારવી એ એએમ/એનએસ ઇન્ડિયાનો મુખ્ય ઉદ્દેશ છે. આ ભાગીદારી હેઠળ અમે અમારા ઉત્પાદન ક્ષેત્રના અનુભવ અને ન્યૂ એજ મેકર્સ ઇન્સ્ટિટ્યૂટ ઑફ ટેક્નોલોજી (નેમટેક)ની ટેકનિકલ શિક્ષણ ક્ષેત્રની નિપુણતાને સુરત ક્લસ્ટરની પાંચ સરકારી આઈટીઆઈ સુધી પહોંચાડીશું. વધુ સારી સુવિધાઓ, વ્યવહારુ તાલીમ અને પ્રશિક્ષકોની તાલીમને મજબૂત બનાવવાથી વિદ્યાર્થીઓ ઉદ્યોગોની જરૂરિયાત મુજબનાં કૌશલ્યો વિકસાવી શકશે. આનાથી તેઓ ઉત્પાદન ક્ષેત્ર અને સંબંધિત ઉદ્યોગોમાં રોજગાર માટે તૈયાર થશે તેમજ સ્થાનિક સ્તરે કુશળ માનવબળની ઉપલબ્ધતા પણ વધશે.”
એએમ/એનએસ ઇન્ડિયા તેના શૈક્ષણિક અને ટેકનિકલ ભાગીદાર ન્યૂ એજ મેકર્સ ઇન્સ્ટિટ્યૂટ ઑફ ટેક્નોલોજી (નેમટેક) સાથે મળીને આ પ્રોજેક્ટનો અમલ કરશે. આ અંતર્ગત તાલીમ સુવિધાઓનું આધુનિકીકરણ, વર્તમાન અભ્યાસક્રમોમાં સુધારા, નવા વ્યવસાયલક્ષી તાલીમ અભ્યાસક્રમો શરૂ કરવા અને પ્રશિક્ષકોની તાલીમને વધુ મજબૂત બનાવવા જેવા કાર્યો કરવામાં આવશે.
આ સુધારાઓના પરિણામે વિદ્યાર્થીઓને કાર્યસ્થળ પર ઉપયોગમાં લેવાતાં સાધનો અને પદ્ધતિઓ સાથે તાલીમ મેળવવાની વધુ તકો મળશે. વ્યવહારુ તાલીમ દ્વારા તેઓ વર્ગખંડમાં મેળવેલા જ્ઞાનનો વાસ્તવિક પરિસ્થિતિઓમાં ઉપયોગ કરી શકશે અને ટેકનિકલ કામગીરી કરવામાં આત્મવિશ્વાસ કેળવી શકશે. પ્રશિક્ષકોને પણ તેમનું ટેકનિકલ જ્ઞાન અને શિક્ષણ કૌશલ્ય વધારવા માટે તાલીમ આપવામાં આવશે.
આ પ્રોજેક્ટ હેઠળ પાંચ સરકારી આઈટીઆઈનો સમાવેશ કરવામાં આવ્યો છે, જેમાં સરકારી આઈટીઆઈ, સુરત; સરકારી આઈટીઆઈ, હજીરા; સરકારી આઈટીઆઈ, બારડોલી; સરકારી મહિલા આઈટીઆઈ, સચિન અને સરકારી મહિલા આઈટીઆઈ, સુરતનો સમાવેશ થાય છે. સરકારી આઈટીઆઈ, સુરત મુખ્ય તાલીમ કેન્દ્ર તરીકે કાર્ય કરશે અને સંયુક્ત સુવિધાઓ તથા સંસાધનો દ્વારા અન્ય ચાર સંસ્થાઓને સહયોગ આપશે.
તાલીમને ઉદ્યોગોની જરૂરિયાતો સાથે વધુ સુસંગત બનાવવાથી વિદ્યાર્થીઓને રોજગાર માટે તૈયાર કરવામાં મદદ મળશે અને નોકરીદાતાઓને જરૂરી કૌશલ્ય ધરાવતા ઉમેદવારો મળી શકશે. આ આધુનિકીકરણથી બંને મહિલા આઈટીઆઈમાં અભ્યાસ કરતી વિદ્યાર્થિનીઓને પણ લાભ થશે અને તેમને ટેકનિકલ ક્ષેત્રમાં કારકિર્દી બનાવવા માટે વધુ સારી રીતે તૈયાર થવામાં મદદ મળશે.
ગુજરાતમાં થયેલો આ કરાર પીએમ-સેતુ યોજના હેઠળ એએમ/એનએસ ઇન્ડિયા દ્વારા કરવામાં આવેલા બે અલગ-અલગ હિસ્સેદારી કરારોમાંથી એક છે. બીજો કરાર આંધ્રપ્રદેશના વિશાખાપટ્ટનમ ક્લસ્ટરની ચાર સરકારી આઈટીઆઈના આધુનિકીકરણ માટે કરવામાં આવ્યો છે. બંને પ્રોજેક્ટ હેઠળ કુલ નવ આઈટીઆઈનો સમાવેશ થાય છે, જેમાં કુલ રૂ. ૪૪૦ કરોડનું રોકાણ મંજૂર કરવામાં આવ્યું છે.
પીએમ-સેતુ ભારત સરકારની એક પહેલ છે, જેના માટે કુલ રૂ. ૬૦,૦૦૦ કરોડની જોગવાઈ કરવામાં આવી છે. આ યોજનાનો ઉદ્દેશ ઉદ્યોગોની ભાગીદારીથી દેશની ૧,૦૦૦ સરકારી આઈટીઆઈનું આધુનિકીકરણ કરવાનો અને પાંચ રાષ્ટ્રીય કૌશલ્ય તાલીમ સંસ્થાઓને મજબૂત બનાવવાનો છે, જેથી યુવાનોને રોજગાર માટે જરૂરી વ્યવહારુ કૌશલ્યો પ્રાપ્ત કરવામાં મદદ મળી શકે.
ભારતમાં પ્રથમ વખત ડર્મેટોલોજિસ્ટ ડૉ. જગદીશ સખીયા દ્વારા તૈયાર કરાયેલી એક્સક્લુઝિવ ફેશિયલ કિટનું લોન્ચિંગ
૬ લાખથી વધુ દર્દીઓના અનુભવ અને ૩૦ વર્ષની નિષ્ણાતીથી ભારતીય ત્વચા માટે તૈયાર ‘એસએસસી ઇન્સ્ટા ગ્લો મેડીફેસિયલ’,
સુરત: ભારતમાં પહેલીવાર ભારતીય ત્વચાને ધ્યાનમાં રાખીને ડર્મેટોલોજિસ્ટ ડૉ. જગદીશ સખીયા દ્વારા ફોર્મ્યુલેટ કરવામાં આવેલી એક્સક્લુઝિવ ફેશિયલ કિટ મહિલા અને પુરોશો માટે લોન્ચ કરવામાં આવી છે. સખિયા સ્કિન ક્લિનિકના ચીફ ડર્મેટોલોજિસ્ટ ડૉ. જગદીશ સખીયાના આશરે ૩૦ વર્ષના અનુભવ અને ૬ લાખથી વધુ દર્દીઓની ત્વચા સંબંધિત સારવારના અનુભવના આધારે તૈયાર કરવામાં આવેલું ‘એસએસસી ઇન્સ્ટા ગ્લો મેડીફેસિયલ’ આજે ૯ સપ્ટેમ્બરના રોજ લોન્ચ કરવામાં આવ્યું છે. ચાર સ્ટેપ ધરાવતું આ સિંગલ યુઝ પ્રોફેશનલ મેડીફેસિયલ ત્વચાને ક્લેન્ઝ, એક્સફોલિએટ, બ્રાઇટન અને હાઇડ્રેટ કરવાની પ્રક્રિયા દ્વારા ત્વચાને ઇન્સ્ટન્ટ ગ્લો અને સ્મૂથ દેખાવ આપવા માટે તૈયાર કરવામાં આવ્યું છે.
ભારતમાં દર મહિને ફેશિયલનું વિશાળ માર્કેટ હોવા છતાં ભારતીય ત્વચાને ધ્યાનમાં રાખીને ડર્મેટોલોજિસ્ટ ડૉ. જગદીશ સખીયા દ્વારા તૈયાર કરવામાં આવેલી એક્સક્લુઝિવ ફેશિયલ કિટની ઉપલબ્ધતા મર્યાદિત હોવાનું ક્લિનિકનું કહેવું છે. ક્લિનિકના અંદાજ મુજબ ભારતમાં દર મહિને પાર્લરમાં આશરે ૨.૫થી ૩ કરોડ, ક્લિનિકમાં ૨૫થી ૩૦ લાખ અને ઘરે જઈને કરાવવામાં આવતા ૫થી ૧૦ લાખ ફેશિયલ થાય છે. આટલા મોટા બજાર વચ્ચે ભારતીય ત્વચા માટે ડર્મેટોલોજિસ્ટની નિષ્ણાતીથી તૈયાર કરાયેલી ફેશિયલ કિટ તરીકે ‘એસએસસી ઇન્સ્ટા ગ્લો મેડીફેસિયલ’ને પ્રથમ વખત રજૂ કરવામાં આવી છે.
આ મેડીફેસિયલમાં ચાર સ્ટેપનો સમાવેશ થાય છે, જેમાં ક્લેન્ઝર, એક્સફોલિએટર, બ્રાઇટનર અને હાઇડ્રેટરનો સમાવેશ થાય છે. તેમાં ગ્લાઇકોલિક એસિડ, એઝેલેઇક એસિડ, સેલિસિલિક એસિડ, મેન્ડેલિક એસિડ, લેક્ટિક એસિડ, આલ્ફા આર્બ્યુટિન, લ્યુમિફ્લોરા પિયોની એક્સટ્રેક્ટ અને ડર્માવાઇટ ડબલ્યુએફ જેવા એક્ટિવ ઇન્ગ્રેડિયન્ટ્સનો ઉપયોગ કરવામાં આવ્યો છે. આ ઘટકો ડેડ સ્કિન અને બિલ્ડઅપ ઘટાડવા, ત્વચાનું ટેક્સચર સુધારવા, ત્વચાને વધુ બ્રાઇટ અને ઇવન દેખાવ આપવા તેમજ સ્મૂથનેસ અને હાઇડ્રેશનને સપોર્ટ કરવા માટે પસંદ કરવામાં આવ્યા છે. ડૉ. જગદીશ સખીયાના જણાવ્યા મુજબ તેમાં ઉપયોગમાં લેવાયેલા ઘટકોમાં અમેરિકાથી મેળવવામાં આવેલા ઇન્ગ્રેડિયન્ટ્સનો પણ સમાવેશ થાય છે.
વધુમાં ડૉ. સખીયાએ જણાવ્યું હતું કે, “લગભગ ૩૦ વર્ષના ડર્મેટોલોજી ક્ષેત્રના અનુભવ અને ૬ લાખથી વધુ દર્દીઓની ત્વચા સંબંધિત સારવારના અનુભવને આધારે ભારતીય ત્વચાની જરૂરિયાતને ધ્યાનમાં રાખીને ‘એસએસસી ઇન્સ્ટા ગ્લો મેડીફેસિયલ’ તૈયાર કરવામાં આવ્યું છે. દેશમાં ફેશિયલનો મોટો બજાર હોવા છતાં ડર્મેટોલોજિસ્ટ દ્વારા ભારતીય ત્વચા માટે ખાસ ફોર્મ્યુલેટ કરવામાં આવેલી એક્સક્લુઝિવ ફેશિયલ કિટનો અભાવ હતો. આ ગેપને પૂર્ણ કરવાના પ્રયાસરૂપે અમે આ મેડીફેસિયલ લોન્ચ કર્યું છે.
‘એસએસસી ઇન્સ્ટા ગ્લો મેડીફેસિયલ’ ૯ સપ્ટેમ્બરથી સખિયા સ્કિન ક્લિનિક દ્વારા ઉપલબ્ધ કરવામાં આવ્યું છે. તેની મહત્તમ છૂટક કિંમત રૂ. ૪,૯૯૯ રાખવામાં આવી છે, જ્યારે લોન્ચના અવસરે મર્યાદિત સમય માટે ૫૦ ટકા ઇન્ટ્રોડક્ટરી ઓફર જાહેર કરવામાં આવી છે. મેડીફેસિયલ અંગે વધુ માહિતી અને એપોઇન્ટમેન્ટ માટે ૧૮૦૦ ૧૨૦૦ ૭૦૦૦૦ નંબર પર સંપર્ક કરી શકાશે.
સિદ્ધાર્થ રાંદેરિયા, કલામંદિર જ્વેલર્સના બ્રાન્ડ એમ્બેસેડર
પરંપરા, વિશ્વાસ અને પેઢીઓથી ચાલતા સંબંધોની બે વિરાસતોનું થયું મિલન સુરત (ગુજરાત) [ભારત], ઑક્ટોબર 9: ભારતની અગ્રણી જ્વેલરી રિટેલ ચેઇન કલામંદિર જ્વેલર્સે જાણીતા ગુજરાતી રંગમંચ અને ફિલ્મ જગતના દિગ્ગજ સિદ્ધાર્થ રાંદેરિયાને પોતાના નવા બ્રાન્ડ એમ્બેસેડર તરીકે નિયુક્ત કર્યા છે. આ ભાગીદારી બે એવી વિરાસતોને એક મંચ પર લાવી રહી છે, જેનો પાયો પરંપરા, વિશ્વાસ અને ગ્રાહકો સાથેના મજબૂત સંબંધો પર આધારિત છે. એક તરફ જ્વેલરી ઉદ્યોગમાં કલામંદિર જ્વેલર્સની ચાર દાયકાની સફર છે, તો બીજી તરફ ગુજરાતી રંગમંચ અને મનોરંજન જગતમાં સિદ્ધાર્થ રાંદેરિયાનું પાંચ દાયકાથી વધુનું વિશિષ્ટ યોગદાન રહ્યું છે. આ ભાગીદારીના માધ્યમથી કલામંદિર જ્વેલર્સનો ઉદ્દેશ વિવિધ પેઢીના ગ્રાહકો સાથેના પોતાના જોડાણને વધુ મજબૂત બનાવવાનો છે. સાથે જ ઉત્કૃષ્ટ કારીગરી અને વિશ્વાસના તે મૂલ્યોને આગળ વધારવાનો છે, જે બ્રાન્ડની સફરનો અભિન્ન હિસ્સો રહ્યા છે.
‘સિદ્ધાર્થ રાંદેરિયા સાથે મજબૂત વૈલ્યુ કનેક્ટ’-
કલામંદિર જ્વેલર્સના ડિરેક્ટર મિલન શાહે જણાવ્યું હતું કે, “સિદ્ધાર્થ રાંદેરિયાનું કલામંદિર પરિવાર સાથે સ્વાગત કરતાં અમને ખૂબ આનંદ થાય છે. તેમની અસાધારણ સફર, વિવિધ પેઢીના દર્શકો સાથે જોડાવાની તેમની ક્ષમતા અને તેમનું ઊંડું સાંસ્કૃતિક જોડાણ આ ભાગીદારીને અમારા માટે ખાસ બનાવે છે. કલામંદિરે વિશ્વાસ, ગુણવત્તા અને પારદર્શિતા પર આધારિત સંબંધોનું નિર્માણ કરતાં પોતાની 40 વર્ષની સફર પૂર્ણ કરી છે. અમને આ મૂલ્યો અને સિદ્ધાર્થ રાંદેરિયાની સફર વચ્ચે મજબૂત સમાનતા જોવા મળે છે. અમે સાથે મળીને એવી અર્થપૂર્ણ વાર્તાઓ અને અનુભવો રજૂ કરવા માટે ઉત્સાહિત છીએ, જે લોકો અને પરંપરા સાથેના અમારા સહિયારા જોડાણને પ્રતિબિંબિત કરે.”‘જ્વેલરી માત્ર આભૂષણ નથી, તે લાગણીઓ સાથે જોડાયેલી હોય છે’
આ ભાગીદારી અંગે સિદ્ધાર્થ રાંદેરિયાએ જણાવ્યું હતું કે, “ચાર દાયકાથી મજબૂત વિરાસત ઊભી કરનાર કલામંદિર જ્વેલર્સ સાથે જોડાઈને મને ખૂબ આનંદ થઈ રહ્યો છે. જ્વેલરી માત્ર એક આભૂષણ નથી; તે આપણી ખુશીઓ, સંબંધો, પરંપરાઓ અને જીવનની સૌથી યાદગાર ક્ષણો સાથે જોડાયેલી હોય છે. મને આ મૂલ્યો અને કલામંદિરની સફર વચ્ચે સ્વાભાવિક જોડાણ જોવા મળે છે. આ ભાગીદારીનો હિસ્સો બનવા અને આ ખાસ ક્ષણોને યાદગાર બનાવતી લાગણીઓ તથા વાર્તાઓની ઉજવણી કરવા માટે હું ઉત્સાહિત છું.”12 હજારથી વધુ લાઇવ પરફોર્મન્સ
ગુજરાતી રંગમંચના પ્રતિષ્ઠિત નામ સિદ્ધાર્થ રાંદેરિયા અભિનેતા, લેખક, દિગ્દર્શક, નાટ્યકાર અને નિર્માતા તરીકે પોતાની આગવી ઓળખ બનાવી ચૂક્યા છે. રંગમંચ સાથે તેમનો સંબંધ વર્ષ 1970થી રહ્યો છે. તેઓ 70થી વધુ થિયેટર પ્રોડક્શન્સ સાથે જોડાયેલા રહ્યા છે અને 12,000થી વધુ લાઇવ પરફોર્મન્સ કરી ચૂક્યા છે. ભારત ઉપરાંત વિદેશમાં વસતા ગુજરાતી દર્શકો વચ્ચે પણ તેમણે મજબૂત સાંસ્કૃતિક જોડાણ બનાવ્યું છે. તેમના રંગમંચના કરિયરની સૌથી લોકપ્રિય સિદ્ધિઓમાં ‘ગુજ્જુભાઈ’ ફ્રેન્ચાઇઝીનો સમાવેશ થાય છે.ગુજરાતી સિનેમામાં પણ મજબૂત ઓળખ
સિદ્ધાર્થ રાંદેરિયાએ ગુજરાતી સિનેમામાં પણ મહત્વપૂર્ણ ભૂમિકાઓ ભજવી છે. તેઓ ‘Gujjubhai the Great’, ‘GujjuBhai – Most Wanted’ અને ‘Chaal Jeevi Laiye!’ જેવી ફિલ્મો સાથે જોડાયેલા રહ્યા છે. ‘ગુજ્જુભાઈ’ એક એવા રંગમંચના બ્રાન્ડ તરીકે વિકસ્યું, જેણે ગુજરાતી દર્શકોમાં વ્યાપક લોકપ્રિયતા અને સાંસ્કૃતિક જોડાણ ઊભું કર્યું અને ત્યારબાદ સિનેમાની દુનિયામાં પણ પોતાની આગવી ઓળખ બનાવી.1986માં કોસંબાથી શરૂ થઈ હતી કલામંદિરની સફર
કલામંદિર જ્વેલર્સ માટે આ ભાગીદારી એવા સમયે થઈ છે, જ્યારે બ્રાન્ડ પોતાની 40 વર્ષની સફર પૂર્ણ કરી રહ્યું છે. વર્ષ 1986માં સુરત નજીક કોસંબા ખાતે સ્થાપિત કલામંદિર જ્વેલર્સે એક નાના જ્વેલરી સ્ટોરથી શરૂઆત કરી હતી અને આજે એક અગ્રણી રિટેલ જ્વેલરી ગ્રુપ તરીકે પોતાની ઓળખ બનાવી છે. ચાર દાયકાની આ સફરમાં ગ્રાહક વિશ્વાસ, ગુણવત્તા, પારદર્શિતા અને પરંપરા સાથે આધુનિકતાનું સંતુલન બ્રાન્ડની ઓળખનો મહત્વપૂર્ણ હિસ્સો રહ્યું છે.બે વિરાસતોનું મિલન
આ ભાગીદારી સહિયારા મૂલ્યો અને પેઢીઓ વચ્ચે વધુ મજબૂત બનતા સંબંધોની કહાની છે. એક તરફ કલામંદિર જ્વેલર્સ આભૂષણો અને જીવનની ખાસ ક્ષણો સાથે જોડાયેલા ચાર દાયકાના વિશ્વાસ અને સંબંધોનું પ્રતિનિધિત્વ કરે છે, જ્યારે બીજી તરફ સિદ્ધાર્થ રાંદેરિયા પાંચ દાયકાથી વધુ સમયથી પોતાની કલા, વાર્તા કહેવાની શૈલી અને સાંસ્કૃતિક જોડાણ દ્વારા દર્શકોના દિલ સાથે જોડાયેલા છે. સિદ્ધાર્થ રાંદેરિયાને નવા બ્રાન્ડ એમ્બેસેડર તરીકે જોડીને કલામંદિર જ્વેલર્સ પોતાની આગામી સફર તરફ આગળ વધી રહ્યું છે—એક એવા સહિયારા વિઝન સાથે, જેમાં જ્વેલરીના સમયાતીત મહત્વની સાથે તે લાગણીઓ, સંબંધો અને યાદગાર પળોની ઉજવણી કરવામાં આવશે, જે દરેક આભૂષણને માત્ર આભૂષણ નહીં, પરંતુ એક અમૂલ્ય યાદ બનાવી દે છે.
જૂના કોરિડોરમાં ફરી તાજી થઈ શાળાના દિવસોની યાદો, પ્રથમ એલ્યુમનાઈ મીટમાં પૂર્વ વિદ્યાર્થીઓ એકઠા થયા
સુરત: તાપ્તી વેલી ઇન્ટરનેશનલ સ્કૂલમાં પ્રથમ એલ્યુમનાઈ મીટનું આયોજન કરવામાં આવ્યું હતું. જેમાં શાળાના 120થી વધુ પૂર્વ વિદ્યાર્થીઓ પોતાના જૂના સહપાઠીઓ, શિક્ષકો અને શાળા સાથે ફરી જોડાયા હતા. કાર્યક્રમ દરમિયાન શાળાના દિવસોની યાદો તાજી થઈ હતી અને મિત્રતા, આભાર તથા આત્મીયતાની લાગણી જોવા મળી હતી.
કાર્યક્રમની શરૂઆત સ્ટુડન્ટ કાઉન્સિલ દ્વારા પૂર્વ વિદ્યાર્થીઓના ઉષ્માભર્યા સ્વાગત સાથે થઈ હતી. ત્યારબાદ ફોટો વોલ, સંગીત અને નૃત્યની રજૂઆતો કરવામાં આવી હતી. શાળાના પ્રિન્સિપાલ શ્રદ્ધા જૈને વિશેષ સ્વાગત કર્યું હતું. પૂર્વ વિદ્યાર્થીઓએ શાળાના જૂના કોરિડોર અને વર્ગખંડોમાં જઈને પોતાના શાળાજીવનની યાદોને ફરી અનુભવી હતી.
કાર્યક્રમ દરમિયાન પૂર્વ વિદ્યાર્થીઓએ શાળાની સહિકાઓ અને ભાઈઓનું સન્માન કર્યું હતું. તેમણે શાળામાં પોતાના સફર દરમિયાન મળેલા સહયોગ, સંભાળ અને સ્નેહ બદલ આભાર વ્યક્ત કર્યો હતો. આ દરમિયાન એ પણ સામે આવ્યું કે ટીવીઆઈએસમાં શિક્ષણ માત્ર અભ્યાસ પૂરતું મર્યાદિત નથી, પરંતુ વિદ્યાર્થીઓને સારા અને સંવેદનશીલ માનવી બનાવવામાં પણ ભાર મૂકવામાં આવે છે.
શાળાના ચેરમેન પ્રમોદ ચૌધરીએ પ્રેરણાદાયી સંબોધન કર્યું હતું. ત્યારબાદ પર્યાવરણને અનુકૂળ ફુગ્ગા છોડવામાં આવ્યા હતા. પૂર્વ વિદ્યાર્થીઓએ હાઉઝીનો આનંદ માણ્યો હતો અને ત્યારબાદ શાળાજીવનના સૌથી પસંદગીના ભાગોમાંના એક રમતગમતમાં ભાગ લીધો હતો.
– એલ્યુમનાઈ એસોસિએશનની જાહેરાત, હોદ્દેદારોએ શપથ લીધા
એલ્યુમનાઈ મીટ દરમિયાન તાપ્તી વેલી એલ્યુમનાઈ એસોસિએશનની જાહેરાત કરવામાં આવી હતી. તેના હોદ્દેદારોએ શપથ લીધા હતા. ચિંતન ગજ્જરને પ્રમુખ, માધવ ચોકસીને સચિવ અને જાહ્નવી શાહને ખજાનચી બનાવવામાં આવ્યા હતા.
કાર્યક્રમમાં કેક કાપ્યા બાદ શાળાની હેડમિસ્ટ્રેસે આભાર વ્યક્ત કર્યો હતો. આ સાથે સંગીત અને નૃત્ય વચ્ચે ડીજે સેશન યોજાયું હતું, જેમાં પૂર્વ વિદ્યાર્થીઓએ ઉત્સાહપૂર્વક ભાગ લીધો હતો.
આ આયોજન માત્ર પૂર્વ વિદ્યાર્થીઓનું મિલન બનીને રહ્યું નહોતું, પરંતુ મિત્રતા, આભાર, જૂની યાદો અને તાપ્તી વેલી સ્કૂલ સાથે તેમના લાંબા સમયથી જોડાયેલા સંબંધોની ઉજવણી બની રહ્યું હતું. કાર્યક્રમના અંતે એ જ ભાવના જોવા મળી હતી કે એક વખત વિદ્યાર્થી બન્યા બાદ હંમેશા તાપ્તી વેલી પરિવારનો હિસ્સો બની રહે છે.
સાર્વજનિક યુનિવર્સિટીના વિદ્યાર્થીઓને રાષ્ટ્રીય પર્યાવરણ બાલ સંસદમાં માર્ગદર્શક તરીકે રાષ્ટ્રીય સ્તરે ઓળખ
સુરત : ની સાર્વજનિક યુનિવર્સિટી માટે ગૌરવની વાત છે કે તેની બે સંલગ્ન સંસ્થાઓના વિદ્યાર્થીઓની રાષ્ટ્રીય પર્યાવરણ બાલ સંસદ (Rashtriya Paryavaran Bal Sansad – RPBS)ની પ્રથમ અખિલ ભારતીય આવૃત્તિમાં માર્ગદર્શક તરીકે પસંદગી થઈ છે. આ કાર્યક્રમ 7 ઑક્ટોબર, 2026ના રોજ દિલ્હી વિધાનસભા ખાતે યોજાયો હતો.
શ્રી રામકૃષ્ણ ઇન્સ્ટિટ્યૂટ ઑફ એપ્લાઇડ સાયન્સિસ એન્ડ કમ્પ્યુટર એજ્યુકેશન (SRKI)ના વિદ્યાર્થી સન્યમ ડાગલીની માર્ગદર્શક અને સંયોજક (Mentor and Coordinator) તરીકે, જ્યારે એસ. આર. લુથરા ઇન્સ્ટિટ્યૂટ ઑફ મેનેજમેન્ટ (SRLIM)ના વિદ્યાર્થી કીર્તન રણકાવટની માર્ગદર્શક (Mentor) તરીકે પસંદગી કરવામાં આવી હતી. બંને સંસ્થાઓ સાર્વજનિક એજ્યુકેશન સોસાયટી દ્વારા સંચાલિત સાર્વજનિક યુનિવર્સિટીની સંલગ્ન સંસ્થાઓ છે.
આ રાષ્ટ્રીય સ્તરની પહેલનો હેતુ યુવાનોમાં પર્યાવરણ પ્રત્યે જાગૃતિ, સંરક્ષણની ભાવના અને નેતૃત્વના ગુણો વિકસાવવાનો છે. આ કાર્યક્રમમાં ભારતનાં વિવિધ રાજ્યોમાંથી પસંદ કરાયેલા વિદ્યાર્થીઓ અને યુવા પ્રતિનિધિઓએ ભાગ લીધો હતો. તેમણે ટકાઉ વિકાસ, જળ સંરક્ષણ, વૃક્ષારોપણ, પ્રદૂષણ નિયંત્રણ અને પર્યાવરણના રક્ષણમાં નાગરિકોની જવાબદારી જેવા મહત્ત્વપૂર્ણ વિષયો પર ચર્ચા કરી હતી.
માર્ગદર્શક અને સંયોજક તરીકે સન્યમ ડાગલીએ ભાગ લેનારા વિદ્યાર્થીઓને માર્ગદર્શન આપ્યું હતું તથા કાર્યક્રમના સંકલન અને વ્યવસ્થાપનમાં યોગદાન આપ્યું હતું. કીર્તન રણકાવટે પણ વિદ્યાર્થીઓને માર્ગદર્શન આપીને પર્યાવરણીય મુદ્દાઓ પ્રત્યે તેમની સમજ અને જવાબદાર યુવા નેતૃત્વની ભાવનાને પ્રોત્સાહિત કરવામાં મહત્ત્વપૂર્ણ ભૂમિકા ભજવી હતી.
રાષ્ટ્રીય પર્યાવરણ બાલ સંસદે યુવા સહભાગીઓને સંસદીય પ્રક્રિયાઓ સમજવા, પર્યાવરણ સંબંધિત પડકારો અંગે વિચારોનું આદાનપ્રદાન કરવા અને ભારતના ભવિષ્ય માટે ટકાઉ ઉકેલો સૂચવવા માટે એક અર્થપૂર્ણ મંચ પૂરો પાડ્યો હતો. આ પહેલનો ઉદ્દેશ યુવા પેઢીમાં પર્યાવરણીય જાગૃતિ વધારવાનો અને પર્યાવરણ સંરક્ષણમાં સક્રિય ભાગીદારીને પ્રોત્સાહન આપવાનો છે.
સાર્વજનિક યુનિવર્સિટીના પ્રમુખ અને સાર્વજનિક એજ્યુકેશન સોસાયટીના ચેરમેન શ્રી આશિષ વકીલ તથા યુનિવર્સિટીના પ્રોવોસ્ટ ડૉ. કિરણ પંડ્યાએ વિદ્યાર્થીઓની પહેલ અને સહભાગિતાની પ્રશંસા કરી હતી અને તેમની આ સિદ્ધિ બદલ અભિનંદન પાઠવ્યાં હતાં. તેમણે પર્યાવરણીય જાગૃતિ અને યુવા નેતૃત્વ પ્રત્યેની તેમની પ્રતિબદ્ધતાને બિરદાવી હતી. તેમણે જણાવ્યું હતું કે આવી પહેલો વિદ્યાર્થીઓને વર્ગખંડની બહાર શીખવાની તક આપે છે અને તેમને સમાજમાં અર્થપૂર્ણ યોગદાન આપવા માટે પ્રેરિત કરે છે.
સન્યમ ડાગલી અને કીર્તન રણકાવટની આ પસંદગી રાષ્ટ્રીય સ્તરની પહેલોમાં સાર્વજનિક યુનિવર્સિટીના વિદ્યાર્થીઓની વધતી ભાગીદારી દર્શાવે છે. તેમની આ સિદ્ધિ યુનિવર્સિટી, સાર્વજનિક એજ્યુકેશન સોસાયટી અને ગુજરાત માટે ગૌરવની બાબત છે. આ સિદ્ધિ સામાજિક રીતે જવાબદાર, પર્યાવરણ પ્રત્યે જાગૃત અને સક્રિય યુવા નેતૃત્વ વિકસાવવાના મહત્ત્વને ઉજાગર કરે છે.
મેન-મેડ ટેક્સટાઇલ્સ રિસર્ચ એસોસિએશન (મંત્રા) દ્વારા ૪૯ વર્ષ પૂર્ણ કરી ૫૦મા વર્ષમાં પ્રવેશ નિમિત્તે ભવ્ય ઉજવણી કાર્યક્રમનું આયોજન
સુરત, તા. ૦૬ ઓક્ટોબર, ૨૦૨૬:
ધી મેન-મેડ ટેક્સટાઇલ્સ રિસર્ચ એસોસિએશન (મંત્રા) એ તેની સ્થાપનાના ગૌરવપૂર્ણ ૪૯ વર્ષ પૂર્ણ કરી ૫૦મા વર્ષમાં પ્રવેશ કર્યો છે. આ મહત્વપૂર્ણ પ્રસંગની ઉજવણી ભારત સરકારના મિનિસ્ટ્રી ઓફ ટેક્સટાઇલ્સના નિર્દેશ અનુસાર કરવામાં આવી રહી છે. આ અંતર્ગત તા. ૦૯ ઓક્ટોબર, ૨૦૨૬ના રોજ સાંજે ૪.૦૦ કલાકથી હોટેલ મેરિયોટ, સુરત ખાતે વિશેષ ઉજવણી કાર્યક્રમનું આયોજન કરવામાં આવ્યું છે.
આ ઉજવણી કાર્યક્રમ અંગેની માહિતી આપવા માટે આજે મંત્રા ખાતે પ્રેસ કોન્ફરન્સનું આયોજન કરવામાં આવ્યું હતું. પ્રેસ કોન્ફરન્સમાં મંત્રાના પ્રમુખ શ્રી રજનીકાંત બચકાનીવાલાએ કાર્યક્રમની સંપૂર્ણ રૂપરેખા રજૂ કરી હતી.
પ્રમુખશ્રીએ જણાવ્યું હતું કે તા. ૦૯ ઓક્ટોબરના રોજ યોજાનાર આ વિશેષ કાર્યક્રમના મુખ્ય અતિથિ તરીકે ભારત સરકારના કેન્દ્રીય ટેક્સટાઇલ્સ મંત્રી શ્રી ગિરિરાજસિંહજી ઉપસ્થિત રહેશે. આ ઉપરાંત ભારત સરકારના મિનિસ્ટ્રી ઓફ ટેક્સટાઇલ્સ તથા ટેક્સટાઇલ કમિશ્નરની કચેરીના ગણમાન્ય અધિકારીઓ પણ કાર્યક્રમમાં ઉપસ્થિત રહી મંત્રાની ૪૯ વર્ષની સફરના આ મહત્વપૂર્ણ પ્રસંગના સાક્ષી બનશે.
પ્રેસ કોન્ફરન્સ દરમિયાન પ્રમુખશ્રીએ મંત્રાની સ્થાપનાથી અત્યાર સુધીની ૪૯ વર્ષની કામગીરી, વિવિધ સંશોધન પ્રવૃત્તિઓ, ટેકનિકલ સેવાઓ તથા ટેક્સટાઇલ ઉદ્યોગના વિકાસમાં મંત્રાના યોગદાન અંગે પ્રેસ મીડિયા સમક્ષ વિગતવાર માહિતી રજૂ કરી હતી.
આ પ્રસંગે સુરતના ટેક્સટાઇલ ઉદ્યોગની વર્તમાન સ્થિતિ અંગે પણ માહિતી આપવામાં આવી હતી. પ્રમુખશ્રીએ સુરત શહેરના હાલના ટેક્સટાઇલ સંબંધિત વેપારના આંકડા તેમજ સુરતના ટેક્સટાઇલ ક્ષેત્રના એક્સપોર્ટ વેપારના આંકડા નીચે મુજબ રજૂ કરી સુરતના ટેક્સટાઇલ ઉદ્યોગનું રાષ્ટ્રીય તથા આંતરરાષ્ટ્રીય સ્તરે રહેલું મહત્વ દર્શાવ્યું હતું.
સુરત આજે માત્ર ભારતનું ટેક્સટાઇલ શહેર નથી, પરંતુ મેન-મેડ ફાઇબર (MMF), યાર્ન, વિવિંગ, પ્રોસેસિંગ, ડાઇંગ, પ્રિન્ટિંગ, એમ્બ્રોઇડરી, ટેક્સટાઇલ ટ્રેડિંગ અને હવે ટેકનિકલ ટેક્સટાઇલ્સનું વિશાળ અને એકીકૃત ઔદ્યોગિક કેન્દ્ર બની ગયું છે. સુરત અને દક્ષિણ ગુજરાતનો ટેક્સટાઇલ ઉદ્યોગ લાખો લોકોને સીધી અને આડકતરી રીતે રોજગારી આપે છે અને ગુજરાતની ઔદ્યોગિક અર્થવ્યવસ્થામાં મહત્વનું યોગદાન આપે છે. 2026ના ગુજરાત સરકારના અહેવાલ મુજબ સુરત અને દક્ષિણ ગુજરાતનો ટેક્સટાઇલ ઉદ્યોગ ગુજરાતની જીડીપીમાં 25 ટકાથી વધુ યોગદાન આપે છે. જોકે આ આંકડો સમગ્ર સુરત શહેર માટે નહીં પરંતુ સુરત અને દક્ષિણ ગુજરાતના ટેક્સટાઇલ ક્ષેત્ર માટે છે. સુરતની વિશેષતા એ છે કે અહીં કાચા માલથી લઈને યાર્ન, વિવિંગ, પ્રોસેસિંગ, ડાઇંગ-પ્રિન્ટિંગ, એમ્બ્રોઇડરી, ગારમેન્ટિંગ અને તૈયાર ટેક્સટાઇલ સુધીની સંપૂર્ણ વેલ્યુ ચેઇન એક જ પ્રદેશમાં ઉપલબ્ધ છે.
સુરત ટેક્સટાઇલ ઉદ્યોગના મહત્વના આંકડા
દૈનિક કાપડ ઉત્પાદન: આશરે 6 કરોડ મીટર પ્રતિ દિવસ ઉત્પાદન ક્ષમતા.
ભારતના મેન-મેડ ફેબ્રિકમાં હિસ્સો: આશરે 40%.
ભારતના MMF ક્ષેત્રમાં હિસ્સો: ગુજરાત સરકારના 2026ના અંદાજ મુજબ આશરે 65%.
વિશ્વના ફેબ્રિક ઉત્પાદનમાં હિસ્સો: ગુજરાત સરકારના 2026ના પ્રાદેશિક અંદાજ મુજબ આશરે 30%. આ આંકડો સરકારી અંદાજ તરીકે રજૂ કરવો યોગ્ય રહેશે.
સીધી અને આડકતરી રોજગારી: આશરે 18થી 20 લાખ લોકો.
વાર્ષિક ટેક્સટાઇલ ટર્નઓવર: આશરે ₹1.5 લાખ કરોડ.
પાવરલૂમ: આશરે 6થી 7 લાખ.
શટલ લૂમ: જૂના સત્તાવાર ક્લસ્ટર અભ્યાસ મુજબ આશરે 5.7 લાખ.
શટલલેસ લૂમ: આશરે 22,600, જેમાં વોટર-જેટ, રેપિયર અને પ્રોજેક્ટાઇલ લૂમનો સમાવેશ થાય છે.
એમ્બ્રોઇડરી મશીનો: તાજેતરના ઉદ્યોગ અંદાજ મુજબ આશરે 1 લાખ.
ડાઇંગ અને પ્રિન્ટિંગ/ટેક્સટાઇલ પ્રોસેસિંગ હાઉસ: 600થી વધુ.
સુરતના કુલ ટેક્સટાઇલ યુનિટ્સ: વિવિધ ઉદ્યોગ અંદાજ મુજબ 40,000થી વધુ.
સુરત જિલ્લામાં નોંધાયેલા MSME: ઉદ્યમ પોર્ટલના આંકડા મુજબ આશરે 5,01,024 MSME, જેમાં માઇક્રો 4,89,247, સ્મોલ 11,079 અને મીડિયમ 698 છે. આ આંકડો તમામ ક્ષેત્રોના MSME માટે છે, માત્ર ટેક્સટાઇલ માટે નહીં.
ટેક્નિકલ ટેક્સટાઇલ કંપનીઓ: ઉપલબ્ધ વ્યાપારી ડેટાબેઝ મુજબ સુરતમાં 100થી વધુ ટેક્નિકલ ટેક્સટાઇલ ઉત્પાદક કંપનીઓ ઓળખી શકાય છે; જોકે આ માટે સરકારનો સંપૂર્ણ સત્તાવાર યુનિટ-વાઇઝ સર્વે ઉપલબ્ધ નથી.
ટેક્સટાઇલ ક્લસ્ટર: સુરતના મુખ્ય પરંપરાગત ઔદ્યોગિક ટેક્સટાઇલ ક્લસ્ટરમાં પાંડેસરા, સચિન, કડોદરા અને પલસાણાનો સમાવેશ થાય છે, ઉપરાંત દક્ષિણ ગુજરાતમાં અનેક ઇન્ટિગ્રેટેડ ટેક્સટાઇલ પાર્ક અને MSME ઔદ્યોગિક વિસ્તારો છે.
યાર્ન ઉત્પાદન: જૂના સત્તાવાર ક્લસ્ટર અભ્યાસ મુજબ માત્ર ટેક્સચરાઇઝિંગ અને ટ્વિસ્ટિંગ સેગમેન્ટમાં આશરે 6 લાખ મેટ્રિક ટન પ્રતિ વર્ષ ઉત્પાદન ક્ષમતા નોંધાયેલી હતી; આને સમગ્ર સુરત યાર્ન ઉત્પાદન તરીકે રજૂ ન કરવું.
જૂના સત્તાવાર ક્લસ્ટર મુજબ ગ્રે ફેબ્રિક ઉત્પાદન: આશરે 800 કરોડ મીટર પ્રતિ વર્ષ.
ટેક્સટાઇલ અને એપેરલ નિકાસ: FY 2025–26માં સુરતની ટેક્સટાઇલ અને એપેરલ નિકાસ આશરે ₹10,478 કરોડ નોંધાઈ હતી.
ગુજરાતની GDPમાં સુરત અને દક્ષિણ ગુજરાતના ટેક્સટાઇલ ક્ષેત્રનું યોગદાન: ગુજરાત સરકારના 2026ના પ્રાદેશિક આકલન મુજબ 25%થી વધુ.
ડિજિટલ ટેક્સટાઇલ પ્રિન્ટિંગ મશીનો: સુરતમાં કુલ સંખ્યાનો વિશ્વસનીય અને તાજેતરનો સત્તાવાર સરવે ઉપલબ્ધ નથી; તેથી પ્રેસ કોન્ફરન્સમાં ચોક્કસ સંખ્યા જાહેર ન કરવી વધુ યોગ્ય રહેશે.
MANTRA માટે મહત્વપૂર્ણ સંદેશ
આ આંકડાઓ દર્શાવે છે કે સુરત પાસે ટેક્સટાઇલ ઉત્પાદનનું વિશાળ પ્રમાણ અને વિશ્વસ્તરીય ઔદ્યોગિક ઇકોસિસ્ટમ છે, પરંતુ આગામી તબક્કો માત્ર વધુ ઉત્પાદન કરવાનો નહીં, પરંતુ વધુ મૂલ્યવર્ધિત, ટકાઉ, સ્માર્ટ અને ટેક્નિકલ ટેક્સટાઇલ્સ તરફ આગળ વધવાનો છે. આ પરિવર્તનમાં MANTRAની ભૂમિકા અત્યંત મહત્વપૂર્ણ બની શકે છે. સંશોધન, પ્રોડક્ટ ડેવલપમેન્ટ, મટીરિયલ કેરેક્ટરાઇઝેશન, ટેસ્ટિંગ, સર્ટિફિકેશન, ટેક્નિકલ ટેક્સટાઇલ, સસ્ટેનેબિલિટી અને આંતરરાષ્ટ્રીય ગુણવત્તા ધોરણોને અનુરૂપ ટેક્નોલોજી વિકસાવીને MANTRA “સુરતની ટેક્સટાઇલ ઉત્પાદન શક્તિને વૈશ્વિક ટેક્નોલોજી અને ગુણવત્તા સાથે જોડતું સંશોધન અને ટેસ્ટિંગ સેન્ટર” બની શકે છે.
પ્રેસ કોન્ફરન્સમાં સૌથી સુરક્ષિત રીતે ઉપયોગ કરી શકાય તેવો મુખ્ય સંદેશ:
“સુરત દરરોજ આશરે 6 કરોડ મીટર કાપડનું ઉત્પાદન કરવાની ક્ષમતા ધરાવે છે, ટેક્સટાઇલ ક્ષેત્રમાં 18થી 20 લાખ લોકોને સીધી અને આડકતરી રોજગારી આપે છે, 6થી 7 લાખ પાવરલૂમ ધરાવે છે, 600થી વધુ પ્રોસેસિંગ હાઉસ અને લગભગ 1 લાખ એમ્બ્રોઇડરી મશીનો ધરાવે છે અને હવે પરંપરાગત ટેક્સટાઇલથી ટેક્નિકલ ટેક્સટાઇલ અને ઉચ્ચ મૂલ્યવર્ધિત ઉત્પાદનો તરફ આગળ વધી રહ્યું છે.”
પ્રેસ કોન્ફરન્સમાં મંત્રાના ડાયરેક્ટર ડૉ. પંકજ ગાંધીએ મંત્રાએ છેલ્લા ૪૯ વર્ષ દરમિયાન હાથ ધરેલા વિવિધ રિસર્ચ પ્રોજેક્ટ્સ, સંશોધન પ્રવૃત્તિઓ તથા ટેક્સટાઇલ ઉદ્યોગને આપવામાં આવતી ટેકનિકલ અને સંશોધન સેવાઓ અંગે પ્રેસ મીડિયા સમક્ષ વિગતવાર માહિતી આપી હતી. તેમણે મંત્રા દ્વારા ઉદ્યોગની જરૂરિયાતોને અનુરૂપ સંશોધન અને વિકાસ ક્ષેત્રે કરવામાં આવી રહેલા પ્રયાસો તથા ભવિષ્યની સંભાવનાઓ અંગે પણ પ્રકાશ પાડ્યો હતો.
આ પ્રસંગે મંત્રાના હોં. સેક્રેટરી શ્રી પ્રફુલભાઈ ગાંધી સહિત મંત્રાના અન્ય હોદ્દેદારો પણ ઉપસ્થિત રહ્યા હતા.
પ્રેસ કોન્ફરન્સના અંતે મંત્રાના પ્રમુખ શ્રી રજનીકાંત બચકાનીવાલાએ મોટી સંખ્યામાં ઉપસ્થિત રહી પ્રેસ કોન્ફરન્સને સફળ બનાવવા બદલ તમામ મીડિયા પ્રતિનિધિ ભાઈઓનો આભાર વ્યક્ત કર્યો હતો અને પ્રેસ કોન્ફરન્સ પૂર્ણ કરેલ હતી.
બાળકોની આંખોની સંભાળ માટે આઈ-ક્યૂ હોસ્પિટલ્સની નવી પહેલ, વડોદરામાં માયોપિયા ક્લિનિક શરૂ
વડોદરા. બાળકોમાં વધતી માયોપિયાની સમસ્યાને ધ્યાનમાં રાખીને આઈ-ક્યૂ સુપર-સ્પેશિયાલિટી આઈ હોસ્પિટલ્સે વડોદરામાં માયોપિયા કંટ્રોલ/માયોપિયા ક્લિનિક શરૂ કરી છે. આ ક્લિનિકનો હેતુ બાળકોમાં માયોપિયાની સમયસર ઓળખ, નિયમિત દેખરેખ અને યોગ્ય સંભાળ પર ધ્યાન કેન્દ્રિત કરવાનો છે.
આ પહેલના માધ્યમથી આઈ-ક્યૂ માતા-પિતાને બાળકોમાં માયોપિયા અંગે જાગૃત કરવા અને તેમની આંખોની નિયમિત તપાસ કરાવવા માટે પ્રોત્સાહિત કરશે. ક્લિનિક દ્વારા પરિવારોને બાળકોની દૃષ્ટિમાં થતા ફેરફારોને સમજવા અને સમયસર આંખોના નિષ્ણાતની સલાહ લેવા અંગે માર્ગદર્શન આપવામાં આવશે.
માયોપિયાને સામાન્ય ભાષામાં દૂરની વસ્તુઓ સ્પષ્ટ ન દેખાવાની સમસ્યા તરીકે ઓળખવામાં આવે છે. તેમાં વ્યક્તિને નજીકની વસ્તુઓ સ્પષ્ટ દેખાય છે, પરંતુ દૂરની વસ્તુઓ જોવામાં મુશ્કેલી પડે છે. બાળકોમાં ઘણી વખત આ સમસ્યા સરળતાથી ધ્યાનમાં આવતી નથી, કારણ કે તેમને પોતાની દૃષ્ટિમાં ફેરફાર થઈ રહ્યો છે તેની જાણ હોતી નથી.
આ પહેલ અંગે આઈ-ક્યૂ સુપર-સ્પેશિયાલિટી આઈ હોસ્પિટલ્સનાં એસોસિયેટ મેડિકલ ડિરેક્ટર ડૉ. અંકિતા અગ્રવાલે જણાવ્યું હતું કે, “ઘણી વખત બાળકોને એ સમજાતું નથી કે તેમને સ્પષ્ટ દેખાતું નથી. સમયસર આંખોની તપાસ કરાવવાથી દૃષ્ટિમાં થતા ફેરફારોની ઓળખ થઈ શકે છે અને માતા-પિતા યોગ્ય સમયે ડૉક્ટરની સલાહ લઈ શકે છે. અમારી માયોપિયા ક્લિનિકનો હેતુ માતા-પિતાને બાળકોની આંખોની નિયમિત તપાસ અને સંભાળના મહત્વ અંગે જાગૃત કરવાનો છે.”
માતા-પિતાએ કેટલાક સામાન્ય સંકેતો પર ધ્યાન આપવું જોઈએ. જેમ કે બાળક ટીવી કે મોબાઈલને ખૂબ નજીકથી જુએ, વાંચતી વખતે પુસ્તક આંખોની ખૂબ નજીક રાખે, દૂરની વસ્તુઓ જોવા માટે આંખો સંકોચે, શાળામાં બોર્ડ જોવામાં મુશ્કેલી અનુભવે, વારંવાર માથાનો દુખાવો થાય અથવા આંખો વારંવાર ચોળે.
આઈ-ક્યૂ સુપર-સ્પેશિયાલિટી આઈ હોસ્પિટલ્સનાં સિનિયર કન્સલ્ટન્ટ–રેટિના ડૉ. નિધિ જૈને જણાવ્યું હતું કે, “બાળકના અભ્યાસ અને રોજિંદી પ્રવૃત્તિઓ માટે સારી દૃષ્ટિ ખૂબ જ જરૂરી છે. આંખોની નિયમિત તપાસથી દૃષ્ટિ સંબંધિત સમસ્યાઓની સમયસર ઓળખ થઈ શકે છે. જો બાળકની આદતોમાં કોઈ ફેરફાર જોવા મળે, તો માતા-પિતાએ બાળક પોતે દૃષ્ટિની ફરિયાદ કરે તેની રાહ જોવી જોઈએ નહીં.”
આઈ-ક્યૂ સુપર-સ્પેશિયાલિટી આઈ હોસ્પિટલ્સનાં કન્સલ્ટન્ટ ડૉ. રવિ શેખરે જણાવ્યું હતું કે, “બાળપણમાં આંખોની નિયમિત તપાસ અને માયોપિયાની દેખરેખ જરૂરી છે, કારણ કે આ ઉંમરે આંખોમાં સતત ફેરફારો થતા રહે છે. નિયમિત તપાસની સાથે માતા-પિતાએ બાળકોના સ્ક્રીન ટાઈમને સંતુલિત રાખવો જોઈએ અને તેમને પૂરતો સમય બહાર રમવા માટે પ્રોત્સાહિત કરવા જોઈએ. યોગ્ય માહિતી અને સમયસર ડૉક્ટરની સલાહ બાળકોની આંખોની સંભાળમાં મહત્વની ભૂમિકા ભજવી શકે છે.”
નવી માયોપિયા કંટ્રોલ/માયોપિયા ક્લિનિકમાં બાળકો અને માતા-પિતાને માયોપિયા સંબંધિત તપાસ, સલાહ અને સંભાળની સુવિધા મળશે. આ પહેલના માધ્યમથી શાળાઓ અને પરિવારોને પણ બાળકોની નિયમિત આંખોની તપાસને તેમની આરોગ્ય સંભાળનો એક ભાગ બનાવવા માટે પ્રોત્સાહિત કરવામાં આવશે.
આ ક્લિનિક સિલ્વર બેલ કોમ્પ્લેક્સનો બીજો માળ, અબ્બાસ ત્યાબજી રોડ, એમજીવીસીએલ ઓફિસની સામે, જયેશ કોલોની, ફતેહગંજ, વડોદરા, ગુજરાત–390008 ખાતે આવેલી છે.
આ પહેલના માધ્યમથી આઈ-ક્યૂનો હેતુ બાળકોમાં માયોપિયા અંગે જાગૃતિ વધારવાનો અને માતા-પિતાને બાળકોની દૃષ્ટિમાં થતા કોઈપણ ફેરફારને અવગણવા નહીં તે માટે પ્રોત્સાહિત કરવાનો છે.
– આઈ-ક્યૂ સુપર-સ્પેશિયાલિટી આઈ હોસ્પિટલ્સ
આઈ-ક્યૂ સુપર-સ્પેશિયાલિટી આઈ હોસ્પિટલ્સ એક અગ્રણી આંખોની સારવારનું નેટવર્ક છે, જે પોતાની હોસ્પિટલો અને વિશેષ કેન્દ્રો દ્વારા આંખોને લગતી વિવિધ પ્રકારની તપાસ અને સારવારની સુવિધાઓ પૂરી પાડે છે. અહીં મોતિયાબિંદ, ગ્લુકોમા, રેટિના, કોર્નિયા, ચશ્મા સંબંધિત સમસ્યાઓ, બાળકોની આંખોની સમસ્યાઓ સહિત આંખોની વિવિધ સેવાઓ ઉપલબ્ધ છે. નિષ્ણાત તબીબો, આધુનિક ટેક્નોલોજી અને દર્દીઓની શ્રેષ્ઠ સંભાળ પર ધ્યાન કેન્દ્રિત કરીને આઈ-ક્યૂ લોકો સુધી ગુણવત્તાયુક્ત આંખોની સારવારની સેવાઓ પહોંચાડવા માટે કાર્યરત છે.
2 ઓક્ટોબરે ગેરકાયદે કતલખાના બંધ કરાવવાની માંગ સાથે સુરતમાં ‘અહિંસા માર્ચ’ નું આયોજન
સાધુ-સંતો અને વિવિધ સમાજના લોકો ઉમરાના સરગમ શોપિંગ સેન્ટરથી કલેક્ટર કચેરી સુધી કૂચ કરશે
સુરત. ગાંધી જયંતીના દિવસે સુરતમાં ગેરકાયદે કતલખાના બંધ કરાવવાની માંગ સાથે ‘અહિંસા માર્ચ’નું આયોજન કરવામાં આવ્યું છે. સુરતના વિવિધ સાધુ-સંતો, સમાજો અને જીવદયાપ્રેમીઓ દ્વારા 2 ઓક્ટોબરે આ માર્ચ યોજાશે. આયોજકોના જણાવ્યા મુજબ માર્ચમાં મોટી સંખ્યામાં લોકો જોડાશે.
આયોજકોના જણાવ્યા પ્રમાણે આરટીઆઈમાંથી મળેલી માહિતી મુજબ ગુજરાતમાં માત્ર આઠ કતલખાના કાયદેસર રીતે કાર્યરત છે, જ્યારે અન્ય કતલખાનાઓ ગેરકાયદે રીતે ચાલે છે. આવા કતલખાનાઓ સામે કાર્યવાહી કરવાની સત્તા જિલ્લા કલેક્ટર પાસે હોવા છતાં કોઈ કાર્યવાહી કરવામાં આવતી નથી, ત્યારે આગામી
2જી ઓક્ટોબર ગાંધી જયંતિના દિવસે સવારે 8:30 કલાકે ઉમરાના સરગમ શોપિંગ સેન્ટરથી અહિંસા માર્ચ શરૂ થશે. માર્ચ અઠવાલાઇન્સ સ્થિત કલેક્ટર કચેરી સુધી જશે. ત્યાં કલેક્ટરને આવેદનપત્ર આપી ગુજરાતમાં કાર્યરત ગેરકાયદે કતલખાનાઓ સામે કાર્યવાહી કરી તેમને બંધ કરાવવાની માંગ કરવામાં આવશે.
આયોજકોએ વધુમાં જણાવ્યું છે કે ગેરકાયદે કતલખાનાઓ સામે કાર્યવાહી નહીં થાય તો સુપ્રીમ કોર્ટના આદેશના સંદર્ભમાં કન્ટેમ્પ્ટ ઓફ કોર્ટની કાર્યવાહીનો મુદ્દો પણ ઉઠાવવામાં આવશે. માર્ચમાં વધુમાં વધુ જીવદયા અને અહિંસાપ્રેમીઓ જોડાય તેવી અપીલ કરવામાં આવી છે.
પારુલ યુનિવર્સિટીએ ટાઇમ્સ હાયર એજ્યુકેશન વર્લ્ડ યુનિવર્સિટી રેન્કિંગ્સ 2027માં આંતરરાષ્ટ્રીય સ્તરે પ્રવેશ કર્યો, આંતરરાષ્ટ્રીય રેન્કિંગ્સમાં સ્થાન મેળવનારી ગુજરાતની એકમાત્ર યુનિવર્સિટી બની
પારુલ યુનિવર્સિટીએ ટાઇમ્સ હાયર એજ્યુકેશન (THE) વર્લ્ડ યુનિવર્સિટી રેન્કિંગ્સ 2027માં 1601-1800ના ગ્લોબલ બેન્ડમાં સ્થાન મેળવીને પોતાની આંતરરાષ્ટ્રીય એકેડેમિક સફર શરૂ કરીને એક નવું પ્રકરણ શરૂ કર્યું છે. આ સફળતાની સાથે પારુલ યુનિવર્સિટી THE વર્લ્ડ યુનિવર્સિટી રેન્કિંગ્સ 2027માં આંતરરાષ્ટ્રીય સ્તરે રેન્ક મેળવનારી ગુજરાતની એકમાત્ર યુનિવર્સિટી બની ગઈ છે, જેથી રાજ્યને દુનિયાની ઉચ્ચ શૈક્ષણિક સંસ્થાઓ માટે સૌથી પ્રતિષ્ઠિત પ્લેટફોર્મ પૈકીના એક પર ઓળખ મળી છે.
પારુલ યુનિવર્સિટીએ અગાઉ THE ઇમ્પેક્ટ રેન્કિંગ્સ 2025માં આંતરરાષ્ટ્રીય સ્તરે પોતાની શરૂઆત કરી હતી અને તેને 1001-1500ના ગ્લોબલ બેન્ડ તથા ભારતની ટોચની 50 સંસ્થાઓમાં સ્થાન મળ્યું હતું. ઇમ્પેક્ટ રેન્કિંગ્સ સંયુક્ત રાષ્ટ્રના સતત વિકાસ લક્ષ્યાંકોમાં યુનિવર્સિટીઓના યોગદાનનું મૂલ્યાંકન કરે છે, જેમાં શિક્ષણ, સ્વાસ્થ્ય, લિંગ સમાનતા અને પાર્ટરનશિપ શામેલ છે.
ત્યાર બાદ યુનિવર્સિટીએ THE સસ્ટેનેબિલિટી ઇમ્પેક્ટ રેટિંગ્સ 2026ની સાથે પોતાની આંતરરાષ્ટ્રીય સસ્ટેનેબિલિટી ઓળખને વધારે મજબૂત કરી હતી, જેમાં તે 401-600 ગ્લોબલ બેન્ડ અને ભારતની ટોચની 40 સંસ્થાઓમાં શામેલ થઈ હતી. વિવિધ સતત વિકાસ લક્ષ્યાંકો પર એના પ્રદર્શને એના સંસ્થાગત પ્રભાવને વધારે સ્પષ્ટ કર્યો હતો. પારુલ યુનિવર્સિટીએ SDG 4 – ગુણવત્તાયુક્ત શિક્ષણ અંતર્ગત દુનિયામાં 46મો અને ભારતમાં સાતમો રેન્ક મેળવ્યો હતો તથા દુનિયામાં ટોચની 50 સંસ્થાઓમાં સ્થાન મેળવ્યું હતું. SDG 5 – લિંગ સમાનતા અંતર્ગત સંસ્થાએ દુનિયાની ટોચની 100 સંસ્થાઓમાં 60મું સ્થાન અને ભારતમાં છઠ્ઠું સ્થાન મેળવ્યું હતું. SDG 3 – સારું સ્વાસ્થ્ય અને સુખાકારી અંતર્ગત યુનિવર્સિટીને 101-200ના ગ્લોબલ બેન્ડમાં સ્થાન મળ્યું હતું. સંસ્થાએ SDG 9 – ઉદ્યોગ, ઇનોવેશન અને માળખાગત સુવિધા અંતર્ગત શરૂઆત કરી હતી અને 401-600 ગ્લોબલ બેન્ડમાં સ્થાન મેળવ્યું હતું તથા ભારતમાં ટોચની 50 સંસ્થાઓમાં શામેલ થઈ હતી. યુનિવર્સિટીએ SDG 17 – લક્ષ્યાંકો માટે ભાગીદારીઓ અંતર્ગત ગ્લોબલ બેન્ડ 201-300માં સ્થાન મેળવ્યું છે અને ભારતમાં ટોચની 20 સંસ્થાઓમાં શામેલ થઈ છે, જે એકેડેમિક, ઉદ્યોગ, સંશોધન અને સામુદાયિક ભાગીદારીના વધતા નેટવર્કનો પુરાવો છે.
THE ઇમ્પેક્ટ રેન્કિંગ્સ 2025માં પહેલી વાર શામેલ થવાથી લઈને THE સસ્ટેનેબિલિટી ઇમ્પેક્ટ રેટિંગ્સ 2026 અને હવે THE વર્લ્ડ યુનિવર્સિટી રેન્કિંગ્સ 2027નો ભાગ બનવા સુધીની સફર ઉચ્ચ શિક્ષણનાં વિવિધ પાસાંમાં દુનિયાભરમાં વધતી ઓળખને દર્શાવે છે. ઇમ્પેક્ટ અને સસ્ટેનેબિલિટી રેન્કિંગ્સ સંસ્થાના સતત વિકાસમાં પ્રદાનનું મૂલ્યાંકન કરે છે, તો વર્લ્ડ યુનિવર્સિટી રેન્કિંગ્સ યુનિવર્સિટીઓના મૂલ્યાંકનો માટે એક બહોળો વૈશ્વિક સંદર્ભ આપે છે. એટલે આ હાલની ઓળખ પારુલ યુનિવર્સિટી માટે શ્રેષ્ઠ વૈશ્વિક ઓળખ, એકેડેમિક જોડાણ અને આંતરરાષ્ટ્રીય બેન્ચમાર્કિંગની દિશામાં મહત્વપૂર્ણ સીમાચિહ્ન છે.
આ સીમાચિહ્ન પર પારુલ યુનિવર્સિટીના વાઇસ પ્રેસિડન્ટ ડૉ. ગીતિકા મદન પટેલે કહ્યું હતું, “ટાઇમ્સ હાયર એજ્યુકેશન વર્લ્ડ યુનિવર્સિટી રેન્કિંગ્સ 2027માં આ પહેલી વાર શામેલ થવું પારુલ યુનિવર્સિટી અને ગુજરાત માટે બહુ મહત્વપૂર્ણ સીમાચિહ્ન છે. THE ઇમ્પેક્ટ રેન્કિંગ્સ અને સસ્ટેનેબિલિટી ઇમ્પેક્ટ રેટિંગ્સની સાથે પોતાના અનુભવ પરથી અમે એ સારી રીતે સમજ્યાં છીએ કે મૂલ્યાંકન યોગ્ય એકેડેમિક અને સામાજિક પ્રભાવ પેદા કરવાનો અર્થ શું છે. વર્લ્ડ યુનિવર્સિટી રેન્કિંગ્સમાં સ્થાન મેળવવું આ સફરનું વધુ એક પગલું છે. હજુ ઘણું થવાનું બાકી છે અને અમે એક એવી સંસ્થા બનાવવા કટિબદ્ધ છીએ, જે અર્થસભર કામ કરે અને લાંબા ગાળાના પ્રભાવના માધ્યમથી આંતરરાષ્ટ્રીય ઓળખ મેળવે.”
THE વર્લ્ડ યુનિવર્સિટી રેન્કિંગ્સ 2027માં પહેલી વાર પ્રવેશ કરીને પારુલ યુનિવર્સિટી હવે વધારે આંતરરાષ્ટ્રીય જોડાણ, વધારે સંશોધન અને એકેડેમિક જોડાણ, આંતરરાષ્ટ્રીય સ્તરે વિઝિબિલિટીમાં વધારા અને સતત સંસ્થાગત વૃદ્ધિની ખાતરી આપતા ભવિષ્ય તરફ નજર દોડાવી રહી છે. 1601-1800 બેન્ડ અંતિમ સીમાચિહ્ન નથી, પરંતુ આંતરરાષ્ટ્રીય ઉચ્ચ શિક્ષણના ક્ષેત્રમાં યુનિવર્સિટીની સતત સફર માટે એક નવો સંદર્ભ પોઇન્ટ છે.
આ સીમાચિહ્ન પારુલ યુનિવર્સિટીની વધતી આંતરરાષ્ટ્રીય ઓળખનું એક નવું પ્રકરણ છે તથા યુનિવર્સિટી સાથે આંતરરાષ્ટ્રીય ઉચ્ચ શિક્ષણના ક્ષેત્રમાં ગુજરાતની હાજરી માટે મહત્વપૂર્ણ ક્ષણ છે.
વડાપ્રધાન નરેન્દ્ર મોદીના ભત્રીજી દમયંતી મોદીના ૩૬૯ હીલવેલ ન્યુટ્રિશન સેન્ટરનો પ્રારંભ
પીએમ મોદીના નાના ભાઈ પ્રહલાદભાઈ મોદીના હસ્તે ઉદ્ઘાટન, ન્યુટ્રિશન અને વેલનેસ અંગે લોકોમાં જાગૃતિ ફેલાવવાનો સંસ્થાપકનો સંકલ્પ
સુરત: ન્યુટ્રિશન અને વેલનેસ અંગે લોકોમાં જાગૃતિ લાવવાના ઉદ્દેશ સાથે ઉમરા ગામ સ્થિત ગોવિંદ પાર્ક જી સોસાયટીમાં ૩૬૯ હીલવેલ ન્યુટ્રિશન સેન્ટરનો પ્રારંભ કરવામાં આવ્યો છે. સેન્ટરની સંસ્થાપક દમયંતી વિકાસ મોદી છે. તેઓ વડાપ્રધાન નરેન્દ્ર મોદીના નાના ભાઈ પ્રહલાદભાઈ મોદીની પુત્રી છે. સેન્ટરનું ઉદ્ઘાટન ૨૧ સપ્ટેમ્બરના રોજ સવારે ૯.૫૦ કલાકે પ્રહલાદભાઈ મોદીના હસ્તે કરવામાં આવ્યું હતું.
સેન્ટરની શરૂઆત વડાપ્રધાન નરેન્દ્ર મોદીના જન્મમાસ દરમિયાન તેમને સન્માન અર્પણ કરવા સાથે ન્યુટ્રિશન અને વેલનેસ અંગે સમાજમાં જાગૃતિ ફેલાવવાના ઉદ્દેશથી કરવામાં આવી હોવાનું દમયંતી મોદીએ જણાવ્યું હતું. તેમના જણાવ્યા અનુસાર, આજના સમયમાં જીવનશૈલી સાથે સંકળાયેલી વિવિધ આરોગ્ય સમસ્યાઓ અંગે લોકોમાં યોગ્ય પોષણ અને સ્વસ્થ જીવનશૈલી અંગેની સમજ વિકસાવવાની જરૂરિયાત છે.
દમયંતી મોદીએ જણાવ્યું હતું કે ડાયાબિટીસ, થાઇરોઇડ સહિતની જીવનશૈલી સાથે સંકળાયેલી સમસ્યાઓ અનેક પરિવારોમાં જોવા મળે છે. આવા સંજોગોમાં લોકોમાં સારા ન્યુટ્રિશન, યોગ્ય આહાર અને જીવનશૈલીમાં જરૂરી ફેરફારો અંગે જાગૃતિ લાવવી જરૂરી છે. આ વિચાર સાથે લોકોને સારા આરોગ્ય માટે માર્ગદર્શન મળે અને તેઓ સ્વસ્થ જીવનશૈલી અપનાવી શકે તે દિશામાં ૩૬૯ હીલવેલ દ્વારા પ્રયાસ કરવામાં આવશે.
– હેલ્થ, વેલ્થ સાથે હીલિંગનો અભિગમ
૩૬૯ હીલવેલ નામ પાછળના વિચાર અંગે દમયંતી મોદીએ જણાવ્યું હતું કે માનવીના જીવનમાં હેલ્થ અને વેલ્થ બંને મહત્વપૂર્ણ છે અને ‘હીલવેલ’ નામમાં આ વિચારને જોડવામાં આવ્યો છે. સારા ન્યુટ્રિશન સાથે હીલિંગ મોડાલિટીને જોડીને લોકો સુધી આરોગ્ય અને વેલનેસનો અભિગમ પહોંચાડવાનો પ્રયાસ છે. તેમણે વધુમાં જણાવ્યું હતું કે ‘૩૬૯’ શરીર, મન અને આત્માના સ્તરે હીલિંગના વિચારનું પ્રતિનિધિત્વ કરે છે. પોતાના હીલિંગ મોડાલિટી સાથેના અનુભવને આધુનિક વિજ્ઞાન અને ન્યુટ્રિશન સાથે જોડીને ૩૬૯ હીલવેલની શરૂઆત કરવામાં આવી છે. સેન્ટરનો મુખ્ય ઉદ્દેશ લોકોને ન્યુટ્રિશન અને વેલનેસ અંગે જાગૃત કરવાનો તથા સ્વસ્થ જીવનશૈલી અંગે માર્ગદર્શન આપવાનો છે.